INTRODUKSYON

Ang pag-inom ng alak, isang napaka-karaniwang karanasan para sa isa Pilipino. Mapababae o lalaki, bata o matanda, halos lahat yata ng mga Pilipino ay umiinom ng alkohol. Bakit nga ba marami ang umiinom? At bakit parang pabata ng pabata yata ang natututong gawin ito? Tama bang ang alak ay nakakabawas ng problema? At bakit nga ba ang hilig uminom ng Pilipino? Bakit isinasabay sa problema ang pag-inom ng alkohol? Ano nga ba ang mas naidudulot nito, masama o maganda? Ano nga ba ang nagtutulak sa mga kabataan ngayon sa pag-inom. Ito siguro ang mga tanong na umiikot sa utak ng isang taong hindi umiinom.
Hindi ba nakapagtataka na sa lahat ng okasyon ay perfect attendance ang alak. Minsan nga tayong mga Pilipino ay umiinom ng walang dahilan. Lalo na ang mga matatanda. Halos ginagawa na nilang tubig ang alak. Ang mga Pilipino talaga ay hidi mapakali kapag walang ginagawa. ‘Yan tuloy ang nagiging hobby na ng halos lahat ng Pilipino, ang pag-inom. Isa pa, kahit na hindi masarap ang lngunit sa tingin naming asa ng alak ay mahilig pa rin tayo ditto. Siguro dahil ito sa “tama” na nadadala ng pag-inom ng maraming alak. Hindi rin mawawala ang all time partner ng alak, ito ay ang pulutan.
Kaya namin ito napili. Upang madagdagan an gaming kaalaman tungkol sa bagay na ito, dahil kami mismo ay ginagawa ito. Isa pang dahilan ay para mabigyang linaw naming ang bagay na ito sa mga taong hindi umiinom ng alkohol. Mayroon na kaming konting kaalaman tungkol dito, ngunit sa tingin namin ay kulang pa ito, marami pang bagay ang gusto namin malaman tungkol sa pag-inom.

PAGLALAHAD NG SULIRANIN

Ang pananaliksaik na ito ay naglalayong maipabatid sa mga kabataan ang masamang epekto na maidudulot ng pag konsumo ng alak sa di tamang paraan at ang magiging sanhi ng kanilang pag inom at ito rin ay naglalayong masagot ang mga sumusunod nakatanungan:

1. Sinu-sino ang mga kalahok sa pag-aaral? Mga estudyante ng CLDH EI
2. Anu-ano ang masamang epekto ng pag inom ng sobrang alak sa mga kabataan sa mga sumusunod:

A. Kalusugan Ito ay nakakasira ng ating atay o liver at mga bato o kidneys.

B. Pag-aaral Ito ay nakakaistorbo sa pag aaral dahi una sa lahat ang alak ay isang depressant nag dudulot ng pagkahilo. Ito ay nakakasira ng pag aaral dahil nawawala ka sa iyong sarili pag ikaw ay nakainom ng maraming alak.

C. Pakikipag-ugnayan (Ito ay nakalakas ng loob sa pakikipag usap ngunit hindi mo masyado kontrolado ang sitwasyon dahil sa mga epekto ng sobrang pag inom ng alak. Maraming mga tao ang nasasangkot sa krimen tuwing nasosobrahan ang paginom nila ng ALAK.

KAHALAGAHAN NG PAG-AARAL

Ang kahalagahan ng pag-aaral ay makukuha ang nais mong malaman at nakakasiguro na ito’y tama sa dahilang ito’y napag-aralang mabuti, na-obserbahan, at napatunayan. * Madagdagan ang kaalaman tungkol sa bagay na ito. * Mabigyang linaw ang mga bagay na ito sa mga taong hindi umiinom ng alkohol. * Malaman ang mga epekto nito sa kalusugan. * Mamulat sa katotohanan na pabata ng pabata ang nahuhumaling sa alak.

SAKOP AT LIMITASYON Ang pananaliksik na ito ay nakatuon lamang ukol sa mga nakalap na impormasyon mula sa mga estudyante sa kolehiyo ng Central Luzon Doctors’ Hospital Educational Institution. Hindi kabilang dito ang mga mag-aaral na nasa Paunang- Elementarya, Elementarya, at Mataas na Paaralan ng nasabing institusyon. Nakapaloob din sa pananaliksik na ito ang mga sanhi at epekto ng pag-inom ng alak. Makikita din sa pananaliksik na ito ang mga mahahalagang aral para sa mga Pilipino higit sa lahat sa mga kabataan.

