COLLEGE OF THE HOLY SPIRIT OF TARLAC
San Sebastian Village, Tarlac City
S.Y. 2015-2016

MODYUL SA PAGKATUTO

Ipinasa Nina:
Ariandna Nerrise Amoranto
Beatrice Lian Bituin
Renz Granadozo
Ryan Roldan
Jan Roxas
10-Faith

Ipinasa Kay:
G.Don Bien B. Peralta
Guro,Araling Panlipunan 10

February 26,2016

I.Layunin
ANO ANG MGA LAYUNIN NG ISYUNG ITO?
A.)

 Naipapaliwanag ang mga salik o dahilan ng kahirapan sa bansang Pilipinas.
B.)

 Napapahalagahan ang mga aksyon hindi lamang ng pamahalaan kundi pati narin ang mga Pilipino upang mabawasan ang kahirapan sa bansa.
C.

 Nakakapagbigay ng alternatibo sa dapat na maging tunguhin ng Pilipinas ukol sa pagkitil ng kahirapan.

II. Paunang Salita
TUNGKOL SAAN ANG MODYUL NA ITO?
Ikaw ay nasa ika- 1 ng modyul pa lamang. Sa puntong ito, hindi pa gaano kalawak ang iyong kaalaman kung ano ang isyu na isinasaliksik sa modyul na ito, Ang kaalaman na ito ay maaari mong magamit upang mas maunawaan ang mga dahilan, salik at pinagmumulan ng kairapan ng isang bansa.
Maraming problema ang kinakaharap ng bawat bansa ito ay mabibigat at madalas itong isinisisi sa gobyerno ng bansa at ang maling pamamalakad ng isang bansa, ito nga ba ang dahilan ng mga pagkakalulong ng tao na dulot ng kahirapan? Ang modyul na ito naglalaman ng makabuluhang isyu na kinakaharap ng buong mundo sa kasalukuyan. Ito ay naglalayon na maipahayag sa lahat ng tao lalo na sa mga kabataan ang mga nagiging sanhi at bunga ng mga isyu na ito sa pang araw-araw na pamumuhay ng bawat tao. Ito ay hindi lamang para sa kabataan ngunit ito ay para sa lahat ng tao dahil ito ay nagbibigay ng sapat na impormasyon sa bawat isa upang malaman ang mga tinatago at mga nilalantad ng bawat bansa patungkol sa problema, kasaganahan at kaunlaran ng bawat bansa.Ito ay naglalaman ng katotohanan na base sa mga nasaliklik naming mga impormasyon na galing sa mga aklat at internet. Ang modyul na ito ay dapat yakapin at intindihin ng lahat ng tao upang tayo ay magkaroon ng sapat na kaalaman sa mga isyung madalas italakay at marinig sa mga pahayagan. Ang modyul na ito ay naglalayon ding maturuan ang mga tao upang makaisip ng mga solusyon upang mapuksa and problema sa bansa at mapanatili ang paglago nito.Napakahalaga ng modyul na ito dahil ito ay makatutulong hindi lamang sa mga mag-aaral kung hindi pati nadin sa mga taong nais magsaliksik sa mga isyu ng bansa.

