Makabagong Pananaw

Marami nang pag-babago sa pananaw ng mga tao tungkol sa imahe ng isang lalaki at ng isang babae. Pag-babago na unti-unting natatanggap ng bawat isa sa ating lipunan. Hindi natin namamalayan na marami na palang katanggap tanggap na gawain ngayon na nuon naman ay hindi katanggap-tanggap. Hindi natin napapansin na normal nalang palang makita na ang isang lalaki ay gumawa ng pambabaeng gawain, at ang mga babae nakikita natin na gumawa ng gawain panlalaki.
At sa aking pananaw, ang dahilan kung bakit unti-unti na natin natatanggap ang lahat ng ito, ay dahil sa pagiging praktikal. Praktikal, dahil ang ibang lalaki ay wala naman kinakasamang babae, dahilan para gawin nila ang gawain pambabae, at ang mga babae ay nadagdagan ng responsibilidad kaya sila ay gumagawa na rin ng mga gawain panlalaki. At kung hindi man ang pagiging praktikal ang dahilan ng pagbabagong ito, maaari gusto lang ng bawat isa na pagbutihin ang estado ng kanilang pamumuhay.
Katulad nalang sa lugar na aking kinalakihan dito sa caloocan, nalaman ko sa aking mga kalaro nuong bata pa lamang ako na halos lahat sa amin, ang mga ina namin ay nag-tatrabaho para magkaruon ng mabuting pamumuhay. Ang akala ko kasi normal lang 'yon ngunit nung nag-simula na ako mag aral sa elementary nalaman ko na nuon pala dapat ang mga babae ay hindi nag tatrabaho at dapat nasa bahay lang sila, nagluluto, naglilinis, taga alaga ng kanilang mga anak. Pero sa makabagong panahon ay naging mahirap na ang pamumuhay, at sa pagiging praktikal ay napagdesisyunan ng mga babae na dapat mag trabaho na rin sila upang makatulong sa kanilang mga asawa. Dahil gusto ng mga babae na magkaruon ng mabuting pamumuhay kasama ang kanilang pamilya.
Marami pang kapansin-pansin na pag-babagong sa mga kababaihan sa panahon ngayon, dahil kung nuon sila ay mahinhin kumilos, balot na ballot ang pananamit, mahumanay mag salita, sumusunod naaayon sa utos lamang ng mga kalalakihan, hindi makabasag pinggan, hanggang kapit-bahay lang ang alam na puntahan. Ngunit sa panahon ngayon lahat ng iyon ay nag-bago na ng tuluyan. Dahil ang mga makabagong kababaehan ngayon ay mayruon nang sariling desisyon sa buhay, hindi na sila masyadong umaasa sa mga kalalakihan pag dating sa realidad ng buhay. Natuto na silang tumayo sa kanilang mga paa, at gawin ang mga bagay-bagay na naaayon sa hinahangad nila. Ang mga kababaehan ngayon ay mas may kalayaan na. Lahat ng pag-babago ng mga kababaehan ngayon ay hatid na rin siguro sa mga palabas sa telebisyon, mga nababasa nila sa isang magasin o pocketbook, mga napapakinggan nila sa radyo o sa mga taong nakapaligid sa kanya.
Pero may mga kababaehan ngayon na ginagamit itong "kalayaan" nila sa maling paraan. Sabi nga sa quote galing sa hindi kilalang may akda, na ang sabi, "Karamihan sa mga babae ngayon ay hindi na kasing husay magluto ng kanilang nanay, pero kasing lakas uminom ng kanilang tatay". Dahil nga sa mas may "kalayaan" na sila sa panahon ngayon ay sinasamantala nila ito at ginagamit sa maling paraan. Nagiging bastusin sila at nagiging mapangahas, hindi iniisip ang kinabukasan, kaya naman nababarkada ang iba at nag-aadik, ang iba naman ay nabubuntis sa maagang edad, nagiging ina kahit hindi pa sila handa. Pinapasok nila ang isang mundo na walang kasiguraduhan.Ngunit hindi naman lahat ng mga babae ay napapariwara sa kanilang buhay dahil ginagamit nila ang kanilang "kalayaan" sa tamang paraan para makuha nila ang kanilang pinapangarap na estado sa buhay, ang maging isang babaeng matagumpay sa lipunan.
Sa modernong panahon, hindi na talaga maikakaila na marami nang pag-babago sa mga kababaehan at halos napapantayan na nila ang kalalakihan sa mata ng lipunan. Binibigyan na rin ng importansiya ang mga babae ngayon katulad ng pagbibigay importansiya sa mga lalaki. Binibigyan pansin na rin ang kanilang boses tulad ng pagbibigay pansin sa boses ng mga lalaki. Mas bukas na ang pag-iisip ng mapagmatang lipunan sa mga kababaehan na mayruon rin silang angking kakayanan katulad ng mga lalaki na dapat hindi itapon ngunit dapat itong bigyan halaga. Ibang iba na talaga ang lebel ng pag-babago ng babae ngayon kung ikukumpara nuo dahil ngayon may mas paninindigan na sila sa kanilang sarili halimbawa nalang sila Miriam Defensor Santiago at si Leila Delima. Ang mga babaeng may tapang na nagpapataob sa kanilang binabangga o nababangga. Katulad ng mga lalaki, marami na ring mga kababaihan na nag tagumpay na sa iba't ibang larangan na tinahak nila sa kanilang buhay. Sinusubukan nilang sirain ang dating naging pananaw ng lipunan sa mga babae, na sila ay hanggang pangbahay lamang dahil sila ay mahina. Kung dati minamaliit lamang sila, ngayon ay may halaga na rin sila sa lipunan. Katulad ng mga lalaki ang mga babae may halaga, may angking kakayanan, may abilidad na gawin ang gusto nila. Dahan dahan na nagiging pantay na ang mga babae sa lalaki sa pananaw ng lipunan ng ating bansa.