KABANATA 1
ANG SULIRANIN AT ANG SAKLAW NITO
INTRODUKSYON
Rasyonale ng Pag-aaral
“Facebook! Twitter! Tumblr!” Ito ang sigaw ng kabataan. Sila ang nabibilang sa saklaw ng mga gumagamit ng Social Networking Sites. Alam nating lahat ang mga panganib o pakinabang na idinudulot ng World Wide Web, subalit, ang epekto nito sa mga mag-aaral ay hindi isinasaalang. Sa iba, ang SNS siguro ay nakakatulong sa kanilang edukasyon, pero may iba rin naman na hindi sumasang ayon.
Ang kadalasang ginagamit ng mga estudyante sa paggawa ng kanilang mga takdang aralin ay ang internet, pero bago sila nagsisimula sa kanilang pananaliksik, karamihan sa kanila ay binubuksan muna ang kanilang mga profile sa iba’t-ibang SNSs. Malawak ang abot ng impluwensiya ng mga SNS at hindi talaga maiiwasan ng mga kabataan ngayon ang temptasyon sa pagdalaw/pagsuri nito.
Ang mga SNS ay magsilbing pahinga sa mga bata, lalo na kung napapagod sila sa paaralan. Kaya nasanay na silang pumunta sa mga SNS kahit na may mas importante sa silang gawin gaya ng kanilang mga takdang aralin. Kung susuriin nila ang internet, tiyak na lahat ng kanilang kailangan ay nandoon na. At dahil sa mga makabagong teknolohiya, marami nang naimbento ang mga dalubhasa na ang layuning ay makipaghalubilo sa kanilang mga kaibigan at mahal sa buhay. Tiyak na ito ay makapagmumulat sa mga kabataan ngayon. Tiyak na ito ay makapagmumulat sa mga kabataan ngayon, lalo na kung makikita nila ang kanilang mga kaibigan at kamag-anak sa internet. Ang iba ay gusto din na makakilala ng mga bagong kaibigan kaya mas magagalak sila kung lagi silang naka-online para mas updated/nakakaalam sila sa mga balita at impormasyon kamakailan.
Hindi natin masasabi na ang SNS ay may maganda o di kaaya-ayang epekto. Nasa ugali at disiplina na ng mga kabataan kung ano talaga ang mas nakabubuti sa kanila at kung paano sila makakatungo sa epekto ng mga SNS. Kaya sa aming pananaliksik, layunin namin na alamin ang impluwensiya at epekto nito sa akademikong performans ng kabataan ng CNU-ILS High School Department.