ANO ANG ISYU NG MODYUL NA ITO?
Kahirapan, maaari nating sabihin na hindi na ito bago sa Pilipinas, kundi, araw araw na lamang itong nababanggit sa bawat buhay ng isang Pilipino. Ang kahirapan ay ang kalagayan ng isang bansa na walang sapat na pangtustos para sa kanilang mga pangangailangan.Ang kahirapan sa buhay ng bawat Pilipino ay nananatiling isang pagsubok sa kanilang mga pang araw-araw. Kakulangan sa serbisyo, kakulangan sa pera pangtustos, kakulangan sa mga asensadong mga Pilipino, at iba pa. Maging ang pagiging negatibo at init ng ulo ng mga tao ay patuloy na umiiral sa kahirapan. Bagamat may mga Pilipino ring tunay na may-kaya, mas marami parin ang namumuhay sa kahirapan. "Ang dahilan ng kahirapan ay hindi populasyon kundi korapsyon" wika ng ilan. Korapsyon dito, korapsyon doon. Sino pa 'nga ba ang sisisihin ng karamihan? Kadalasa'y gobyerno. Madalas nating sisihin ang mga maling pamamalakad ng ating mga pinuno, ngunit sila nga ba ang may sala sa kahirapang nagaganap ngayon?Ang bawat isa sa mga Pilipinong namumuhay sa kahirapan ay madalas umaasa na lamang sa gobyerno nang hindi lamang iniisip ang kanilang katamaran. "Katamaran ay katumbas ng kahirapan". Ito ay nagpapatunay na isa ring sanhi ng kahirapan ng bansa ay ang katamaran ng bawat Pilipino. Bawat balita ay hindi maiiwasan ang isyung kahirapan sa ating bansa dahil patuloy tayong nakakakita na ang mga taong walang kaya sa buhay ay pilit na lumalaban para sa kagustuhan nilang makalaya sa kahirapan. Hindi lamang isa, o di kaya'y dalawa, kundi tunay na napakaraming isyu na ang naitala ukol sa isyung kahirapan. Nangunguna rito ang maling pamamalakad ng gobyerno at ang kanilang mga pangungorapsyon sa pag aari ng bawat isa sa ating mga Pilipino. Paano 'nga ba makakalaya at mailulutas ang problemang kahirapang ito? Kailangan na ba nating umaksyon agad, o hintayin pa itong lumala? Handa na ba tayo?
ANO NGA BA ANG MGA DAHILAN NG KAHIRAPAN SA BANSANG PILIPINAS?
Ang kahirapan sa pandaigdigang pagsukat ay maraming mga kasaysayang dahilan: paghahari ng dayuhan, pang-aalipin, digmaan at pananakop. Mayroong mahalagang kaibahan sa pagitan ng mga dahilan na yaon at sa mga tinatawag nating mga sangkap na siyang nagpapanatili ng kalagayan ng kahirapan. Ang kaibahan ay sa kahulugan ng kung ano ang ating magagawa sa ngayon para sa mga bagay na ito. Hindi tayo maaaring bumalik sa kasaysayan upang baguhin pa ang nakalipas na. Ang kahirapan ay nananatili. Ang kahirapan ay may dahilan. Ang ating maaaring gawin sa suliraning ito ay ang arukin ang mga sangkap na siyang nagpapalaganap at nagpapalala ng kahirapan
Isang hayag na kaalaman na maraming mga bansa sa Europa ang lubusang naghirap matapos ang maraming mga digmaan na naganap sa kanila tulad ng World War I at II. Kung saan ang mga tao ay nabuhay na lamang sa pamamalimos at awa ng ibang mga tao.
Makalipas ang ilang mga dekada, kanilang dinala ang kanilang mga sarili sa tunay na pagkakaroon ng pagkakaitaan sa loob ng kani-kanilang mga bansa. Ito ay nagdulot ng ibayong yaman at sila ay nauwi sa pagiging moderno, at makapangyarihan mga bansa ng mga masagang mga tao. Alam rin natin na maraming mga bansa ang nananatiling mga mahihirap

pa rin sa kabila ng mga bilyong-dolyar na "tulong" na pera na ginastos sa kanila. lamang. Mga sangkap ng kahirapan (bilang isang pangkalahatang suliranin) na nakatala rito ay ang, kawalang-kaalaman, sakit, kawalang-pagpapahalaga, hindi mapagkakatiwalaan walang tiwala sa sarili at pagiging palaasa, ay dapat makita bilang mga kalagayan.
Walang moral na paghuhusga ang sinadya. Hindi sila mabuti o masama, kungdi sadyang ganyan lang. Kung magiging isang desisyon ng isang pangkat ng tao sa isang lipunan o pamayanan ang pag-alis ng kahirapan, kailangang gawin nila iyon ng walang paghuhusga.
Bantayan at kilalanin dapat ang mga sangkap at alamin kung papaano ang mga ito ay maaalis upang matanggal ang kahirapan. Ang limang malalaki sa kabilang banda, ay nakakaragdag pa lalo sa mga sangkap ng kahirapan tulad ng kawalan ng lugar na kung saan makakapagtinda, masamang-lagay ng mga daan o gusali, mahinang at masamang pamumuno, kawalan ng mapapasukang trabaho, kawalan ng mga kasanayan sa ba't-ibang uri ng trabaho, laging pagliban sa pinapasukan, kawalan ng kapital, at iba pa. Ang alin man sa mga ito ay isang pangkalahatang suliranin, at ang bawat isa ay naging bunga ng isa o higit pa mula sa limang malalaki. Ang alin man sa mga nabanggit ay nagpapatagal ng kahirapan at ang kanilang tuluyang pag-alis ay kailangan upang matanggal ang kahirapan.

