KABANATA I
ANG SULIRANIN AT KALIGIRAN NITO

1. Introduksyon
Ang kasaysayan ng isports ay maaaring nagmula pa noong nagsimula ang mga tao na maging aktibo. Ang isports ay naging mahalagang bagay sa mga tao upang madagdagan ang kanilang kasanayan sa kalikasan at kapaligiran. Ang kasaysayan ng isports ay maaaring magturo sa atin ng malaking kaalaman tungkol sa pagbabago sa lipunan at pati na rin sa katangian ng isports. Kinakailangan sa isports na linangin at sanayin ang kani-kanilang kakayanan para na rin sa kanilang kapakanan. Pinapakita rin nito kung paano nagbago ang lipunan sa kanilang paniniwala at dahil dun ay nagkaroon rin ng pagbabago sa mga patakaran o alituntunin.
Masasbi natin na ang isports ay matagal nang nagsimula, mapapatunayan ito sa mga madiskubreng mga pinta sa pader ng Lascaux Cave sa France na nagpapakita ng sinaunang uri ng sprinting at wrestling noong panahon ng matandang bato na mga 17,300 taon na ang nakararaan. Ang mga pinta sa pader ng isang kuweba sa probinsya Bayankhongor sa Mongolia na may edad 7,000 B.C. ay nagpapakita ng sinaunang uri wrestling na napaliligiran ng mga manonood.
Ang kahalagahan ng isports sa kurikulum ng isang paaralan ay nakasaad sa The 1987 Constitution of The Republic of the Philippines-Article XIV SEKSYON 19. (1) Dapat itaguyod ng Estado ang edukasyong pisikal at pasiglahin ang mga programang pang-sports, mga paligsahang panliga, at mga amateur sports, kasama ang pagsasanay para sa mga paligsahang pandaigdig, upang maisulong ang disiplina sa sarili, pagtutulungan ng magkakasama at kahusayan para sa pagbubuo ng kapamayanang malusog at mulat.(2) Ang lahat ng mga institusyong pang-edukasyon at dapat magsasagawa ng regular na mga gawaing pang-sports sa buong bansa at pakikipagtulungan sa mga samahan sa palaro at iba pang mga sektor.
Bukod dito ay may batas ring naipasa na may kaugnayan sa isports sa mga paaralan at ito ang Republic Act. No. 5708 na nagsasaad na: REPUBLIC ACT NO. 5708 - AN ACT PROVIDING FOR THE PROMOTION AND FINANCING OF AN INTEGRATED PHYSICAL EDUCATION AND SPORTS DEVELOPMENT PROGRAM FOR THE SCHOOLS IN THE PHILIPPINES
Section 1. This Act shall be known as "The Schools Physical Education and Sports Development Act of 1969."
Sec. 2. An integrated physical education and sports development program in all schools in the Philippines shall be undertaken by the Department of Education in accordance with the following guiding principles:
(1) The goal of physical education is to instill in young citizens a proper appreciation of the importance of physical development hand in hand with the mental development in individual and social activities;
(2) The sports and other activities in a physical education program should provide opportunities for the athletic development of children and youth who have the competitive spirit as well as grace, coordination, stamina and strength;
(3) A well-rounded physical education program must be addressed to physical growth, social training, and personal, discipline for all pupils and students, as well as superior athletic achievement for those who are psychologically inclined and physically gifted; and
(4) An integrated program for sports development in the schools requires effective organizational planning and administration with provisions for adequate training facilities and sustained stable financing. Sa madaling salita ipinapakita rito na ang isports ay matagal nang nagsimula pati narin ang kahalagahan nito sa mga tao noon paman, at sinasabi rin dito na malaki ang pagpapahalaga ng pamahalaan sa isports lalo na para sa mga kabataan kung kaya’t may mga batas silang ipinatutupad ukol ditto.
Dahil sa mga ito kung kaya’t kinakailangan talagang malinang ang mga mag-aaral ng iba’t ibang paaralan sa larangan ng isports.