Sanligang Teoretikal
Ang pag-aaral na ito ay idinuong sa Social Capital Theory (Bourdieu, et. Al., as cited by Qureshi, 2006). Ang konsepto ng Social Capital Theory ay umiiral simula noong nabuo ang mga maliliit na kommunidad at nakipag-ugnayan ang mga tao sa iba nang may pananalig at tiwala; ngunit, ang terminong ito sa kanyang kasalukuyang anyo at mga kaugnay na kahulugan ay pinasikat nina Bourdieu, Coleman, Granovetter at ni Putnam. Ang Social Capital Theory ay nakabase sa kasabihang “Matutulungan ako ng aking mga koneksyon” (Cross and Cummings, 2004, as cited by Qureshi, 2006), na tungkol sa pagtatag ng mga ugnayang naglalayong lumikha ng mga nasasalat at hindi madaling unawain na mga benepisyo sa madalian o matagalang termino. Ayon kay Lin (2000, as cited by Qureshi, 2006), na ang mga benepisyo ay maaaring pangsosyal, pangkaisipan, pang-emosyonal at pang-ekonomikal.
Ang pag-aaral na ito ay naglalayong maintindihan at maunawaan ang epekto ng mga social networking sites sa mga kabataan ngayon. Ayon pa nga sa social cognitive theory, ang paguugali ng tao, personal na kadahilanan ay dulot ng kanyang kapaligiran (Bandura 1977; Bandura 1986). Sinusuportahan ito ng social network theory na nagsasaad ng kahalagahan ng mga koneksyon.
Ang pag-aaral na ito ay nabuo rin mula sa Social Learning Theory (Bandura). Ang teoryang ito ay tungkol sa pag-uugali ng tao, na nagsasabing sa pamamagitan ng pag-oobserba sa pagkikilos ng ibang tao ay natututo tayo ng maraming bagay. Sinasaad din dito na ang pag-uugali at personal na mga kadahilanan ng isang tao ay nakabase sa kapaligiran nito. Nilalayon ng pag-aaral na ito na malaman ang epekto ng mga SNSs sa ating mga kabataan ngayon, lalo na’t halos minu-minuto ay ito lamang ang kanilang inaasikaso.
Bilang mga tao, karaniwan lamang sa atin na makipag-ugnay sa iba. Ngunit, dahil sa lahat ng bagay ay magkaugnay, hindi maiiwasan na mayroon itong dulot na epekto sa ating lahat. Ang mga social networking sites ay isang manipestasyon ng social capital theory dahil naglalayon itong pag-ugnayin ang mga tao sa iba’t-ibang bahagi ng mundo sa pamamagitan ng paggamit sa teknolohiya upang mapadali ang sosyalisation. Ang paggamit sa mga social networking sites upang magkalat ng impormasyon ay sinasabing isa sa pinakamabisang paraan ng pagbabahagi ng kaalaman.
Ang kaalaman at epektong dulot ng mga social networking sites ay makakatulong sa mga kabataan natin ngayon upang mas mapadali ang kanilang pag-aaral.

ANG SULIRANIN
Paglalahad ng Suliranin

Nilalayon ng pag-aaral na matukoy ang mga kaisipang nakapaloob sa mga epekto at impluwensiya ng mga Social Networking Sites sa mga kabataan ng CNU-ILS Hayskul Depatment.

Nilalayon ding masagot ang mga sumusunod na katanungan

1. Ano ang mga profile ng mga mag-aaral;
1.1 Edad
1.2 Oras sa pagbabad ng SNS
1.3 SNS na karaniwang ginagamit
1.4 Ano ang kanilang ginagawa kapag bumubukas ng SNS? 2. Ano ang akademikong performans ng mga mag-aaral;
2.1 Unang Markahan
2.2 Ikalawang Markahan
2.3 Ikatlong Markahan 3. May kaugnayan ba ang epekto at impluwensiya ng SNS sa Akademikong Performans ng mga mag-aaraal?

Kahalagahan ng Pag-aaral

Ang kalabasan ng pag-aaral na ito ay makapagdudulot ng pakinabang at kahalagahan sa mga sumusunod:

Mga mag-aaral. Ang pag-aaral na ito ay makakatulong sa mga mag-aaral upang sila ay magkaroon ng kaalaman ukol sa epekto at inpluwensiya ng Social Networking Sites sa pag-aaral nila. Mga Guro. Ang pananaliksik na ito ay magbibigay alam sa mga guro kung paano nila makokontrol ang paggamit ng mga mag-aaral sa mga Social Networking Sites. Mga Magulang. Ang resulta ng pag-aaral na ito ay makakatulong sa mga magulang para matagumpay nilang mapagsabihan ang kanilang mga anak tungkol sa paggamit ng mga Social Networking Sites sa mga araw na mayroong klase.
Mga Tagapamahala. Ang resulta ng pag-aaral na ito ay makakatulong bilang batayan ng mga administrador ng paaralan kung anong uri ng inpluwensiya ang idinudulot ng mga Social Networking Sites sa mga mag-aaral at kung paano ito malulutas.
Mga Mananaliksik. Ang resulta ng pag-aaral na ito ay makapagbibigay inpormasyon sa epekto at inpluwensiya ng Social Networking Sites sa mga mananaliksik sa hinaharap para mapagbuti pa nila ang pananaliksik na ito.