Paglalarawan ng mga posibleng dahilan ng kahirapan sa Pilipinas

III A. Presentasyon ng Paksa
(MGA
DAHILAN NG KAHIRAPAN SA PILIPINAS)

Isa sa mga dahilan ng kahirapan ay ang pagkawala ng trabaho ng mga mamamayang pilipino. Makikita sa graph na nabawasan ang unemployment rate noong magsimula ang taong 2016. Kung ikukumpara sa taong 2013, ang unemplyment rate ng bansang pilipinas sa kasalukulay ay 5.7% na lamang. Ibig sabihin nito, nagkaroon ng mas malawak na oportunidad ang iba mga tao upang makapagtrabaho.
Grapikong paglalarawan ng Unemployment rate sa Pilipinas

G

obyerno at mga Politiko nga ba ang may Kasalanan?
(Pilipino Star Ngayon) | Updated September 05, 20174 - 6:34 am

P
K

agdami ng child laborers dahil sa kahirapan, pabayang magulang
(Pilipino Star Ngayon) | Updated June 13, 2013 - 2:29pm

ahirapan ng Pinoy: Hindi dulot ng “Korapsyon” kundi Kabobohan, Sobrang
Hilig sa “Party” at Katamaran

P
K

opulasyon at kahirapan
BAHALA SI BITAG Ni Ben Tulfo (Pilipino Star Ngayon) | Updated January 15, 2014 - 12:00am

ahirapan, iresponsableng mga magulang, dahilan umano ng paglala ng child labor sa bansa
Published June 13, 2013 10:38pm

K

ahirapan na walang katapusan
(Pang-Masa) | Updated March 30, 2015 - 12:00am

Paano natin ipapaliwanag ang kahirapan sa Pilipinas?
Philip Emmanuel Penaflor, PhD
Manager of the Unified M&E System for BEAM-ARMM at Cardno Emerging Markets

Bakit ba mahirap tayo kahit na umaangat daw ang ekonomiya ng ating bansa? Ilang pangulo na ba ang nagsabing umuunlad na ang ekonomiya ng bansa ngunit ito ba’y nararamdaman ng karaniwang mamamayan? Sino ba ang nakikinabang sa pag-angat ng ating ekonomiya? Babalik tayo sa tanong noon ng mga awtor o manunulat patungkol sa human development na “Development for Whom?” “Para kanino ba ang pagunlad”? Masalimuot ang usaping kahirapan sa ating bansa. Kung tatanungin natin ang mga mayayaman ang tiyak na sasabihin nila’y “marami kasi sa atin ang tamad”. At hindi naman natin sila masisisi sa ganitong pananaw dahil umagang-umaga pa lamang nakikipag-inuman na ang ibang mga kalalakihan sa barangay, walang kusang magbanat ng buto, at naghahangad na lamang ng biglaang kita na parang“instant coffee”. Ang iba sa halip na maghanap ng kapakipakinabang na trabaho ay nagbabakasakali sa sugal, at habang natatalo ay lalong nagpipilit na makabawi hanggang sa malulong sa sugal at magkabaon-baon sa utang na lalong nagpapalugmok sa kahirapan. Ang lalong nagpapabigat sa ganitong

