king Mikke T. Reyes July 5, 2012
BSE 2 1 King’s Speech Ang palabas na King’s Speech ay umiikot sa kwento ng isang hari na may problema sa pagsasalita sa harap ng maraming tao dahil sa siya ay utal sa pagsasalita, nakakabawas ito sa kanyang confidence. Noong humarap ang bidang si Berty sa publiko nakita ko sa kanya yung pagpapanic, takot, at hiya. Naipakita sa palabas ang pakiramdam ng isang tao na utal sa pagsasalita. Hindi man ako ganoon ka-utal pag nagsasalita sa harap ng maraming tao, nakita ko ang sarili ko sa kanya, dahil ako rin ay kinakabahan at ninenerbyos kapag ako ay nagsasalita sa harap ng publiko. Iniisip ko lagi kung ano ang sasabihin at iniisip sa akin ng aking mga tagapakinig. Iniisip ko kung sila ba ay natutuwa o naiinip na. Sa palabas din na ito, may therapist na nagtuturo kay Berty ng mga dapat niyang gawin upang maiwasan ang pagkautal at pagkatakot niya sa pagsasalita sa publiko. Ngunit sa huli nalaman na ang therapist niya ay hindi totoong therapist. Para sa akin, ipinakita doon na kahit sino man, therapist man o hindi ay maaring makatulong sa atin. Para sa akin, ang nagsisilbing therapist ko ay ang aking mga inspirasyon gaya ng aking mga magulang at mga kaibigan. Dahil pag ako ay nagsasalita sa publiko, kahit alam ko na ako ay kinakabahan iisipin ko lang sila upang mabawasan ang kaba ko, ang iniisip ko na lang sila ang nakikinig sa akin. Pero sa kabilang banda, naisip ko na pwede rin na gawing inspirasyon ang mga tagapakinig, iisipin ko na sa aking pagsasalita ay may maitatanim ako sa kanilang mga kaisipan, may mga kaalaman ako na maidadagdag sa kanila. Sa bandang huli, para sa akin si Berty ay naging isang mahusay na tagapagpahayag, sa kabila ng takot at kaba nagawa niya pa rin na pamunuan ang kanyang mga nasasakupan. At para naman sa ating lahat, ang kaba at takot ay nasa atin lamang. Sa tingin ko para maiwasan natin ang sobrang kaba at takot dapat ang mga bagay bagay ay pinaghahandaan at pinagpaplanuhan.