Kabanata 2
MGA KAUGNAY NA LITERATURA AT PAG-AARAL
Ang kabanatang ito ay tumatalakay sa mga kaugnay na literatura at pag-aaral na nakatutulong nang malaki sa ginawang pag-aaral dahil nagbibigay ito ng katotohanan upang mabuo ang pag-aaral na ito.
Ayon kay Lin (1999), ang mga social networks ay maaaring magrestrikta sa mga tao sa pamamagitan ng paglilimita ang hanay ng kanilang mga pakikipag-ugnayan sa ibang tao, ngunit ang mga networks na ito ay maaari ring magbigay ng pag-asa sa mga tao sa pamamagitan ng paggawa ng mga magagamit na panghuling mapagkukunan ng mga bagay-bagay. Ang kakayahan ng mga tao na makipag-ugnay sa ibang tao ay tunay na kahanga-hanga. Ang abilidad na ito ay nagpapatunay lamang na ang mga tao ay naiiba sa ibang hayop. Sa pamamagitan ng pag-aaral na ito ay mas mapapatunayan naming kung ang pakikipag-ugnay ng mga mag-aaral sa pamamagitan ng mga Social networking sites ay tunay nga bang nakakaapekto sa kanilang mga marka. Ang pagkatuto ng isang indibidwal ay hindi lamang nalilimit sa mga bagay na kanyang natututunan sa paaralan. Marami tayong natututunan mula sa mga pangaraw-araw na pangyayari sa ating mga buhay. Ngunit hindi natin maitatanggi na karamihan sa mga kaalamang nadadala natin hanggang sa ating pag-laki ay nakukuha mula sa mga paaralan. Ibig sabihin, ang pagbaba ng mga marka ng mga estudyante patungkol sa iba’t-ibang distraksyon ay isang malaking problema. Ang pag-usad ng mga social networking sites sa mundong ibabaw ay hindi isang pagkakataon lamang. Mariing nakasuporta dito ang ideyang “matutulungan ako ng aking mga koneksyon.” Ayon pa nga kay Lin (2000, as cited by Qureshi, 2006), ang mga benepisyo nito ay maaaring pangsosyal, pangkaisipan, pang-emosyonal at pang-ekonomikal. Ayon din kay Mike DiLorenzo (NHL Social Media Marketing Director), “…ang mga Social networks ay hindi tungkol sa mga Web sites, ito ay tungkol sa ating mga karanasan." Ang araw-araw na pakikibaka sa buhay ay hindi isang medaling Gawain. Bilang mga tao, kakailanganin natin ang mga SNSs na ito. Ang patuloy na pag-unlad ng makabagong teknolohiya ay gamitin natin sa tamang paraan mas lalo nating mapakinabangan ito. Gamitin natin ang makabagong teknolohiyang ito upang mas mapabuti ang pag-aaral n gating mga mag-aaral.

Kabanata 3
METODOLOHIYA
Disenyo ng Pag-aaral Ginamit ang mixed “quantitative – qualitative” na pag-aaral dahil pinagbabasehan sa pananaliksik ang karaniwang marka ng mga mag-aaral sa sekondarya ng Cebu Normal University-Integrated Laboratory School. Binigyang-diin ang epekto at impluwensya ng social networking sites sa pag-aaral ng mga nasabing mag-aaral.

Kapaligiran o Lokal ng Pananaliksik Ang aming pananaliksik ay ginawa sa Cebu Normal University – Integrated Laboratory School High School dahil ang pag-aaral na ito ay nakatuon lamang sa mga mag-aaral sa sekondarya ng Cebu Normal University-Integrated Laboratory School, Cebu City. Ang mga resulta sa nakalap namin na mga sarbey ay nangangailangan ng partisipasyon ng mga mag-aaral sa departamento ng Haiskul.