problema, wala na ngang trabaho, ayaw magbanat ng buto, saksakan pa ng bisyo – sugal, alak o droga. Siga pa, palaaway, nambubugbog ng asawa o mga anak. Kaya paano nga naman aasenso?
Bakit nga ba marami sa atin ang tamad, batugan, ayaw magbanat ng buto, pero nangangarap ng masarap na buhay?
Ay di hanggang pangarap na lang tayo?
Kung tatanungin naman ang mga aktibista kung bakit mahirap tayo ang kanilang sasabihin ay “dahil sa pagkakasakal ng mga mayayaman at naghaharing-uri sa lipunan” katulad ng mga panginoong may-lupa at mga negosyante na madalas sila rin ang mga pinuno sa pulitika. At dahil sila ang mga namumuno sa pulitika ang kanilang mga balakin at gawain ay patungo sa higit na pagpapaibayo ng kanilang mga interes, ng kanilang mga negosyo at ng kapakanan ng kanilang mga pamilya lamang. Kaya nga sila tumatakbo sa pulitika ay upang ma-proteksiyunan ang kanilang mga negosyo at iba pang mga interes, hindi talaga kapakanan ng mga tao ang layunin nila. Kaya patuloy na lumalaki ang agwat ng mayaman at mahirap
Ugat ng “katamaran” sa kasaysayan
Philip Emmanuel Penaflor, PhD
Manager of the Unified M&E System for BEAM-ARMM at Cardno Emerging Markets

Panahon pa ng mga Kastila’y naobserbahan na ang katamaran daw ng mga
“Indiyo” (“Indiyo” ang tawag noon ng mga Kastila sa mga katutubong Pilipino). Ang kanilang obserbasyon, magtatrabaho lamang daw ng ilang oras ang mga Pilipino pagkatapos ay uuwi na sa bahay at wala nang gagawin, tatambay na kung baga, hanggang hapon na. Pagkatapos sa hapon naman ay pupuntang muli sa linang na sinasaka magbubungkal ng kaunti tapos uuwi na at kung may makakasama ay mag-iinom na ng “tuba” o kahit na anong alak. Kaya naturingang tamad ang mga ninuno natin. Ang hindi naisip ng mga Kastila ay magkaiba ang klima ng Pilipinas at Espanya. Sa Espanya malamig at iba’t iba ang panahon, may tag-araw (summer), may tag-yelo (winter), may tinatawag na tagsibol (spring) at taglagas
(autumn/fall). Sa Pilipinas dalawa lang ang panahon, tag-araw at tag-ulan. Sa Espanya iba’t ibang panahon iba’t ibang pamamaraan ng pagtrabaho, madalian ang pagtanim dahil tatlong buwan lang ang tagsibol, kailangang mayroon sapat ng supply ng pagkain sa panahon ng taglamig dahil walang tumutubo sa panahong ito.

IV.Pagbubuod at Pagpapahalaga

S

inasabing ang pilipinas ay isa sa mahirap na bansa sa buong mundo. Bakit nga ba mahirap ang bansang Pilipinas? Sino ngaba ang dapat sisihin sa paghihirap ng ating mamamayan? Ang gobyerno nga ba, o tayo? Ang kahirapang isa sa mga mabibigat ng problema ng ating bansa.
Ayun sa ating Pangulo na si Benigno Aquino III na susugpuin nya ang matinding kahirapan na

