ANG BENTAHE AT DISBENTAHE NG PAGSALI SA ORGANISASYON NG MGA ESTUDYANTE

Isang Konseptong Papel na Ihaharap kay Gng. Mary Grace Gonzales ng

Kagawaran ng Filipino at Panitikan

Dalubhasaan ng Malalayang Sining at Komunikasyon

Pamantasang De La Salle University- Dasmariñas

Bilang Bahagi ng Pagtupad sa mga Pangangailangan para sa FILI102 Pananaliksik Tungo sa Pagkatutong Pangkaalamanan

Ado, Ma. Alyssa Lorraine A.

Bughao, Krezia Charis T.

Palermo, Kevin Troi B.

Ramos, Paula Mae

Disyembre 4, 2014

Rasyunal

Sa loob ng tahanan unang nabubuo ang katauhan ng isang tao. Bilang pangalawang tahanan, ang paaralan ay isa din sa gumaganap ng paghubog ng isang magaaral. Ito ang lugar kung saan tayo nagaaral at natututo ng mga bagay na hindi natin malalaman sa loob ng tahanan. Mga impormasyon na tungkol sa siyensa, matematika, literatura at mga wika na dapat natin malaman. Pagtungtong ng mga estudyante sa kolehiyo, madaming mas malalalim na kaalaman at karanasan ang kanilang matututunan sa unibersidad. Bilang isang estudyante, hindi lamang pang akademikong kaalaman ang nagiging pokus ng mga ito dahil sa loob ng mga unibersidad ay may mga tinatawag na extracurricural activities na nakakatulong sa paghubog ng mga talento at pagkakaroon ng estudyante ng good sociaizing skills. Hindi mawawala sa buhay ng estudyante pagsali sa iba’t-ibang organisasyon lalo na kung ang mga ito ay parte ng kanilang gawaing pampaaralan. Mayroong iba’t-ibang organisasyong inihahandog ang bawat unibersidad upang ang mga estudyante ay makapamili ng nais nilang salihan. Mayroong mga samahan sa paaralan na tumutukoy sa mga akademikong paksa at mayroon din namang ukol lamang sa mga pansariling interes gaya ng pag-awit o pagsayaw. Marapat na pag-isipang mabuti ang desisyon sa pagsali sa mga ito. Ito ang dahilan kung kaya’t hindi lamang pang-intelektwal ang nalalaman o nakukuha ng mga mag-aaral sa pagpasok sa paaralan, nahahasa rin ang kanilang talento at kakayahan.

Dapat na maging handa ang mga mag-aaral sa pagsali sa mga organisasyon. Kailangang may mailalaan silang panahon upang maging parte sa mga aktibidad ng organisasyon. Dahil dito, nadadagdagan din ang kanilang mga responsibilidad lalo na kung sila ay naihalal ng ibang miyembro sa mga matataas na posisyon. Sa pagtaas ng posisyon ay siya ring pagbigat ng kanilang tungkulin na maaaring makaapekto sa kanilang pag-aaral lalo na kung kadalasang may mga gawaing dapat ihanda o tapusin. Kailangang maglaan ng sapat na panahon upang maisagawa ang mga gawain ng organisasyon.

Ang ekstrakurikular na gawain ay kahit anong gawain na hindi saklaw ng kurikulum ng paaralan, ngunit ang mga gawaing ito ay kadalasang ginagawa sa loob ng paaralan. Ang oras na inilalaan dito ay labas sa oras ng aktwal na ‘pag-aaral’ ng mga mag-aaral. Sa kadahilanang ito, maaaring magkaroon ng epekto ang mga ekstrakurikular na gawain sa buhay akademiko ng mag-aaral, nakasasama man o benepisyal. Ang pagsali sa club o organisasyon ay isang magandang paraan sa mga estudyante sa kolehiyo na makakilala ang kanilang mga kapwa estudyante nila, mga propesor at ibang mga tao na nasa loob ng unibersidad. Eto ay napakabenepisyal lalo na sa mga estudyante na nasa unang taon pa lang ng pagaaral sa kolehiyo kung saan limitado pa lamang ang kanilang mga nagiging kaibigan. Metro creative: Joining student organizations benefit your present, future.

