“ANG KATOTOHANAN SA AKING SARILI” Naranasan mo na bang mapag-isa minsan? Yung kinikimkim mo lahat ng hinanakit mo? Kulang ayaw mong ipaalam sa iba kase ayaw mong may nag-aalala sayo kaya kahit mahirap kakayanin mo. Minsan nawawalan na ko ng tiwala sa sarili ko, pakiramdam ko ang hina-hina ko. Pero sa harap ng maraming tao, malakas at matatag ako na para bang wala lang, laging masaya kapag barkada ang kasama, kulitan kapag nasa bahay. Pero hindi nila alam na sa mga sandaling oras na iyon kahit papaano napapawi ang kalungkutan na nararamdaman ko. Kapag dumating na yung oras na mag-isa na naman ako, hindi ko mapigilan na huwag umiyak. Buti na lang nandiyan siya, kahit papaano nawawala yung sakit kase ramdam kong hindi niya ako pababayaan at ayaw niyang nakikita akong nahihirapan. Siya yung kaibigan ko, si JEHOVA. Hindi ko man siya nakikita pero napapagaan niya ang loob ko. Madalas ko siyang kinukwentuhan bago ako matulog. Pagkagising ko sa umaga, naisip ko na huwag mamuhay sa kalungkutan nandito tayo upang maging masaya gawin ang nais niya at abutin ang pangarap na nais mong maging na kasama siya. Gawing inspirasyon ang mga taong ngmamahal at nagmamalasakit sayo at sa mga taong mababa ang tingin sayo. Maraming taong nais kang pasayahin, huwag kang bumukod para lang alalahanin ang mga bagay na bumabagabag sa isip mo. Maraming dahilan para maging masaya ka. Hindi kayang bilhin nang kahit sino man ang ating kaligayahan. Dahil nasa sa atin kung paanong paraan tayo sasaya. Lahat tayo nakakaranas ng pagkabigo, napahiya, nadapa at natisod pero huwag tayong hihinto matuto tayong tumayo palagi. Gawin mo lahat ng bagay na nakapagpapasaya sayo kahit marami mang mga sagabal sa ating daraanan papunta sa ating paroroonan. Huwag tayong mawalan ng pag-asa. Gawing inspirasyon lahat ng naging karanasan natin, masaya man o hindi dahil ito ang magiging susi natin upang tayo ay magtagumpay. At pagdating ng panahon masasabi natin. Sa kabila ng lahat nagawa natin! Salamat sa lahat lalo na sa magulang naten na walang sawang pagsuporta upang makamtan natin ang matagal nating inaasam-asam na tagumpay! Diyos na Jehova, Maraming Salamat. Huwag sana tayong puro sa pangarap lang umasa, samahan din sana natin ng dasal, sipag, tiyaga’t inspirisayon. Dahil walang imposible pagdating kay Jehova.