FOREVER Si Jack ay isang simpleng tao na may simpleng pangarap sa buhay ang makahanap ng babaeng mamahalin nya at mamahalin sya habang buhay. “NGSB”, No Girlfriend Since Birth, sumpa daw para kay Jack, hindi nya alam kung bakit sa lahat ng babaeng niligawan nya ay wala kahit isa ang sumagot sa kanya. Hindi naman sya panget, wala naman syang B.O, at hindi naman boring kasama, pero hindi talaga sya magka-girlfriend. Nakatapos si Jack ng college sa kursong Computer Science at ngayon ay may trabaho na sya sa isang maliit na kompanya. Isa siyang assistant programmer, masipag si Jack kaya kalimitan syang napupuri ng kanyang boss at kahit ng kanyang mga katrabaho. Nasa ikatlong palapag ang opisina ng mga I.t at Software Staffs. Sa tuwing papasok si Jack ay lagi nyang napapansin ang babaeng sumasalubong at bumabati sa kanila ng “Good Morning!” sa may lobby. Maganda, palangiti, maamo ang mukha, maputi, hanggang balikat ang buhok, at talaga namang nakakaakit. Kaya hindi maikakaila ng madaming nagkakagusto sa kanya kahit mga katrabaho ni Jack na mga lalake ay may gusto din sa babaeng ito. “Hoy Jack!” tawag ni Christoff, kaopisina ni Jack at malapit na kaibigan. “oh bakit?” sagot ni Jack. “Kilala mo ba yung babae dun sa may lobby yung maganda?” tanong ni Christoff. “Hindi eh, bakit?” sagot naman ni Jack. “Grabeng ganda nya tol no? Maputi, makinis ang kutis parang pang Ms. Universe! Tol sa tingin mo bagay kaya kami?” “Ha? Eh! Siguro pero parang suplada tsaka baka may boyfriend na yun!” sagot naman ni Jack. “Sus ikaw naman oh, edi tanungin natin! Ano mamayang luch break baba tayo tapos tanungin natin sya?” yaya naman ni Christoff. “Ha, yoko nga ikaw nalang, nahihiya ako eh.” Pagtanggi ni Jack. “Kaya ka hindi nagkaka girlfriend eh napakamahiyain mo talaga!, dali samahan mo nalang ako at wag kang tatanggi!”. Hindi na nakasagot si Jack at tinuloy nalang ang kanyang ginagawa. Pero sa totoo lang ay gusto nya ding malaman ang pangalan ng babaeng ito dahil noon pa man ay may gusto na nga sya dito. 12:00 pm, lunch break na. Hinila ni Christoff si Jack pababa. Nagulat si Jack, “Hoy anu ba hindi ko pa tapos yung pinapagawa sakin ni Boss!, san ba tayo pupunta?” tanong ni Jack. “Mamaya mo na tapusin yun at lunch break na naman eh, dun tayo sa lobby diba tatanungin natin si miss beautiful!” sagot ni Christoff. “Anong natin eh ikaw lang naman ang may gusting magtanong dun!” “Naku naman wag k ng tumanggi and I’m sure gusto mo din namang malaman kung may boyfriend na ba yun!” sabi ni Christoff. “Hindi nu!” sagot ni Jack. “Weeh, kunwari ka pa, oh sige ganto nalang, samahan mo ako at ako nalang ang magtatanong at magpapakilala, ok!”. Nakarating na sila sa lobby at wala dun yung babae kaya napagpasyahan nilang pumunta nalang sa canteen. Nakita nila ang babae na nasa isang table sa dulo at mukhang walang kasama kaya pinuntahan nila ito at tinanong kung may kasama syang kumain. Walang kasama ang babae kaya tinanong ni Christoff kung pwede bang makisabay, pumayag naman ang babae. “Ay teka lang order muna ako, ikaw Jack anong gusto mo?” tanong ni Christoff. “Yung oorderin mo yun nalang din ang akin.” Sagot ni Jack. Hindi makatingin si Jack sa babae dahil sa hiya na kanyang nararamdaman, medyo matatagalan si Christoff dahil sa haba ng pila. Nagulat si Jack ng biglang magsalita ang babaeng nasa harapang niya. “Hi anong pangalan mo?” tanong ng babae. “Ah ako ba, Jack, Jack ang pangalang ko”. Medyo nabubulol na sagot ni Jack. “Ah nice to meet you Jack ako nga pala si Sarah.”sagot ni Sarah na nakangiti. Hindi padin makatinggin