Ang Nawala ay Di na Maibabalik Pangyayari 1 Palubog na ang araw ng makarating si Nang sa kanilang bahay. Maluha luha siya ng maaninag niya ang isang matandang lalaki na unti unting papalapit sa kaniya. Sinalubong rin siya ng isang asong nag ngangalang Chaw Dang. Tumatakbo papalapit ang matanda upang pag buksan si Nang. Nakita agad ng matanda ang putol na kaliwang kamay nito. Pangyayari 2 Pinagusapan ng pamilya ang patungkol saan at paano matatago at mapapaikot ang sampung libong baht na ibinigay ni Nang. Ang isa sa mga suhestiyon ay nang galing sa nakababatang kapatid ni Nang, ang sabi niya ay ipatago nalang ang pera sa kabesa, dahil sabi ng kanyang ina kung sa bangko ito itatago konting interes lamang ang makukuha nila. Pangyayari 3 Bumisita ang kabesa para bisitahin ang kamustahin si Nang. At para narin ipakita nito ang pakikiramay niya sa matinding pasakit na simapit nito sa pabrika sa bansang Bangkok. At binayaran lang siya ng Sampung libong baht pagkatapos ng nangyari sa kanya. Pangyayari 4 Sinabi ng ama ni Nang sa asawa niya na napaka bilis nitong magtiwala sa kabesa dahil walang atubili niyang ibinigay ang samoung libong baht sa kabesa ng walang tinatanong na opinion mula sa pamilya. Pangyayari 5 Nakahiga si Nang sa ilalim ng mainit na kumot ngunit siya ay gising pa. Hinaplos niya ang manggas na walang laman at biglang na alala ang “Aninong Demonyo”. Hindi mawala sa utak niya ang tunog ng makinarya sa pabrika at ang boses ng demonyong salarin sa nangyari sa kanyang kamay. Pangyayari 6 Nagulantang si Nang ng may biglang tumahol na aso mula sa labas, at nakarinig ng dalawang magkasunod na putok ng baril. Nanginig sa takot. Bahagyang napauga ang bahay. Pangyayari 7 Binuksan ni Nang ang pinto makaraang marinig ang boses ng inang nangangatal. Pagkabukas niya’y natanaw agad ang dalawang anino na kasunod lamang ng kanyang magulang at kapatid. May bitbit na mahahabang baril ang dalawa. Binuksan nila ang maleta, nag halungkat at kinalat ang mga gamit upang hanapin ang pera. Sinabi ni Nang na nasa kabesa ito. Pangyayari 8 Sa isang makitid na daan papuntang tarangkan nakita niyang nakahandusay ang kanyang lolo at si Chaw Dang na naliligo sa dugo. Niyakap niya ang kanyang lolo, suot- suot pa nito ang ibinigay niyang sweater na puro pulang dugo. Pangyayari 9 Inilabas ng kabesa ang pera mula sa sako ng bigas upang ipakita sa madaming tao. Sinabi niya sa ama ni Nang na mag tungo sa bayan kasama ng mga pulis para imbestigahan ang nagyaring pagkamatay ng kanyang lolo. Para narin ideposito ang pera sa bangko. Pangyayari 10 Nalibing na si Chaw Dang, kinabukasan ay sinunog na ang mga labi ng matanda. Tila ba walang nararamdamang lungkot ang mag anak sa mga pangyayari. Bukod tangi si Nang lang ang nag luluksa sa pag kamatay ng kanyang lolo. Palubog na ang araw, walang pag babago. Hindi niya alam kung anong susunod na gagawin niya, saan siya pupunta. Ang alam lang niya’y gusto niyang umalis at magpaka layo sa bahay na iyon at wag ng bumalik. Walang tigil ang pagdaloy ng luha ni Nang. Ang luha na dulot ng sakit na matagal na niyang kinikimkim mula pa noong dumating siya sa bahay.