Mga bakla at lesbyan: Dalawang panayam

Dahil sa patakaran ng Partido kontra sa diskriminasyon sa usapin ng kasarian, puspusan ang mga kasamang may ibang piniling kasarian sa pag-aambag ng kanilang lakas, talino at kakayahan sa pagsusulong ng rebolusyon at pagiging huwarang mga rebolusyonaryo sa iba’t ibang larangan ng gawain. Kabilang dito sina Ka Leslie at Ka Kurt, kapwa bakla, at kasaping Regional Medical Staff ng Southern Mindanao Region. Kabilang sila sa mga Pulang mandirigma na nasa gitna ngayon ng maigting na pakikidigmang gerilya laban sa todong pasistang pananalakay ng rehimeng US-Aquino laban sa rebolusyonaryong kilusan sa Mindanao.
Si Ka Leslie ay nakapagtapos na ng abanteng kursong medikal. Galing siya sa sektor ng kabataan. Mula naman sa uring malaproletaryo si Ka Kurt na itinuturing.praktisyuner. at kabilang sa tim ng mga rebolusyonaryong duktor na naglulunsad ng mga klinikang bayan sa rehiyon. Tulad ng maraming bakla, nahirapang magbukas si Ka Kurt dahil sa takot niya sa magiging reaksyon ng kanyang pamilya. Pero sa tulong ng mga kasama sa kinikilusan niyang komunidad, nagkaroon siya ng sapat na lakas ng loob para ipabatid ang kanyang oryentasyong sekswal. Sa takot na mawalan siya ng kredibilidad at sa posibleng diskriminasyon, hindi nagawa ni Ka Leslie na makapagbukas sa pinanggalingang sector tungkol sa kanyang kasarian. Pero nang sumapi siya sa BHB, nagdesisyon siyang ibukas ang pagiging bakla para igpawan ang suhetibong pag-aalala at palayain ang sarili sa mga pag-aalinlangan. Laking tuwa niya nang malugod natinanggap hindi lamang ng mga kasamang mandirigma kundi pati ng pinanggalingang sektor, ang kanyang pagbubukasng tunay niyang oryentasyong sekswal.Ayon sa dalawa, pana-panahonay nakararanas pa rin sila ng diskriminasyon. Gayunpaman, ito ay sa maliliit na bagay at kaagad namang naitutuwid sa pamamagitan ng mga pagtatasa at pagpupuna at pagpupuna-sa-sarili. Ang mahalaga, ayon sa kanila, hindi nililimitahan ang kanilang kakayahan at mga oportunidad para makapagsilbi bilang mga rebolusyonaryo. Mahigpit na pinanghahawakan kapwa nina Ka Kurt at Ka Leslie ang kanilang mga tungkulin sa loob ng BHB. Itinuturing nilang sukatan ng mataas na respeto at kumpyansa ng mga kasama ang pagbibigay sa kanila ng angkop na mga tungkulin batay sa kanilang kakayahan nang walang pagtatangi sa kanilang kasarian.
Itinuturing nina Ka Kurt at Ka Leslie bilang indibidwal na paglaya ang pagbubukas at pagtanggap sa kanila ng mga kasama bilang mga bakla. Nakahulagpos sila sa mga prehudisyal na pananaw at diskriminasyon sa burgis na lipunan at tinatamasa nila ang demokrasya at pagkakapantay-pantay na kayang ipagkaloob ng rebolusyonaryong kilusan. Sa kanilang pananaw, itinaas ng Partido ang halaga ng mga bakla sa lipunan matapos nito upisyal na kilalanin at tiyakin ang paggalang sa mga karapatan at kagalingan ng mga bakla. Kahit kapwa walang karelasyon sa kasalukuyan, sapat na sa kanila na kinikilala ng Partido ang kanilang karapatang makipagrelasyon at magpakasalkaninuman, basta’t gusto rin ng nililigawan nila, at walang nalalabag na mga pamantayan. Anila, sapat din ang tuntunin ng Partido na aalagaan at ipagtatanggol nito ang mga relasyon ng mga baklang mag-asawa, tulad ng pag-aalaga nito sa mga relasyong heterosekswal. Itinataguyod ng Partido ang institusyon ng kasal sa pagitan ng mga kasamang bakla, lesbyan, bisekswal at transgender. Kabilang dito ang kasal atrelasyong mag-asawa nina Ka Zima at Ka Delphie, kapwa lesbyan na kumikilos sa hayag na kilusang masa sa Metro Manila. Umusbong ang pag-iibigan nina Ka Zima at Ka Delphie sa loob ng rebolusyonaryong kilusan. Simula’t sapul, ani Ka Zima, malinaw na sa kanilang dalawa na ang rebolusyon ang batayan ng kanilang pagmamahalan. Pangunahin niyang itinuturing si Ka Delphie bilang kasama, at sekundaryo, bilang bukod-tangi niyang karelasyon. Sa pinakaubod, walang pagkakaiba ang pagtuturingang ito sa makauring pag-iibigan ng babae at lalaki. Maagang naorganisa sa progresibong kilusan si Ka Zima at sa loob nito siya nakipagtunggali sa mga pananaw at pagtanggap sa kanyang kasarian. Aniya, ang kilusan ang nagmulat sa kanya na ang pagpapahayag sa kanyang pagiging lesbyan ay bahagi ng pakikibaka sa lahat ng anyo ng diskriminasyon at pang-aapi. Natutunan niya na hindi dapat pinagbabangga ang paggagap sa mahahalagang isyu sa lipunan at rebolusyon sa paggagap sa mga isyu at ipinaglalaban ng mga lesbyan at bakla na dulot din naman ng umiiral na reaksyunaryong lipunan. Sa kabilang banda, hindi naging malaking usapin kay Ka Delphie na nagkakagusto siya sa kapwa babae. Naging madali para sa kanya ang magpahayag ng sarili at umamin sa mga kapamilya at kaibigan. Aniya, dala ito ng naabot niyang kamulatan at tiwala na hindi naiiba ang pananaw ng Partido sa mga relasyon ng magkaparehong kasarian.