si Jack kay Sarah hanggang matapos kumain si Sarah at nagpaalam na babalik na sya sa pwesto nya. Dumating si Christoff, “Oh asan yung babae?” tanong nito. “Wala umalis na, babalik na daw sya dun sa pwesto nya.” Sagot ni Jack. “Ay saying ang haba kasi ng pila, oh ano nalaman mo ba yung pangalan nya? May boyfriend na ba? Ano!” sunod-sunod na tanong ni Christoff. “Sunud-sunod ah! Sarah daw ang pangalan nya, hindi ko na natanong kung may bf na ba.”sagot naman nito. “Ah Sarah pala, bagay na bagay sa kanya, eh bakit hindi mo natamong kung may bf na ba? Natameme ka na naman ano!” pang-aasar pa ni Christoff. Pagkatapos nilang kumain ay agad na bumalik sila sa office. Simula noon ay lagi na silang nagkakasabay kumain tuwing lunch break, at nagging close na nga silang tatlo. Lagi silang nagkukwentuhan at kung minsan ay nag-aasaran pa, nawala nadin ang hiya ni Jack kay Sarah. Isang araw wala si Sarah, nagtaka sila kasi hindi naman umaabsent si Sarah, ngayon lang. Natapos ang office hours , nauna ng umuwi si Christoff at naiwan si Jack na mag-isa sa opisina. Pagbaba ni Jack ay nakita niya ang kasamahan ni Sarah, “Ah miss, asan pala si Sarah? Bakit hindi sya pumasok ngayon?”tanong ni Jack. “Ah si Sarah ba, naku may sakit sya ngayon eh, kawawa nga walang nag-aalaga, ulila nadin kasi at mag-isa lang doon sa inuupahan nya.”sagot nito. Nagulat si Jack sa kanyang nalaman dahil ni minsan ay hindi ito binanggit ni Sarah sa kanila, sa kabila pala ng matatamis na ngiti nito ay isang malungkot na nakaraan at katotohanang mag-isa nalang siya sa buhay. Kinuha ni Jack ang address na tinutuluyan ni Sarah. Bumili sya ng prutas at pagkain, dadalhin nya kay Sarah. Tok! Tok! Tok! May kumakatok s a pintuan na tinutuluyan ni Sarah. “Pasok!” mahinang tugon ni Sarah sa kumakatok. Pagbukas ng pinto ay nagulat siya dahil si Jack pala ang kumakatok. “Ja-Jack! Anong ginagawa mo dito pano mo...” “Sa opisina, kinuha ko dun sa kasamahan mo, sinabi nya na may sakit ka daw, eto oh nagdala ako ng prutas at ilang makakain mo.” Biglang putol ni Jack. “Salamat, nakakahiya naman at naabala ka pa.” Pagpapasalamat ni Sarah. “Ano ka ba may sakit ka diba at ano ba ang ginagawa sa may sakit, diba dinadalaw at inaalagaan, kaya dyan ka lang at aalagaan kita, ipagbabalat kita ng matamis na orange na nabali ko dyan sa labas.”concern ni Jack. Biglang namula si Sarah at hindi na nakatanggi pa kay Jack. Inalagaan nya si Sarah ng buong magdamag, kinuwentuhan niya ito hanggang sa makatulog si Sarah. Naupo si Jack sa may sofa at hindi nya namalayang nakatulog na din pala sya. Nagising si Sarah at nakita si Jack na natutulog sa may sofa, mukhang pagod kaya kinumutan nya ito ay hindi na ginising pa. Matagal nadin palang may gusto si Sarah dito kay Jack, simula pa noong tanungin nya kung ano ba ang pangalan nito at mas lalo pa nya itong nagustuhan dahil sa ginawa ni Jack na pag-aalaga sa kanya. Lumipas ang panahon at lalo pang nagging close sina Jack at Sarah. Napansin ito ni Christoff, “Jack umamin ka nga, may gusto ka kay Sarah no?”tanong ni Christoff. “Ha, wala ah” pagdedeny ni Jack. “Sus kunwari ka pa eh sobrang close nyo na kaya daig nyo pa ang magsyota eh, ano kayo na siguro no!” tanong ni Christoff. “Ha eh, oo” sagot ni Jack. “Oo as in kayo na?” tanong ulit ni Christoff na may halong pagkasabik. “Oo as in may gusto ako sa kanya.” Pag amin ni Jack. Biglang namula si Jack matapos nyang sabihin iyon kay Christoff. “Yun oh! Ano alam na ba nya?” “Hindi eh, ayaw kong malaman nya at baka masira pa yung pagkakaibigan naming, baka bigla syang umiwas at