Simula pagkabata, iilan lang sa atin ang hindi dumaan sa pagbabasa ng story book.
Snow White, Cinderella, Sleeping Beauty at kung sino pang princess ang hinangaan natin.
Pero sigurado ka ba na gusto mong maging katulad nila?
Magulo ang buhay at maraming kontrabida
Sa tingin mo, happy ending din ang kahahantungan ng love story mo?
This is my story, when I once experienced to be as his princess …
But, where is my prince charming now?

“Daryl!” tinignan ko lang siya. Halatang nagulat siya sa ginawa ko.
“What the hell! What did you do?! Bakit mo pinunit ‘to?” pinulot niya isa-isa yung piraso ng papel.
“Do I have to explain? Nabasa mo na ba ‘yang piece of shit? Parang ikaw, you’re a junk!” padabog akong lumabas ng room namin.
Bakit ang mga babae ang weird mag-isip? Napaka hopeless romantic. Too bad for them, walang gamot sa ganun.
Prince Charming, Prince Charming pang nalalaman. Corny talaga. Nagpunta muna ako sa library, baka sakaling lumamig ulo ko dito. Hindi mahirap maging president ng Drama Club, ang mahirap lang ay yung kung paano mo ihahandle yung mga nasasakupan mo, like Johanna in my group, dinadamay ang pagiging hopeless romantic sa pag-aaral.
Umupo ako sa pinakadulong table.
“Ang dami na talagang iresponsableng estudyante ngayon” tama bang iwan ‘tong libro sa lamesa at isang bote na hindi ko alam kung anong laman. Tss.
“Come out of the bottle” weird ng name ng libro sino naman kay-
“Shit!” biglang uminit yung bote. Damn it! Napalingon ako sa paligid, I forgot nasa lib-
Wait. Nasaan yung mga tao? Pati yung librarian wala din. Something’s not right in here teka nananaginip ba-
*Yawn*
“Oh shit!” bigla akong napalingon sa ---
“Hello! ^_^”
“Te-teka! Sino ka?” sa pagkakatanda ko, wala naman ‘tong babaeng ‘to kanina dito ha?
“I’m Mae Glenda Fe Catubig, nice meeting you Daryl Norman Rexon”
“How come did you know my name!?”
“ Aish pwede ba hindi ako bingi kaya huwag kang sumigaw diyan. Paano ko nalaman name mo? Simple lang” bigla siyang ngumuso pointing to my i.d. ah nabasa niya pala.
“Siguro ikaw nakaiwan netong libro at bote noh? Pwede ba sa susunod maging responsable ka. Oh eto, basura mo tapon mo” binigay ko sa kaniya yung libro at bote at lumabas ng library. Napatingin ako sa kamay ko, wala namang paso or something pero bakit biglang uminit yung bote kanina? Crazy Daryl, imagination mo lang yan.

******
“What? Nasaan si Jamaica? Hindi niya ba alam na ngayon ang rehearsal natin ha?!”
“Eh Daryl, nagtext siya sa akin may sakit siya”
“Sakit? Well I don’t care, alisin niyo na siya sa listahan at maghanap ng papalit sa kaniya”
“What? Seryoso ka ba?” tanong ni Johanna
“Mukha ba akong nagbibiro ha? dapat ngayong araw may mahanap na kayo kung hindi mananagot kayo sa akin”
“Pero wala na tayong oras! Magpapa audition pa tayo eh almost a week na lang natitira sa atin!” sabi naman ni Kay.
“Kaya nga sinabi ko diba maghanap na kayo ng papalit kay Jamaica pero anong ginagawa niyo? Tumutunganga pa kayo diyan! go! Mamayang 1pm meeting ulit natin at pag wala kayong nahanap sasabihin ko sa mga teacher niyo na ibagsak kayo sa subjects niyo” nakakamatay yung titig nila sa akin pero wala akong pakielam, ako ang masusunod dito. Ang batas ko, sa ayaw at sa gusto nila yun ang masusunod.
Tok tok
“Come in” narinig ko ang pagbukas at pagsara ng pintuan, maging ang ilang hakbang na alam kong papalapit sa akin.
“Daryl Norman” ang boses na yun.
“Anong ginagawa mo dito?” si Ms. Library, I forgot her name.
“Narinig ko kailangan mo ng papalit kay Jamaica kasi may sakit siya. Pwedeng ako na lang?” napatitig ako sa kaniya saglit.
“Are you kidding me? Ikaw? Sa itsura mong yan? Alam mo ba kung anong gaganapin next week ha?” tanong ko sa kaniya.
“Oo, theater play ‘diba? Sige na ako na isali mo please? Gustong gusto ko talagang sumali sa mga play eh” pagmamakaawa niya.
“Hindi kami naglalaro dito, okay? we have to do this right dahil pangalan ng school ang nakasalalay dito kaya pwede ba lumabas ka na ng room” napayuko siya na akala mo luging lugi at natalo sa lotto saka tumalikod at naglakad, pagkabukas niya ng pintuan bigla siyang nagsalita.