DEPINISYON NG MGA TERMINO

Alak- isang uri ng inumin na may halong katas ng ubas at espiritu ng alkohol.
Alkohol- ang isang inuming alkohol ay isang inuming mayroong ethanol (karaniwang tinatawag na alkohol, bagaman sa kimika, kabilang sa iba pang maraming kompuwesto ang kahulugan ng alkohol).
Kabataan- na tinatawag ding tinedyer, tin-edyer, adolesente, o lalabintaunin ay ang panahon, edad, o gulang na nasa pagitan ng pagiging isang bata o kilaw at hustong adulto, o kaya ang yugto ng panahon kung kailan ang isang tao ay biyolohiyal o pisikal na adulto subalit emosyonal o makapandamdaming hindi pa husto ang maturidad
Kimika- agham tungkol sa mga elemento at compound (kumpwesto) at kung ano ang gawain ng mga ito. Ito ang pag-aaral ng mga bagay na bumubuo sa ating katawan at ng mundong ating ginagalawan.
Pananaliksik- proseso ng paghanap ng mga totoong impormasyon na humahantong sa kaalaman. Isinasagawa ito sa pamamagitan ng paggamit ng kung ano ang nalalaman o napag-alaman na.
Pulutan- salitang ginagamit ng mga manginginom o "lasinggero". Ito ang mga pagkain na kinakain ng mga manginginom habang umiinom ng alak. Maaari din na katumbas ito ng salitang Ingles na finger food o mga pagkain na kinukutkot.

KAUGNAY NA LITERATURA
Makata, Alak, at Bulaklak
Para sa mga sinaunang Greeks, ang alak mismo ay nakakalasing. Pero sa mga sinaunang Tsino, ang alak mismo ay hindi sapat. Nalalaman ng iyong mga may malalimang pagka-unawa sa kausaliang klturang Tsino na dapat isama ang mga bulaklak sa alak para mapatingkad nang lubos ang papel ng huli. Naiwan ng mga kilalang sinaunang makatang Tsino ang mayamang pamana ng mga tula, na nagsisilbing saksi sa perpektong kombinasyon ng alak at bulaklak. Ang masarap na alak, nakaaantig-damdaming tula at namumukadkad na bulaklak ay ang tatlong di-mawawalang bagay para sa mga tradisyunal na intelektuwal na Tsino.
Pag napainit na ang mga makata ng alak, pumupukaw ang mga bulaklak ng kanilang katalinuhan at imahinasyon at tuluy-tuloy na ibinubukal parang bumubulbok na batis ang mga mapakagandang taludtod. Di-pangkaraniwan para sa isang sinaunang makata na sa kanilang tula ay walang taludtod hinggil sa mga bulaklak. Para sa mga makata, ang alak at bulaklak ay ipahayag nila ng simbuyong damdamin.
Ang mga konserbatibong makata, na nalasing sa perpektong kombinasyon, ay may tendensyang gawin ang maganda at di-kombensyunal na komparasyon sa kanilang tula ng bulaklak tungkol sa pagmamahal, romansa o kahit na pagkapoot. Si Li Bai o Li Bo, pinakamatalinong makata ng Tang Dynasty, ay kinilala bilang Bathala ng Alak dahil bilang siya sa alak,at kadalasan ay hindi makakapigil siya sa kanyang sariling humabi ng mga tula pagkainom ng alak Samantala, itinuturing din siyang God of Peony dahil sa kanyang mga magagandang tula tungkol sa bulaklak na ito.
Minsan, hiniling daw ni Emperador Xuanzong kay Li Bai na makisama sa kanya at paborito niyang kalunya na si Yang Yuhuan sa isang bangketeng idinaos sa peony season. Habang umiinom ng alak na kasama ng minamahal niyang babae at nag-eenjoy ng magandang tanawin ng namumukadkarang peony, nadarama ng emperador na hindi mabuti kung aawit ang bandang imperiyal ng mga lumang tula, kaya hiniling niya kay Li Bai na kumatha ng tatlong bagong tula at hindi binigo ang emperador ng henyong ito ng tula. Si Li Bai na nagkalango na bahagya, ay gumawa ng kakaibang may tugmang tula na inihahambing niya ang kariktan ng kalunya ng emperador sa mga magagandang peony, bagay na hindi lamang ikinasiya ng emperador at kanyang kalunya, kundi nagpakita rin ng kanyang katalinuhang pampanitikan. Lubos na natuwa ang emperador kaya inutusan niya ang imperyal na banda na maglapat ng tugtugin sa mga tulang iyon, at siya mismo ay tumugtog sa kanyang plautang jade.
Ang panonood sa bulaklak nang kawalan ng alak ay nakaaantok samantalang ang pag-iinom ng alak nang kawalan ng bulaklak ay nagpapabigat ng mga talukap ng mata. Ganito ang sinasabi ng isang sinaunang salawikaing Tsino. Bagama't labis ito marahil, sinasalamin nitong kung gaanong nag-eenjoy ang mga tao ng bulaklak at alak, mga pamilyang royal man o mga ordinaryo.
KAUGNAY NA PAG-AARAL