tumuyan ng lumayo sa akin.”pag-aalala ni Jack. “OA mu naman hindi naman siguro, tsaka wala namang bf si Sarah, malay mo ikaw lang pala ang hinihintay nya!” pag bibigay lakas loob ni Christoff kay Sarah. “Wag na nahihiya ako” dugtong ni Jack. “Aminin mo na kasi malay natin diba, tama pala ako!” Pinag-isipan ni Jack ang mga sinabi ni Christoff sa kanya. Desidido na syang umamin kay Sarah, bahala na kung ano ang mangyari. Natapos ang office hours at niyaya nya si Sarah na kumain sa labas, pumayag naman ito. Sa isang restaurant sila kumain, “Ano palang gusto mong kainin? Treat ko!” sabi ni Jack. “Sige madami akong kakainin ha, treat mo eh, hahahaha” tawa ni Sarah. Habang kumakain sila ay nagsalita si Jack. “Ah Sarah may gusto sana akong sabihin sayo eh sana wag kang magagalit.” Malumanay na sabi ni Jack. “Ano naman yon at parang seryoso ka, teka wag mong sabihin na wala kang pera at ako ang magbabayad nito!” pag-aalalang tanong ni Sarah. “Ah hindi yon.” Sagot naman ni Jack. “Haaay buti naman wala din akong pera eh hahahaha”. “Sarah, matagal ko ng gustong sabihin sayo ito, kaso hindi ko magawang sabihin sayo kasi natatakot akong magbago ang pagtinggin mo sakin at iwasan mo ako.”. “Ano ba kasi yun?” tanong ni Sarah. “Sarah, mahal kita” hindi na nagawang isubo pa ni Sarah ang kinakain nya dahil sa pagkabigla sa sinabi ni Jack. “Matagal ko na tong nararamdaman, gusto kita Sarah.” Hindi na nakapagsalita pa si Sarah at bigla nalang umalis at iniwan si Jack. Nalungkot si Jack dahil naulit na naman ang sumpa ang “NGSB”. Umuwi si Jack na malungkot at nag-iisip kung ano ang mangyayari bukas. Baka umuwis si Sarah sa kanya, baka hindi na sya nito pansinin, baka.... madaming baka ang pumasok sa isip ni Jack hanggang sa makauwi ito at makatulog. Kinabukasan, napansin niyang ilag si Sarah sa kanya at hindi man lang binati. Umakyat ito at sinalubong sya no Christoff ng tanong “Ano sinabi mo na ba kay Sarah? Ano sabi nya?”. “Oo, pero mukhang ayaw nya sakin, umalis sya bigla pagkasabi ko at kanina sa lobby hindi nya ako pinansin o binati man lang.” Kwento ni Jack. Malungkot si Jack buong maghapon, at hindi nya nakita si Sarah sa canteen noong lunch break. Sa lobby hindi padin sya pinapansin ni Sarah hanggang sa mag-uwian. Lalong nalungkot si Jack dahil mukhang hindi na sya kakausapin pa nito kahit kalian, Makalipas ang tatlong araw ay hindi pa din sya pinapansin o kinakausap man lang ni Sarah. Gusto nya itong kausapin pero sa tuwing lalapitan nya ito ay bigla itong umaalis, minsan pag punta nya sa lobby ay wala si Sarah, tinanong nya ang kasamahan nito kung asan si Sarah, day-off daw. Isang linggo ang lumipas at hindi na nya nakitang pumasok pa si Sarah, nag-aalala na ito kaya nagpasya syang umabsent para puntahan na si Sarah sa kanila. Pagkagising niya ay agad syang nag handa para puntahan si Sarah, dumaan muna siya sa isang fastfood chain para bumili ng agahan at dumaan din sa may prutasan para mamili ng mga prutas. Kumatok si Jack sa pintuan ni Sarah pero walang sumasagot, tinawag nya si Sarah pero wala padding sumasagot, pinihit nya ang door knob at napansing hindi ito nakalock kaya nagpasya syang pumasok. Hinanap nya si Sarah at nakita nya itong nasa sahig at hinang-hina humihingi ng tulong. Agad nya itong binuhat at dinala sa hospital. Makalipas ang ilang oras, lumabas ang doctor. “Doc, kamusta na po si Sarah?” tanong ni Jack. “Sir, sad to say pero stage 3 na po ang cancer niya.”masamang balita ang hatid ng doctor. “Ca-cancer? Ano hong cancer?” pagtatakang tanong ni Jack. “Ovarian cancer at hindi na