Tagapagtugon ng Pananaliksik Ang mga tagapagtugon ng pananaliksik na ito ay ang mga mag-aaral sa sekondarya ng Cebu Normal University-Integrated Laboratory School. May 30 mag-aaral na random na pinili para sumagot ng isang sarbey.

Instrumento ng Pananaliksik
Ang mga instrumento na ginagamit sa pananaliksik ay ang: * Sarbey
Ang sarbey ang ginagamit namin para mapag-aralan ang epekto ng Social Networking Sites sa mga estudyante ng CNU-ILS.
Sa sarbey, nakalakip doon ang mga tanong ukol sa mga karaniwang Sites na ginagamit ng mga kabataan, kung ano ang oras na ginugol, at kung nakaapekto ba ito sa kanilang pag-aaral.

Paraan ng Paglilikom ng mga Datos Ang sumusunod ay ang mga paraan na ginamit ng mga mananaliksik upang makalikom ng mga Datos sa pag-aaral na ito: 1. Bago ginawa ang pag-aaral na ito ay humingi muna ng pahintulot ang mga mananaliksik mula sa Superbisor ng Cebu Normal University – Integrated Laboratory School para gumawa ng pagsusuri sa loob ng departamento. 2. Pagkatapos ay gumawa kami ng Transmital na Liham sa mga Tagapagtugon upang hingin ang kanilang partisipasyon sa pananaliksik na ito. 3. Isinagawa na ang sarbey sa iba’t ibang taon ng CNU-ILS High School Department. Pitong partisipante sa Unang Taon; walo sa Ikalawang Taon; walo sa Ikatlong Taon; at pito sa Ikaapat na Taon. 4. Itinala na ng mga mananaliksik ang nalikom na mga datos.
KATUTURAN NG MGA TALAKAY Ang sumusunod na mga terminolohiya ay binigyang kahulugan para lubos na maunawaan ang paglalahad at pagtatalakay sa pag-aaral na ito:
Akademikong Performans ay tumutukoy sa mga performans ng mga mag-aaral pagdating sa mga usaping akademiko.
Mag-aaral ay tumutukoy sa mga estudyante ng Cebu Normal University – Integrated Laboratory School Hayskul Department na nakilahok sa pag-aaral na ito.
Social Capital Theory ay tumutukoy sa pagkabuo ng mga maliliit na kommunidad at pakikipag-ugnayan ng mga tao sa iba nang may tiwala at pananalig.
Social Cognitive Theory ay tumutukoy sa mga paguugali ng tao at mga personal na kadahilanan na dulot ng mga nangyayari sa kapaligiran nito.
Social Learning Theory ay tungkol sa pag-oobserba ng mga pag-uugali at saloobin ng iba at matuto mula sa mga kinalalabasan ng iyong obserbasyon.
Social Network Theory ay nagsasaad ng kahalagahan ng pagkakaroon ng maraming koneksyon.
Social Networking Sites ay dinaglat bilang SNS, ang mga social networking sites ay isang parirala na ginagamit upang ilarawan ang anumang Web Site na nagbibigay-daan sa mga gumagamit upang makipag-uganayan sa ibang tao.

KABANATA 4
PRESENTASYON AT INTERPRETASYON NG MGA DATOS Ilalahad dito ang natuklasan ng mga mananaliksik sa ginawang pag-aaral. Ito ay mahalaga sa pagkakaroon ng basehan sa pagbibigay ng interpretasyon tungkol sa mga datos na natipon. Ipiprisinta rin dito ang mga talahanayang sumasagot sa mga problema sa mga naunang katanungan na nailahad sa suliranin. Makikita rin dito ang interpretasyon ukol sa mga talahanayang ipinapakita sa pananaliksik na ito.