Paksa: “Ang Pataas Ng Bilang Ng Mga Kabataan Na Nalululong Sa Alak”, Isang Pag-Aaral.

Ang alak ay ang tinuturin na “drug of choice” ng kabataan. Maraming kabataan ang nagdurusa sa sobrang paginom ng alak, sa murang edad. Bilang resulta lumalaki ang problema ng mga bansa tungkol sa kalusugan.
Kada taon tinatayang 5,000 kabataan na may edad na hindi bababa ng 21 ang namamatay dahil kalasingan; kabilang dito ang humigit kumulang na 1,900 na namamatay dahil sa aksidente sa motor, 1,600 dahil sa “homicides”,300 dahil sa pagpapakamatay, at daan-daang pinsala dahil sa pagkalasing ng mga tao ang naitatatala.

Subalit patuloy pa rin ang pagtaas ng bilang ng mga kabataan na umiinom ng alak ayon sa mga pag-aaral. Ayon sa sa mga datos ng “Monitoring the Future(MTF)” nuong taong 2005 sa U.S. ay 11 porsiyento ng 8th grade, 22 porsiyento ng 10th grade at 29 porsiyento ng 12th grade ang umiinom ng alak.

PAGLALAHAD AT PAGSUSURI NG DATOS

Ang mga nakalap na datos sa pag-aaral na ito ay nakatala sa pamamagitan ng grap upang maipakita ang bilang ng mga naging kasagutan ng mga kinapanayam ukol sa bisyong pag-inom ng alak.

1. Bahagdan ng respondante na naranasan nang uminom ng alak.

Sa dalawampu’t walong (28) mga estudyanteng tagasagot, dalawampu’t anim (26) ang nakaranas nang uminom ng alak habang dalawa (2) lamang ang hindi.

2. Bahagdan kung kalian nagsimulang uminom ng alak ang mga respondante

Sa dalawampu’t walong (28) estudyanteng tagasagot, walang nagsimulang uminom kanina, isa(1) ang natuto kahapon, sampu(10) ang natuto noong nakaraang taon at labimpito(17) ang natuto sa ibang pang araw o taon.

3. Bahagdan kung anong edad natutong uminom ng alak ang mga respondante

Sa dalawampu’t walong (28) estudyanteng tagasagot, isa(1) ang nagsimula sa edad na labingdalawa(12), siyam(9) sa edad na labing-anim(16), anim(6) sa edad na labingwalo(18) at labingdalawa(12) ang nagsimula sa iba pang mga edad.

4. Bahagdan kung kanino natutong uminom ng alak ang mga respondante.

Sa dalawampu’t walong (28) estudyanteng tagasagot, labing-siyam (19) ang natuto sa mga kaibigan, anim(6) ang natuto lamang sa sarili, isa(1) ang natuto sa kapitbahay at dalawa(2) ang natuto sa mga magulang.

5. Bahagdan kung anong alak ang madalas inumin ng mga respondante.

Sa dalawampu’t walong (28) estudyanteng tagasagot, dalawa(2) ang madalas uminom ng gin, labing tatlo(13) ang madalas uminom ng beer, anim(6) ang madalas uminom ng vodka, walang madalas uminom ng rum at pito(7) ang madalas uminom ng wine.

6. Bahagdan ng mga respondante na nagsabing masarap ang alak.

Sa dalawampu’t walong (28) estudyanteng tagasagot, labimpito(17) ang nagsabing masarap ang alak at labing-isa(11) ang hindi.