maaagapan pa.” Natulala si Jack sa narinig, hindi sya makapaniwala na may cancer pala si Sarah. Agad niya itong pinuntahan sa kwarto at naabutang gising si Sarah. “Sarah, kamusta kana? May masakit ba sayo? Ayos ka lang ba?” pag-aalala ni Jack. Ngumiti si Sarah kay Jack at sinabing “Jack, pasensya ka nap ala kung iniiwasan kita at iniwan pa kita noong isang lingo sa restaurant. Ito ang dahilan kung bakit umalis agad ako, ayokong masaktan ka pa sa malalaman mo tungkol sa akin kaya nagpasya nadin akong umiwas sa inyo, ayokong kaawaan nyo ako.” “Pero dapat sinabi mo padin sa akin, handa kitang alagaan Sarah, pupuntahan kita dito araw-araw, dadalhan kita ng paborito mong prutas, aalagaan kita Sarah.”sambit ni Jack. “Hindi na, naaawa ka lang sa akin kaya mo nasasabi yan.” Pag tanggi si Sarah. “Hindi awa ang nararamdaman ko sayo, mahal kita Sarah kaya handa kong gawin ang lahat mapasaya lang kita.”sabi ni Jack habang hawak hawak ang kamay ni Sarah. “Jack mahal din kita kung alam mo lang, pinipigilan ko lang ang sarili ko dahil ayokong masaktan ka at masaktan din ako dahil baka kapag nalaman mo ang tungkol sa sakit ko ay baka.... “Shhhh! Wag ka ng magsalita, andito ako para sayo, aalagaan kita at mamahalin ng buong puso ko, hinding hindi kita iiwan kahit kalian, pangako yan Sarah.” Inalagaan ni Jack si Sarah, dinalaw sa ospital araw-araw at minsan sinasama nya si Christoff para makipagkwentuhan sa kanila at tuwing day-off ni Jack ay doon na sya natutulog sa ospital at hindi na umuuwi pa. Hanggang sa nakalabas si Sarah sa ospital, hindi na pinagtrabaho pa ni Jack si Sarah dahil ayaw niyang may mangyaring masam dito, si Jack na ang bahala sa lahat ng gastusin ni Sarah. Tuwang-tuwa si Sarah sa kabaitang pinapakita ni Jack para sa kanya, at napatunayan nya kung gaano sya kamahal nito. Lumipat nadin si Jack ng tirahan malapit sa inuupahan ni Sarah, gusto nya sanang sa mismong ipuupahan na ni Sarah tumira pero hindi nagpapaupa para sa mga lalake ang land lady nila. Tatlong taon na sila ni Sarah at napagpasyahan ni Jack na magpropose na kay Sarah, nakabili na din sya ng engagement ring na matagal din nyang pinag-ipunan. Habang nasa opisina si Jack ay biglang nag ring ang kanyang cellphone, si Sarah ang tumatawag, pag sagot nya ay ibang boses ang kanyang narining, “Jack, land lady ito ni Sarah, nasa hospital kami, bigla siyang nawalan ng malay habang naglalakad sa condo!” Nabigla si Jack sa narinig at nabitawan nya ang cellphone na hawak nya. Nagulat si Christoff “Tol, anong problema?” tanong nito. Hindi na nakasagot pa si Jack at nagmadali nalang na umalis. Nagmamadali siyang pumunta sa hospital kung nasaan si Sarah. Pinuntahan nya agad ang kwarto kung nasaan si Sarah, “Sarah, Sarah anong nangyari sayo?” umiiyak na tanong ni Jack. Hinawakan ni Sarah ang mukha ni Jack at pinunasan ang luha nito. “Wag ka ng umiyak, ayos lang ako, nalipasan lang ako ng gutom, ok lang ako.” Nakangiting tugon nito. Pero hindi padin mapipigilan ni Jack ang pagtulo ng luha sa kanyang mga mata. Nakatulog si Sarah dahil sa gamot na ipinainom sa kanya. Lumabas si Jack para tanungin ang doctor. “Doc, kamuta na po ang girlfriend ko?”. “Tatapatin na kita Jack, hindi na magtatagal pa si sarah, madami ng komplikasyon ang nangyari sa katawan ni Sarah at ito ang hindi naming inaasahan, noong una akala naming ay ovarian cancer lang pero there is a tumor that spread all over her body, malala na sya, sorry pero ilang araw na lang ang itatagal ni Sarah.” Lalong nanlumo si Jack sa kanyang narinig, hindi niya akalain na ang pinakamamahal niyang babae ay kukunin na agad sa kanya. “bakit napaka unfair mo god! Bakit kukunin mu na agad si Sarah sa akin! Bakit?” sinasabi ni Jack sa sarili habang umiiyak. Kinuha niya ang singsing sa kanyang bulsa, ngayon ang araw kung kelan sya magpopropose kay Sarah. Naisip nya na dapat maging masaya si Sarah sa mga nalalabing araw nito. Pinaghandaan niya ang araw kung kalian sya mag popropose. Gising na si Sarah pero hindi nya naabutan si Jack, kaya tinawag nya ito, “Jack, asan ka?”. Nang biglang bumukas ang pinto at pumasok ang mga nurse na may dalang bouquet of roses at si Jack ang huling pumasok. Lumapit it okay Sarah na naka formal, nagtataka si Sarah sa mga nangyayari. “Jack ano ito?” tanong ni Sarah. Hinawakan ni Jack ang kamay ni Sarah at sinabing “Sarah, sa tagal na panahon na magkasama tayo, madami na tayong pinagdaanan pero kahit kalian ay hindi tayo natinag, nanatili tayong matatag sa isa’t isa. Sarah, buong buhay ko ikaw lang ang gusto kong makasama hanggang sa pagtanda natin kasama ang mga magiging anak natin at ang mga apo nila na makukulit, Mahal na mahal kita, Sarah will you marry me?” iniabot ni Jack kay Sarah ang singsing. Naiiyak si Sarah dahil sa sobrang tuwang nararamdaman nya ngayon. “OO Jack, I will marry you, I love you Jack” sabay halik at yakap kay Jack. Nagtilian naman ang mga nurse na nasa loob ng kwarto at si Christoff naman ay lumabas sa likod ng kurtina na may hawak na video camera, kanina pa pala nya kinukuhan ang lahat ng pangyayari. “Congrats tol! Bestman ako ha!” Naiwan si Sarah at Jack sa kwarto, “Sarah gusto ko ikasal tayo sa mas lalong madaling panahon, ayos lang ba sayo?” tanong ni Jack. “Oo naman, ikaw ang bahala basta papakasal ako sayo. Ikaw talaga nakakagulat ang proposal ko, kinilig tuloy ako!” sabay kurot sa pisngi ni Jack. “Sige bukas na bukas din ikakasal na tayo!” “Ang bilis naman, bukas agad? Eh panu yan wala pa akong wedding gown?” tanong ni Sarah. “Hehe napaghandaan ko nay an, may nabili na akong wedding gown na siguradong bagay na bagay sayo.” Sabay kindat. “Ikaw talaga, so kailangan ko na palang maghanda para bukas.” Isang matamis na halik ang binigay nila sa isa’t isa. Kinabukasan din, naghahanda na ang bawat isa, masayang Masaya silang dalawa pero hindi nila alam na ito na din ang pinakamalungkot sa lahat. Bihis na si Sarah suot ang wedding gown pero nakahiga sya dahil hindi na sya pwedeng bumangon pa. Pumasok si Jack kasama ang pari kasabay ang bestman nyang si Christoff at ang mga nurse at doctor. Kinukunan ni Christoff ang lahat ng pangyayari. Nagsimula na ang wedding ceremony, naiiyak ang lahat dahil nadin sa tuwa. “Jack will you take Sarah as your wife from happiness till sadness, from beginning till the forever?”tanong ng pari kay Jack. “I do father, I will take her as my wife and I will love her forever.”sagot naman ni Jack. “Sarah will you take Jack as your husband from happiness till sadness, from beginning till the forever?”. “I do father, I will take him as my husband and I will love him forever.”sagot naman ni Sarah. “Jack, Sarah you are now the wedded couple of Christ love each other forever, Jack you may now kiss your wife.” Isang matamis at HULING halik ang ibinigay ni Jack sa kanyang ngayon ay asawang si Sarah. Tuluyan ng namaalam sa mundo si Sarah ngunit isang napakagandang ala-ala ang baon nya sa kanyang paglisan, ang makilala at makasama ang lalakeng mamahalin sya at mamahalin nya ng buong puso, at ang lalakeng nagbigay kulay sa malungkot nyang mundo, ang lalakeng pinakasalan sya, at ang lalakeng hindi sya iniwan, si Jack.