2. Layunin ng Pag-aaral
Ang pamanahong papel na ito ay nagbibigay ng mga impormasyon hingil sa mga isports na dapat malinang sa mga estudyante ng UPHSD at naglalayong matugunan ang mga sumusunod na katanungan:
1. Gaano kalawak ang kaalaman ng mga mag-aaral ng UPHSD ukol sa isports?
2. Saan kadalasang nanggagaling ang kaalaman ng mga mga mag-aaral ukol sa isports?
3. Ano ang saloobin ng mga mag-aaral sa pagkakaroon ng asignaturang isports?
4. Sang-ayon ba ang mga mag-aaral sa paglilinang ng isports?
5. May ginagawa ba ang pamahalaan upang tumulong sa paglilinang ng isports sa mga pag-aaralan?

3. Teoritikal na Balangkas
May sikolohiko sa Amerika na nag-ara tungkol sa paghahasa ng pang-isports na kakayahan at nakabuo ng teorya:
Bird et. al (1986) Na ang isports-na naglalaman ng emosyon, kompetisyon, kooperasyon, pagkamit sa mga bagay, at paglalaro ay nagbibigay ng magandang lugar sa pangsikolohikal na pag-aaral. Ang mga taong sumasailalim sa isports ay sumusubok na pag-aralan ang mga pinakamahihirap na kakayahan, na kung minsan ay nagreresulta sa paglalagay sa kanilang sarili sa matinding pisikal na pagod at pati rin sa mga sosyal na presyur. Nang ang mga sikolohiko na ito ay nagsimulang pag-aralan ang isports noong 1930’s at 1940’s, sila ay nagpokus sa “motor performance” at sa pagtatamo ng “motor skills”. Ang sikolohiyang pag-isports ay lumitaw bilang naiiba o panibagong disiplina noong 1960’s, na halos binubuo ng mga teorya mula sa sikolohiyang panlipunan. Mula noon ay, ang mga pag-aaral ay lumawak sa mga maraming “area” tulad ng imagery training, hypnosis, relaxation training, motivation, socialization, conflict at competition, counseling, at coaching.
Ayon sa teoryang nabasa sa itaas ang mga isports ay mayroon ring mga masamang naidudulot sa mga kabataan. Dahil ditto pumapasok sa atin ang katanungang: “May mga aksyong ginagawa an ating pamahalaan na tulad sa mga aksyong ginawa ng mga sikolohiko sa Amerika?”
4. Kahalagahan ng Pag-aaral
Naniniwala ang mga na napakahalaga ng pag-aaral na ito. Maaari itong maging gabay sa mga estudyante na naguguluhan o nagkakaroon ng katanungan sa sarili kung bakit kinakailangan na magkaroon ng asignaturang may kinalaman sa isports.
Mahahalaga ang mga impormasyong nakasulat ditto hindi lamang sa mga kasalukuyang mag-aaral kundi pati narin sa mga darating pa na mag-aaral na maaring magkaroon rin ng ganitong katanungan sa kani-kanilang mga sarili.
Sa pamamagitan ng pananaliksik na ito sisikapin ng mga mananaliksik na masagutan kahit sa mumunting paraan ang mga katanungang iyong naglalaro sa mga mag-aaral ukol sa kahalagahan ng paglilinang ng isports sa paaralan tulad na lamang ng UPHSD.
Bukod dito maaari rin nating malaman ang mga saloobin ng mga estudyante ukol sa paksang ito at ang kani-kanilang kaalaman ukol sa paksa.

5. Saklaw at Limitasyon ng Pag-aaral
Ang pananaliksik na ito ay nakatuon sa pagsusuri ng damdamin, pananaw at kaalaman ng mga mag-aaral ukol sa nasabing paksa. Saklaw nito ang mga estudyante sa kolehiyo ng University of Perpetual Help sa ikalawang semestre ng akademikong taon 2013-2014.
Naniniwala ang mga mananaliksik mainam na magkaroon ng ganitong pag-aaral sa kasalukuyang panahon upang mabawasan ang mga katanungan ng mga mag-aaral ukol sa nasabing paksa.