7. Bahagdan kung saan madalas uminom ng alak ang mga respondante.

Sa dalawampu’t walong (28) estudyanteng tagasagot, labing-apat(14) ang madalas uminom sa bahay, dalawa(2) sa tindahan, walo(8) sa bar at apat(4) sa iba pang lugar.

8. Bahagdan kung tuwing kailan umiinom ng alak ang mga respondante.

Sa dalawampu’t walong (28) estudyanteng tagasagot, walang umiinom ng alak araw-araw, dalawampu’t lima(25) ang umiinom tuwing may okasyon at tatlo(3) ang umiinom sa ibang mga pagkakataon.

9. Bahagdan ng dahilan kung bakit napasok ng mga respondante ang bisyong pag-inom ng alak.

Sa dalawampu’t walong (28) estudyanteng tagasagot, dalawa(2) ang umiinom ng alak dahil sa problema, labing-lima(15) ang dahil sa mga kaibigan at labing-isa(11) ang dahil sa sarili.

10. Bahagdan ng mga respondanteng alam na ito’y isang uri ng bisyo.

Sa dalawampu’t walong (28) estudyanteng tagasagot, dalampu’t anim(26) ang may alam na ito ay isang uri ng bisyo at dalawa(2) ang hindi.

11. Bahagdan ng mga respondante na ang pag-inom nila ng alak ay alam ng kanilang mga magulang.

Sa dalawampu’t walong (28) estudyanteng tagasagot, labingwalo(18) ang alam ng kanilang mga magulang na sila’y umiinom ng alak at sampu(10) naman ang hindi.

12. Bahagdan ng mga respondante na alam na ito ay masama sa katawan.

Sa dalawampu’t walong (28) estudyanteng tagasagot, dalawampu’t pito(27) ang may alam na ito ay masama sa katawan at isa(1) ang hindi nakakaalam.

13. Bahagdan ng mga respondante na may balak tapusin ang bisyong ito.

Sa dalawampu’t walong (28) estudyanteng tagasagot, dalawampu’t tatlo(23) ang may balak tapusin ito at lima(5) ang walang balak.

14. Bahagdan ng respondante na maaalis an gang bisyong ito.

Sa dalawampu’t walong (28) estudyanteng tagasagot, walo(8) ang maaalis pa ang bisyong ito at dalawampu(20) ang hindi.

15. Bahagdan ng respondante na nagsisising natutunan ang bisyong ito.

Sa dalawampu’t walong (28) estudyanteng tagasagot, pito(7) ang nagsisisi dahil natutunan ang bisyong ito at dalawampu’t isa(21) ang hindi.

REKOMENDASYON

Ayon sa aming masusing pagsasaliksik, at pagkalap ng mga impormasyon ukol sa isyu ng kaugnayan ng Alak sa buhay ng mga Kabataan ngayon, may mga nais kaming imungkahi upang matigil o mabigyan ng limitasyon ang pagkalulong sa alak hindi lamang ng mga kabataan kundi pati na rin sa lahat. 1. Ang ating gobyerno ay maaaring bumuo ng isang batas ukol sa moderasyon ng pag-inom ng alak. 2. May maaari ring maitulong ang mga magulang, o nakakatanda. Sila dapat ang magsilbing gabay at magandang haliwbawa sa kanilang mga anak, o sa mga menor de edad. 3. Bumuo ng mga organisasyon na pakapagbibigay ng sapat na kaalaman ukol sa dulot ng alak sa katawan at sa buhay ng bawat isa. 4. Magkaroon ng disiplina sa sarili. Kung alam na ng isang indibidwal ang mga dulot nito, at maaaring magawa ng Alak, hindi na dapat pa ipagpatuloy ang pag-inom.

BIBLIOGRAPIYA

http://tl.wikipedia.org/wiki/Inuming_alkohol http://tl.wikipedia.org/wiki/Alak http://tl.wikipedia.org/wiki/Pananaliksik http://www.oppapers.com/essays/Paksa-Ang-Pataas-Ng-Bilang-Ng/576190 http://tl.wikipedia.org/wiki/Kimika http://filipino.cri.cn/1/2005/10/11/2@27387.htm http://tl.wikipedia.org/wiki/Lutuing_Pilipino http://tl.wikipedia.org/wiki/Kabataan MGA LARAWAN