Edad ng mga Gumagamit ng Social Networking Sites

Talahanayan 1.1
Edad ng mga Gumagamit ng Social Networking Sites

EDAD | Bilang ng Tagapagtugon | Bahagdan | 12-14 | 9 | 30% | 15-16 | 19 | 63% | 17 pataas | 2 | 7% |

Karaniwan sa mga gumagamit ng mga Social Networking sites ay nagkakaedad ng labing-lima hanggang labing-anim na taong gulang. Ito ay sa kadahilanang karamihan sa mg nagkakaedad ng labing-lima hanggang labing-anim ay mas maraming rason upang gumamit ng mga SNSs. Ito ay sinundan ng mga nagkakaedad ng labing-dalawa hanggang labing-apat na taong gulang. Panghuli dito ay ang grupo ng mga nagkakaedad ng labing-pito pataas. Pinapakita ng talahanayang ito na dahil mas maraming nagkakaedad ng labing-lima hanggang labing-anim ang gumagamit na mga SNSs, sila ang pinakanaaapektohan nito.

Oras na Ginugugol sa Social Netoworking Sites

Talahanayan 1.2
Oras na Ginugugol sa Social Netoworking Sites | HINDI HIHIGIT SA LIMANG ORAS | HIGIT PA SA LIMANG ORAS | HIGIT PA SA SAMPUNG ORAS | LUNES HANGGANG MIYERKULES | 24 | 6 | 0 | BIYERNES HANGGANG LINGGO | 7 | 16 | 7 |

Karaniwan sa mga-aaral ay gumugugol ng hindi higit sa limang oras kapag Lunes hanggang Miyerkules sa kadahilanang marami pa silang dapat na mas atupagin kaysa sa mga SNSs; habang gumugugol naman sila ng higit pa sa sampung oras kapag Biyernes hanggang Linggo sa kadahilanang wala silang klase sa mga araw na ito. Ibig sabihin, ang pagkakaroon ng maraming bakanteng oras ay nag-uudyok sa mga estudyante upang gumamit ng mga SNSs.

Mga Social Networking Sites na Ginagamit

Talahanayan 1.3
Mga Social Networking Sites na Ginagamit FACEBOOK | 22 | TUMBLR | 2 | TWITTER | 3 | ANG TATLO | 3 |

73% ng mga mag-aaral ay gumagamit ng Facebook; 7% ng mga mag-aaral ay gumagamit ng Tumblr;10% ng mga mag-aaral ay gumagamit ng Twitter; habang 10% ang gumagamit sa tatlong SNSs. Karamihan sa mga mag-aaral ay gumagamit ng Facebook, habang ang natitrang bilang ng mga mag-aaral ay nahahati sa mga natitirang mga SNSs.

Ang Karaniwang Ginagawa ng mga Mag-aaral sa mga Social Networking Sites

Talahanayan 1.4
Ang Karaniwang Ginagawa ng mga Mag-aaral sa mga Social Networking Sites

Pagtatalakay ng mga Takdang Aralin | 3 | Paglalagay ng mga larawan | 9 | Paglalaro | 1 | Pakikipag-chat at wall-to-wall | 17 |

57% ng mga mag-aaral ay gumagamit ng mga Social Networking Sites upang makipag-chat at makipag-wall-to-wall; 30% ng mga mag-aaral ang gumagamit ng mga Social Networking Sites upang maglagay ng larawan;30% ng mga mag-aaral ang gumagamit ng mga Social Networking Sites upang talakayin ang mga takdang aralin;at 3% ng mga mag-aaral ang gumagamit ng mga Social Networking Sites upang maglaro. Pinatutunayan lamang nito na ang pakikipag-ugnay sa ibang tao ay mahalaga. Tinatalakay ng talahanayang ito ang Social Capital Theory na nabuo noong nagkaroon ng mga maliliit na kommunidad at nagsimulang magtiwala ang tao sa iba. Pinapakita lamang ng talahanayang ito kung gaano kahalaga ang pakikipag-ugnay sa ibang tao.
Nakuhang Average ng Unang Taon hanggang Ikaapat na Taon sa Una hanggang Ikaapat na Markahan

