PROYEKTO sa FILIPINO

SAMPLE NG PAGREBYU ng PELIKULA

Sisterakas
Star Cinema Production

Wenn V. Deramas
Direktor:

Vincent del Rosario
Veronique del Rosario Corpus
Prodyuser:

Buod ng Pelikula: Ang pelikulang SISTERAKAS ay isang komedya at drama na tungkol sa magkapatid-sa-ama na sina Detty at Totoy. Si Totoy ay naghangad na makapaghiganti sa kanyang kapatid matapos na hindi tinulungan ni Detty ang ina ni Totoy. Dahil sa poot at galit, naisipan ni Totoy na magpayaman upang may maipagmayabang sya sa kanyang kapatid at sa pamilya nito. Lubos na nagbunga ang mga paghihirap ni Totoy at ‘di nagtagal ay nagging matagumpay syang designer at nagmamay-ari ng isang dress apparel, ang Ponytale. Sa kabilang dako naman, si Detty ang kapatid ni Totoy, ay naging mahusay na designer ng damit at nagkaroon ng magandang pamilya, subalit di naglaon, sila ay naghirap matapos syang iwan ng kanyang asawa. Dahil sa hirap at tadhana, napadpad sya sa kumpanya ng kanyang kapatid. Naging puno ng katatawanan ang pelikula habang pinahihirapan ni Toto yang kanyang kapatid. Di nagtagal, lumipat si Detty sa kabilang kumpanya na pinamumunuan ni Suzette. Si Suzette naman, isa sa mga karakter sa pelikula ay ang naging protagonist o kalaban ni Totoy sa kanyang karera. Dahil sa galing ni Detty sa pagiging designer, naiisipan ng ama ni Suzette na paaralin si Detty sa Harvard at ang maging susunod na CEO ng kumpanya. Nagselos si Suzette sa tinatamasa ni Detty at binalak nyang ipapatay ito. Subalit, dahil na rin sa pagmamahal ni Totoy sa kapatid ay naisalba nya si Detty sa kasawian. At mula noon, naging masaya at puno na nang pagmamahal ang kanilang pamilya.

Tema/Paksang Diwa 1. Tinalakay sa pelikula ang tungkol sa pagmamahal at kapatawaran ng magkapatid sa kabila ng lahat ng nangyari sa kanilang mga buhay. 2. ipinakita din sa pelikula ang pagiging matagumpay ng isang nangangarap na Pilipino sa kabila ng lahat ng pagsubok.

Pamagat ng Pelikula Ang pamagat ng pelikua na “Sisterakas” ay umayon sa buong banghay at istorya ng pelikula dahil galing dito ang relasyon nina Totoy at Detty. Nakaaakit ng manunuod ang pamagat dahil sa masaya at nakatutuwa nitong bigkas at tunog. Sa tunog at bigkas pa lang ng pamagat, masasabi mo na ang anyo o genre ng pelikula--- Komedya.

Pagganap ng mga Tauhan Masasabi ko na buong-puso at buong husay na ginampanan nina AiAi Delas Alas bilang Detty, Vice Ganda bilang Totoy, Kris Aquino bilang Suzette ang kani-kanilang mga karakter. Napanatili nila ang saya, katatawanan at buhay ng kwento. Naging epektibo ang kanilang pagganap sa pagbibigay saya at tawa sa manunuod.

Diyalogo Ang mga linya sa kwento at ng mga tauhan ay nagbigay kulay at tunay na naghatid ng kasiyahan sa manunuod. Subalit, may ibang linya na hindi angkop sa mga mas batang manunuod. Ang iba ay nakakatawa nga, ngunit tunay na nakakasakit sa damdamin ng ibang karakter.

Cinematography Sa cinematograpy, mahusay na kinunan ng kamera ang iba’t-ibang anggulo ng pelikula. Maliwanag at nakikita ng maayos ang buong setting dahil sa malinaw na pagkakakuha nito.

Iba pang Aspektong Teknikal Medyo nagiging maingay ang ibang bahagi pelikula dahil sa malakas na background music, tulad na lamang doon sa isang bahagi ng pelikula kung saan nagkaroon ng fashion week ang kumpanya nina Totoy at Suzette, hindi mo maiintindihan ang kanilang paguusap at nangangailangan pa ng subtitle upang maintindihan. Ngunit sa kabuuan, maayos naman ang pelikula at kaaya-ayang panuorin.