“Alam kong kakailanganin mo din ako, Daryl Norman” at saka siya tuluyang lumabas ng pintuan. The heck, baliw na ata ang babaeng yun.
1:00 pm
“Eto na yung listahan ng mga gustong sumali” sabi ni Johanna saka binigay sa akin yung listahan, almost 20 ang nakalista dito, pwede na siguro ‘to.
“Okay, Harold paki-inform si Mr. Lokis na gagamitin natin yung gym para maumpisahan na ‘tong audition. Johanna and Kay paki-inform tong mga nakalista dito na pumunta sila ng 2:00pm sa gym.”
Akala ko sa 20 na yun may mapipili kami -______________- pero mukhang mga tuod naman ang mga yun!
“Next!!” padabog kong nilapag yung ballpen sa lamesa. Nag-iinit na naman ulo ko!
“Wala na, Daryl”
“Shit!” tumayo ako saka huminga ng malalim.
“A-ano ng gagawin natin?” kabadong tanong ni Kay.
“Kasalanan ‘tong lahat ni Jamaica, kung hindi siya nagpabaya edi sana-“
“Daryl! Daryl!! May gusto pang sumali!!” lahat kami napatingin kay Johanna na kasama si ---
“Hi Daryl Norman! Sabi ko sa’yo gusto kong sumali eh!” bigla niyang tinuro yung stage “Doon ba ako magau-audition? Yehey!” para siyang bata! Tumingin ako kay Johanna na nag peace sign sa akin. Okay! wala naman akong magagawa, pag eto pumalpak talaga malalagot silang lahat sa akin!
“Okay! basahin mo yung script na nasa folder then in 5 minutes saka mo sabihin yan without reading the copy. Jerome, get in your position” nakangiti siya habang binabasa yung script, hindi kay magmukhang baliw yung female lead character just in case makuha niya yung role? Nilapag na niya yung folder saka huminga ng malalim. Nakatingin lang siya sa akin.
“On cue! Lights, Camera, Action!” lumapit siya kay Jerome na nakahiga sa isang kama. Ang eksena malala na ang lagay ni Jerome dahil sa pakikipaglaban sa giyera, he’s a soldier.
“Marco” pagkaraan ay hinawakan ni Ms. Library yung kamay ni Jerome “Wag kang bibitaw, aking mahal. Huwag mo akong iiwan”
“Ang galing niya” manghang-manghang sabi ni Kay, pumatak lang yung luha magaling na agad? Psh.
“Diba may pangako tayo sa isa’t-isa? Hindi ba’t sabi mo hindi mo ko iiwan at mamumuhay tayo ng malayo sa lugar na ito? Nakausap ko na si Amang Hari, pumayag na siyang-“ napaupo siya sa sahig, teka wala naman ‘to sa script ha?
“Pumayag na siyang magkasama tayo pero bakit nangyari pa ito, Marco. Kung hindi sana’y nung una pa lang pinaglaban na kita hindi mangyayari ang ganito. Kaya nagmamakaawa ako sa’yo aking mahal, lumaban ka. Para sa akin, para sa amin ng magiging anak natin” ilang minuto at tahimik pa din sa buong gym, wala kang maririnig kung hindi ang pag-iyak niya.
Ramdam mo ang sakit.
Inangat niya yung ulo niya saka tumingin kay Jerome na may halong lungkot at sakit. Isa –isa silang pumalakpak hanggang sa lahat na ng taong nakapanuod sa kaniya ay pinapalakpakan na siya, maliban sa akin.
Tumayo siya at tumingin sa paligid saka ngumiti at nag-bow.
“So Daryl. Siya na ba papalit kay Jamaica?” narinig kong tanong ni Johanna. Tumayo na ako saka kinuha yung bag ko.
“Yeah”
******
“Kailangan ba talaga yan ha Daryl Norman?!”
“Oo kaya pwede ba huwag ka ng makipagtalo kundi yang dila mo ipapagupit ko!” tumingin ako sa parlorista “sige na ate, gupitan mo na yan at pag umangal pa isama mo na yung dila niya” Nag pout lang siya bigla. Ang isip bata talaga. Lumabas muna ako ng parlor, nakakainip. Hindi dapat ako ang kasama ng babaeng ‘to eh! Habang naglalakad bigla akong may nakitang hindi kanais-nais.
Si Andrea.
“Hi Norman!” masayang bati ni Andrea.
“Hi” tumingin ako kay Philip, yung boyfriend niya.
“Bakit kaya sa school hindi tayo nagkikita? Haha! Sino pala kasama mo?” tanong ni Andrea.
“Yung pinsan ko, sinamahan ko lang siyang magpagupit”
“Ganun ba, improving ka na ha dati hindi mo sinasamahan si Molly. Hehe, ui sige una na ako ha? kita na lang tayo somewhere” she leaned closer hanggang sa mahalikan niya ako sa pisngi and after that they left.
Hindi ka pa din nagbabago, Andrea.
“HUY!!”
“Oh shit!”
“Yung dila mo ata dapat ipaputol kasi mura ka ng mura! Teka nga, sino ba tinitignan mo ha?”