Sa pamantasan ng De La Salle University- Dasmariñas, may sari saring organisasyon na pwedeng pagpilian ng mga magaaral. Mayroong organisasyon na sa bawat kurso na iniaalok ng unibersidad, mayroon din namang mga organisasyon na makakatulong upang mapabuti ang talentong itinatago ng mga estudyante. Ngunit may mga estudyante din na nananatili lamang sa loob ng silid ng paaralan, nakukuntento na lamang sa mga kasama niyang kaiban at kaklase at mas itinutuon ang sarili sa pag aaral. Ayon sa, Smart Tools. Student Resources. 07.11.2011. Mayroong bentahe at disbentahe and pagsali ng mga estudyante sa mga Student Organization. Nais na malaman ng mga tagapanaliksik kung ano nga ba ang mga ito at kung ano din ang mga behtahe at disbentahe ito ating pagsali sa mga organisasyon sa loob ng De La Salle University- Dasmariñas at ang epekto nito sa mga estudyante.

Ang realidad ukol sa organisasyon ay marami itong benepisyo sa mag-aaral. Nakakatulong ito sa pag-unlad n gating pagkatao. Hinuhubog nito an gang paraan n gating pakikitungo sa ating kapwa at kung paano natin ipaparamdam ng kahalagahan nila sa atin. Natututo tayong makisama sa iba at umintindi ng iba’t-ibang mga personalidad at pag-uugali. Mapapaunlad din nito ang pakikipagtalastasan sa ibang tao at maibabahagi ang sariling opinyon at saloobin sa isang isyu na kinakaharap ng grupo.

Ayon kay Werther (1971). “Organizations are the most innovative social arrangement of our age and civilization.” Ang organisasyon na isa sa pinakamabuing likha upang bigyang halaga ang iba’t-ibang indibidwal ayon sa kanilang kakayahan at katangian. Dito nalalaan ang mga talento, kakayahan, interes at mithiin na gustong makamit ng isang estudyante s apagsali sa iba’t-ibang organisasyon. Nais nito mahubig ang bawat natatagong talent ng bawat isa.

Ayon kay Dowshen (2002), madaling sumali sa maraming kapana-panabik na aktibidad. Magtanong muna kung maaari bago sumali. Malagay sa isang lugar kasama ang iyong talatakdaan sa paraalan, talatakdaan sa trabaho, at iba pang aktibidad at subukang ayusin ito. Sinabi rin ni Dowshen na ang bawat isa na nagnanais ng panahong hindi nagtatrabaho kaya kung isang aktibidad na masyado nang nakakaabala, hindi ito nababagay para sa iyo. Mahalagang timbangin ang pag-aaral, mga ekstrakurikular na mga aktibidad, social life at kalusugan. Mahalaga din na kumuonsulta tayo sa mga maaaring magpayo sa atin. May mga indibidwal kasi na hindi na kayo ang responsibilidad na dinadala sa isang organisasyon, at hindi na kayang ibigay ang hinihingi ng grupo. Kaya naman sa pagpili ng organisasyon ay siguraduhing may tamang oras at may sapat na oras pa din sa pag-aaral. Hindi kailangan ipagpilitan ang pagsali sa organisasyon kung ito naman ay may masamang epekto sa pag-aaral, kung kaya’t mabuting desisyon na din ang pagbitiw.

Ayon sa isang blogspot mula kay Toledo, Ivy Ann - Ang pagsali nila sa organisasyong ito ay mas nakakatulong pa sa kanilang pag-aaral. Naging scholar pa sila at naging mataas ang kanilang grado dahil nagiging interesado sila sa pag-aaral at pag eenrol sa mga tutorial pag nahuhuli sila sa klase.

Ang kahalagahan ng research na ginawa ay para makatulong upang maka-gawa ng tamang desisyon ang mga estudyante sa pagsali sa isang organisasyon. Hindi lamang estudyante ang makikinabang pati na ang mga magulang ay pwede makinabang sa gagawing research na ito.