6. Depenisyon ng mga Terminolohiya
Upang maging mas madali at ganap ang pagkakaintindi ng mga mambabasa, minarapat naming bigyan ng depenisyon ang mga sumusunod na terminolohiya batay kung sa paano ginamit ang bawat isa sa pamanahong-papel na ito:
Ang Lascaux Cave ay ang lugar kung saan makikita ang mga komplikadong kuweba sa may Timog-kanlurang Pransiyana sikat dahil sa mga pinta sa pader ng kuweba.
Ang Bayankhongor ay isa sa mga 21 na probinsiya ng Mongolia. Ito ay matatagpuan sa Timog-kanluran ng bansa, ito ay may kabuuang sukat na 116,000 kilometro kuwadrado, at isa ito sa mga pinakamalalaking probinsya ng Mongolia.
Ang 1987 Constitution of the Republic of the Philippines ay ang konstitusyon o ang pinakamataas na uri ng mga batas sa Pilipinas. Ito ay isinabatas noong 1987, sa ilalim ng administrasyon ng dating Pangulong Corazon C. Aquino.
Ang Republic Act ay mga bagong gawang batas matapos itong mapag-aralan ng mabuti ng Kongreso at maaprubahan ng Pangulo.

KABANATA II
MGA KAUGNAY NA PAG-AARAL AT LITERATURA
Marami nang mga pag-aaral ukol sa kahalagahan ng isports sa pang araw-araw na buhay lalong lalo na sa paaralan na pokus ng paksa ng pamanahong papel.
Ang isports ay importante dahil napapalakas nito ang ating sistemang pananggalang o immune system na nagiging dahilan upang makaiwas sa mga sakit, ito rin ay nakapagpapalakas ng kumpiyansa sa ating sarili, nalilinang rin nito ang ating kakayanan na gumawa ng desisyon, at napagyayaman an gating kakayanan na makisama sa ibang mga tao. Ito rin ay nagtuturo sa atin kung paano mamuhay ng malusog.
Ayon nga kay Joshua Lampley mula nang magsimula siyang maglaro ng iba’t ibang uri ng isports ito ang nagturo sa kanya ng pinakamahihirap na aral na dapat niyang matutunan sa kanyang buhay. Natutunan niyang umupo sa bangko (nangangahulugang nang hindi paglalaro), maging supportive sa iba, magkaroon ng respeto sa desisyon ng mga nangangasiwa ng laro, at magkaroon ng sportsmanship. Matapos rin niyang mawala ang kanilang mga tiyansa na manalo sa isang laro, bumalik sa kanilang locker room na luhaan matapos ang laro, mayroon siyang natutunang bagay. Sa isports hindi natin maiiwasan na hindi makaranas ng pagkatalo kung kaya’t dapat matuto tayong maging bukas sa kalalabasan ng mga bagy-bagay lalo na sa isports, nasasatin ang paraan kung paano natin ito dadalhin sapagkat bago ka makaranas ng tagumpay ay kinakailangan muna nating dumaan sa hirap at mga pagkabigo.
Ngayong alam na natin ang kahalagahan ng isports sa buhay ano naman kaya ang kahalagahan ng isports sa paaralan.
Ayon kay Craig Hanan(2007) ang pangunahing layunin ng mga paaralan ay mas maayos na maturuan ang mga kabataan ano man ang edad at maihanda sila nang maayos upang harapin ang mundo at mga pagsubok na ihaharap nito. Isang paraan upang mas matulungan ang mga mag-aaral na maabot ang kanilang potensyal ay bigyan sila ng mga iba’t ibang opurtunidad na kung saan sila puwedeng magtagumpay. Isa sa mga opurtunidad na iyon ay ang palakasan o athletics. Ang paglalaro ng isports ay hindi lamang maganda para sa ating pisikal na pangangatawan kundi pati narin sa ating katayuang sosyal. Bukod sa silid-aralan, ang mga kabataan ay nakakabuo ng relasyon at pakikipagkaibigan sa palaruan. Ito man ay mapa-basketball, softball, football, soccer, baseball o maging hockey at iba pa. Ang pakikisalamuha sa iba’t ibang uri ng mga kabataan ay nakakatulong sa mga kabataan na mas maintindihan nila ang kanilang mga sarili at pati narin ang kanilang kapaligiran.
Iba’t iba ang uri ng mga kabataan at ang bawat kabataan ay may iba’t ibang uri ng gusto. Pag mas marami tayong papiliaang ibibigay sa kanila, mas malaki ang tyansa na maintindihan nila kung sino sila at kung ano ang kanilang gusto para sa sarili sa hinaharap. Ang isports ay isang lugar kung saan maiintindihan o malalaman ng mga kabataan kung ano ang kanilang gusto at ano ang hindi. Ito rin ay lugar kung saan sila makakapag-relax at makakapagsaya.
May mga pag-aaral rin na ginawa kung paano nakakatulong ang isports sa mga mag-aaral. Ayon sa pag-aaral ang mga mag-aaral na aktibo sa isports ay may mas mababang problema ukol sa pag-uugali kaysa sa mga hindi naglalaro ng isports. At kadalasang mas mataas ang tiwala sa sarili ng mga mag-aaral na naglalaro ng isports.
Ngayon dahil sa kahalagahan ng isports sa paaralan mas mapapabuti ito kung ating pang lilinangin sa bawat mag-aaral. Kung lilinanging natin ang isports sa bawat mag-aaral mas matututo ang mga kabataan na mas mapaghusayan ang paglalaro ng mga isports na kinahihiligan ng mga mag-aaral, kung sa gayon mas mag-eenjoy ang mga mag-aaral. Bukod rito ang paglilinang ng isports sa bawat mag-aaral ay maaaring magbukas ng panibagong opurtunidad tulad ng pagiging varsity.

