Ang buhay ay isang regalo mula sa Maykapal. Kapag inilagay mo ang iyong kanang kamay sa iyong dibdib madadama mo ang pintig ng iyong puso. Paano kung sa isang iglap biglang tumigil ang tibok nito? Handa ka na ba? Saan kaya pupunta ang iyong kaluluwa? Langit o impyerno? Teka! Baka iniisip niyong baliw na ako! O baka ayaw niyo na akong pakinggan dahil walang saysay ang sinasabi ko? Pero paano kung totoong may langit at impyerno? Saan ka kaya pupunta?
Subukan natin! Anong gagawin mo kung ang iyong kapatid na babae ay ginahasa at pinatay ng isang adik? Hindi ba’t gusto mo ng hustisya? Paano kung pagdating sa korte biglang sinabi ng Kriminal sa judge na “Judge, wag niyo po akong ikulong! Natukso lang po ako! Hindi ko po yun sinadya! Magbabagong buhay po ako! Papayag ka bang hindi siya ikulong? Siyempre hindi! Dapat magkaroon ng hustisya! Ang bawat kasalanan ay may karampatang parusa. Lalo na ang Diyos, siya ay pag-ibig ayaw niya ng kasalanan.
May sampung utos ang Diyos. Nasunod mo ba ang mga ito? Ikaw, Nakapagsinungaling ka na ba?(whitelie) Nakapagnakaw ka na ba? (kupit) Nakapatay ka na ba ng tao? ( magtanim ng galit) Ayon sa bibliya ang lahat ng makasalanan ay masusunog sa impyerno. O! wag niyo ako tititigan ng ganyan! Hindi rin ako perpektong tao! Ako ikaw, Tayong lahat ay makasalanan! Eh kung ganun tayo bang lahat ay pupunta sa impyerno?

Mahigit 2 bilyong taon na ang nakararaan, ipinadala ng Panginoon ang kanyang bugtong na anak na si Hesus! Si Hesus ay nilait, kinutya at pinagtawanan. Pinako siya sa krus hindi para wala lang! pinako siya upang ikaw, ako at tayong lahat ay mabuhay. Katulad natin ang kriminal na iyon! Tayo ay makasalanan! Dapat tayong ikulong! Ngunit pinagpiyansahan tayo ni Hesus! Namatay Siya upang bayaran ang ating mga kasalanan! Ibig bang sabihin tayong lahat ay mapupunta sa langit?

Kung bibigyan kita ng regalo at hindi mo tinanggap, magiging iyo ba ang regalo? Syempre hindi. Dapat mo itong tanggapin upang maging iyo. Ganun din ang regalo ni Hesus para saatin. Ayaw niyang pumunta ka sa impyerno. Madalas pinagtatawanan lang nating mga kabataan ang mga paksang tungkol dito, nakakatawa ba? Nakakatawa bang masusunog ka sa impyerno?
Hindi pa huli ang lahat! Pagsisihan niyo ang inyong mga nagawang kasalanan. Tanggapin niyo ang regalo ni Hesus. Gusto niyang baguhin ang inyong buhay. *knock* Kumakatok si Hesus sa inyong mga puso, papapasukin niyo ba Siya?