Talahanayan 2
Nakuhang Average ng Unang Taon hanggang Ikaapat na Taon sa Una hanggang Ikaapat na Markahan | TAGAPAG-TUGON | UNANG
MARKAHAN | DIFFERENCE | IKALAWANG MARKAHAN | DIFFERENCE | IKATLONG MARKAHAN | UNANG TAON | 1 | 87 | -1 | 86 | -1 | 85 | | 2 | 86 | -1 | 85 | -0.5 | 84.5 | | 3 | 88 | -3 | 85 | -3 | 82 | | 4 | 83 | 0 | 83 | -1 | 82 | | 5 | 87 | 1 | 88 | 1.45 | 89.45 | | 6 | 85.75 | 0.75 | 86.5 | -1.75 | 84.75 | | 7 | 81.3 | 2.2 | 83.5 | -2.75 | 80.75 | | AVERAGE | 85.44 | | 85.29 | | 84.06 | IKALAWANG TAON | 1 | 87 | -2 | 85 | -1 | 84 | | 2 | 88 | -1 | 87 | -1 | 86 | | 3 | 85 | 0 | 85 | -1 | 84 | | 4 | 87 | -1 | 86 | 0 | 86 | | 5 | 83 | 1 | 84 | -3 | 81 | | 6 | 87 | 0 | 87 | 0 | 87 | | 7 | 81 | 0 | 81 | 0 | 81 | | 8 | 86 | -1 | 85 | 0 | 85 | | AVERAGE | 85.5 | | 85 | | 84.25 | IKATLONG TAON | 1 | 89 | 0 | 89 | -2 | 87 | | 2 | 88 | 0 | 88 | -1 | 87 | | 3 | 89 | -1 | 88 | -1 | 87 | | 4 | 90 | -1 | 89 | 0.5 | 89.5 | | 5 | 88 | -1 | 87 | 0 | 87 | | 6 | 90 | -2 | 88 | -1 | 87 | | 7 | 88 | -1 | 87 | -1 | 86 | | 8 | 84 | 0.7 | 84.7 | 0.5 | 85.2 | | AVERAGE | 88.25 | | 87.59 | | 87.06 | IKAAPAT NA TAON | 1 | 82 | 2 | 84 | -3 | 81 | | 2 | 89 | -1.56 | 88.56 | 0.43 | 88.99 | | 3 | 86 | -1 | 85 | 0 | 85 | | 4 | 88 | -1 | 87 | 0 | 87 | | 5 | 87 | 0 | 87 | 0 | 87 | | 6 | 86 | -1 | 85 | 0 | 85 | | 7 | 88.7 | -0.2 | 88.5 | -0.39 | 88.11 | | AVERAGE | 86.67 | | 86.44 | | 86 |

Sa Unang Markahan, ang unang taon ay nakakuha ng average na 85.44; ang ikalawang taon naman ay nakakuha ng average na 85.5; ang ikatlong taon naman ay nakakuha ng average na 88.25; habang ang ikaapat na taon naman ay nakakuha ng average na 86.67. Sa Ikalawang Markahan, ang unang taon ay nakakuha ng average na 85.29; ang ikalawang taon naman ay nakakuha ng average na 85.25; ang ikatlong taon naman ay nakakuha ng average na 87.59; habang ang ikaapat na taon naman ay nakakuha ng average na 86.44. Sa Ikatlong Markahan naman, ang unang taon ay nakakuha ng average na 84.06; ang ikalawang taon naman ay nakakuha ng average na 84.25; ang ikatlong taon naman ay nakakuha ng average na 87.06; habang ang ikaapat na taon naman ay nakakuha ng average na 86. Sa talahanayang ito, makikita natin ang pagkakaiba ng mga grado ng mga mag-aaral sa bawat markahan. Pinapakita nito na habang tumatagal, bumababa ang mga marka ng mga mag-aaral. Maaaring hindi ito dahil sa mga Social Networking Sites ngunit hindi natin maitatanggi na isa ang mga SNSs sa mga distraksyon ng mga mag-aaral sa kanilang pag-aaral. Pinapakita din ng talahanayang ito ang epektong dulot ng paggamit ng mga social networking sites. Ang pag-baba ng mga marka ng mga mag-aaral ay hindi maaaring pagkakataon lamang at maaaring dulot lamang ng isang distraksyon na pareho sa kanilang lahat at ang pinaka-komon sa mga kabataan ngayon ay ang paggamit ng mga Social Networking Sites.

Kaugnayan ng Epekto at Impluwensiya ng SNS sa Akademikong Performans
Talahanayan 3
Kaugnayan ng Epekto at Impluwensiya ng SNS sa Akademikong Performans | OO | HINDI | Araw-araw ka bang gumagamit ng Social Networking Sites? | 9 | 21 | Para sa iyo, may mabuti bang naidudulot ang mga SNS sa iyong akademikong perpormans? | 18 | 12 | May mga pagkakataon bang hindi mo nagagawa ang iyong mga gawain dahil sa Social Networking Sites? | 18 | 12 | Bago ka gumawa ng iyong takdang-aralin, binubuksan mo ba muna ang iyong mga account sa iba’t ibang SNS? | 9 | 21 | Gumagamit ka ba ng mga Social Networking Sites sa madaling araw? | 10 | 20 | Para sayo, mahalaga ba ang mga Social Networking Sites? | 27 | 3 |
Karaniwan sa mga mag-aaral ay hindi gumagamit ng Social Networking Sites araw-araw. Ang bilang ng mga nagsasabing gumagamit sila ng mga Social Networking Sites araw-araw ay siyam habang ang nagsasabi naming hindi sila gumagamit ng social networking sites araw-araw ay dalawampu’t isa. Karaniwan naman ng mga mag-aaral ang nagsasabing may dulot na kabutihan sa kanila ang mga Social Networking Sites pagdating sa kanilang akedemikong performans. Labing-walo ang nagsasabing may dulot itong kabutihan sa kanilang akademikong performans habang labing-dalawa naman ang nagsasabing hindi ito nagdudulot ng kabutihan pagdating sa kanilang akademikong performans. Karaniwan din sa mga mag-aaral ang nagsasabing hindi nila nagagawa ang kanilang mga dapat gawin dahil sa mga Social Networking Sites. Labing walo sa mga estudyante ang sumasang-ayon dito habang ang natitirang labing dalawa ay nagsasabing nagagawa nila ang kanilang mga gawain. Karaniwan sa mga mag-aaral ang nagsasabing nagagawa nila ang kanilang mga takdang-aralin bago nila buksan ang kanilang mga account sa iba’t-ibang Social Networking Sites; dalawampu’t isa ang nagsasabi nito habang ang natitirang walong mag-aaral ay nagsasabing binubuksan nila ang kanilang mga accounts sa iba’t-ibang Social Networking Sites bago nila gawin ang kanilang mga takdang-aralin. Dalawampu sa mga estudyante ang nagsasabing hindi sila gumagamit ng mga Social Networking Sites sa madaling araw; habang ang natitirang sampung estudyante ay nagsasabing gumagamit sila ng mga SNSs sa medaling araw. Panghuli, karaniwan sa mga estudyante ang nagsasabing mahalaga sa kanila ang mga Social Networking Sites.Dalawampu’t pitong estudyante ang nagpapatunay nito habang ang natitirang pitong estudyante ay tumataliwas sa ideyang ito. Karaniwan sa mga mag-aaral nag nag-sasabing nakaka-apekto sa kanilang akademikong performans ang paggamit ng mga social networking sites. Ayon pa nga kay mag-aaral 1, “Social Networking Sites does us no good, but it eases the stress caused by school work and other certain activities”. Sinang-ayunan ito ni mag-aaral 2 na nagsasabing “Social Networking Sites are distraction to students, making procrastination inevitable kay mas ma prioritize man nila ang mga social networking sites”. Sabi din ni mag-aaral 3 “makaapekto jud ang mga social networking sites kay more students tend to go online than doing homework and it also gives students less time to study on approaching exams kay mag-chat chat pa ang uban”. Ayon sa mga binitawang mga salita ng mga estudyanteng ito, mariin naming masasabi na tunay ngang nakaka-apekto ang mga Social Networking Sites sa akademikong performans ng mga mag-aaral dahil nagsisilbi itong distraksyon sa kanilang pag-aaral.

KABANATA 5 NATUKLASAN, KONKLUSYON AT REKOMENDASYON

Natuklasan
Batay sa mga nakalap na datos, ang mga natuklasan sa pag-aaral na ito ay ang mga sumusunod:
1. Ang profile ng mga mag-aaral batay sa sumusunod na salik:
Karamihan 19 (63.4%) ay 15 – 16 taong gulang;
Karamihan 24 (80%) ay gumagamit ng Social Networking Sites sa hindi hihigit sa limang oras mula Lunes hanggang Huwebes;
Karamihan 16 (53.4%) ay gumagamit ng Social Networking Sites sa hindi hihigit sa sampung oras at hindi bababa sa limang oras;
Karamihan 22 (73.4%) ay gumagamit ng Facebook lamang.

2. Nakakatulong ba ang mga Social Networking Sites sa pag-aaral ng mga estudyante?
2.1 Nakakatulong ang mga Social Networking Sites sa pag-aaral ng mga estudyante.
2.2 Hindi nakakatulong ang mga Social Networking Sites sa pag-aaral ng mga estudyante.

Konklusyon Ayon sa natuklasan sa pag-aaral na ito, ang mga mananaliksik ay nakabuo ng konklusyon na karamihan sa mga estudyanteng gumagamit ng mga Social Networking Sites ang nagsasabing may dalang kabutihan ang mga nasabing sites. Ngunit ayon sa nakalap naming sarbey, marami sa mga estudyanteng ito ay hindi nagagawa ang mga nakatakdang gawain nila. Nagpapatunay lamang ito na ang mga social networking sites ay may masama at mabuting epekto sa mga mag-aaral ng Cebu Normal University Hayskul department. Ang patuloy na paggamit ng social networking sites ay maaaring makasama depende sa gumagamit nito. Hindi maitatanggi na tunay na maimpluwensya ang mga social networking sites lalo na sa ating mga kabataan ngayon, ngunit ang paggamit nito ay nasa estudyante lamang kung magpapaapekto ba siya o hindi. Nasa kanya ang desisyon kung patuloy siyang magpapaalipin dito o hindi. Maari niyang gamitin ang mga SNS sa kanyang pag-aaral at paglakap ng impormasyon. Sa kabuuan, ang mga Social Networking Sites ay nakakaapekto sa akademikong performans ng mga mag-aaral ng CNU-ILS High School at ito’y hadlang sa pag-aaral ng mga estudyante.

Rekomendasyon
Sa aming pag-aaral, marami kaming mga natuklasan at natutunan. Katulad ng kung paano nawawalan ng oras ang mga mag-aaral sa pag-aaral at sa oras sa pamilya. Nalalaan ang kanilang oras sa paggugol ng mga social networking sites. At sa aming pananaliksik, nakahanap kami ng mga posibling suliranin sa mga problemang ito na maaaring isaliksik sa susunod na mananaliksik.

1. Mga alternatibong Gawain na mababawasan ang paggamit ng SNSs sa mga mag-aaral.
2. Maglaan ng sapat na oras ang mga mag-aaral sa kanilang mga gawain, hindi lang sasa pag-aaral, kundi pati na rin sa mga gawaing bahay;
3. Maaaring subaybayan ng mga magulang ang kanilang mga anak sa paggamit ng SNSs at ituon ang kanilang pansin sa mga iba’t-ibang bagay katulad ng mga isports at mga gawaing pang-sosyal o panlipunan.