KABANATA III
DISENYO AT PARAAN NG PANANALIKSIK
1. Disenyo ng pananaliksik
Ang pag-aaral na ito ay isinasagawa ayon sa disenyo ng pamaraang deskriptib-analitik na pananaliksik. Tinangkang ilarawan at suriin sa pag-aaral na ito ang damdamin, kaalaman at pananaw ng mga mag-aaral ukol sa mga isports na dapat linangin sa mga estudyante ng UPHSD.
2. Respondente
Sa pag-aaral na ito ay kukuha ag mga mananaliksik ng mga respondente mula sa kolehiyong mag-aaral sa ikalawang semestre. Walang ispesipik na kurso ang kukunin.
Pinili ng mga mananaliksik ang mga respondente sa ikalawang semestre sapagkat sila ang pinakamadaling makatutugon sa mga pangangailangan sa pamanahong papel.

3. Instrumentong Pampananaliksik
Ang pag-aaral na ito ay isinasagawa sa pamamagitan ng pagsasarbey. Ang mga mananaliksik ay naghanda ng isang sarbey-kwestyoneyr na naglalayong makapangalap ng mga datos upang masuri ang damdamin, pananaw at kaalaman ukol “Sa mga isports na dapat linangin sa mga mag-aaral ng UPHSD” ng mga respondente. Nagsasagawa rin ng pangangalap ng mga impormasyon ang mga mananaliksik sa iba’t ibang hanguan sa aklatan tulad ng mga aklat, tisis, disertasyon, pamanahong-papel at iba pang hanguan tulad na lamang ng internet.

4. Tritment ng mga Datos
Dahil ang pamanahong-papel na ito ay isang pag-aaral lamang at hindi naman isang pangangailangan sa pagtatamo ng isang digri tulad ng tisis at disertasyon, walang ginawang pagtatangka upang masuri ang mga datos sa pag-aaral na ito sa pamamagitan ng matataas at kompleks na istatistikal na pamamaraan. Bilang o dami lamang ng mga pumili sa bawat pagpipilian ng bawat aytem sa kwestyoneyr ang inalam ng mga mananaliksik. Samaktwid, ang pagta-tally at pagkuha ng porsyento lamang ang kinailangan gawin ng mga mananaliksik.Samaktwid, ang pagta-tally at pagkuha ng porsyento lamang ang kinakailangan gawin ng mga mananaliksik.

KABANATA IV
PRESENTASYON AT INTERPRETASYON NG MGA DATOS
Natuklasan sa pag-aaral na ito ang mga sumusunod na datos at impormasyon:
Inalam ang distribusyon ng mga respondent ayon sa kanilang kasarian.
Apatnapu’t-dalawa(52.5%) sa kanila ay mga babae, samantalang tatlongpu’t-walo(47.5%) ay mga lalaki.
Pansinin ang kasunod na grap:
Grap 1
Distribusyon ng mga Respondente Ayon sa Kasarian A. Respondenteng Babae
B. Respondenteng Lalaki
May apatnapu’t anim(57.5%) sa mga respondente ay nasa edad 16-17.Ang labingwalo(22.5%) sa mga respondent ay nasa edad 18-19. Labing-isa(13.75%) sa mga respondente ay may edad 20 pataas. At ang natitirang lima(6.25%) ay nasa edad 14-15. Pansinin ang kasunod na grap: Grap 2:
Distribusyon ng mga respondente ayon sa edad

