Juliet C. Dy FILKOMU C42 Agosto 19, 2011

KONSYERTO “KORO, KANTA, KULTURA” Noong ika-14 ng Agosto 2011, ang mga estudyante ng DLSU ay nanood ng konsyerto sa Philam Life Auditorium na may pamagat na “Koro, Kanta, Kultura.” Ito ay isang grupong korale na inihandog ng NEO NOCTURNE, INC. sa kanilang ikalimang pagtatanghal. Ang grupo ay binubuo ng mga halong lalaki at babaeng mangaawit na dinadala ng isang mahusay na musikang konduktor. Bawat simula ng kanilang pagkakanta, sila ay nagbibigay ng maikling deskripsyon o bakgrawnd ukol sa pamagat ng kanilang ikakanta upang magkaroon ng ideya ang mga estudyante kung anong klaseng kanta ito at kung sino ang kumanta nito. Halimbawa na lamang ang pamagat na “Sa Iyong mga Yapak”; ito ay isang kanta tungkol kay Hesu Kristo sa kanyang paglakbay dito sa mundo natin. Ang mga iba pa nilang kinanta ay “Aba Ginoong Maria”, “Dahil sa Iyo”, “Pakiusap”, “Ti Ayati May sa Ngaubing”, “Waway”, “Paru-parong Bukid”, “Inday sa Balitaw”, “Ay Kalisud”, “Koyu Nu Tebulul”, “Minsan Lang Kita Iibigin”, “Sana’y Wala ng Wakas”, “Ikaw Lamang”, “Mr. Dreamboy”, “Isang Dugo, Isang Lahi at Musika” at “Buko” Sa komunikasyong extra-verbal, makikita natin kung paano nila inexpress ang bawat kanta depende sa uri at diwa nito. Halimbawa, kung malungkot ang kanta tulad na lamang ng “Pakiusap”, ikinanta nila ito ng mabagal at madadama talaga ang kalungkutan. Sa kabilang dako, kung masaya at mabuhay ang kanta tulad ng “Buko”, mabilis ang kanilang pagkanta at mapapasabay ka rito. Sa komunikasyong di-verbal, makikita natin ang expresyon ng bawat mangaawit batay sa panagano ng kanta. Kunin natin ang halimbawa sa itaas, kung malungkot ang kanta, seryoso ang kanilang mukha. Subalit kung masaya naman ay nakangiti ang bawat miyembro ng korale. Ang kanilang tindig ay tuwid at ang kanilang mga kamay ay na sa gilid lamang. Makikita natin na may kaayusan ang kanilang presentasyon. Kung mapapansin niyo, ang mga kanta ay iniawit mula sa sinaunang panahon hangga’t sa pa moderno ang kanilang kanta. Parang sa kanilang mga damit, ang una nilang sinuot ay mas nagrerepresentasyon ng damit noong sinaunang panahon at ang kanilang pangalawang damit ay nagrerepresentasyon ng mas moderno na panahon. Makikita rin natin na ang kamay ng konduktor ay tumataas, bumababa, at iba pang galaw. Ito ay nagsisimbolo kung kalian sila kakanta ng malakas, mahina, mataas o mababa. Ito ay isang pinakamalaking bagay sa pagbuo ng isang mahusay na korale. Sa pagtatapos, marami akong natutunan na bagong kanta at hanga ako sa mga mangaawit at sa musikang konduktor na nagpakita ng kanilang talento sa amin. Natutunan ko na maraming paraan ang paghiwatig nila ng mga kanta gamit ang iba’t ibang uri ng komunikasyon. Napahiwatig nila sa amin ang gutso nilang sabihin sa pamamagitan ng komunikasyong extra-verbal at di verbal.