A

nararanasan sa bansa na bahagi ng kanyang ipinangakong “tuwid na daan. Masasabi ba nating nabigo nanaman ang mga pangako ng mga pulitiko patungkol sa kahirapan ng mga Pilipino?. Ang bansang pilipinas ay hindi pa rin nakalalaya sa kahirapan na sumisira sa bawat isa. Ang kahirapang ito ay isa sa mga problema ng ating bansa. Ang kahirapan nararamdaman ng mga Pilipino ay maikukumpara sa isang malagim na epidemya na kumakalat sa buong mundo hindi lamang sa ating bansa. ng epidemyang ito ay patuloy na hinahanapan ng lunas ngunit ito’y mahirap makamtam.
Ano ba ang mga sanhi ng kahirapan ng mga Pilipino? Ang kahirapang nagaganap ay dahil sa apat na rason, ang kakulangan sa edukasyon, lumalaking populasyon, kawalan ng trabaho, at ang korupsyon.
Ang apat na ito ay konektado sa isa’t-isa. Ang kakulangan sa edukasyon ay isa sa mga pangunahin na nagdudulot ng kahirapan ng pilipinas. Kung ating titingnan ang kalagayan ng mga mag aaral, sampu sa mga estudyanteng nag-aaral ng elementary ay anim lamang sa kanila ang nakakapasok sa hayskul, at tatlo lamang sa kanila ang nakakaabot sa kolehiyo, at dahil sa matinding kahirapan o kakulangan sa panustos sa pag aaral na nararaasan nila, nagiging sanhi ito upang may mga batang pinipili na lamang na maghanap ng trabaho o di kayanama’y huminto na muna sa pag-aaral upang makatulong sa kanilang pamilya, kung susuriin ang lahat ng mga ito ay lalabas na isa lamang sa sampung estudyante ang may kakayahang makapagtapos ng kanilang pag-aaral. Dahil sa mataas na matrikula sa kolehiyo nawawlan ng kakayahan makapag-aral ang mga mahihirap. At dahil sa kakulangan ng edukasyon sa ating bansa ito ang nagiging resulta o bunga ng kakulangan sa trabaho. Dahil sa kakulangan ng kakayahang makapag-aral, ito din ang nagiging dahilan upang hindi sila makahanap ng magandang trabaho. Ang ilan naman ay mga nakapagtapos ng kanilang napiling kurso at nakakapagtrabaho ng di tugma sa kanilang kursong natapos na tinatawag na “underemployed” at masasabing ang hindi pagtatapos ng ilang mga estudyante ay nagpapadami ng mga taong walang trabaho o tinatawag na
“unemployed”. Patuloy na tumataas ang bilang ng mga walang trabaho.

K

ung ating mapapansin karamihan sa mga walang trabaho ay laging nasa bahay, walang ginagawa.Nakakatawa mang isipin pero yun naman talaga ang nangayayari. Dahil sa kawalan ng trabaho ang iba ay nag-aasawa ng maaga ang ilan namay maagang nabubuntis. DAhil sa pagiging iresponsable ng ilang magulang, napapabayaan nila ang kanilang mga anak. Ito’y nagpapatunay na ang kawalan ng trabaho ay nagiging sanhi ng mabilis na paglaki ng populasyon na siyang nagiging bunga ng kahirapan. Habang lumalaki ang bilang ng populasyon ay may mas malaking posibilidad na lumalaki rin ang bilang ng mga mahihirap sa ating bansa. Anu ba ang dapat gawin ng pamahalaan? May magagawa ba sila sa lumalalng kahirapan sa bansa kung mismo ang nasa pamahalaan ang nagiging dahilan ng paghihirap ng mga Pilipino. Dahil sa malaking usapan hinggil sa pork barrel ang malaking tanong sa isip ng mga Pilipino ay kung saan napunta ang pera?

V. Gawain
Gawain 1:PAGISIPAN MO!
Bilang isang Pilipino pangarap mo na makitil ang kahirapan sa ating bansa ngunit kailangan nating taglayin ang mga ugaling makatutulong sa atin upang mas maunawaan ang dahilan ng kahirapan. Ang sumusunod na mga datos ay ang mga paraan upang mabawasan ang kahirapan sa Pilipinas. Ayusin ang mga salita upang makuha ang tamang sagot.

1. Ito ay isang paraan upang malabanan ang kahirapan gamit ang sariling sikap. 6. Ito ay preparasyon upang lumaking may matiwasay at saganang buhay.
LAPGRAAL

GMA RTABOHA

2. Ito ay isang paraan ng pag iimpok upang may magatos sa kinabukasan.

7. Ito ay hindi dapat gawin upang hindi tamaan ng kahirapan.
RIMNAAT

AMG IPDIT

3. Dapat laging meron nito upang may magamit sa hinaharap.
NOPI

4. Ito ay isang dahilan ng kaunlaran sa buhay. GISPA

5. Ito ay kailangan iwasan upang hindi maghirap. SOTSAGAM

8 Kailangang itong isipin sa kabila ng mga problema sa kahirapan.
BOTIPOSI

9. Ito ang nagsisilaw sa lahat ng tao sa mundo. ISLPAA

10. Ito ang nagkukulang sa bawat bansa.
BTARHAO

Gawain 2: Pagpapalalim ng kaalaman
Panuto: isulat ang tamang sagot sa bawat pangungusap na tinutukoy. Ang mga sagot ay maaaring pababa at pahalang. Ang mga salitang makukuha ay mayroong kinalaman sa isyu na nabanggit.

PAHALANG
1.Mabigat na problema ng buong mundo
2.Bagay na nais mahangad
3.Dito marami ang mga mahihirap
4.Pagiging matulungin sa kapwa
5. Namamahala ng bansa

PABABA
6. Pagnanakaw sa kaban ng bayan
7.Salapi
8. Pangunahing panganagilangan
9. Bilang ng tao sa isang lugar
10. Madalas na inaalipusta sa lipunan

VI.Talasalitaan

A
Aksiyon- Ito ay nagpapakita ng pagkilos upang masolusyonan ang isang problema.
Aktibista- Sila ay mga taong lumalaban para sa pagbabago ng isang bansa.
Alam- Ito ay ang karunungang taglay ng isang tao.

B
Bayan- Ito ay lugar kung saan naka sentro ang kalakalan at kabuhayan ng isang lugar.
Bahagdan- Isang reyso/antas na nagpapakilala bilang isang numero kada isang daan. Ito ay sinusulat sa pamamagitan ng simbolong %.
Bitin- Hindi sapat; nagkulang, kakaonti

D
Diskriminasyon- Ito ay panglalait sa isang tao na naiiba ang relihiyon, kasarian, paniniwala, kulay edad at maging ang ugali.
Demolish- Ito ay pag papaalis sa mga taong nakikitira lamang; hindi nag mamay ari ng lupa at wlang titulo.

E
Ehekutibo- ang bahagi ng pamahalaan na may nag-iisang kapangyarihan o responsibilidad sa pang-araw araw na pangangasiwa ng burokrasya ng estado.
Ehemplo- Ito ay isang simbolo ng pagiging isang modelo sa kapwa mo o kahit na sino.

G
Gobyerno- Ito ang namumuno sa isang bansa; nagbibigay ng batas at naghuhukom sa nagkakasala. K
Kahirapan- Ito ay napakalaking problema ng bansa na mahirap solusyunan kung hindi kikilos
Kastila- Mga dayuhang sumakop sa bansang Pilipinas sa loob ng 333 taon.
Korapsyon- Isa sa sinasabing dahilan ng kahirapan sa bawat bansa.

VII. Sanggunian

Aklat:
May Akda :Ph.D.
Payne Ruby K.

May Akda :Ph.D. Payne Ruby K.

Pamagat: A framework for understanding

Pamagat: Poverty in the Philippines
Poverty
Lugar: Asian development bank, 2014

Lugar: Asian development bank, 2012

May Akda :Philip Kotler & Nancy Lee
Pamagat: Up and Out of Poverty
Lugar: California,USA, 2014

Internet: http://www.philstar.com/punto-mo/2015/03/30/1438982/editoryal-kahirapan-na-walang-katapusan http://chinee-blogkoto.blogspot.com/p/kahirapan-sa-pilipinas.html http://www.worldsocialism.org/filipino/ano-ang-mga-kadahilanan-ng-kahirapan-sa-mundo http://www.veritas846.ph/lumalalang-kahirapan-sa-pilipinas-sanhi-ng-korapsyon-at-kalamidad/ https://www.linkedin.com/pulse/paano-natin-ipapaliwanag-ang-kahirapan-sa-pilipinas-penaflor