Sa walumpung (80) respondent, tatlongpu’t-walo(47.5%) ang nagsabing sila ay may katamtamang kaalaman sa isports batay sa kanilang pansariling assessment. Dalawampu’t-dalawa(27.5%) ay alam na alam. Labing-walo(22.5%) ay may kaunting kaalaman, ang isa(1.25%) ay walang pakialam at ang natitirang isa(1.25%) pa ay walang kaalaman. Pansinin ang kasunod na grap:

Grap 3:
Pansariling asesment ng mga respondente sa kanilang kaalaman hinggil sa isports

Hinggil naman kung saan nila napanood o natutuhan ang kaalaman ukol sa isports, tatlumpu(37.5%) ang nagsabing sa paaralan, dalawampu’t lima(31.25%) ang nagsabing sa telebisyon, sampu(12.5%) ang sa internet, pito(8.75%) ang sa kaibigan/kamag-anak, anim(7.5%) sa libro at ang natitirang dalawa(2.5%) ay mula sa iba pa. Pansinin ang kasunod na grap:

Grap 4:
Pinagmulan ng kaalaman ng mga respondente hinggil sa isports

Inalam rin ng pananaliksik na ito ang damdamin ng mga respondente hinggil sa paglilinang ng isports
Limampu’t-pito(71.25%) ang masaya, labing-siyam(23.75%) ang katamtaman lamang, dalawa(2.5%) ang malungkot at ang natitirang dalawa(2.5%) ay walang pakialam. Pansinin ang kasunod na grap:

Grap 5:
Damdamin ng mga respondente hinggil sa pagkakaroon ng assignaturang isports.

Ukol naman sa pagsang-ayon sa paglilinang ng isports sa paaralan ng mga respondente, animnapu’t dalawa(77.5%) ang oo, labing-pito(21.25%) ang katamtaman lamang, at ang natitirang isa(1.25%) ay walang halaga. Pansinin ang kasunod na grap:

Grap 6:
Pagsang-ayong ng mga respondente sa paglilinang ng isports sa UPH

Ukol naman sa kahalagahan na malinang ang isports sa bawat estudyante. Apatnapu’t-anim(57.5%) sa respondente ang nagsasabing mahalagang mahalaga, dalawampu(25%) ang katamtaman lamang, sampu(12.5%) ang di gaanong mahalaga, at ang natitirang apat(5%) ay walang halaga. Pansinin ang kasunod na grap:
Grap 7:
Pananaw ng respondente sa kahalagahan na malinang ang isports.

Tinanong naman ang mga respondente kung may mga isports na dapat idagdag sa UPH upang linangin, animnapu’t-walo(85%) sa kanila ang nagsasabing mayroon at ang natitirang labing-dalawa(15%) ay wala. Pansinin ang kasunod na grap:

Grap 8.
May mga isports pa bang dapat idagdag

Inalam namin ang opinyon ng mga respondente kung anong benepisyo ang makukuha ng mga estudyante sa isports, pitumpu’t-lima(93.75%) ang nagsasabing mabuti, tatlo(3.75%) ang nagsasabing masama, at ang natitirang dalawa(2.5%) any wala raw makukuhang benepisyo. Pansinin ang kasunod na grap:

Grap 9.
Pananaw ng mga respondente sa mga makukuhang banepisyo ng mga estudyante sa paglilinang ng isports.

Ukol naman sa kasapatan ng ginagawa ng UPH sa paglilinang ng isports, tatlumpu’t-siyam(48.75%) ang nagsasabing sapat na sapat, tatlumpu’t-lima(43.75%) ang nagsasabing katamtaman lamang, at ang natitirang anim(7.5%) ay hindi sapat. Pansinin ang kasunod na grap:

Grap 10.
Pananaw ng mga respondente ukol sa kasaptan ng ginagawa ng UPH sa paglilinang ng mga isports sa estudyante.

Hinggil naman kung may pakialam ang pamahalaan sa paglinang ng isports sa mga paaralan, animnapu’t-pito(83.75%) ang nagsasabing mayroon at ang natitirang labing-tatlo(16.25%) ay nagsasabing wala. Pansinin ang kasunod na grap:

Grap 11.
Pananaw ng mga respondente kung may pakialam ba ang pamahalaan sa paglilinang ng mga isports.

Ukol naman sa kasapatan ng pagpapatupad ng pamahalaan sa paglilinang ng isports sa mga paaralan, apatnapu’t-pito(58.75%) ang nagsasabing sapat, dalawampu’t-apat(30%) ang ang nagsasabing katamtaman lamang, at ang natitirang siyam(11.25%) ay hindi sapat. Pansinin ang kasunod na grap:

Grap 12.
Pananaw ng mga respondente ukol sa kasapatan sa pagpapatupad ng pamahalaan sa paglilinang ng isports

Hinggil naman kung matagumpay ang nagagawa ng UPH sa paglilinang ng isports, apatnapu’t-tatlo(53.75%) ang nagsasabing matagumpay, dalawampu’t-walo(35%) ang katamtaman lamang, lima(6.25%) ang nagsasabing hindi matagumpay at ang natitirang apat(5%) ay walang pakialam. Pansinin ang kasunod na grap:

Grap 13.
Obserbasyon ng mga respondente kung matagumpay na nagagawa ng UPH ang paglilinang ng isports.

Ukol naman kung maaaring mabago ng isports ang ating buhay o pagkatao, limampu’t-pito(71.25%) ang nagsasabing maaari, labing-pito(21.25%) ang katamtaman lamang, apat(5%) ang hindi maaari at ang natitirang dalawa(2.5%) ay walang pakialam. Pansinin ang kasunod na grap:

Grap 14.
Pananaw ng mga respondente kung maaari bang mabago ng isports ang buhay ng isang tao.

KABANATA V
LAGOM, KONKLUSYON, AT REKOMENDASYON
1. Lagom
Ang pag-aaral na ito ay isang pagtatankang malaman ang damdamin, pananaw at kaalaman ng mga estudyante hingil sa “Mga Isports na Dapat Linangin sa mga Mag-aaral ng UPH”. Ang mga ginamit na pamamaraan ng pananaliksik ay deskriptib at normatib na sarbey. Nagdisenyo ang mga mananaliksik ng isang kwestyuneyr na ginamit na instrumento sa pangangalap ng mga datos mula sa mga respondente.
Gamit ang disenyong deskriptib-analitik, ang mga maniniliksik ay nagdisenyo ng sarbey-kwestyuneyr na pinasagutan sa walumpung (80) respondente.
2. Kongklusyon
Batay sa mga inilahad na datos, ang mga mananaliksik ay humantong sa mga sumusunod na konklusyon:
a. Ang kaalaman ng mga estudyante ng UPH hinggil sa isports ay katamtaman lamang.
b. Paaralan ang pinakakaraniwang pinaggagalingan ng kaalaman hinggil sa isports.
c. Karamihan sa mga estudyante ay masaya sa pagkakaroon ng asignaturang isports
d. Karamihan rin ay sang-ayon sa paglilinang ng isports.
e. Sapat lamang ang ginagawang hakbang ng pamahalaan sa paglilinang ng isports sa paaralan.
3. Rekomendasyon
Kaugnay ng mga kongklusyong nabanggit, buong-pagpapakumbabang inirerekomenda ng mga mananaliksik ang mga sumusunod:
a. Para sa pamahalaan, ipagpatuloy lang ang pagsuporta nito sa paglilinang ng isports sa paaralan at kung maaari ay mas pagbutihan pa.
b. Para sa propesor ng isports, ay mas maglaan ng oras sa pagtuturo ng isports.
c. Para sa mag-aaral, ay huwag katamaran ang pag-aaral sa asignaturang isports dahil marami itong mabuting benepisyo.

LISTAHAN NG MGA SANGGUNIAN
Bernales, Rolando A., Atienza, Glecy C., Talegon, Vivencio M. Jr., Rovira, Stanley G. 2009. Kritikal na Pagbasa at Lohikal na Pagsulat Tungo sa Pananaliksik. Potrero, Malabon City: Mutya Publishing House.
Hanan, Craig 2007. www.examiner.com/article/why-are-sports-are-an-importsnt-part-of-education.
Lampley, Joshua 2008. www.wutksports.com/wordpress/?p=126B en.wikipedia.org/wiki/History_of_sports. psychology.jrank.org/pages/608/Sports-Psychology.html#ixzz2sCRWuIKG www.ask.com/question/ahy-are-sports-important. www.schoolfamily.com