Makakatulong ito sa pag desisyon ng estudyante kung sila ay sasali sa organisasyon at malaman ng mga estudyante kung nakakatulong o nakakaapekto sa kanilang pag aaral ang pagsali sa organisasyon.

May mga sasang-ayon sa gagawing pananaliksik at may di sasang-ayon dito, marahil ito ay base na sa kanilang karanasan.

Layunin/ Suliranin

Ang pangkalahatang layunin ng pananaliksik na ito ay malaman ang Bentahe at Disbentahe ng pagsali ng organisasyon ng mga estudyante.

Nilalayon din ng pananaliksik na ito na mabigyang linaw ang mga sumusunod na suliranin:

1. Anu-ano ang mga karanasan ng mga estudyante sa pag sali sa mga organisasyon sa eskwelahan?

2. Ano ang epekto ng pagsali sa mga organisasyon sa pag aaral ng mga estudyante?

3. Anu-ano ang mga bentahe sa pagsali sa organisasyon ng mga estudyante?

4. Anu-ano ang mga disbentahe ng pagsali sa organisasyon ng mga estudyante?

Metodolohiya

Ang pag-aaral o pananaliksik na ito ay gagamit ng sarbey na pananaliksik. Isasagawa ng pananaliksik sa pamamagitan ng paggamit ng talatanungan at interbyu para makakuha ng mga datos. Sa ganitong paraan ay mas mapapadali ang pagkuha ng mga datos sa mga respondents o sa mga sasagot ng sarbey na isasagawa.

Kukuha ang mga mananaliksik ng 50 respondents mula sa De La Salle University Dasmarinas. Dalawampu’t lima na mag-aaral na kabilang sa mga organisasyon at dalawampu’t lima din na mag-aaral na walang kinabibilangan na organisasyon. Ito ay upang malaman namin ang kaibahan at karanasan ng mga estudyanteng kasali sa mga organisasyon sa mga hindi kasali. Sila ay bibigyan bawat isa ng talatanungan at iinterbyuhin para sa mga karagdagang tanong kasabay ang pagtatala ng kanilang mga sagot upang makakuha din ng mga opinyon.

Bukod dito, ay magsasagawa din ang mga mananaliksik ng pangangalap ng impormasyon sa internet upang makakuha pa ng mga karagdagang kaalaman ukol sa pananaliksik na gagawin.

Sa pagsusuri ng datos, matapos mapagsama-sama lahat ng talatanungan at sagot sa mga interbyu. Ito ay ita-tally ng mga mananaliksik gamit ang talahanayan upang malaman, mapagkompara ang magiging resulta ng isasagawang sarbey. Pagkatapos ay i-aanalisa ang bawat resulta kung ano ang may pinakamataas na sagot gamit ang tsart upang makagawa ng konklusyon sa gagawing pananaliksik.

Inaasahang Output

Ilan sa mga inaasahang bunga ng mga mananaliksik sa isasagawang pag-aaral ang matatamo ang mga layunin ng gagawing pag-aaral, mabibigyang kasagutan ng pag-aaral na ito ang mga posibleng tanong ng mga tao ukol sa napiling paksa, maliliwanagan ang mga babasa sa pag-aaral tungkol sa bentahe at disbentahe ng pagsali sa mga organisasyon, magiging daan ang pag-aaral na ito upang matulungan ang mga indibidwal lalo na ang mga kapwa estudyante sa pagdedesisyon kung sila ba ay dapat sumuali o hindi sa mg organisasyon at malaman nila ang mga posibleng epekto nito sa kanilang pagaaral at inaasahan din ng mga mananaliksik na ang pag-aaral na ito ay maging isang gabay rin sa mga tao at sa iba pang mag-aaral tungkol sa parehong paksa.

Inaasahan din ng mga mananaliksik na makakalap ng maayos at seryosong sagot sa mga respondent na aming hihingan ng datos at mabuo sa isip nila ang kahalagahan ng pagdedesisyon at pagkakaroon ng tamang time management sa kanilang sa pagitan ng pagaaral at pagsali sa mga extracurricular activities tulad ng organisasyon para sa mga estudyante.

Reperensiya:

Metro creative: Joining student organizations benefit your present, future. Retrieved By: