3.معدل النمو الطبيعي للطفل

علشان نطمئن على معدل النمو الطبيعي للطفل، لازم الطفل يتوزن مرة كل أسبوع في أول شهرين من عمره، بعد كده يعني بداية من الشهر الثالث نوزن الطفل مرة كل شهر لحد نهاية السنة الأولى. واعتباراً من السنة الثانية، المفروض الطفل يتوزن مرة كل 6 (ستة) شهور.. معدلات زيادة الوزن الطبيعية للطفل تكون كالتالي: يزيد وزن الطفل بمعدل 196 جرام (يعني 200 جرام تقريباً) في الأسبوع الواحد خلال أول 3 شهور، بعد كده معدل الزيادة بيبقي 148 جرام أسبوعياً في الشهور الثلاثة التالية، وبعد كده بمعدل 113 جرام في الأسبوع في الشهور الثلاثة اللي بعد كده، وأخيراً بمعدل 71 جرام أسبوعياً في الشهور الثلاثة الأخيرة من العام الأول، خلال السنة الثانية، بيبقي معدل الزيادة 42 جرام في الأسبوع، معني كده أن معدل الزيادة الوزن يبقل مش بيزيد، وبالتالي مفيش أي داعي للقلق لو لاحظنا توقف وزن الطفل عن الزيادة السريعة لأن انخفاض معدلات الزيادة أمر طبيعي، ومش معناه أن الطفل في حالة غير جيدة لا قدر الله...
جدول الوزن والطول من الميلاد
حتى سن 5 سنوات

|العمر |الوزن بالكيلو جرام |الطول بالسنتيمتر |
| |البنات |الأولاد |البنات |الأولاد |
|وقت الميلاد |3.4 |3.5 |53 |54 |
|3 أشهر |5.6 |5.9 |- |- |
|6 أشهر |6.9 |7.9 |- |- |
|9 أشهر |8.7 |9.2 |- |- |
|سنة |9.7 |10.2 |74.2 |76.3 |
|سنتان |12.2 |12.7 |85.6 |86.9 |
|3 سنوات |14.3 |14.7 |93 |94.2 |
|4 سنوات |16.3 |16.6 |100.4 |101.6 |
|5 سنوات |18.3 |18.5 |107.5 |108.3 |

|Age |Average length | |Age |Head circumference |
|At birth |50 cm | |at birth |35 cm |
|6 month |68 cm | |6 month |43 cm |
|1 year |75 cm | |1 year |47 cm |
|2 year |87 cm | |2 year |49 cm |
|3 year |94 cm | |6 year |51 cm |
|4 year |100 cm | |12 year |53 cm |
|5 year |107 cm |
|6 year |114 cm |
|7 year |121 cm |
|8 year |128 cm |
|9 year |135 cm |
|10 year |140 cm |
|11 year |145 cm |

أيه اللَّي يزود لبن الرضاعة؟

1. التغذية السليمة (مش الكثيرة) وكلمة السليمة معناها اللَّي بتحتوى على كل العناصر الغذائية الضرورية (بروتينيات، كربوهيدرات، دهون، أملاح، معادن، فيتامينيات...). 2. شرب السوائل بصفة عامة والمياه بصفة خاصة. 3. الرضاعة السليمة (فراغ الثدى من اللبن أكبر محفز لإنتاج لبن جديد). 4. إجراء بعض التمرينات الرياضية البسيطة في منطقة الصدر ودى بتنشيط الدورة الدموية وهذا بيحفز الصدر لإنتاج اللبن بصورة أكبر (التمرينات دى تمرينات الثني والمد..). 5. بعض الأكلات التي رشحتها الموروثات الشعبية وبالفعل وجُد أنها بتزيد بس اللبن مع مراعاة أن معظمها بيزود الوزن أيضاً. "المغات – الحلبة – الحلاوة الطحينية – الأسماك المشوية – الفجل – الجرجير".

الحفاظات

1) ملهاش علاقة بتقوس الساقين، التقوس في بدايات الحركة عند الطفل بيكون ملحوظ عند معظم الأطفال وده علشان الطفل بيحاول يحفظ توازنه، بعد كده اللَّي بيفرق في الحكاية مستوى الكالسيوم في جسم الطفل وتعرضه الكافي الأمن لأشعة الشمس للحصول على فيتامين (D).

2) ملهاش أي تأثير على الأعضاء التناسلية عند الأطفال الذكور.

3) 3 نصائح هامة:

1. نختار النوع المناسب الموجود في الأسواق العالمية لأنه بيكون مصّنع بأقصى درجات توفير الراحة والأمان والجفاف للطفل.
2. نختار المقاس المناسب (لا الضيق ولا الواسع).
ج. نغيَّر الحفاطة في المواعيد "الظروف" اللَّى تستدعي تغييرها علشان نتجنب التهابات المقعدة عند الأطفال.

طفلي نشاطه زائد عن الحد !!! مفيش داعي للقلق، لأن اللَّي يبظهر للأشخاص قليلي الخبرة على أنه نشاط زائد غير عادي، ممكن يكون من الناحية الطبية نشاط عادي، الطفل بعد شهور من (الإحباط) لأنه ما كانش قادر يتحرك مثلاً أو يتقن مهارات معينة زى المشي، دلوقتي بقي قادر يعمل كل اللَّي كان عايزه فبلاش نستغرب لولقينا الطفل عايز يجرى ويمشي ويزحف ويستغل كل فرصة قدامه... لكن لو شكينا في أن الطفل فعلا زائد النشاط بشكل ملحوظ لازم نستشير الطبيب، في حالة طبية أسمها "إضطراب ونقص في التركيز مع نشاط مفرط –Attention Deficit Disorder with hyperactivity" والحالة دي بتكون موجودة عند الأولاد أكثر من البنات (بنسبة 10 : 1) وصفات الحالة دي: نشاط مفرط غير مناسب (يعني في وقت ما يكونش يستدعي النشاط ده)، قصر مدى التركيز، الاندفاع ... زي ما شفنا كده الصفات دى ممكن برضه تكون موجودة في أطفال كثير علشان كده لما نشك لازم نستشير الطبيب ونكتب نماذج التصرفات اللَّي بيعملها الطفل، لكن برضه في طريقة نقدرَّ نعلم بيها الأم والأب أنهم يلاحظوا درجة النشاط عند الطفل، الطريقة هي ملاحظة الطفل (فترات جلوسه أو وجوده في حالة هادية)، كل المطلوب من الطفل أنه يفضل في حالة هدوء فترة تساوى (عمره بالسنين + دقيقة واحدة)،، أيوه، يعني لو الطفل عمره مثلاً 4 سنوات ولاحظنا أحنا أنه ممكن تعدَّي عليه فترات يكون فيها هادي، لو الفترة دى تبدأ من 5 دقائق، يبقي الطفل ده طبيعي.... في عوامل ممكن تخلي الطفل يتصرف بسرعة (أو عشوائية) زي أنه يكون مثلاً مرهق، أو جعان، أو متضايق من عدم استجابة الأسرة له في مطالب كثيرة هو عايزاها...

لماذا يكذب الطفل....؟ - الموضوع ده بالتحديد لا يحتاج إلى أي مقدمة، يحتاج فقط لعرض أسباب هذا السلوك عند الطفل عشان محاولة تصحيحه.... • أهم الأسباب على الأطلاق هو الخوف من العقاب وده طبعا ناتج عن قسوة الأب أو الأم، ورد فعلهم مع الطفل عند معرفة حقيقة موقف حدث فعلا .... والحقيقية كثير من الأباء والأمهات بيعملوا تصرف يفتقر إلى الوعي زي أنهم يقولوا للطفل "قول اللَّى حصل وأحنا مش حنعملك حاجة" وبمجرد ما يسمعوا يعاقبوا الطفل ... طبعاً في الحالة دى هما ما بيظهروش غير في حالة من عدم الالتزام بالكلمة وتنعدم قيمة الصدق عند الطفل. • ثاني الأسباب هو الغيرة ... من أخ أو أخت أحيط بالرعاية والحب فيبدأ الطفل في الأتيان ببعض التصرفات الغير سليمة لمضايقة المولود ثم ينكرها الطفل بعد كده.. يبقي نخلي بالنا من التفرقة في المعاملة... • أحياناً تظهر بعض ملامح الكذب عند الطفل في مرحلة الدراسة الأولى والسلوك ده قد يلجأ إليه الطفل لتعويض الفرق في بعض الظواهر الاجتماعية المحيطة به، هنا بتكون رغبة الطفل فقط هي إشعار المحيطين به في المدرسة أنه ليس أقل شأناً.. • أخيراً.. بعض الأطفال بيكون عندهم خيال واسع، ممكن نلاقي الطفل يألف قصة من خياله (وده على فكرة دليل على ذكاء الطفل) وفي الحالة دي مفيش أي دوافع شريرة أد ما هي رغبة الطفل في إشباع ملكة التأليف وطبعا الظاهرة دي بتقل كل ما الطفل كبر وأدرك الواقع... • زي ما لاحظتم.... كلها أسباب يمكن تجنبها وعلاجها بسهولة وهدوء، بنزود عليها ملحوظة أخيرة: هي إن الأم والأب لازم يكونوا قدوة حسنة لأطفالهم وياريت لما نوعد الطفل بحاجة نحاول تحقيقها وبلاش إدعاء النسيان...

في تربية الأطفال ... هل العقوبة ضرورية؟!

▪ الغالبية العظمي من الأمهات والآباء مقتنعين بضرورة معاقبة أطفالهم من وقت للثاني .. ▪ وفي قلة نادرة بيقدروا يدبَّروا أمورهم مع ولادهم بنجاح بدون عقاب.. الحقيقة الرعاية بتعتمد في الأصل برضه على طريقة نشأة الوالدين سواء في الحالة الأولى أو الثانية. ▪ وقبل ما نكمَّل كلامنا عن العقاب... عايزين نتفق على مبدأ مهم جداً، . ▪ وبتهيألي أحنا بنشوف أطفال كثير بيتعاملوا بمنتهي العنف تحت اسم العقاب ومع ذلك هذا بيفضل سلوكهم سيئ. ▪ والأساس في التربية ذى ما اتفقنا هو الحب، والعاطفة، والاحترام المتبادل بين كل أفراد الأسرة إلى أقصي حد ممكن فعلاً نعمله.. ▪ الطفل مثلاً عند سن 3 سنوات ممكن يبتدى يتراجع عن أنه يخطف أو يشبط في حاجة مش بتاعته وبتاعة مثلاً طفل ثاني، مش بس عشان أحنا بنكلمه عن المشاركة (ولو أن ده برضه مهم) لكن لأن مشاعره تجاه الآخرين اتطورت بالشكل الكافي.. ▪ ورغبة الطفل في أنه يتشبه بالأب او الطفلة في التشبه بالأم، ممكن تكون أحد المفاتيح السحرية اللَّى ممكن نعلَّم بيها ولادنا أصول الأشياء والقواعد... (بالمناسبة هي برضه فرصة للأهل أنهم يتصرفوا بمثالية لأنهم محط أنظار الجماهير.. حتى لو الجماهير دى كانت ولادهم!!). ودلوقتي لازم نقولكم على مفاجأة... أنتم عارفين أن الأطفال بيعملوا اختبارات نفسية للأب والأم...!! أيوه.. الأطفال بين 3-6 سنوات بيعملوا دراسات داخلية عن ردود أفعال الأهل تجاه الكثير من تصرفات الأطفال .. يعني مثلاً لو الطفل شاف أنه اتعاقب بعنف مثلاً علشان وسخ هدومه وهو بياكل.. ممكن بعد فترة يعمل تصرف يبقي هو عارف إنه بيستفز الأم بس هو عايز يششوف رد فعلها أيه؟!

تخيلوا بقي معايا حضراتكم لو رد فعلنا تجاه مثلاً أنه وقع على نفسه ميه.. أو كسر حاجة لا قدر الله غالية قوي عندنا مثلا... تفتكروا الطفل هنا حيتعلم الصح من الغلط ..؟ مش معني كلامي ده أنه يبقي عندنا ألوان وألوان من العقاب لأطفالنا.. قد ما هو محاولة إقناع أن لازم الأهل زي ما قلنا في الحلقة اللَّي فاتت يستنفذوا كل الطرق قبل اللجوء لطريقة من العقاب... وعالم النفس "جيروم برونو" أكدَّ لنا الكلام اللي فات ده.. وقال في إحدى دراساته.. إن الطفل بيحاول يقيس رد فعل الأم وهي متضايقة بأن يحاول إثارة أعصابها عشان يضع تصور للحد الأقصى للعنف معاه من ناحيتها ويقدرَّ بالطريقة دى يتصرف بحرية أكثر بعد كده!! سبحان الله... ده كمان قال في دراسته إن الأطفال أحيانا بيسألونا عن حاجات قد تبدو لينا محرجة مثلاً أو تافهة وأحياناً بيكون الطفل محتار فعلاً في إجابة السؤال، لكن في أحيان أخرى بيكون عنده فكرة تقريبية عن الإجابة وعايز يقيس رد فعل السؤال على الأهل!!! مش باقولكم بيحطونا في اختبارات نفسية منظمة جداً.. والحقيقة في النقطة اللَّي فاتت بالتحديد أنا باذكر وبكل تقدير أستاذنا طبيب النفس العالمي د. أحمد عكاشة اللَّي كان بيدرسلنا كثير من هذه الأشياء وأحنا طلبة مش بس بمنطق إتاح لنا نبقي دكاترة ولكن بمنطق اتاح نكون في الأول أباء وأمهات... في ختام كلامنا عن العقاب أكدت دراسة "ولوستين وكيلن عام 1982" على عدم تقييم نتائج العقوبة قبل 6 سنوات وعدم استخدام الكلمة أصلاً قبل سن 3 سنوات وفي نفس الدراسة حذر العالمان من خطورة بعض التصرفات التي لا تقل أبداً عن العقاب البدني زي "إننا ننكد على الطفل" أو نخلق عنده شعور عميق بالخطأ أو نحبسه في أودته (مع أنه كده ممكن يكره أودته) حذروا أن تأثير هذه التصرفات مماثل تماماً لتأثير العقاب البدني عند الأطفال...

بداية إدخال الطعام الخارجي للطفل

التوقيت المناسب لأننا نبتدى ندخل للطفل الطعام الخارجي بيكون مع بداية الشهر الرابع (في أبحاث حديثة بتقول أننا ممكن نستني لحد بداية الشهر السادس وده مفيش منه مشكلة)، طبعا بداية إدخال الأكل الخارجي للطفل بيكون جنب الرضاعة سواء كانت طبيعية أو صناعية، لازم الطفل في الوقت ده يكون في حالة طبية سليمة يعني ما يكونش عنده إسهال مثلاً أو نزلة برد.. وما إلى ذلك، في مجموعة نصائح بخصوص إدخال الأكل للأطفال لازم تبقي كل أم عارفاها.. 1) لازم تبدأ بالتدريج، يعني بنجرب معلقة مثلاً من طعام معين وإذا الطفل تقبلّ نوع الطعام ده بلاش تزود الكمية على طول، لكن لازم نفضل على الكمية دى لمدة 3-4 أيام، بعدها توزد الكمية حاجة بسيطة جداً، 2) بداية تجارب الأكل لازم تكون في أوقات غير أوقات الرضاعة،

3) نختار في الأول أنواع الأكل السهلة بالنسبة للطفل (لأن مهارة المضغ عند الطفل بتتطور شوية بشوية) زي مثلاً عصير البرتقال، عصير التفاح، أغذية القمح والزبادي منزوع الدسم، مع مرور الوقت بنبتدى نزود الأنواع زى الفواكه المسلوقة المهروسة (التفاح، الكمثرى..)، وكمان الخضار المسلوق المهروس (الجزر، الكوسة، البطاطس، وهكذا) والحاجات دى ممكن تتقدم مع بعض أو كل حاجة لوحدها، بس مع مراعاة حاجة مهمة قوى، أن في بداية تعريف الطفل بالأكل بلاش ندخل أكثر من نوع في المرة الواحدة،

4) بلاش كمان نضغط على الطفل أنه يأكل كميات من الأكل بالفعل مش مطلوب من الطفل في السنة الأولى غير أنه بس (يتذوق) ويتقبل أكبر عدد ممكن من الأكل المتاح له في السن ده، بغض النظر عن الكميات خالص،

5) لازم نتوقف فوراً لو لقينا الطفل حصل له حساسية من نوع معين من الأكل،

6) إذا رفض الطفل نوع أكل فأحيانا ده ما بيكونش رفض نهائي، بس بلاش تجربي تديله نفس الأكل تاني على طول، بعد أسبوع مثلاً ممكن نكرر التجربة،

7) ممنوع إضافة الملح أو السكر أو العسل لأكل الطفل،

8) ممنوع تماماً المقارنة بين كمية الأكل وكمية الرضاعة، لازم الرضاعة تفضل هي الأساس طول الفترة اللي بيرضع فيها الطفل (خصوصاً خلال السنة الأولى)،

9) كل العناصر الغذائية ضرورية للطفل مش البروتينات بس زي ما بعض الناس بتفتكر.

عدد ساعات النوم اللَّي بيحتاجها الطفل

اتفقنا إن النوم أساسي لتطور الطفل، مخ الطفل بيكون نشيط لدرجة عجيبة فعلا خلال الشهور الأولى، بتلاقي الطفل ينمو، بيرتبط بحاجات كثيرة حواليه، بيستوعب معلومات جديدة طول الوقت عشان كده بيحتاج النوم لتخزين المعلومات دى وكمان جسمه بيكون محتاج للراحة عشان يخزن الطاقة اللَّي حتساعده في مزيد من الأنشطة...

طيب، ياترى الطفل بيحتاج ينام قد أيه عشان ينجز المهمات دى؟! والإجابة المدهشة هي أن الطفل بينام ويصحي حسب حاجته هو... يعني في كثير من الأحوال ما بيكونش ليكي دور كبير في تحديد ساعات نومه لأنه بينام وقت ما بيحتاج وبيصحي لما يكون جاهز لاستكمال نشاطه.. في الأسابيع الأولى من العمر بيرضع الطفل وينام في فترات منتظمة طول النهار والليل ولأنه بينام فترات قصيرة نسبياً في البداية فده اللّي بيخليكي تحسي بتعب شديد، لكن عايزك تبقي متأكدة أنه كل ما حينمو كل ما حيبقي قادر أنه ينام فترات أطول في كل مرة... ورغم أن اللَّي بنقوله حاجة تطمئن الأمهات والآباء إلا أننا برضه لازم نعرفكم متوسط ساعات النوم بالنسبة للطفل، الطفل حديث الولادة بيكون مجموع فترات نومه على مدار اليوم والمتوسط حوالي 16-17 ساعة، بتنخفض الساعات دى شوية بشوية فنلاقيه مثلاً عند عمر 6 شهور يكون متوسط ساعات نومه 14 ساعة ورغم أن الطفل بينام ويصحي في أي وقت هو عايزه في اليوم إلا إنك حتلاحظي أنه في الست شهور التاليين من بالسنة الأولى حتلاقيه بيبذل مجهود عشان يفضل صاحي خصوصاً لو كانت في حاجات بتسليه أو بتنبهّه...

النوم/نصائح أخرى

النوم بأمان هدف حقيقي لكل الأمهات وأمنية بيتمنوها لأطفالهم، عايز أطمنكم أن الأطفال بيختاروا وضع مفضل للنوم لكن لحد ما ده يحصل، يعني بمعني تاني لحد ما يقدر الطفل أنه ينقلب فإنه بيكون معتمد على مامته أنها تحطه على السرير في وضع نوع مريح. الوضع الأكثر أماناً لنوم الطفل هو على ضهره أو على جنبه ومش على بطنه... بانبَّه، لازم تحافظوا على درجة حرارة أودة الطفل يعني تكون بعيدة عن الرطوبة أو الحرارة الشديدة، على فكرة مفيش داعي نبالغ في تدفئة الأطفال لأنهم ما بحبوش ده، استعملي الأغطية الخفيفة اللَّي ممكن تتفرد أو تتطبق حسب حرارة الأودة، ممنوع نستخدم المخدات للأطفال الأقل من سنة، ممنوع نغطي السرير بنايلون أو مشمع، ممنوع نغطي وش الطفل أثناء النوم.. لو حطيتي الطفل على جنبه خلى بالك أنك تمدى دراعه اللَّي تحت لقدام عشان ما يتلويش لا قدر الله، أخيراً، ومن فضلكم من حق أطفالكم أنه يتنفسوا هواء نظيف مش مضر، أوقفوا التدخين فوراً داخل المنزل بعد إذنكم.

أسباب تخلي الطفل يتصرف بعنف

هل الطفل بيتولد وبتكون جواه غريزة العنف ولا العنف ده سلوك مكتسب، سؤال بيحير كثير من الأمهات والآباء واللّي فعلاً في أحوال كثيرة بيتعاملوا مع عنف أطفالهم على أنه طبيعة خطرت مع أن الحقيقة بقي أنه سلوك مكتسب وحأقول لحضراتكم دلوقتي كثير من العوامل اللَّي ممكن تكون السبب في عنف الأطفال...

1) وجود أب عنيف أو أم عنيفة أو طبعا الأثنين مع بعض،

2) افتقاد الأطفال للتوجيه السليم،

3) مستوى الضغوط داخل الأسرة، طبعا الأجواء المتوترة والعصبية مش بس بتنعكس على سلوك الأطفل، إنما كمان تعلمهم التعامل بنفس الطريقة وفي أغلب المواقف،

4) تغريز العنف عند الأطفال وده بيحصل لو لاحظ الطفل سعادة الأب أو الأم مع تصرف الطفل العنيف، هما هنا بيفتكروا أنهم بيربوا طفلهم أنه يطلع شجاع أو قوى مع أن طبعا ده غلط،

5) غضب الأطفال المكبوت، على فكرة لازم نقبل أن الطفل بيحتاج أحيانا أنه يعبر عن المشاعر السلبية اللَّي ممكن يتعرضلها زي الغيظ أو الإحباط،

6) إحباط الطفل وده بيحصل لو أننا فضلنا نوعد الطفل بحاجات كثيرة وما نلتزمش بكلامنا،

7) كمان البرامج التليفزيونية أو الأفلام أو الألعاب اللَّي يتعتمد في تكوينها على ممارسة العنف، كتر مشاهدة العنف بيخلي الطفل يفقد الحساسية تجاهه ويتعامل معاه على أنه حاجة طبيعية ومعتادة،

8) طبعا السماح بوجود مشاعر للغيرة بين الأخوات بيوجد مبرر قوي لعنف الطفل، وأخيراً أصحاب الطفل اللَّي ممكن فعلاً يتعلم منهم العنف حتى مع وجود الطفل في أسرة هادية تقليد الأطفال لبعض بيكون هنا هو السبب.
عينين الطفل بتدمع على طول

بعض الأمهات ممكن يلاحظوا أن عينين أطفالهم بتدمع كثير ومن غير سبب واضح، ورغم أن ده ممكن يحصل في فترات تغيير الفصول أو لا قدر الله في حالة وجود التهابات ميكروبية في العين إلا إن في أسباب تانية عايزين حضراتكم تعرفوها، السبب الأول هو أن الدموع الكثيرة دى بتكون نتيجة الاتجاه الغير طبيعي للرموش وده لأنها بتحتك بسطح العين، أو إذا كان الجفن مقلوب لجوه أو بره، في بعض الحالات اللَّي زي دي ممكن اتجاه الرموش أو الجفن يتعدل تلقائياً (يعني لوحده)، لكن إذا استمرت الحالة لفترة طويلة فالأمر يحتاج التدخل الجراحي وده لتجنب إصابة العين بالالتهابات المتكررة، "برضه ممكن عينين الطفل بتدمع نتيجة انسداد في القناة الدمعية وزى ما سمعتم كده في كل الحالات أفضل وأسهل طريقة لتصحيح الموقف هو الاستعانة بالمشورة الطبية وده لازم يحصل بالتنسيق بين طبيب الطفل وأحد المتخصصين في طب وجراحة العيون.

مساعدة الطفل على الكلام

في طرق لمساعدة الطفل على تنمية مهاراته الكلامية، أول الطرق دى أنك تتفاعلي مع طفلك، أيوه الطفل بيتعلم اللغة من خلال اختلاطه مع الناس القريبيين منه، لازم تتعودى تتكلمي مع طفلك من أول يوم اتولد فيه، وكل ما يكبر، مهم قوي أنك تستجيبي للأصوات اللَّي بتصدر منه سواء كانت مفهومة أو غير مفهومة، قلدي الأصوات دى أضحكي، ابتسمي، بيني له أنك اندهشتي، بالطرق دى حيعرف طفلك أنه لما يصدر أي صوت فإنه حيلاقي منك استجابة وبالتالي ده حيشجعه على تكرار الصوت...

على فكرة الأم بالطريقة دى تبني قدرة الطفل على التعلم، من خلال تنمية لغته الداخلية بالكلام معاه والاستجابة للأصوات اللَّي بيعملها... القاعدة الرئيسية اللَّي عايز حضراتكم تبقوا عارفينها كويس هي أن الطفل بيتعلم الكلام أساساً من خلال الاستماع، والاستماع ده هو المدخل الرئيسي للطفل إذ يفهم معني الكلام اللَّي بنقوله قدامه...

قلنا لكم دلوقتي أول طريقة نقدر بها الأم أنها تنمي المهارة الكلامية عند طفلها، (خلاص عرفنا اسمها، التفاعل مع الطفل)، وبنركز تاني ونقول أن الطرق دي ممكن نستخدمها طالما الحمد لله أتأكدنا أن جهاز السمع عند الطفل سليم (جهاز السمع هو الأذن الخارجية وطبلة الأذن والأذن الوسطي، والداخلية) وكمان الجهاز العصبي سليم (واللَّي بتمثيله هنا عصب السمع، ومركز الكلام في المخ) وكمان وجود جهاز كلامي سليم (وهو عبارة عن الأحبال الصوتية، واللسان، وسقف الحلق، والشفتين) طبعا شايفين أزاي أن في ضرورة لفحص الطفل كويس عشان نقدر نقيم عمل وتطور كل الأجهزة دى، حنكمل دلوقتي، الطريقة الثانية هي "تسمية الأشياء" والطريقة دي بتساعد الطفل على تعلم الكلام، لما طفلك يبص على حاجة أو يشاهد عليها قولي اسمها بصوت ونطق واضح، الطريقة الثالثة هي "القراءة"، أيوه القراءة بتحضر السمع والرؤية وبالتالي بتتطور المهارات الكلامية عند الطفل، أقرئي للطفل من الشهور الأولى، على فكرة انتي كده مش بس بتعلمي الطفل الكلام لكن كمان بتساعدى الطفل على تعلم المشاعر، حاولي تجذبي الطفل بالتمثيل وعمل تعبيرات بوشك بما في ذلك تعبيرات الخوف، والحب، والحزن، السعادة، وغيرها.

أما الطريقة الرابعة فهي الألعاب البسيطة أي لعبة "الكلام واللمس" اسألي عن حاجة (وري الطفل مثلاً أي شيء وهكذا) وبعدين تقولي الإجابة وانتي حاطه ايدك على الحاجة دي.. لما تكررى ده حيربط الطفل بين الصوت ومعناه، وآخر الطرق (أو النصائح) "أنك ما تبسيطشي حديثك" لأن اللي لازم تعرفيه أن لغة الكبار وصوتهم وطريقتهم هي اللي بتجذب الطفل وبتشد انتباهه، اتعلمي مع طفلك عن أي حاجة كبيرة، اتكلمي عن الأكل اللي بتعمليه، عن الجو، عن هدومك الجديدة اللي عايزة تشتريها أي حاجة... وكل حاجة..

في عوامل تانية لازم نبقي حاطينها في اعتبارنا زي مثلاً تواصل الطفل مع أطفال تانيين (سواء كانوا قده أو أكبر أو حتى أصغر شوية) وجود الأطفال مع بعض بيشجعهم على الكلام وأخيراً الحالة النفسية اللًّي فيها الطفل، الطفل اللَّي في حالة نفسية سعيدة وعايش في بيت هادي بيتكلم أسرع ... ياللاً نتفق على القاعدة الذهبية في موضوع الكلام عند الأطفال ... "فهم معني الكلام بالنسبة للطفل أهم بكثير من نطقه، وبصفة عامة، مع عدم وجود عيوب خلقية تمنع الكلام، وسلامة حاسة السمع، ووجود حصيلة من الكلمات أو حتى مقاطع الكلمات بيستخدمها الطفل، مش المفروض نقلق على مهارة الكلام عند الطفل لأن الوقت الطبيعي لبداية ممارسة المهارة دى باتقان بيكون قرب نهاية السنة الثانية.
علامات تطور الحواس
والتطور العقلي
للطفل خلال السنة الأولى

كل طفل بيختلف معدل نموه عن الطفل الثاني حسب عوامل كثيرة، ودى مجرد ملاحظات قياسية عن أهم العلامات الخاصة بكل شهر، طبعا مش بالضرورة تكون موجودة كلها، وبرضه مفيش مانع أنه يكون موجود غيرها....

تطور الحواس

|خلال الشهر الأول |إذا ما ستناش الرأس حتتأرجح لورا ولقدام. |
| |لما نشيل الطفل ووشه لتحت وأيديه تحت مستوى بطنه حنلاقيه يرفع راسه في مستوى جسمه للحظات... |
| |كتير ممكن نلاحظ إن الطفل بيتنفض للحظات. |
| |بصفة عامة، الأيدين أغلب الوقت بتكون مقفولة. |

|خلال الشهر الثاني |لو اتحط على بطنه حيرفع دقنه لفوق... |
| |لو اتحط على ظهره حيتابع بعينيه الأجسام اللَّي بتتحرك قدامه.. |
| |حنلاحظ اهتمامه بالأصوات.. |

|خلال الشهر الثالث |يمسك اللعبة (شخشيخة مثلاً) في أيده لكن ما يعرفش يلقطها لو حطيناها قدامه.. |
| |ممكن نلاقيه بيحرك الدراع اليمين مع الرجل اليمين، أو العكس (الدراع الشمال مع الرجل الشمال)، ممكن|
| |يحرك برضه الدراعين مع بعض أو الرجلين مع بعض.. |
| |الأيدين حتكون مفتوحة أغلب الوقت .... |
| |حتبعد راسه لما الأم تحاول تنظف أنفه.. |
| |حيتجه براسه ناحية مصدر الصوت لو كان الصوت ده على بعد نص متر وفي نفس مستوى الإذن... |

|خلال الشهر الرابع |حيتجه براسه ناحية الصوت حتى لو كان مصدر الصوت أبعد من نص متر.. |
| |لو نام على ضهره حيرفع أيديه ويلعب بيهم وممكن يحاول يغطي وشه بهدومه.. |
| |لو نام على بطنه يرفع دقنه وراسه من على المخدة.. |
| |حيحاول يوصل للأجسام البعيدة عنه بس برضه حيغلط ومش يعرف يمسكها.. |

|خلال الشهر الخامس |دلوقتي يقدر يمسك اللعب لو بعيدة عنه شويه.. |
| |كل حاجة حيمسكها حياخدها على بقه!!! |
| |لو نام على ضهره حيحاول يقرب رجليه ناحية بقه، ويلعب بايديه في رجليه.. |
| |لو قدمنا له حاجة حيروحلها بايديه الاثنين... |

|خلال الشهر السادس |لو نام على ضهره، وجت الأم قربت منه وحاولت تشيله، حيرفع ايديه ناحيتها... |
| |حيرفع راسه لفوق بشكل تلقائي (يعني من غير ما تشيله)... |

|خلال الشهر السابع |ممكن يمسك المعلقة أو الكوباية... |
| |ممكن يأكل نفسه (البسكويت مثلاً)... |
| |حيحاول أنه يوقف لوحده... |
| |حيروح ناحية الحاجة اللَّي قدامه بإيد واحدة... |
| |في حاجة مهمة في حركة الصوابع وهي أنه حيلمس طرف الإبهام بالسبابة (ودى علامة مهمة جداً) |

|خلال الشهر الثامن |حيزق مامته إذا حاولت تنضف أنفه!! |
| |حيبدأ يقول مقاطع كلمات زي (با – دا – كا)... |
| |ممكن يبتدي يزحف على بطنه ويحاول يتحرك لقدام الأول، وبعدين يبتدى الزحف لورا.. |
| |وهو قاعد على الأرض ممكن يتحرك لقدام... |

|خلال الشهر التاسع |يظهر عليه الخوف لو حطيناه على مكان مرتفع عن الأرض (كرسي، ترابيزة...) |
| |حيقول (دادا – مام) |
| |لو حواليه ناس بيتكلموا حنلاقيه بيسمعهم... |
| |حيغني بلغته الخاصة... |
| |حيبقي عارف بالضبط مواعيد الرضاعة... |

|خلال الشهر العاشر |حيروح ناحية الأشياء قدامه باصبع السبابة... |
| |يمسك الكرة الصغيرة بين طرفي السبابة والإبهام... |
| |ينظر بسعادة إلى اللعب... |
| |يبدأ في تفضيل استخدام يد عن الأخرى.. |
| |حيكون أكثر حساسية تجاه الأطفال الآخرين (يعني يتابعهم، يركز معاهم لو عيطوا، يضايق لو مامته شالت |
| |حد منهم، وهكذا......) |

|خلال الشهر الحادي عشر |يبص للكتاب (خاصة لو فيه صور، وحيستمتع لو الأم قريتله فيه). |
| |ممكن يمسك القلم ويشخبط.. |
| |حيحاول توجيه الملعقة ناحية بقه... |
| |ممكن يقلع الشراب من رجله... |
| |ممكن يفك رباط الجزمة... |

|خلال الشهر الثاني عشر |حيحاول يكتشف كل حاجة أيده تقع عليها... |
| |حيتوقف (تقريباً) عن أنه ياخد الحاجات ناحية بقه... |
| |يرمي اللعب ورا حاجة، ويدور عليها.... |
| |في الوقت ده بيكون حساس جداً لبعد الأم عنه .. |
| |حيصَّر على إطعام نفسه.... |
| |حيكون عنده القدرة على أنه يظهر انفعالات ومشاعر كثيرة للَّي حواليه (زي الحب، الكره، الغضب، |
| |وهكذا..). |

التطور العقلي

|خلال الشهر الأول |في آخر الشهر أو بعد أسبوع من نهايته، حيضحك لمامته بشكل واضح وصريح، طبعا بيسبق ده متابعته ليها |
| |على طول وهي بتعلمه أو وهي قريبة منه.. |
| |حيقفل عينيه قدام الضوء الشديد... |
| |يعيط لو عايز مساعدة من أي نوع.. |
| |يسكت عن العياط لو اتشال... |
| |حيتعرف خلال الشهر ده على صوت الأم والأب... |

|خلال الشهر الثاني |حيبدأ يناغي وتزيد مرات ابتسامه... |
| |حيحاول التركيز على شيء محدد... |
| |يظهر عليه تعبيرات الشعور بالضيق، البهجة، التأثر... |
| |يدرك تماماً الارتباط بين الأم والغذاء.. |
| |يتبسط من الاستحمام.... |

|خلال الشهر الثالث |حتحسي أنه مبسوط لو اديناله لعبة.. |
| |ممكن يناغي بشكل متصل ويدخل في حوار معاكي.. |
| |لو اتبسط من حاجة قوي ممكن يصرخ صرخة عالية.. |
| |يراقب أيديه ورجليه ويحس أنهم امتداد طبيعي له.. |
| |حتلاقيه بيبص كثير ناحية الحاجات اللَّي بتبسطه... |
| |ممكن يسيب الرضاعة عشان يسمع الي حواليه... |

|خلال الشهر الرابع |يضحك بصوت عالي أكثر من مرة.. |
| |ممكن يقعد بمساعدة وتكون رأسه منتصبه (ثابتة) وضهره مفرود (بس بلاش حكاية القعاد دي كتير لأن |
| |المعاد الطبيعي للقعاد عند 6 شهور). |
| |حنلاقيه بيطلع أصوات تعبر عن الانسجام والسعادة.. |

|خلال الشهر الخامس |يصدر أصوات اعتراضية... |
| |يعيط لو أخدنا منه لعبته.. |
| |يميز بين الأشخاص المألوفة والغريبة عليه.. |
| |لما مامته تقرّب منه حيتوقع أنه يتشال فحيميل بجسمه، ويرفع أيده (يتأهب لوضع الشيل)... |

|خلال الشهر السادس |يضحك لصورته في المراية (الحكاية دي ممكن تحصل قبل كده).. |
| |يرمي الكرة في أيده لو قدمناله واحدة تانية.. |
| |يظهر حبه أو اعتراضه على نوع معين من الأكل اللَّي ابتدى يتقدمله جنب الرضاعة.. |
| |غالباً حيعيط لوحد غريب عنه شاله.. |
| |حيبدأ في التركيز في تقليد حركات الأم والأب زي مثلاً تطليع اللسان.. |
| |يبدأ في المضغ، بشكل مختلف عن طريقته في الرضاعة.. |

|خلال الشهر السابع |مش بس حيبتسم، ده كمان حيهلل قدام صورته في المراية.. |
| |ممكن يقعد على الأرض لحظات من غير ما يتقلب.. |
| |يخبط الحاجات بايديه.. |
| |تيقن أكثر مهارة التقليد.. |
| |يمَّيز تماماً بين الكلام بطريقة رقيقة وهادية وبين الكلام بشكل عنيف.. |

|خلال الشهر الثامن |إذا كان شايل في أيده كرة، وعرضنا عليه واحدة تانية، حياخدها بس حيفضل محتفظ بالأولى.. |
| |حيقفل بقه بشدة لو الأكل مش عاجبه وانتي بتأكليه.. |
| |حيطور أكثر مهارة التقليد في حركات اكثر وفي الأصوات البسيطة.. |
| |حيضرب صورته في المراية بلطف.. يستجيب لكلمة لأ... |

|خلال الشهر التاسع |يقعد على الأرض دقائق من غير ما يتقلب.. |
| |ينحني لقدام عشان يوصل للحاجة اللَّي هو عايزاها.. |
| |حيقدر في الوقت ده أنه يقف (واحنا ماسكين أيده وممكن يبقي ساند على أثاث البيت "يقف من غير مساعدة |
| |مننا").. |
| |لو اتحط على بطنه حيتحرك لورا.. |
| |في المرحلة دى حيهتم قوى أنه يدفع نفسه داعياً لوضع الوقوف... |

|خلال الشهر العاشر |حيحط دراعه قدام وشه عشان يمنع مامته من تنضيف أنفه.. |
| |حيقدر في الوقت ده أنه يصفق، يحرك أيديه، يعمل باي باي... |
| |لو حطينا في أيديه (في كل أيد حاجة)، حيبصلهم زى ما يكون بيقارن... |
| |ممكن يبدأ مهارة المشي وهو بيتسند على أثاث البيت ..(مهم في الفترة دى انه يشوفك جنبه)... |
| |يظهر استجابة لبعض الأسئلة البسيطة وزى باب فين؟ أو السؤال عن حاجة خاصة بيه).. |
| |من أكثر الألعاب اللَّي حيحبها ويستمتع بيها في الوقت ده أنه يحط حاجات جوه باسكت أو شنطة ويخرجهم |
| |تاني... |
| |يساعد مامته لما تلبسه هدومه (يعني مثلاً يرفع دراعه لو بتلبيسيه جاكت، يمّد رجله لو بتلبيسيه جزمة، |
| |وهكذا...) |

|خلال الشهر الحادي عشر |ممكن يوطي لقدام وهو قاعد من غير ما يقع... |
| |يقدر يمشي لما نمسك أيديه الاثنين... |
| |يدحرج الكرة قدامه لو طلبنا منه كده.. |
| |يقول كلمة لها معني.. |

|خلال الشهر الثاني عشر |ممكن يمشي على أيديه وبطن رجليه على الأرض.. |
| |لو سألناه عن حاجة يعرف مكانها حيشاور ناحيتها.. |
| |ممكن يكون قادر على نطق 3 كلمات لهم معني... |
| |حيكون فاهم معاني كلمات كثيرة قوي... |

عدم التحكم في التبول والتبرز

المهارة دى بتفضل مع الإنسان طول عمره، وتعليمها بيكون مرة واحدة معني كده، أن الطفل لازم ياخد فترة تدريب كافية عشان يقدر يتقن المهارة دى، والتدريب على التحكم الإرادى في التبول والتبرز لازم يبتدى في الوقت المناسب له واللّي بيكون قرب نهاية السنة الثانية وده لسببين، الأول لأن ده الحد الأدنى من عمر أي طفل عشان استيعاب المعلومات الخاصة بالمهارة دى والسبب الثاني، لضمان اكتمال نمو العضلات القابضة المسئولة عن عملية التحكم... مراحل التدريب تشمل (..) وهي، المرحلة الأولى أننا نفهم الطفل احنا عايزين منه أيه (يعني عايزينه يعمل أيه)، المرحلة الثانية أن الطفل يفهم أحنا عايزين أيه بس يبقي مش قادر يعمله، المرحلة الثالثة أن الطفل يبقي فاهم ويحاول يعمله بش يفشل، المرحلة الرابعة أن الطفل يبقي فاهم أحنا عايزين أيه ويحاول يعمله وينجح مرات ويفعل مرات ثانية، المرحلة الخامسة أن الطفل يقدر ينجح تماماً في أنه يعمل اللّي أحنا عايزينه، عشان كده فترة التدريب المفروض أنها ماتقلش عن سنة، حتى لو الطفل أبدى لينا أنه خلاص ابتدى يتحكم فلازم نتوقع منه أن يحصل بعض الغلطات وده مش لازم يوترنا ويضايقنا...

في الموضوع ده لازم الأم يبقي عندها صبر مالوش حدود وتبقي مقتنعه أن الضغط على الطفل مش حيجيب نتيجة وممكن الطفل يعند مش بس كده، ده أحيانا مع استخدام العنف عشان تدريب الطفل ممكن يبدو لينا أن الطفل خلاص اتعلم مع أن بيكون ده رد فعل لعملية الضرب والعقاب اللّي بيتعرضلهم وبعده يحصل حالة ارتداد وساعتها بيكون تعليم الطفل من الأول وطبعا ده وضع صعب ومرهق...

نخلي بالنا أن حالات ممكن الطفل يكسل فيها رغم أنه يكون اتعلم خلاص زي مثلا لو مستغرق في اللعب أو لو نايم بالليل، برضه لازم الأم تعرف أن في فترات المرض بيكون قدرة الطفل على التحكم أقل بكتير، وعموماً بعد مرور 3 سنوات من عمر الطفل منهم سنة كاملة للتدريب ومع كده لم يظهر الطفل أي استجابة فلازم المشورة الطبية ونبتدى بطبي متخصص في جراحة المسالك البولية أو جراحة المخ والأعصاب، طبعا الطبيب بيفحص الطفل وقد يستعين بأي من الوسائل التشخيصية أو المعملية للوصول لرأي وفي الآخر ما بيكونش في غير احتمالين، الاحتمال الأول، أن يكون هناك سبب طبي يمنع التحكم وهنا بيبدأ الطبيب في علاج الطفل فوراً، أما الاحتمال الثاني، فهو عدم وجود أي سبب طبي يمنع التحكم وهنا بنلجأ للمشورة الطبية الثانية واللّي بتكون خاصة بعرض الطفل على أحد الأطباء المتخصصين في الطب النفسي للأطفال... إعطاء الطفل الفرصة الكافية للتعليم واتقان المهارة دى أمر واجب مع إعادة التأكيد أن استخدام العنف أو العقاب بأي طريقة مسألة لا تحقق لينا أي نتائج من اللّي بنحلم بيها....

أزاي انمي ذكاء الطفل؟

الذكاء أمنية بتحلم بيها كل الأمهات والأباء وبيبقوا محتارين أزاي يزودوه عند أطفالهم، والذكاء نتاج عوامل كثيرة ومتداخلة زي مثلا تأثير الجينات (العامل الوراثي) أو البيئة المحيطة بالطفل بما فيها من ظواهر أو أفراد أو قدرة الطفل على التفاعل مع العالم اللّي حواليه والحقيقة اللّي لازم كلنا نبقي عارفينها أن الذكاء مش أننا نقول عملية حسابية معقدة مثلاً للطفل وأنه يقدر يحلها أو أنه يخترع شيء أو يعرف أكثر من لغة، لكن الحقيقة أن وصول أي طفل للمراحل المفروض يوصلها في الوقت المناسب أو اتقانه للمهارات المتوقعة منه بطريقة مرضية هي أكبر علامة على ذكاء الطفل ده.. أيوه.. الطفل لما يقعد في الوقت المحدد له، لما يسنين، لما يمشي، لما يبتدى ينطق، لما يضحك، حتى لما يعيط فده دليل على الذكاء، يبقي معني كده أن كل الأطفال الطبيعين هم أطفال أذكياء بييجي بعد كده دورنا في اكساب الطفل ده المزيد من المهارات استناداً لقاعدة الذكاء الموجودة عنده.. في الشهور الأولى من عمر الطفل ممكن استخدام الألعاب اللََّي بيصدر عنها الأصوات أو الأضواء وده لتنمية حواس الطفل، بعد السنة الأولى بنبتدى نخلي الطفل يتمرن على استخدام أيديه ونعلمه الكلمات ودى المرحلة اللّي بتنمو فيها قدرات الطفل الحركية وبتستمر لحد سن 3 سنوات، بعد كده نبتدى نعلم الطفل مهارات استخدام المواهب أي تعليم الموسيقي، الرياضة، الفنون وكمان هنا الأطفال بيحبوا الألعاب اللّي بتتفك وتتركب زي المكعبات والبازل والميكانو، مفيش حد أقصي لتعلم الطفل أي مهارة والدليل على كده إمكانية تعلم الطفل لحاجات كثير قوى في سن صغير.

ابني متعلق بيا قوي

رغم الرابطة التاريخية الوثيقة بين الطفل والأم إلا طبيعة الحياة ومراحل التطور المختلفة في حياة أي طفل بنلاقيها أميل ناحية تحقيق شيء من الانفصال مع الطفل شوية بشوية... ولو لاحظنا فرق درجة الاقتراب بين الطفل والأم في مرحلة أي الرضاعة مثلا ودرجة الاقتراب بعد كده لما الطفل يتعلم المشي مثلا حتعرف أن الطفل بيكون عنده رغبة فطرية في الاستقلال ومحاولة الاعتماد على النفس... يبقي معني كده لما الأم تقول أن ابني متعلق بيا قوي أو زيادة عن اللزوم أو لو اختفيت من قدامه لحظة يعيط وهكذا...

لازم الأم دى تعرف أن سبب المشكلة عندها هي مش عند الطفل... "والحكاية لازم تبدأ بتعويد الطفل على النوم في مكان مستقل بعيد عن الأم والأب، وإذا كان فترة مسموح فيها أن الطفل ينام في حجرة الأم والأب فده مش لازم يتجاوز الشهرين الأوائل من عمره وطبعا لازم الطفل يكون نايم في سرير منفصل... بعد كده لازم الأم تشجع في طفلها النزوع للاستقلال وفي نفس الوقت ما تحرمش الطفل من الاحساس بالأمان والثقة اللّي بيشعر بيهم الطفل لما بيلاقي مامته موجوده حواليه"، لما تلاقي عند الطفل رغبة في اكتشاف لعبة مثلاً أو أن يفك هديته بنفسه أو حتى لما يحب أنه يأكل بنفسه لازم كل أم تشجع ده فوراً في أبنها وبلاش يسيطر على الأم هواجس أن كده ابنها ممكن نفهم أنها ما بتحبوش أو مش عايزة تساعده وغيرها من الأفكار الخاطئة....

التواصل الاجتماعي بين الطفل والعالم المحيط به أمر ضروري، لازم الطفل يتعود يشوف ناس تانية في الميحط اللّي هو عايش فيها وده لأنه بعد كده حيفهم درجة قرب الناس ده منه أو ابتعادهم عنه.. التعلق الأمن اللّي بيحصل في الطفل للأم أمر ضروري صحيح بس لازم الأم تبقي مقتنعة من داخلها أنها مش لازم تفوت أي فرصة تقدر تعلم فيها الطفل الاعتماد على النفس من غير ما تستغل الفرصة دى...
مشاكل الحواس

في أي مشكلة خاصة بالحواس (العيون – الجلد – الأنف والأذن....) لازم نستشير طبيب متخصص في المجال ده وطبعا ده لازم يحصل بالتنسيق مع طبيب الأطفال المتابع لطلفلك .. ناس كثير بتفتكر أن طبيب الطفل المفروض يعالج كل حاجة خاصة بالطفل، بس الحقيقة ده مش صحيح، لكن الصحيح طبعا أنه لازم يبقي هو أول شخص نتجه له بالمشكلة اللّي عايزين منها الرأي الطبي وبعدين طبيب الطفل هو اللّي يبقي له الرأي سواء كان يقدر يتعامل مع الوضع اللّي قدامه أو لازم يتم تحويل الطفل للعرض على طبيب مختص أكثر يعالج المشكلة دى..

أتاخر في الكلام!!

في الأول لازم نتفق أن فهم معني الكلام بالنسبة للطفل أهم بكتير من ترديه والكلام مهارة سمعية بتعتمد في المقام الأول على التقليد ومهارة الكلام بتتطور في بداية إصدار الطفل لإصوات ومناغاة تشبه صوت الحمام وده اعتبارا من الشهر الثالث أو الرابع ولحد ما يكون الطفل قادر على نطق عدد من الكلمات مع نهاية السنة الأولى وبداية السنة الثانية... النقطة المهمة اللّي لازم كل الأمهات تتأكد منها هي أن الطفل قادر فعلا على نطق عدد من الكلمات ومش مهم العدد ده يكون كثير أو قليل والرأي الطبي بيقول أنه مع تأكدنا من سلامة حاسة السمع عند الطفل، وعدم وجود عيوب خلقية في منطقة آلة النطق عند الطفل (الفك – الوجه – اللسان...)، ووجود حصيلة من الكلمات ينطقها الطفل بغض النظر عن عددها فالأطباء ما بيحسوش بالقلق تجاه مستوى الكلام عند الطفل قبل مرور سنتين ونصف ...

في عوامل ثانية برضه بتتدخل في قدرة الطفل على تطوير مهارة الكلام عنده، زي مثلا ترتيب الطفل بني الأخوات لأن الطفل الأول ممكن يتأخر شوية عكس الأطفال (الأخوات) اللّي بعد كده، برضه مدى اجتهاد الأم والأب في الكلام مع الطفل لأن زي ما اتفقنا أن الكلام بيعتمد على التقليد، برضه من العوامل المهمة هي الحالة النفسية (المزاجية) عند الطفل المحبط، الحزين، العايش في أجواء عصبية ومتوترة بيكون تفاعله الاجتماعي أميل إلى الانسحاب وعدم المشاركة وبالتالي يقل معدل استخدامه لمهارة الكلام والعكس بالنسبة للطفل السعيد العايش في أجواء هادئة ومريحة بتتطور عنده حاسة النطق بسرعة فعلا ملغته..

الحضانات من أهم العوامل اللّي ممكن تشجع الطفل على تطوير مهارة الكلام وده لاختلاط الطفل بأفعال آخرين في أعمار مختلفة، بس طبعا بشرط توفر عوامل الأمان في الحضانات دى، كمان القراءة من الأم لطفلها من أكثر وسائل التدريب فاعلية لتطوير مهارة الكلام وممكن باستخدام القراءة نساعد على تحفيز الخيال وتنشيط التطور العقلي عند الطفل خاصة لما نحكي عن حاجات ممكن الطفل يشوفها بعد كده...

مهم برضه أثناء كلامنا مع الطفل أننا ننطق الكلام بشكل سليم (مش بطريقة الأطفال) عشان الطفل يتعلم مننا النطق السليم، مهم برضه أننا نحاول نربط ما بين الكلام والفعل (يعني ياللا نأكل.. أو ياللا نغير الهدوم.. وهكذا) لأني زى ما قلت الفهم أكثر أهمية من ترديد الطفل للكلام، بأكرر الكلام مهارة بتعتمد أساسا على السمع عشان كده لازم الاهتمام بعلاج نزلات البرد عند الطفل بصورة حاسمة لتجنب انسداد الإذن عند الطفل وبالتالي تأثر تطوير مهارة الكلام عنده...

التسنين

يبدأ ظهور الأسنان عند الطفل بداية من الشهر السادس وده ما ينفعش أن ممكن ظهور الأسنان بدري عن كده (ممكن حتى في الشهر الثالث) أو يتأخر ظهورها لقرب نهاية السنة الأولى.. أكثر عنصر بيتحكم في ظهور الأسنان هو مستوى الكالسيوم في جسم الطفل وطبعا بخلاف وجود في لبن الرضاعة (سواء لبن الأم أو اللبن الصناعي) فطبعا الكالسيوم بيكون موجود في الجبن بأنواعها والبيض واللبن والسمك طبعا مع مراعاة العمر المناسب لكل نوع من أنواع الغذاء... وفي فترة التسنين بيكون حالة الطفل غير مستقرة وبتوصف بأنه (مقرَيّف) والحقيقة ناس كتير بتسأل على الربط الشرطي بين بعض الأعراض والتسنين أي الإسهال وزيادة اللعاب (الريالة) وارتفاع درجة الحرارة وهكذا...

مفيش دليل طبي على أي أعراض مصاحبة للتسنين بس أثناء فحص الطفل لو لقينا أي عرض من دول لازم تعرضه على الطبيب لأن ممكن يكون في سبب تاني واضحا يفتكر أنه من التسنين... ناس تانية برضه بتسأل على العلاقة بين التسنين والزحف أو المشي وهنا بقي في علاقة فعلاً فالطفل صحيح ممكن ينجز كل مرحلة منهم في معادها الطبيعي لكن الأمر الواقع ببقول أن الطفل اللَّي مسّنن بدري ممكن فعلا يتأخر في الزحف أو المشي وبالعكس لو ابتدى الحركة بدرى ممكن التسنين يتأخر شوية...

الفحص الطبي ضروري أثناء بداية عملية التسنين وبعدها عشان نطمن على سير نمو وظهور الأسنان بطريقة طبيعية مع الأخذ في الاعتبار وجود أحيانا بدايات ظهور الأسنان مغروسة داخل اللثة وإحنا نكون فاكرين أن الطفل متأخر، الفحص الطبي بيفصل في المسألة دى ولو الطبيب وجد ضرورة لإمداد جسم الطفل بالكالسيوم عن طريق مركبات دوائية (الشراب أو الحقن) فمفيش داعي للقلق لأن استخدام الأدوية دى بيكون للمساعدة ولفترات محددة... أثناء التسنين بلاش الأم تضغط على الطفل سواء بالرضاعة أو الأكل الخارجي بصورة كبيرة لأن تورم اللثة المصاحب للتسنين بيكون مؤلم وبالتالي ممكن نلاحظ انصراف الطفل عن تناول طعامه بطريقته المعتادة...

• (ترتيب ظهور الأسنان: في البداية القواطع الأمامية، أو السنتين اللّي في الوسط في الفك السفلي، آخر الأسنان في ترتيب الظهور هي الأنياب السفلية والعلوية).

• (لازم الاهتمام الشديد بفم الطفل ومراعاة عدم ترك بقايا الطعام به لأن الترسبات الناتجة من بقايا الغذاء وممكن تؤدى لتسوس الأسنان عند الطفل حتى في المراحل المبكرة).

• الأسنان اللبنية تبدأ في النحو للأسنان الثابتة أو الأسنان في التبديل يكون عند عمر 6 سنوات، بينما آخر الأسنان اللبنية قد تسقط عند سن سنة).

طهارة الأطفال الذكور

السؤال الدائم هو أنسب وقت لإجراء الطهارة عند الأطفال الذكور والحقيقة في معادين المعاد الأول هو بعد الولادة مباشرة يعني خلال أو 48 ساعة من عمر الطفل أو المعاد التالي المناسب هو بعد مرور حوالي شهر ونصف من عمر الطفل. السبب في المعاد الأول هو ضمان وجود الطفل في نفس المكان الطبي اللّي تمت فيه عملية الولادة والأهم من ده هو وجود جزء من دم الأم مازال مختلط بدم الطفل عن طريق اتصالهم ببعض من خلال الحبل السري، دم الأم بيكون متوفر فيه عوامل تجلط الدم اللّي بتساعد على توقف النزيف بعد إجراء عملية الطهارة... طبعا ده يوقف تقريباً بتختفي كرات الدم الحمراء بتاعة الأم اللّي بتكون عند الطفل عشان كده لازم نستنه شوية لغاية ما الكبينشط ويبتدى يضع عوامل التجلط اللّي تؤدى مهمة وقت نزيف الدم.. الفترة المبدأية اللّي بيحتاجها الكبد عند الطفل عشان يوصل لدرجة النشاط المطلوبة بتكون بين شهر وشهر ونصف من بعد الولادة وعلى هذا الأساس حددنا معاد الطهارة في الفترة دى وممكن طبعا تتعامل في أي وقت بعد كده بس طبعا بتكون مؤلمة وعلى فكرة في أطباء بيفضلوا إجراء عملية الطهارة دى تحت تأثير المخدر...

التطعيمات

التطعيمات الضرورية هي اللّي موجودة في البطاقة الصحية الخاصة بكل طفل – الالتزام بجدول تطعيمات وزارة الصحة وحملات التطعيم التي تُعلن عنها.... بالنسبة لوجود بعض انواع أخرى من التطعيمات يقترحها الأطباء في المستشفيات والعيادات الخاصة فدى مسألة اختيارية والمطلوب فقط الالتزام بتطعيمات وزارة الصحة ودى التطعيمات اللّي الأطفال بياخدوها في كل دول العالم حسب بروتوكولات منظمة الصحة العالمية...

تطور حركة اليد عند الطفل

يفضلالطفل يدوَّر على أيده حتى الشهر الثالث عند الوقت ده بيتأكد أنها امتداد طبيعي لجسمه، من الشهر الثالث ولحد الشهر السادس بيحط الطفل أيده في بقه وإذا قدر يمسك أي حاجة بإيده بياخدها ناحية بقه، من الشهر السادس ولحد الشهر التاسع بيبتدى يستخدم الصوابع وهنا طبعا بيكون في خطورة عشان دلوقتي كمان ده الوقت اللّي ممكن فيه يزحف، لازم نخلي بالنا من عدم وجود أي حاجات صغيرة في نطاق المكان اللّي الطفل بيزحف فيه..

الإمساك

الإمساك من الظواهر الطبيعية اللًّي مش المفروض الأم تقلق بخصوصها وبالتحديد في أول 3 شهور من عمر الطفل وده لأن عملية الرضاعة ما بتكونش لسه استقرت بشكل كامل وبالتالي ما انتطقتش حركة الجهاز الهضمي والإخراج عند الطفل، وقبل ما الأم تقلق بخصوص الإمساك لازم تسأل نفسها "أيه هو النمط المعتاد لعملية التبرز عند طفلها؟" يعني كان بيعمل براز كام مرة في اليوم، وده لأن في مدى واسع بيتراوح ما بين مرة بعد كل رضعة ولحد مرة واحدة كل يوم ونصف أو يومين، طبعا اللبن الصناعي (بعض أنواعه) بيكون سبب في الإمساك شوية"، بس لازم في الحالة دي نرجع لطبيب الطفل عشان يقرر رأيه سواء كان حيخلي الطفل على نفس نوع اللبن ده ويوصف للأم علاج للإمساك أو حيغيّر النوع لنوع تاني ملائم للطفل وبالتالي يحقق له معدلات النمو المتوقعة إن شاء الله...

أحيانا الإمساك بيكون له أسباب تانية زي مثلاً الأكل اللّي بتأكله الأم أثناء الرضاعة أو حتى الأكل اللّي بتديه الأم لطفلها (في الوقت الملائم) مثلاً زي التفاح وعصير الجوافة وغيرهم برضه أثناء فترة تدريب الأم لطفلها على التحكم في التبول والتبرز وبالتحديد في الفترة الأولى ممكن يصاب الطفل بالإمساك...

بعض الفيتامينات زي الحديد تسبب الإمساك وزي ما شفتم كده أسباب الإمساك كتيرة جداً عشان كده أحسن طريقة لعلاج الإمساك هو استشارة طبيب الطفل اللًّي بالتأكيد حيديكي النصيحة البسيطة المهمة اللًّي تخليكي تتعاملي مع الوضع المعتاد ده بكل هدوء وثقة... بأحذر كل الأمهات اللَّي ممكن (يستسهلوا) ويستخدموا لبوس الجلسرين عشان يعالجوا الإمساك عند أطفالهم... التصرف ده غلط جداً لو حصل من غير إشراف طبي لأن لبوس الجلسرين لو استخدم بكثرة بيكون له أضرار كبيرة لا قدر الله زي أنه بيخلي الطفل يتعود على الإخراج بطريقة غير طبيعية، وبرضه ممكن يعمل رد فعل عكسي في صورة إسهال وأخيراً، ممكن الاستخدام الكتير للبوس الجلسرين (من غير إشراف طبي) يؤثر على العضت القابضة المسئولة عن التحكم بعد كده يعني يضعف العضلات دى... الإمساك من الظواهر الطبيعية، الشائعة والغير خطيرة على الإطلاق وتقريباً بتحصل عند كل الأطفال بس زي ما اتفقنا أبسط وأسهل طريقة لعلاجه هو الاستماع لنصيحة طبيب الطفل..

• (من أسباب الإمساك الأخرى: كسل وارتخاء عضلات الإمعاء والبطن المسئولة عن عملية الإخراج، الانسداد المعوي، ضيق فتحة الشرج أو ضمورها – دى أسباب طبية وتشخيصها لازم عن طريق الفحص الطبي)

حاسّة... أن ابني ضعيف

الجملة دى بنسمعها من معظم الأمهات والأباء عن أطفالهم، صحيح في أطفال بيكونوا ضعفاء فعلاً وبيكون في احتياج لدعمهم من الناحية الطبية لكن الحقيقة دى ما بتبقيش أن معظم اللَّي بيقولوا العبارة دى ما بيكونش عندهم أي دلي على صحتها... التقييم الطبي ما بيعتمتش على الانطباعات الشخصية أي كان مصدرها، يعني حتى لو كانت طالعة من الأم والأب اللّي هما أقرب الناس للطفل، بمعني أن الانطباعات دى لو ما أخدتش المصداقية والضمان برأي طبي يساندها ويديها الشرعية فإنها بتفضل مجرد انطباعات... جُمل كتير زي "ابني ضعيف... وشك أصفر... لونه مخطوف، حاسة أنه ما بيكبرش..." وغيرها من الأوصاف، كلها مابيكونش ليها أي قيمة إذا قالها الدكتور بعد الكشف على الطفل أن حالته الصحية كويسة ونموه ماشي بانتظام، والوزن من أكثر الحاجات اللّي بتخلي أسرة الطفل تتطمئن عليه ومعاهم حق لأن فعلا النمو المنتظم في وزن الطفل بيكون مؤشر قوى أن حالته الجسمانية بشكل عام ماشية على الطريق الصحيح... وزى ما كلنا أكيد عارفين إن في عوامل تانية كتير لما بتعرفها ونلاحظها على طفلنا بيزيد احساسنا بالأمان تجاه طفلنا، زي النمو والتطور السليم في العقل والحواس والنضج النفسي وهكذا...

الطفل يا جماعة بيقيم من خلال مجموعة مؤشرات ومعايير مش من زاوية واحدة بس ودايما أسرة الطفل اللَّي بتلاحظ أن الطفل متأخر مثلا في خطوة من خطوات تطوره (زى مثلاً أن وزنه يكون قليل شوية، أو يكون مثلا أتأخر في الكلام شوية وهكذا) بينسوا أن نفس الطفل ده بيكون متقدم في حاجات تانية ويمكن بصورة أسرع من المعدل الطبيعي (زي مثلا أنه يكون ابتدى التسنين، أو يظهر عليه علامات كبيرة م الذكاء.. وهكذا) الانطباعات الشخية مهمة بس اننا ننقلها للطبيب المتابع للطفل وبالتأكيد لازم بنسمع الرأي العلمي في الانطباع ده ونصدقه سواء كان بالتأكيد أو النفي لأن الدكتور يهمه مصلحة الطفل زى أهله بالضبط... بلاش نقع في فخ المقارنات بين الأطفال بلاش نتصور أن كل الأطفال ماشيين على نموذج نمو ثابت لأن ده مش صحيح وقليل فعلا من الأطفال اللّي بيقدؤوا يحققوا كل معدلات تطورهم في الوقت المفروض ليها، بس زى ما اتفقنا، ما نقلقش لأنه لازم حيققها بس كل طفل له طريقته الخاصة في النمو والتطور واكتساب المهارات والعبرة دايما مش بانطباعنا احنا عن أطفالنا لكن في نظرة الطب ليهم...

• (ممكن الأم تتطمئن على معدل الوزن الطبيعي لطفلها من خلال تطبيق معادلة الوزن وهي: [العمر بالسنوات × 2 + 8] ومن خلال مقارنة وزن طفلها نتيجة المعادلة تقدر تتضمن على نمو ابنها...) – المعادلة تبدى نتايج واقعية حتي سن 6 سنوات.

أتاخر في المشي

لازم نبقي عارفين حركة المشي عند الأطفال بيكون عام أزاي عشان نقدر نحكم على مهارة المشي عند طفلنا، الكلام اللّي جاي بيعتبر ملخص لحركة المشي عند الطفل: عند الشهر الثالث والرابع حيرفع راسه، حيبتدى يقعد بمساعدة مننا عند الشهر السادس، حيبدأ الزحف عند الشهر الثامن أو التاسع (على فكرة أطفال ما بيمروش بمرحلة الزحف وبيكون ده شيء طبيعي)، حيبدأ الطفل الوقوف قرب نهاية السنة الأولى وبعد كده ممكن يبدأ أن يمشي وأحنا ماسكين أيديه أو يمشي وهو بيتسند على الأثاث أو الحوائط ومع مرور الوقت المفروض يكون الطفل بيمشي بشكل مرِّضي للأسرة عند سنة ونصف...

طبعا أي تاخر عن كده بصفة عامة أو تأخر ملحوظ في أن الطفل يحقق مرحلة محددة من مراحل التطور دى (باستثناء الزحف) بيكون دافع قوى لطلب المشورة الطبية، الطبيب بيفحص رأس الطفل، بيراجع مع الأم النظام الغذائي، بيفحص العظام، بيشوف مستوى الكالسيوم ومدى احتياج الطفل لأي دعم خارجي منه بخلاف الموجود في الطعام، عايز أقول لحضراتكم حاجة هي أن المشي وتطويره عند الطفل عملية بتخضع برضه لعوامل تانية عند تطور ونمو الجهاز العصبي والحركي عند الطفل، لكن مثلا الخبرات السابقة للطفل في المجال ده، يعني مثلا لو الطفل طان اتخبط أو رفع أثناء تعلمه المشي فده بيخليه شوية ولفترة عشان كده لازم الأم تكون جنب الطفل أثناء محاولاته لتطوير المهارة دى عنده ولازم نساعده عن طريق أننا متزحمش البيت بقطع الأثاث الكبيرة وتراعي برضه السجاسجيد والموكيت اللَّي على الأرض أن ما يكونش في أي إجزاء مقطوعة ...

كمان درجة الاعتماد على الأم والأب يعني لو هما على طول شايلين طفلهم وبينقلوه من مكان لمكان ده حيخلي الطفل كسلان ومابيحاولش أنه يطور مهارة المشي عنده، برضه وزن الطفل من العوامل المهمة، الطفل اللَّي وزن ثقيل أكيد حتكون حركته تقيلة عن الطفل خفيف الوزن، من المعلومات الطريفة أن الطفل بتيعلم المشي أسرع وهو حافي القدمين وده لأن القدم بتاعته بتكون أكبر ثباتا عن أن يكون لابس حذاء، بس طبعا بشرط زى ما اتفقنا هو ضمان توفر عوامل الأمان في البيت أثناء تعلم الطفل المشي...

• (من الأخطاء الشائعة استخدام المشاية لتدريب الطفل على المشي وده غلط لأنها بتعلم الطفل المشي بطريقة غير طبيعية وكمان لأنها بتخلي الطفل يمشي بسرعة أكبر من المعتاد وهو بداخلها وده لا قدر الله ممكن يعرضه للحوادث أو الإصابات). • (وضع الطفل على ضهره وأحنا جنبه لفترات من بعد الشهر السادس بيساعد الطفل على تطوير مهارة المشي عنده عن طريق أنه حيحاول يقلب نفسه من ناحية للتانية)

علاقة شكل الرأس بالنوم

بعض الأمهات والأباء بيصابوا بالقلق نتيجة نوم الطفل على جانب معين دون الجانب الآخر وبشكل يؤدى الى تأثر منطقة الرأس عند الطفل فى الجانب ده، مفيش أى داعى للخوف أولا لأن بعد الشهور الأولى من عمر الطفل هو ح يسمحلنا اننا نقلبه على الجنب الثانى بمعنى انه مش ح يكون مصر على وضع معين أثناء النوم، و ثانيا وده الأهم انه مع استمرار عملية نمو الجسم بشكل عام بتنمو عظام الرأس فى الحجم وبالتالى بيتصل الرأس عند الطفل خلال السنة الأولى بيبكون بسيط، عند الولادة محيط الرأس بيكون حوالى35 سم، بعد 3 شهور بيبقى 39.5 سم، بعد 6 شهور بيبقى 42.5 سم، بعد 9 شهور بيكون 44.5 سم ومع الأولى نهاية السنة بيكون محيط الرأس حوالى 45.5 سم.
الرضاعة الطبيعية

❖ توقيتها

• الموعد المثالى لبداية الرضاعة الطبيعية بتكون بعد مرور 8-12 ساعات بعد تمام عملية الولادة وده له سببين:

1) لأن ده الحد الأدنى الى بتحتاجه الأم للراحة بعد المجهود الى بتبذله فى الولادة... 2) لضمان تكون اللبن اللى عملية الولادة نتكون أحد أسبابه...

• اللبن اللى بيفرز فى الأيام الأولى يعنى فى اليوم الأول و لحد اليوم الثالث بيكون له طبيعة خاصة ..

اللبن ده أسمه و ده أسمه العلمى ..
أو لبن و ده لأن كميته بتكون قليلة عند بعض الأمهات..
أو لبن الأمهات الكبار بيسموه زى الأمهات الكبار بيسموه لأنه (بيأسس) المولود من لحظة ميلاده…

• اللبن ده بيكون عبارة عن سائل أصفر/خفيف القوام/تركيبه الغذائى مناسب جدا للمولود فى أيامه الأولى

|فوائد اللبن ده |أنه غنى جدا بالأجسام المضادة للميكروبات |
| |غنى بالبروتينات سهلة الهضم |
| |فيه فيتامينات زى (أ)، (ج)، (د)، (و)، (ب12) |
| |نسبة الدهون فيه بتكون قليلة. | ❖ فوائدها

|بالنسبة للبيبى |بيفرز لبن الأم فى درجة حرارة مناسبة للطفل يعنى لا يحتاج غلى أو تبريد.. |
| |بيكون معقم و مفيش احتمال لتلوثه.. |
| |بيحتوى على أجسام مضادة للميكروبات و بكده بيوفر للطفل مناعة و حماية من أمراض كثيرة. |
| |محتوياته من الدهون و البروتينات بتدخل فى تكوين خلايا المخ مباشرة من غير ما يعدى فى مرحلة التمثيل الغذائى.|

>

|بالنسبة للأم |بيساعد على تقليص الزيادة فى عضلات الرحم و رجوع الرحم بعد الولادة لحجمه الطبيعى زى قبل الحمل. |
| |أثبتت الدراسات أن الأم المرضعة بتكون بعيدة عن خطر الأصابة بالأمراض اللى بتصيب الثدى لا قدر الله. |

• طبعا ده غير الفائدة النفسية و العاطفية للمولود و الأم من خلال علاقة الحب الأبدية اللى بتكون الرضاعة أحد أهم دعائمها.

❖ كيفية إرضاع المولود

• لازم يكون الثدى نظيف و ممكن مسحه بقطعة قطن مبلولة ميه.

• وضع الطفل بيكون مائل بين الرقود والجلوس.

• لازم الطفل يبقى بقه لازق فى الدائرة البنى اللى حوالين الحلمة.

• خلى بالك من فتحة الأنف بتاعة المولود فخليكى دايما باعدة الثديين بأصبعك.

• حطى حلمة الثدى فى بق الطفل، وممكن تضغطى على الصدر شوية لحد ما يبدأ الرضاعة.

• لازم الرضاعة بالتبادل بين ثدى والثانى.

• البيبى (يتكرع) مرتين مرة فى نص الرضاعة والثانية فى آخرها.

• اوعى تجذبى الحلمة بشكل مفاجى من بق الطفل علشان الحلمة ما تتعورش ولأن ده ممكن يؤثر نفسيا بالسلب على الطفل.

• لازم شرب الميه والعصائر كتير عشان ضمان تكوين لبن.

• الفترة الكافية للرضاعة حوالى ثلث (1/3) ساعة بينام الطفل بعدها ساعتين.

• مسح خد الطفل أثناء الرضاعة بيشجع زيادة الرضاعة كرد فعل انعكاس.

• حافظى على قعدة مريحة ليكى أثناء الرضاعة و بلاش الأم ترضع أبنها وهى نايمة الأ فى حالة الولادة القيصرية لأن العقاد بيكون صعب على الأم.

❖ مشاكلها

• بين الرضعات ممكن ينزل بعض اللبن على الصدر، وطبعا ده بيضيق الأم لأنه بيديها احساس دائم بالبلل.

• وبننصح الأم انها تستخدم وسائد صدر خاصة بالحكاية دى، بتمتص اللبن وفى نفس الوقت بيكون فيها طبقة عازلة تمنع وصول اللبن للهدوم.

• التهاب الثدى من المتاعب الشائعة فى أثناء الرضاعة وعلى فكرة ده بيحصل أما نتيجة ايقاف الرضاعة بشكل خاطىء .. أو وضع الطفل غلط أثناء الرضاعة.

• وطبعا علاج التهابات الثدى بتكون عن طريق أستشارة الطبيب.

• برضه بعض الأمهات بيشتكو من ألم فى صدرهم نتيجة امتلأءه باللبن وده بيحصل لو عدد مرات الرضاعة قليلة أو الطفل ما بيرضعش كل اللبن اللى فى الثدى.

• عشان كده لازم نتأكد أن البيبى بيرضع صح .. وممكن الأم تدر بعض اللبن من صدرها لما الطفل يخلص رضاعة.

❖ موانعها

• موانع الرضاعة الطبيعية اللى بيحددها الطبيب وساعتها ده بيكون لأسباب محددة وقوية جدا.

|بالنسبة للأم |لا قدر الله الأصابة بمرض خطير يمنع الرضاعة. |
| |أو وجود سبب موضعى فى الصدر زى خراج الثدى و لازم يكون فى الناحيتين لأنه لو فى ناحية واحدة ممكن الرضاعة فى |
| |الناحية السليمة. |
| | |
|بالنسبة للطفل |وجود أى عيب خلقى فى سقف الحلق/أو اللسان أو الفم وساعتها الطبيب هو اللى بيحدد للأم تعمل أيه. |

❖ أخطاء شائعة

• شرب المولود الجلوكوز بعد الولادة و ليس اللبن.

• شرب الميه والسوائل بيخفف اللبن.

• الرضاعة بتوضب شكل الجسم.

• الأكل أثناء الرضاعة عشان اللبن يزيد.

• أكل الشيكولاته والحلويات كتير بيزد الدهون فى اللبن فممكن الطفل يجيله أسهال دهنى أو أكزيما دهنية.

• شرب السوائل والميه بيسبب ترهل البطن.

❖ معلومات أخرى

|لبن الزعل |فعلا فى حاجة أسمها لبن الزعل والتجارب أثبتت أن الطفل لما يرضع من الأم وهى متضايقة أو حالتها النفسية سيئة |
| |بيكون معرض للمغص والأم البطن الأخرى والأنتفاخات .. ده غير أن الزعل فى حد ذاته بيقلل أنتاج اللبن. |

o ممكن الأم تعمل ريجيم أثناء الرضاعة لكن بشروط:

1) أنه يكون تحت اشراف الطبيب اللى بيحط الرضاعة على رأس أولوياته. 2) أن الريجيم ما يرتبطش نتقليل كمية السوائل اللى بتشربها الأم.

o مفيش نظام ثابت لرضاعة المولود يعنى ممكن يرضع فى أى وقت هو عايزه أو مواعيد ثابتة وفى أى حالة مش هيأثر على نمو الطفل.

• لكن فائدة الرضاعة فى مواعيد ثابتة هو أنه بيساعد الأم على تنظيم وقتها عشان باقى التزاماتها . . وكمان بيعود الجهاز الهضمى للطفل أنه يشتغل بانتظام. • برضه مفيش مدة ثابتة أو محدودة لرضاعة الطفل فممكن الطفل يرضع بسرعة وممكن طفل تانى (يدلع) فى الرضاعة فيرضع شوية وينام شوية لكن المهم الأم تعرف أن فترة الرضاعة بتزيد مع زيادة نمو الطفل فى أيامه الأولى لحد ما تقريبا ما بيستقر عند 1/3 ساعة مع بداية الأسبوع الثانى. o الأم ممكن تعرف أن لبنها بيكفى الطفل و بيشبعه عن طريق.

• النوم الهادىء للطفل بعد الرضعة. • زيادة وزن الطفل بشكل مناسب. • لو أدينا للطفل بعد الرضعة مباشرة ينسون أو كراوية فالكمية اللى ح يأخدها نعرف منها هو شبعان ولا لأ.

• بعض الأمهات خصوصا فى الأيام الأولى من الرضاعة اللبن عندهم بيقل فى فترة اخر النهار .. لازم الأم ما تقلقش لأنها حاجة عارضة.

• ممكن الطفل يسيب الثدى و يرفض الرضاعة حتى لو الثدى فيه لبن. • وده لو الثدى مترهل فممكن ينزل على أنف الطفل. • أو عنده برد ومناخيره مسدودة فمش عارف يرضع. • أو لو الأم سايبة الحلمة بعيدة عن بق الطفل ومشغول عنه ساعتها الطفل ممكن يزهق وينام من التعب لأنه بيبقى مش عارف يرضع.

• حجم الثدى لا يؤثر فى عملية الرضاعة.

• الأدوية اللى بتزود اللبن مشكوك فى حقيقتها و أنسب طريقة لزيادة اللبن هو التغذية السليمة و شرب السوائل بكمية كافية وكمان افراغ الثدى من محتواه من اللبن.
أمراض الأطفال الشائعة
"الحبل السري"

❖ مشاكل الحبل السري

• ممكن أثناء بكاء الطفل يتفتح جرح السرة و ده فى حالة عدم أستخدام رباط مناسب للسرة

• ممكن يكون فى نزيف من الحبل السرى و تركه بدون التعامل معاه بجدية ممكن يسبب أنيميا عند الأطفال لأنه بيكون زى الجرح اللى بينزف من غير محاولة لأيقاف النزيف ده

• ترك السرة بدون غيار ممكن يسبب التهابات فيها.

• أحيانا بعد سقوط السرة، بتفضل حتة حمراء صغيرة بتفرز مخاط، والأم بتفتكره صديد، لكن الواقع أن بيكون جزء من الحبل السرى لسه ما نشفش وبيفرز مخاط فقط.

• الولادة فى الأماكن الغير مجهزة يؤدى بالطبع لتلوث الحبل السرى و ده لا قدر الله بيبقى له مضاعفات خطيرة.

❖ الفتق السرى:

بيظهر عند الأطفال فى الأسابيع الأولى من عمرهم/وبيكون نتيجة ضعف فى الفتحة اللى كان بيمر من خلالها الحبل السرى/المفروض أن الفتحة دى بتقفل بأنسجة خاصة قوية مع ذبول الحبل السرى وسقوطه/لكن أحيانا ده ما بيحصلش وبيظهر البروز ده اللى بنسميه الفتق السرى...

• مع أحترامنا الشديد لكل الخبرات فى العلاج مشاكل الحبل السرى سؤاء بالأجتهادات الشخصية أو بالعادات الأجتماعية الشعبية ... فأن أنسب طريقة لعلاج أى مشكلة من مشاكل الحبل السرى بيكون عن طريق الطبيب.

❖ كيفية العناية بالحبل السري

• بعد اولادة، الطفل بيتربطله الحبل السري عن طريق الطبيب أو يتمسك بمسبك بلاستيك.

• المفروض السرة تقع في خلال 10 أيام أو أقل "في الوقت ده بتكون دبلت، ونشفت، وبقي لونها أقرب للون الأسود وبعدين تقع لوحدها".

• حافظي إن السرة تكون بعيدة عن أي مصدر من مصادر التلوث زي البول أو البراز..

• فيطهر الجرح بالراحة باستخدام قطنة عليها كحول نقي، وكأننا بنعمل تدليك بسيط للسرة..

• وبعدين ينجيب شاش معقم ونغطي به السرة.. وبرضه بيكون عليه كحول نقي.

• بنكرر الغيار ده من 3-4 مرات يوميا.

• أحنا مش عايزين الأم تخاف أو تحس إن التعامل مع السرة صعب.. وحتى لو الأم خافت .. يبقي الخوف والحرص الإيجابي اللّي بيترجم لسلوك صحي سليم يعود على طفلنا بالخير إن شاء الله.

❖ أخطاء شائعة

• كثير من الأمهات بيخافوا يقربوا من منطقة السرة مع أن ده غلط.. ولازم ملاحظة أي تغير فيها..

• عدم الغيار على السرة والاكتفاء بمسحها بالميه.. ده غلط لأن بالشكل ده ما بنعملش الغيار الصحيح للسرة.

• بعض الأمهات بيحاولوا علاج الفتق السرى عن طريق وضع قطعة نقود معدنية زي العشرة قروش أو الربع جنيه الفضة على السرة ويربطوها على السرة.. طبعا ده غلط وعلاج مش سليم وكمان ممكن يسبب تلوث لجرح السرة.

• بعض الأمهات بيفتكروا إن لهم دخل في الفتق السري اللّي ممكن ييجي لأطفالهم وطبعا ده مش مضبوط.
"الصفراء"

❖ "وصفها وتوقيتها"

• إصفرار جلد الطفل مع إصفرار بياض العينين.

• تحدث من اليوم الثاني أو الثالث أو الرابع بعد الولادة.. وفي هذه الحالة بيكون صفراء طبيعية.

• بيكون مع الإصفرار ده أعراض مصاحبة زي: ضعف حركة المولود/ضعف الرضاعة/صوت العياط بيكون أعلى من المعتاد/ممكن يكون في ترجيع/بعد أيام ممكن تظهر حرارة/وبروز في الأماكن الطرية في الرأس.

• لو ظهرت الصفراء خلال 24 ساعة.. أو الليبي اتولد بيها، ده بيكون مؤشر خطير وفي الحالة دى ما بتكونش صفراءئ طبيعية..

بتكون مصاحبة لحالات معينة زي:
الالتهابات الشديدة/التجمعات الدموية في الرأس بعد الولادات المتعثرة.

• نسبة الأطفال اللّي بيصابوا بالصفراء الطبيعة الأيام دي ما بين 40-60%.

❖ "أسبابها وأنواعها"

• إذا ظهرت في اليوم الثاني أو الثالث أو الرابع بعد الولادة.. بتكون الصفراء الطبيعية أو "physiological jaundice" وسبب حدوثها إن المولود بتكون خلايا الدم الحمراء عنده أكثر من المعدل الطبيعي بتكون حوالي 8 مليون/م3 وده لأنه كان بيحصل على الأكسجين للأم له من دم الأم.

• بعد الولادة بتنخفض العدد ده للمعدل الطبيعي اللّي هو حوالي 5 مليون/م3، معني كده أنه يتم تكسير كل الكرات الحمراء الزيادة اللّي الليبي ما بقاش محتاجها ونتيجة التكسير ده، بينتج مركب جديد، بيتخزن في الكبد والطحال عشان يبقي احتياطي في عمل كرات دم حمراء جديدة أما الباقي فهو المادة الصفراء اللّي بتعيش في الدم ناحية الكبد والمفروض يتم التعامل معها في الحويصلة المرارية.

• لكن لأن لسه الكبد في أيامه الأولى فممكن ما يقدرش يتعامل مع كل المادة دي، فيهرب جزء منها للدم ويظهر على الجلد اللون الأصفر اللي بتلاحظه الأم برضه في بياض العينين.

• كبد كل طفل مختلف عن الثاني عشان كده قدرة كبد كل طفل على التعامل مع المادة الصفراء دى بتكون مختلفة.. وباختصار طول ما مستوى اليليووبين (الصفراء) تحت 20-25 mg/dl ما تظهرش.. لكن لو زاد عن 25 mg/dl تبتدى تظهر وتسبب أعراض..

• من الأسباب الأخرى للصفرا.. وجود لا قدر الله خلل في الكبد/أو انسداد في القنوات المرارية وفي الحالة دى بيكون لون الطفل أقرب للون الزيتوني.

• من الأسباب برضه: وجود اختلاف في فصائل الدم بين الأم والأب مع وجود RH سالب عند الأم، في الوضع ده بيكون الخطر على المولود كبيرة وبالتحديد لو كان الطفل الثاني أو الثالث أو الرابع.

• والحل هنا هو حقنة Rh اللّي بيوصفها الطبيب المتابع للحمل بعد معرفة كل المعلومات الخاصة بالأم والأب..

• برضه اتسجلت حالات كتير للصفرا مع حالات الولادة اللّي يتم خارج الأماكن الطبية المجهزة واللّي عادة بيصاحبها التهاب في الحبل السري..

❖ كيفية التعامل مع الصفراء

• الصفراء الطبيعية ممكن تظهر من اليوم الثاني وتختفي عند اليوم الرابع عشر...

• بالنسبة للأنواع الأخرى لازم علاج السبب المصاحب للصفراء..

• في أي الأحوال لازم علاج الصفراء عشان دى مادة سامة وممكن تعدي حاجز الحماية اللّي ربنا سبحانه وتعالى خالقه على المخ.. وهنا الوضع ممكن يكون شديد الخطورة.

• الخطوة الرئيسية في العلاج هو العلاج الضوئي، ولازم يتم في المستشفي مش في البيت علشان:
1) البيبي بيحتاج تركيز ضوئي مكثف أو متوسط حسب الحالة، وغالبا ما بيكون الضوء دائري.
2) لازم في المستشفي، عشان قياس نسبة الصفرا بشكل دائم ومنتظم.
3) علشان لا قدر الله في حالة فشل العلاج الضوئي، بتنتقل للمرحلة العلاجية الثانية وهي نقل الدم..

• لازم الأم تنظم مواعيد رضاعة مولودها حسب نظامه الغذائي وحسب نظام المستشفي.

• ممكن يحصل بعض المضاعفات البسيطة في العلاج الضوئي بتنحصر في الإسهال أو الطفح الجلدى أو فقدان الميه وفي المستشفيات يتم التعامل مع ده بشكل فوري وحاسم.
مواصفات المولود الجسمانية
خلال الأسبوع الأول

❖ الوزن وشكل الجسم

• المفروض أننا نوزن الطفل مرة في الأسبوع خلال أو 3 شهور.

• معدل الزيادة في الوزن بيكون في حدود 200 جم/أسبوع.

• طول الطفل بيكون حوالي 53سم.

• الأم ممكن تلاحظ إن الطفل خس شوية في بعد الولادة والملحوظة دى صحيحة جداً لكنها غير مقلقة.. لأن ليها أسباب:
1) لأن الطفل بيتخلص في البراز بتاعه من كمية من السوائل اللزجة اللّي كانت معاه طول فترة الحمل ودلوقت مابقاش محتاجها.
2) لأن المجهود اللّي بيبذله الطفل في الرضاعة بيكون أكبر من كمية اللبن اللّي بيحصل عليها وهنا بييجي دور الأم في أهمية إنها تعلم أبنها الرضاعة الصحيحة عشان يسترد وزنه الطبيعي إن شاء الله.

❖ ملاحظات أخرى

- انتبهي دايماً وانتي شايلة الطفل لضرورة إسناد رأسه وعلى فكرة الأطفال في الأسبوع الأول بيحبوا جداً إنك تاخديهم في حضنك وإنهم يحسوا بالثقة وانتي شايلاهم.

- خليكي دايما شايله طفلك قريب من كتفك وسانده رأسه بدراعك بحيث إنه دايما يقدر يشوف وشك.

- أثناء تغيير الحفاظات أو استحمام الطفل أوعي تتوتري لأنه هيحس بالتوتر ده.

- لحظي إن السرة ممكن تكون نشفت وحتقع لوحدها بعد ما لونها بقي أقرب للون الأسود.

- وزن الطفل ممكن يكون له علاقة بوزن الأب والأم.

- معدل نمو الطفل يتوقف على نجاح عملية الرضاعة، إذا علمتي طفلك إنه يرضع صح من الأيام الأولى هيسترد وزنه الطبيعي بنهاية الأسبوع الأول.

- لاحظي لون جلد الطفل خلال الأسبوع الأول.

- ما تقلقيش لو لقيتي تورم في ثدى المولود سواء كان ولداً أو بنت حتى لو نزل منهم سائل يشبه اللبن.

❖ الوزن وشكل الجسم

• الوزن تقريبا 3 كجم للبنت، 3.5 بالنسبة للولد.

• الطول من 48-51سم وطبعا ده من قمة الرأس وحتى أصابع القدمين.

• محيط الصدر: حوالي 34سم.

• طول المولود وهو قاعد: 35سم.

• لون المولود بيكون زى لون زهرة القرنفل وممكن نلاحظ لون أزرق خفيف مغطي الجسم وكل المولود ما يعيط والعياط ده يشتد كل ما تزيد سرعة الاتصال بين جهازه التنفسي والدورة الدموية حتلاقي بقي لونه أحمر جميل بنسميه "الحمرة العددية".

• الجسم بيكون متغطي بطبقة لزجة بالشمع.

- ممكن وزن الطفل يكون حسب عدد أسابيع الحمل:

|28 أسبوع |1.3 كجم |
|30 أسبوع |1.6 كجم |
|32 أسبوع |1.9 كجم |
|34 أسبوع |2.4 كجم |
|36 أسبوع |2.9 كجم |
|38 أسبوع |3.1 كجم |
|40 أسبوع |3.4 كجم |

❖ مواصفات الرأس

• محيط الرأس حوالي 35 سم.

• حنلاحظ وجود أجزاء طرية في الرأس بتبقي زي الدائرة الصغيرة اللّي في الجزء الخلفي بتقفل وبتبقي جامدة زي باقي عظام الرأس.

• عند الشهر السادس: أما اللّي في الجزء الأمامي فبتبقي جامدة في الشهر الـ19 يعني بعد سنة وسبع شهور.

• لون العينين ساعة الولادة بيكون مائل للون الأزرق لكن محدش يقدر يخمن لونهم بعد كده حيبقي أيه.

• ممكن نلاحظ أن الرأس فيها أحمرار او خربشه وده مش لازم يسبب إزعاج للأم أو الأب لأن دى كلمة ربنا سبحانه وتعالي في أنه بيخلي عظام رأس البيبي لينه ومرنه عشان تتكيف مع عملية الولادة.
الفطام – التوقيت المناسب

1) التوقيت المناسب

• عملية الفطام تستغرق شهوراً وليست أسابيع.

• تحديد موعد الفطام تبعاً لقدرة الطفل على الرضاعة وكذلك احتياجاته الضرورية من الغذاء.

• عادة تبدأ عملية الفطام بعد ثلاثة شهور الأولى من حياة الطفل وهو يمكن المعتقد بان لبن الأم يكفي وحده الـ4 شهور الأولى من العمر.

• والدليل على ذلك أنه حسب قياسات منظمة الصحة العالمية (WHO) ومنظمة الأغذية والزراعة (الفاو) فإن احتياجات المولود كالتالي:

- 120 ك كلوري – لكل واحد كجم من وزن الطفل وذلك من الولادة حتى 3 شهور. - ثم تقل لتصبح 110 ك كلوري لكل 1 كجم من وزن الطفل من 6-8 شهور. - فإذا عرفنا إن اللبن يحتوى على 69 ك كلوري لكل 100 جم من اللبن ممكن بحسب ونسلح أن الطفل يحتاج للفطام خلال نهاية أول 3 شهور.

▪ عند الولادة بيحتاج للأكل 3 ساعات (بين 4-8 شهور أغلب الأطفال يحبوا الفاصل بين الوجبات خمس ساعات). ▪ الطفل حسب ما تعوديه (لو صحتيه بعد 4 ساعات لو صحي بعد ساعة ممكن تديله لعبة..). ▪ نرجع تاني لمعدل زيادة وزن الطفل: 1. أو 3 شهور -800 جم/شهر 2. من السادس لـ9 – 500جم/شهر 3. آخر 3 شهور – 300 جم/شهر.

2) الطريقة الصحيحة

• قدمي لطفلك أكله واحدة كل مرة علشان تبقي العملية بالتدريج وفي نفس الوقت نقدر نلاحظ تأثير ومضاعفات الأكل عليه.

• ما تزوديش أي أكل جديد خصوصاً أثناء الإسهال أو في حرارة الصيف الشديدة.

• ضع موعد الأكل قبل موعد الرضعة مباشرة علشان تضمني إن الطفل يكون جوعان.

• ابدئي بمعلقة واحدة وبعدين زودى بعد يومين أو تلاتة معلقتين لكن لو لقتيه رفض الملعقة الأولى ما تزوديش وخليكي صابرة لحد ما يقبلها وبعد كده زودى. أمثلة (ملعقة زبادي – ملعقة عصير برتقال – ملعقة شوربة خضار... وهكذا).

• ماتدخليش أكله جديدة قبل مرور 3 أسابيع أو شهر على الأكله القديمة.

• قدمي الأكل زي ما هوه بعني لا تضيفي سكر ولا ملح.

• لو رفض نوع ممكن تنقلي على نوع ثاني.

• ابنك هوه اللّي هيحدد بعد كده بيحب أيه وعايز ياكل أيه.

• ما تخافيش لو لقيتي ابنك با بياكلش كتير لإنه هيشبع من الأكل ده أكبر من الكبير.

• أوعي تقارني حجم الرضعة بتاعة ابنك بمعدل الأكل الخارجي لأن دايما الأكل الخارجي بيكون أقل كتير المسألة مش بس بالكمية لكن للقيمة الغذائية.

3) الإخطاء الشائعة

• إنك تقدمي الأكل بكميات كبيرة وعايزاه ياكل غصب عنه.

• إنك تحددي حجم الأكل بناءً على طعمه في بقك انتي من حيث الملح والسكر.

• انك توقفي الرضاعة (الطبيعية أو الصناعية) لو لقيتي بانك ابتدى يحب الأكل الجديد.

• انك تحاولي تدى لابنك بروتينات بس زي اللحوم أو البيض مع أن كل العناصر الغذائية مهمة ولازم الطفل يتعود عليها.
الغيرة عند الأطفال

"الغيرة شعور إنساني صادق، قد لا نفهمه أو نتقبله، ولكن لا بد لنا أن نحترمه .. لأن الغيرة تأتي من فرط الحب.. أو الخوف من تأثير آخرين على من نحب، إذن محاولة تعديل سلوك الحب، أفضل بكل تأكيد من عدم وجود الإحساس بالحب!!"....

بهذه النظرة الفلسفية عبر الفيلسوف الأسباني "جورج سانتيان" والمولود عام 1863 عن وجهة نظره في الغيرة من خلال كتابه الشهير جداً (الاحساس بالجمال) واللّي أصدره عام 1896 ومازال حتى الآن أهم مرجع عن الاحساس بالجمال في العالم كله...

في البداية حترجع نفكر حضراتكم بالتفصيل بالخطوات اللّي ممكن نتبعها لتقليل الاحساس بالغيرة من الطفل الموجود دلوقت تجاه الطفل المنتظر ولادته إن شاء الله وكمان بعد ولادته:-

• مش لازم نستبعد الطفل الأكبر من حسابات الولادة بمعني أننا نقوله إن في بيبي تاني جاي لو سنه يسمح بذلك يعني فوق سنتين ونصف..

• لو الطفل في تخطيطنا إننا نوديه حضانه لازم يروح الحضانة قبل بداية ظهور أعراض الحمل على الأم.. أما لو فات الوقت ده فلازم نؤجل موضوع دخوله الحضانة دلوقت لأن ده مالوش غير تفسير واحد عند الطفل وهو أنه مطلوب أبعاده عن البيت لمصلحة البيبي الجديد!!.

• لو في تغييرات في أودته نعملها قبل الولادة بفترة طويلة.

• لو في تدريب على استعمال التواليت/أو تفكير في فطامه برضه كل ده إما قبل بداية ظهور أعراض الحمل أو يؤجل لما بعد الحمل والولادة.

• الأب لو راجع وجايب حاجات للبيت وللمولود حتى لو لبن صناعى أو حفاظات لازم يجيب للطفل الأكبر أي حاجة هو بيحبها..

• بالنسبة للزوار ياريت يجيبوا هدايا للطفلين الكبير والمولود لو ما كانش نكون أحنا مجهزين مجموعة من الهدايا الصغيرة ونديها للضيوف عشان يقدموها للطفل الكبير وكأنهم جايبينه هم هذه الهدايا.. برضه ياريت الضيوف يحاولوا يتكلموا في موضوعات كتير يعني بلاش تركيز فقط في الحوار حول الولادة والمولود وياريت الأم والأب يمتدحوا تصرفات الطفل الأكبر بس بشكل فعلي لما يعمل حاجة كويسة عشان ما يحسش إن أحنا بننافقه أو نسترضيه فيثبت عنده مبدأ إن في خطأ حصل.

• الحقيقة من أهم الحاجات: إشراك الطفل الأكبر في المسئولية تجاه المولود (زي تغيير الحفاظات – مناولة بعض الأشياء البسيطة – المساعدة في تجهيز حمام البيبي.. وهكذا) على فكرة تشجيع الطفل على أداء الدور بيحل جزء كبير جداً من مشاكل الغيرة المتوقعة.

• لازم برضه مع قرب موعد ولادة الأم وبعدها نكون بتوسع دائرة المشاركة الاجتاعية للطفل الأكبر سواء مع أطفال ثانية، الأب، الجدود، الأصدقاء، الأقارب لكن بحرص وبعدم إظهار أي علامات من الأم للابتعاد عن المولود.

• لازم يكون في صراحة بين الأم وطفلها يعني مثلاً لو الطفل عايزها تشيله وهي حامل لو مش حتقدري قولي إن ظهرك بيوجعك أو إن البيبي عايز يرتاح شوية واستدلي الوضع بإنك تاخدى الطفل في حضنك مثلا أو إنك تلعبي معاه..

• عرفي الطفل على الجنين اللّي في بطنك؟! شجعي الطفل داعيا على الحديث معاكم أنت والجنين ووضحي إنه الأخ أو الأخت.

• لو عندك صور للطفل الكبير من بعد ولادته وريها له وممكن كما تفرجيه على صور الأشعة التليفزيونية بتاعة البيبي.

• خلي الطفل الأكبر يشاركك في اختيار ملابس البيبي الجديد يختار الألوان مثلا..

• لو عندك أصحاب أو قرايب عندهم بيبي جديد خدى الطفل معاكي عندهم وعرفيه داعيا إن ده حاجة بتحصل عند ناس كثير جداً.

• عرفيه إن المولود الجديد ما بيعملش حاجة غير الأكل والنوم والعياط.

• لازم تفهمي الطفل إن المولود حيرضع منك (عشان يكبر زيك) بسرعة.

• بلاش الأم والأب يبالغوا في أنهم يقعدوا يقولوا للطفل أنهم حيفضلوايحبوه وحنفضل جنبك والحاجات دى.. لأن ده بيعني إن احتمال عدم الحب وارد..

• ناقشي مع الطفل الأسماء المقترحة للمولود.

• قرب موعد الولادة خلي الأمور طبيعية، بلاش زيادة في الهدايا والفسح لأنها ممكن تشعر الطفل إن في شيء رهيب حيحصل بالإضافة لأنه حيخلي الطفل يشعر في أنه بموضع القوة.. وممكن يبتدي "يقايض" السلوك بالهدايا – يعني حاجة قصاد حاجة.. ما تنسيش تجهزى هديتين للطفل عشان يديهم للمولود واحدة في البيت وواحدة في المستشفي.

طيب ده حيخلينا نسأل سؤال مهم.. هو الأحسن الطفل الكبير يروح يزو مامته بعد الولادة في المستشفي...؟ ولا لأ.. الإجابة هي ممكن بل إن ده الأفضل، ولكن برضه في بعض النصائح:

- ماتضايقيش لو لقيتها ما اترمش في حضنك.. دى ممكن كمان تتجاهلك أنت والمولود وتيعط..

- ياريت تحطي صورتها جنبك في المستشفي عشان لما تيجي تشوفها..

- لما تجييلك أديها هدية وقولي لها أن دي من المولود..

- في اليوم ده بالتحديد، اللّي تييجي معاه هو نفس الشخص اللّي تروح معاه ويستحسن طبعا يكون الأب..

- وأنت في المستشفي حاولي تكليميها في التليفون..

- لما تيجي خارجه بالسلامة خلي الطفل ييجي ياخدك مع الأب.

طيب ... جوه البيت ... المفروض نعمل أيه:...

▪ نستعمل اسم المولود عند التعبري عنه لترسيخ مبدأ الأمر الواقع وانه أحد الأشخاص مش شيء وخلاص.

▪ ماتهمليش الطفل الصغير لصالح الكبير (زي ما بعض الأمهات بيبقوا عايزين يعملوا) لأن ده بيعمل تشويش عند الطفل الكبير ويقتنع بعدم أهمية المولود في لحظات معينة عشان كده التوازن مطلوب..

▪ حاولي في كلامك مع الطفل عن المولود إنك تربطي بينه وبين الطفل دايما عشان يشعر بالانتماء والتواصل معاه (مثلا: شايف صوابعه صغيرة أزاي بس أنت صوابعك كانت أصغر/ الله .. ده النون شكلك خالص.. أد أيه جميل.. وهكذا)...

هاه.. حرمتم تشتكوا من الغيرة ولا لسه شويه .. أهه قدامكم كل الخطوات اللّي فاتت دي ياريت لو عملنا 50% منها حنحل كل مشاكل الغيرة اللّي يتقلي حضراتكم جداً..

طيب .. اللّي فات مفهوم.. ماشي .. نكمل كلامنا .. نعمل أيه لو عملنا حاجات كتير من اللّي فاتت دي ورغم كده الطفل الكبير غار بشكل واضح عن استيائه الشديد من البيبي؟!

في الأول أحنا حصدق أنكم عملتم كل اللي فات ده... وحأقولكم أنه رغم سلبية المشاعر دي إلا إن الافصاح عنها شيء إيجابي.. على فكرة كل الأطفال بيشعروا بالاستياء من المواليد الجدد.. وبدل ما نقعد نبوخ الطفل، محاول نغير الموضوع، أعرضي عليه أنه يساعدك في تجهيز شيء خاص بالمولود.. أو مثلا اقتراح خروج ليكم لحلكم.. على فكرة أحد الوسائل أنك تعبري أنت شخصيا عن مشاعرك المختلطة أحيانا زي أنك بتحبي المولود بس هو بيحتاج منك جهد كبير أو .. أنه بيقللقك طول الليل، لكن لازم تستحملي عشان هو صغير ومايعرفش حاجة..
امتحان ثاني: بعض الأطفال، لا يُظهروا العداء الصريح تجاه المولود، لكنهم بيتعاملوا بتقلب مع الأم.

صح .. ده بيحصل !! أحيانا بعض الأطفال ما بيلاقوش فائدة من التعبير عن مشاعرهم السلبية تجاه المولود.. ممكن برضه يكبتوا مشاعرهم وده من كتر ما اتقالهم (حبوا المولود... حبوا المولود) ساعتها ممكن الأم تكون هي الهدف... ممكن يتعاملوا معاها بعنف. أو يعملوا تصرف كانوا تركو زي عدم التحكم مثلا... أو رفض الأكل أو الإيحاء برفض القرب من الأم مع التعلق بالأب أو حد تاني .. وغيرها من التصرفات (اللي الحقيقة مش حأقدر أحصرها لأن غلاسة الأطفال أحيانا بتكون مبتكرة!) لكن كل دى تصرفات عادية، طبعا أنا فعلا باطمئن الأم واقولها أن دى مرحلة التكيف وده اختبار نفسي من الطفل للأم.. (وأحنا قلنا الكلام ده قبل كده من خلال دراسة عالم النفس جيروم برونر – واللي أكد أن الأطفال بيضعوا الأباء والأمهات أحيانا في اختبارات نفسية وتحت ضغط عصبي عشان يقيسوا رد فعلهم وبالتحديد حد أقصي للعنف معاهم...)..

عايز أطمئن الأم... ما تاخديش المسألة بشكل شخصي وعايز أقولك مطلوب منك فعلا أنك تكوني عند حسن الظن بيكي كأم، ويبقي عندك الصبر والفهم بدون حدود وتخليكي على نفس الدرجة من الاهتمام الكبير بالطفل...

ومن بين التصرفات السلبية اللي ممكن الطفل يرتكبها، اختار لحضراتكم أهم الأمثلة وطرق معالجتها:-

o أولا: الحاق الضرر بالمولود:

وطبعا ده كثير من الأمهات بيشتكوا منه لما يسيبوا الأوده ويرجعوا يلاقوا الطفل الكبير بيحاول أنه يلحق الأذى بالطفل المولود... على فكرة أغلب الأحيان الطفل فعلا لا يؤذى المولود ولكن ممكن فقط يخليه يعيط.

في البداية عايزين نستبعد عنصر سبق الإصرار والترصد لأن الهجمات دي ممكن الطفل يكون بيسميها.. "الاستطلاع البرئ". المهم رد فعلك يكون هادى ... تحاولي تفهميه أنه لازم يعامل المولود بعنف.. لو لقيتيه اتصرف بخشونة اتصرفي انت بهدوء وعقل ومن غير غضب .. أو ضرب، أو توجيه اتهامات... أو محاولة حماية المولود منه بشكل هيستسيرى (على فكرة ده ممكن يولد الكره مش الغيرة)...

برضه جعل الطفل يشعر بالذنب (شفت عورت البيبي أزاي...) بتسيب جرح عاطفي عميق، وفي نفس الوقت لا يخدم أي هدف إيجابي ... نخلي مبدأنا "إن الوقاية أحسن من العقوبة" وعموماً ما نسيبش الطفل اللي سنه أقل من 5 سنين لوحده مع المولود لأن الأطفال في السن ده لا يستوعبوا مدى الضرر اللي يبعملوه... o ثانياً: الارتداد السلوكي:

وده برضه طبيعي، لأن الطفل بيشوف سلوكيات المولود ويتصور أنه من خلال السلوكيات دي تجاب طلباته وبيحاط بالاهتمام.. النصيحة بلاش التوبيخ الدائم، لكن ياريت نمدح تصرفاتها الصح كطفلة ناضجة وبلاش نتضايق لو عمل الطفل تصرف خاطئ أمام الناس لأن النهاية المهم صحته النفسية مش شكلنا أحنا كمربين أمام الناس... ياريت نفكر الطفل داعيا بالحاجات اللّي هو ممكن يعملها عشار هو كبير ومايقدرش يعملها البيبي الصغير زي أنه يخرج مع جدته.. أو يأكل بره.. أو يروح الملاهي.. لو الأب خارج مثلا يشتري حاجات خليه ياخد الطفل الكبير معاه عشان يتأكد من مميزاته كطفل كبير، في النهاية الطفل بكل تأكيد حيختار ترك ماضيه ورا ظهره والتفكير بس في المستقبل...

o ثالثا: طلب الرضاعة مرة أخرى:

لا بد من عدم الاستجابة لهذا الأمر مطلقاً وعلى فكرة لازم الأم تحاول تتصرف بنضج في إرضاه مولودها أمام طفلها الأكبر يعني دون مبالغة في أخفاء الثدي أو مبالغة برضه في إظهاره، وياريت في الوقت ده يكون موجود عند الطفل عصير أو حاجة هو بيحب ياكلها.

طيب هل ممكن إن أنا اتجنب الغيرة؟ والإجابة بإنه طبعا ممكن لو عمليت زي ما قلت 50% فقط من النصائح اللي قلناها .. وفي نفس الوقت ماتشغليش نفسك بحسبة تقسيم الوقت لأن بالتأكيد الطفل الأكبر لازم حيكون له وقت أكبر ومع مرور الوقت حتعرفي أزاي تعملي التوازن المطلوب... طيب سؤال تاني: وحنتصور وجوده من أم من كوكب تاني وهو: أن ابني ماحسش بأي غيره تجاه المولود الجديد هو ده طبيعي؟! والإجابة هي أن هو ده طبيعي لأن الطفل في الحالة دي معناه أنه بيشعر بأمان شديد جداً يكفي بعدم شعوره بأي تهديد... لكن برضه إذا حصل فلا نستنكره على الطفل ونتعامل مع المسألة بنفس المنطق اللي شرحناه لحضراتكم...

مش ملاحظين حاجة... إننا عمالين نحلل يعني في تصرفات الطفل الكبير، ونتكلم عليه، وكأن الأم ملاك لا يخطئ... طبعا لأ... لأن تصرفات كتير جداً من الأمهات بتكون غير عادلة على الإطلاق... أحيانا نتيجة اسيتائهم من تصرفات ابنهم... أو إرهاقهم الشديد في الشغل والطلبات ... بيصبح الطفل الأكبر دون أن تدري الأم هدف تفريغ شحنات غضبها... "بعض الزوجات بيختاروا الزوج كمان وبيناله من الحب جانب!!" والحقيقة أن الغضب من الطفل لاقتناع الأم بشكل لا شعوري إنه لازم يتصرف بأسلوب أنضج رغم أن سلوكه قد يناسب عمره... والحكاية دى الحقيقة أنا لاحظتها في الأسئلة التليفزيونية العديدة اللّي بتوصلنا .. يالاحظ عدم الحياد في ترك السؤال يعني الأم بتشتكي من طفلها فتقعد تعد في مساوئه لحد ما المكالمة تخلص من غير ما تذكر ولا ميزة واحدة فيه أو حتى شبهة تصرف غلط هي ممكن تكون بتعمله وطالبة مننا المشورة والنصيحة... "الوعي بالمشاعر سواء كانت سلبية، أو حتي غامضة شيء مهم جداً للتغلب عليها، ويمكن يكون المرة الأولى اللي تنتابك فيها مشاعر الغضب من ابنك ... نتيجة بعض التصرفات لكنها بالتأكيد مش حتكون المرة الأخيرة... لأن عدم ثبات المشاعر، شيء كثير الحدوث في العلاقات الإنسانية الوثيقة ... وبالتأكيد تختفي كل المشاعر دى لما يرجع لحياتك الإيقاع الهادي المنتظم كأم ناجحة لطفلين أو أكثر وزوجة رائعة لأب... أكيد عايز يعمل كل حاجة حلوه لأسرته الصغيرة..

1_ ماهو الارتداد السلوكى وكيف تتعامل الام مع ابنها في هذه الحاله؟
هو رجوع الطفل الى بعض الافعال مثل طلب الرضاعه مرة اخري او انه لايتحكم في البول والبراز بعد انه كان يتحكم في التبول والتبرزوذلك غالبا يكون نتيجه وجود مولود جديد في الاسرة وذلك لجذب المزيد من الاهتمام ناحيته .... الام لايجب ان تستجيب لطلبات الطفل ومحاوله التقرب منه اكثر

2_ الطفل التوحدي؟
انها حاله طبيه وتشخيصها صعب جدا نظرا لان علامتها كثيره وبعض علامتها تظهر في الاطفال الطبيعين ولهذا يحدث اعتقاد خاطئ عندما توجد علامه فقط او اكثر ان الطفل يكون توحدي بينما هو طبيعى .......... ولابد من متابعتها مع الطبيب

3_ ما هو السن المناسب الذي يمكن ان يمارس الطفل الرياضه؟
يمكن الطفل ان يمارس الرياضه مثل السباحه والجري وبعض التمرينات في سن 3 سنوات وهو السن الذي يكون هناك تناسق واستجابه في عضلات الطفل .... بعض الرياضات التى تحتاج مجهود وتناسق اكثر مثل الجودو والكاراتيه يمكن التمرن عليها في سن المدرسة ( 6 سنوات)

4_ متى يثبت لون عين الطفل ؟
لون عين الطفل بعد الولاده تكون رماديه او تميل للون الازرق ويثبت لو عين الطفل غالبا بعد سن 3 شهور .

5_بالنسبه لمعانى الاسماء؟
الدكتور محمد قال ان الناس بتحب الموضوع ده جدا ويمكن الاتصال به وسيتم الاجابه على معنى الاسم في اقرب وقت ( لابد من الاتصال بالدكتور محمد )

6_كثرة العرق عند الطفل؟
مساله نسبيه ولو بدون مجهود خالص يبقي لازم مراجعه الطبيب اللى متابع الطفل لان كمان ممكن يبقي في اضطراب في وظيفه الغدد العرقيه ... ولو كثره العرق بعد مجهود او بعد النوم دي حاجه طبيعيه

7_الشرقان اثناء الرضاعه؟ ( الطفل بيشرق)؟
ده بيبقي نتيجه خطأ في الرضاعة هوة ان الام لازم تضع الهاله والحلمه كلها في فم الطفل وتتاكد من عدم دخول هواء مع اللبن اثناء الرضاعه

8_السن المناسب لدخول الطفل الحضانه؟
سن سنتين ونصف هوة السن المناسب علشان الطفل بيبقي قادر على التواصل مع الاطفال ويكون بيتكلم كويس
9_كيفية الاعتناء بسرة الطفل؟
سرة الطفل بيتحط عليها كلبس معين بعد الولاده وبتقع بعد 7 الى 10 ايام وبعدين بنستخدم قطنه وكحول طبي في شكل حلقي من نقطه معينه ومنرجعش اليها تانى ولو في اي لون او افرازات من السرة يبقي لابد استشارة طبيب الطفل • ما هى الكتب التى ترشح فى مجال صحه الطفل؟
جارى تحضيرها و طبعها خلال 3-4 شهور. • ما هى مده صلاحيه اللبن الذى يشفط من الثدى و يحفظ فى الثلاجه للرضاعه؟
حوالى 6 ساعات.

• ما هى المده التى يبقى فيها قشر الشعر فى الاطفال حديثى الولاده, و كيف يتم علاجه؟
قشر الشعر يختفى من الشهر السادس و تستخدم زيت شعر للاطفال و تدلك به الرأس.

• كيف احصل على الكتيبات الخاصه ب pampers و الكتب الخاصه بالاطفال؟
يترك الاسم و رقم التليفون و العنوان و سوف ترسل عن طريق البريد خلال 3 اسابيع.

• هل بودره التلك تؤدى الى السرطان؟
لا تؤدى الى السرطان و لكنها تزيد الحامونيل.

• قال لها طبيب ان تضع نقطه زيت على اللبن الصناعى ..هل ذلك صواب ام خطأ؟
خطأ.

• لحد سن كام اقدر اقول ان الطفل عنده حول حقيقى؟
لا يوجد حول حقيقى و غير حقيقى اول ما أشك ان عنده حول اذهب الى طبيب رمد.

• الكميه المناسبه للبن الرضاعه الطبيعيه فى الببرونه؟
الكميه المناسبه للبن الرضاعه فى الببرونه اقل حاجه 60 سم.

• بنت في الشهر 6 و رقبتها مش ثابته ؟
لازم تروح للدكتور. المعدل الطبيعى للطول و محيط الراس؟

|Age |Average length | |Age |Head circumference |
|At birth |50 cm | |at birth |35 cm |
|6 month |68 cm | |6 month |43 cm |
|1 year |75 cm | |1 year |47 cm |
|2 year |87 cm | |2 year |49 cm |
|3 year |94 cm | |6 year |51 cm |
|4 year |100 cm | |12 year |53 cm |
|5 year |107 cm |
|6 year |114 cm |
|7 year |121 cm |
|8 year |128 cm |
|9 year |135 cm |
|10 year |140 cm |
|11 year |145 cm |
|12 year |150 cm |

• كان هناك تعليق متكرر بأن الحفاضات تؤدى الى العقم؟ الحفاضات لا تؤدى الى العقم.

• What is the possibility if the anterior fontanels closes at 6months?
لا يوجد مشكله فى ذلك.

• من السنه الثانيه ,ايه المعدل الطبيعي من ال Ca اللى الطفل محتاجه وما يعادله من الأكل فى اليوم؟
فى السنة الاولى: اول سته أشهر----- لبن الرضاعة ثانى سته أشهر---- لبن الرضاعة + الأكلات الزائدة مثل الزبادي و السمك المسلوق.
فى السنة الثانية: اى حاجه فيها كالسيوم بس حاجه واحده بس مثل بيضه واحده او كوب لبن.
فى السنة الثالثة الى سن المدرسة: حاجتين فى اليوم فيهم كالسيوم مثل (بيض+ لبن) او(لبن + سمك)

• الوجبه المثاليه للطفل بعد السنة الثانية ؟
فواكه – خضروات – بروتين – تقليل النشويات.

• ما هو عنوان عيادة د. محمد رفعت او البريد الالكتروني؟ mohamed_refaat_doctor@yahoo.com

• ما الضرر من الظغطة؟
لا نقلق منها لانها هتروح لوحدها خلال الثلاث شهور الاولى.يمكن ان نعطى الطفل بعض السينتيمترات من الماء عن طريق القطاره.

• هل هناك ضرر من الشيالة؟
لا خطوره فيها و لكن الاحسن ان الام تشيل ابنها فى حضنها.

• متى يبدأ التدليك؟ كيف؟
الوقت: يبدأ من الاسبوع الاول
اهميته: يساعد عل افراز هرمون النمو ينمى العلاقه بين الطفل و الام ارتخاء الجهاز الهضمى كيف: فى الوجه و الاطراف: نستخدم اطراف الاصابع و فى الوجه من الداخل للخارج و نعصر الاطراف بلطف. فى الصدر: نستخدم الاصابع و نمشى مع اتجاه الضلوع

• ما سبب ظهور بقع بيضاء على الوجه؟
نقص الزنك و نقص يتامين A و نعطى للطفل فى هذه الحاله لبن ,كنتالوب ,جزر ,صفار البيض. (يعطى للطفل كبسوله فيتامين A مع التطعيم)

• ما علاج ظهور الحامونيل؟
نلبس الطفل ملابس قطنيه و نستعمل الماء البارد ,لا نستخدم بودرة التلك لانها بتزود الحامونيل.

• ابنى عنده يومين و لم يعمل حمام؟ الطفل طبيعى, ممكن الا يعمل حمام خلال الأسبوع الأول.

• الطفل بينام على بطنه؟
نحاول نعدله على ظهره.

• الطفل العصبى ؟
اهم حاجه ان نحسن أسلوب الاباء مع الأبناء و لا يكون ذلك بصفه مؤقته لأنه ممكن يعمل لهم اختبار , هل سيستمر تعاملهم الجيد ام أنهم سوف يعودوا الى طبيعتهم.

• السكاته؟ لا تستخدم لانها بتلهى عن معرفة السبب.

• هل يمكن ان تأتى الحصبة قبل سن 6 شهور؟ لا يمكن..لان عنده مناعة من أمه.

• طفلى بينام و عينه مفتوحة؟ لازم طبيب رمد يشوفه.

• هل اعيد تطعيم شلل الأطفال لو الطفل رجع فى خلال نصف ساعة ؟
نعم.

• متى يأكل الطفل بعد تطعيم شلل الأطفال ؟
بعد ساعتين ممكن يأكل او يشرب.

• هل الوقوع خطر على الطفل ؟ نعم ولازم الاحظ الطفل بعد الوقوع هل حدث ترجيع أو فقدان فى الوعى أو ورم فى الرأس ويتم المتابعه مع الطبيب المعالج.

• سؤال ال body language لازم يكون محدد ايه نوعيه الحركات التى يسأل عنها.

• هل تطعيم شلل الاطفال يؤخذ لو الطفل عنده اسهال أو ترجيع ؟
لا يؤخذ التطعيم.

• ما هي الانواع 7 للذكاء ؟ دي ليها تقسيمه والدكتور محمد هيعيدها على fm .

• امتى نبدأ نشيل الطفل على الحماله ؟ احنا مش بننصح بيها المفروض الام تشيل ابنها على صدرها ... الحماله دي عاده منتشره في جنوب شرق اسيا بس نظرا لظروفهم.

• تقصف الشعر و سقوطه؟ نهتم بالاغذيه اللى فيها زنك زي ( اللبن -- الكانتلوب-- السمك ) ومهم جدا الاهتمام بنظافه الشعر وغسله والبعد عن العادات السيئه مثل قص الشعر كله تماما.

• اللب والسودانى والسمسم للطفل المصاب بانيميا الفول؟ اللب ممنوع للاطفال والسمسم يحتوى على زيت صعب الهضم حتى للكبار والسودانى ممنوع ولكن عموما البقوليات ممنوعه للطفل ده وهوه بيبقي متابع مع المستشفي بكرت فيها جميع الحاجات اللى هو ممنوع منها.

• ام عندها جدري الام دي ترضع ولا لأ؟
ايوه, الام ترضع مفيش مشاكل خالص.

• طفل عنده 4 شهور واهله رايحين يصيفوا يتعرض للشمس ولا لأ؟ ممنوع الطفل يتعرض للشمس نهائيا في الفتره بين 8 ص و 3 م والطفل نحمي وشه وايديه ورجيله في العربيه الخاصه بيه في الوقت ده. اول مره ميتعرضش للشمس اكثر من 3 دقائق يزيد المعدل دقيقه كل يوم بحد اقصي 20 دقيقه لو فيه جزء من جسمه عليه ميه ننشفها فورا .

• ماهو الارتداد السلوكى وكيف تتعامل الام مع ابنها في هذه الحاله؟
هو رجوع الطفل الى بعض الافعال مثل طلب الرضاعه مرة اخري او انه لايتحكم في البول والبراز بعد انه كان يتحكم في التبول والتبرزوذلك غالبا يكون نتيجه وجود مولود جديد في الاسرة وذلك لجذب المزيد من الاهتمام ناحيته .... الام لايجب ان تستجيب لطلبات الطفل ومحاوله التقرب منه اكثر • الطفل التوحدي؟
انها حاله طبيه وتشخيصها صعب جدا نظرا لان علامتها كثيره وبعض علامتها تظهر في الاطفال الطبيعين ولهذا يحدث اعتقاد خاطئ عندما توجد علامه فقط او اكثر ان الطفل يكون توحدي بينما هو طبيعى .......... ولابد من متابعتها مع الطبيب

• ما هو السن المناسب الذي يمكن ان يمارس الطفل الرياضه؟
يمكن الطفل ان يمارس الرياضه مثل السباحه والجري وبعض التمرينات في سن 3 سنوات وهو السن الذي يكون هناك تناسق واستجابه في عضلات الطفل .... بعض الرياضات التى تحتاج مجهود وتناسق اكثر مثل الجودو والكاراتيه يمكن التمرن عليها في سن المدرسة ( 6 سنوات) • متى يثبت لون عين الطفل ؟
لون عين الطفل بعد الولاده تكون رماديه او تميل للون الازرق ويثبت لو عين الطفل غالبا بعد سن 3 شهور . • بالنسبه لمعانى الاسماء؟
الدكتور محمد قال ان الناس بتحب الموضوع ده جدا ويمكن الاتصال به وسيتم الاجابه على معنى الاسم في اقرب وقت ( لابد من الاتصال بالدكتور محمد ) • كثرة العرق عند الطفل؟
مساله نسبيه ولو بدون مجهود خالص يبقي لازم مراجعه الطبيب اللى متابع الطفل لان كمان ممكن يبقي في اضطراب في وظيفه الغدد العرقيه ... ولو كثره العرق بعد مجهود او بعد النوم دي حاجه طبيعيه • الشرقان اثناء الرضاعه؟ ( الطفل بيشرق)؟
ده بيبقي نتيجه خطأ في الرضاعة هوة ان الام لازم تضع الهاله والحلمه كلها في فم الطفل وتتاكد من عدم دخول هواء مع اللبن اثناء الرضاعه • السن المناسب لدخول الطفل الحضانه؟
سن سنتين ونصف هو السن المناسب علشان الطفل بيبقي قادر على التواصل مع الاطفال ويكون بيتكلم كويس • كيفية الاعتناء بسرة الطفل؟
سرة الطفل بيتحط عليها كلبس معين بعد الولاده وبتقع بعد 7 الى 10 ايام وبعدين بنستخدم قطنه وكحول طبي في شكل حلقي من نقطه معينه ومنرجعش اليها تانى ولو في اي لون او افرازات من السرة يبقي لابد استشارة طبيب الطفل • الطفل بيحزق كتير جدا و عنده 3 شهور؟
ده طبيعى لغايه 6 شهور

• الطفل بياكل حاجات غريبه زى التراب و معجون الأسنان؟
لازم نعرضه على الطبيب و الطفل ماشى فى سكة نقص الكالسيوم

• الطفل بيسرق حاجات من الناس اللى حواليه ؟ (سنه 4-5 سنوات)
ده يتعرض على طبيب نفسى

• هل يستحب نظر الطفل للمرآه كثيرا؟( عمره 7 شهور)
غير مستحب لأنه ممكن يعمله ارتباك(confused)

• الطفل بيقعد لوحده دايما و مش بيحب انه بيختلط باللى حواليه و دايما بيحب يلعب بحاجات غريبه جدا؟
ده احد العلامات المهمه للطفل التوحدى

• فيه الوان كثيره اسنان الطفل؟
بنسأل عن مصدر المياه لأنه ممكن يكون نتيجة ترسب الرصاص او الكلور على اللثه و الأسنان • الآثار المترتبة علي نقص فيتامين أ علي جهاز الابصار:1_العشي الليلي 2_جفاف العين 3_تقرح القرنيه 4_فقدان الإبصار الجزئي اوالكلي ضعف سلامه و ترابط الانسجه الطلائيه ضعف جهاز المناعة مما يؤدي الي :
1_ارتفاع معدل الاصابه بالعدوي و مضاعفاتها
2_زياده معدل الوفيات بين الأطفال • موانع التطعيم: ليس هناك مانع للتطعيم الا في حالات نادره ومحدده انه من المأمون الآن تطعيم الأطفال حتي المرضي منهم بدرجه معتدلة لأنه في كثير من الأحيان يتأخر التطعيم بسبب المرض مما قد يؤدي الي اصابه هؤلاء الأطفال بالأمراض التسعة المستهدفة الأطفال المصابون بمرض معتدل و حمي معتدلة و الذين يعانون من سوء تغذيه يجب ان يتم تطعيم كل هؤلاء فمن الممكن إحداث مناعة جيده لهم بالتطعيم بالرغم من كل ذلك • أما موانع التطعيم هي كالاتي :
1_الأطفال المرضي جدا الذين يحتاجون الي دخول المستشفي او الأطفال المصابون بحمي مرتفعه جدا يجب استشاره الطبيب
2_الأطفال الذين حدث لهم تفاعل شديد من جراء جرعه سابقه من الطعم الثلاثي لاسيما اذا كان هذا التفاعل هو التشنجات او الصدمه و حدث ذلك خلال الثلاثة أيام التاليه للحقن فلا يعطي الطعم الثلاثي في الجرعه الثانيه و الثالثه و المنشطه وانما يستبدل الطعم الثلاثي بالطعم الثنائي في هذه الجرعات
3_لا يعطي طعم BCG للاطفال المصابين بمرض الايدز
4_لا يعطي اي تطعيم بالفم في حالات الترجيع او الإسهال الشديدين

امتحان بامبرز

1. هل هناك شىء اسمه لبن الزعل؟ و كيف يؤثر على الطفل؟
فعلا فى حاجة أسمها لبن الزعل والتجارب أثبتت أن الطفل لما يرضع من الأم وهى متضايقة أو حالتها النفسية سيئة بيكون معرض للمغص والأم البطن الأخرى والأنتفاخات .. ده غير أن الزعل فى حد ذاته بيقلل أنتاج اللبن

2. ما هى الاسباب الممكنه لانصراف الطفل عن الرضاعه؟
لو الثدي فيه لبن:- • الثدى مترهل فممكن ينزل على أنف الطفل. • الطفل عنده برد ومناخيره مسدودة فمش عارف يرضع. • الأم سايبة الحلمة بعيدة عن بق الطفل ومشغول، الطفل ممكن يزهق وينام من التعب لأنه يبقى مش عارف يرضع.
لو الثدي مفيش فيه لبن

3. متى ابدأ الأكل الخارجى للطفل ؟و كيف افعل ذلك؟ مع بداية الشهر الرابع (في أبحاث حديثة بتقول أننا ممكن نستني لحد بداية الشهر السادس وده مفيش منه مشكلة)، طبعا بداية إدخال الأكل الخارجي للطفل بيكون جنب الرضاعة سواء كانت طبيعية أو صناعية، لازم الطفل في الوقت ده يكون في حالة طبية سليمة يعني ما يكونش عنده إسهال مثلاً أو نزلة برد.. وما إلى ذلك، في مجموعة نصائح بخصوص إدخال الأكل للأطفال لازم تبقي كل أم عارفاها.. 10) لازم تبدأ بالتدريج، يعني بنجرب معلقة مثلاً من طعام معين وإذا الطفل تقبلّ نوع الطعام ده بلاش تزود الكمية على طول، لكن لازم نفضل على الكمية دى لمدة 3-4 أيام، بعدها توزد الكمية حاجة بسيطة جداً. 11) بداية تجارب الأكل لازم تكون في أوقات غير أوقات الرضاعة، 12) نختار في الأول أنواع الأكل السهلة بالنسبة للطفل (لأن مهارة المضغ عند الطفل بتتطور شوية بشوية) زي مثلاً عصير البرتقال، عصير التفاح، أغذية القمح والزبادي منزوع الدسم، مع مرور الوقت بنبتدى نزود الأنواع زى الفواكه المسلوقة المهروسة (التفاح، الكمثرى..)، وكمان الخضار المسلوق المهروس (الجزر، الكوسة، البطاطس، وهكذا) والحاجات دى ممكن تتقدم مع بعض أو كل حاجة لوحدها، بس مع مراعاة حاجة مهمة قوى، أن في بداية تعريف الطفل بالأكل بلاش ندخل أكثر من نوع في المرة الواحدة، 13) بلاش كمان نضغط على الطفل أنه يأكل كميات من الأكل بالفعل مش مطلوب من الطفل في السنة الأولى غير أنه بس (يتذوق) ويتقبل أكبر عدد ممكن من الأكل المتاح له في السن ده، بغض النظر عن الكميات خالص، 14) لازم نتوقف فوراً لو لقينا الطفل حصل له حساسية من نوع معين من الأكل، 15) إذا رفض الطفل نوع أكل فأحيانا ده ما بيكونش رفض نهائي، بس بلاش تجربي تديله نفس الأكل تاني على طول، بعد أسبوع مثلاً ممكن نكرر التجربة، 16) ممنوع إضافة الملح أو السكر أو العسل لأكل الطفل. 17) ممنوع تماماً المقارنة بين كمية الأكل وكمية الرضاعة، لازم الرضاعة تفضل هي الأساس طول الفترة اللي بيرضع فيها الطفل (خصوصاً خلال السنة الأولى)،

كل العناصر الغذائية ضرورية للطفل مش البروتينات بس زي ما بعض الناس بتفتكر

4. متى و كيف تقوم الام بعمليه الفطام لطفلها؟
تحديد موعد الفطام تبعاً لقدرة الطفل على الرضاعة وكذلك احتياجاته الضرورية من الغذاء.
عملية الفطام تتم كالآتي:- • قدمي لطفلك أكله واحدة كل مرة علشان تبقي العملية بالتدريج وفي نفس الوقت نقدر نلاحظ تأثير ومضاعفات الأكل عليه. • ما تزوديش أي أكل جديد خصوصاً أثناء الإسهال أو في حرارة الصيف الشديدة. • ضع موعد الأكل قبل موعد الرضعة مباشرة علشان تضمني إن الطفل يكون جوعان. • ابدئي بمعلقة واحدة وبعدين زودي بعد يومين أو تلاتة معلقتين لكن لو لقتيه رفض الملعقة الأولى ما تزوديش وخليكي صابرة لحد ما يقبلها وبعد كده زودي. أمثلة (ملعقة زبادي – ملعقة عصير برتقال – ملعقة شوربة خضار... وهكذا). • ماتدخليش أكله جديدة قبل مرور 3 أسابيع أو شهر على الأكلة القديمة. • قدمي الأكل زي ما هوه بعني لا تضيفي سكر ولا ملح. • لو رفض نوع ممكن تنقلي على نوع ثاني. • ابنك هوه اللّي يحدد بعد كده بيحب أيه وعايز يأكل أيه. • ما تخافيش لو لقيتي ابنك با بياكلش كتير لإنه هيشبع من الأكل ده أكبر من الكبير. • أوعي تقارني حجم الرضعة بتاعة ابنك بمعدل الأكل الخارجي لأن دايما الأكل الخارجي بيكون أقل كتير المسألة مش بس بالكمية لكن للقيمة الغذائية.

5. ما هى المعادله المستخدمه لمعرفة وزن الطفل بعد السنه الاولى؟
المعادلة هي:- (العمر بالسنوات×2+8)

6. ما هى الاسباب التى يمكن ان تسبب الارق للاطفال؟
أسباب خارجية:- • إضاءة المكان غير مناسبة للنوم. • الجو في الغرفة حار أو بارد. • الضوضاء خارج الغرفة. • الأم والأب غير مهيأين للنوم أمام الطفل: يعني لو في ميعاد نوم الطفل ووجد إن الأم والأب جالسين يتفرجوا علي التليفزيون بهذه الطريقة لن ينام الطفل في الميعاد.
أسباب داخلية بالطفل:- • الطفل جائع. • الأم شربت منبهة أو أخذت دواء يسبب الأرق قبل رضاعة الطفل. • الطفل مبلول ومحتاج يغير. • الطفل ملابسه ضيقة عليه.

7. هل هناك علاقه بين التسنين و الزحف؟
نعم. فتطور الجهاز الحركي للطفل يرتبط بتغذية الطفل ( معدل الكالسيوم و فيتامين د ) وهذا يرتبط بالتسنين. 8. ما أنواع بكاء الطفل؟
3 أنواع:- • بكاء الجوع. • بكاء الغضب. • بكاء الألم.

9. ما هى اقصى مدة يمكن للطفل بعدها العودة للرضاعة الطبيعية اذا توقفت؟
مادام يوجد لبن في ثدي الأم بامكانها الرجوع لرضاعة الطفل مرة أخري وحتي لو كانت كمية اللين قليلة مع الرضاعة هتزيد.

10. ما المدة التى يستغرقها الطفل لتعلم دخول الحمام؟
سنة كاملة تعلم الطفل لدخول الحمام يتم علي 5 مراحل كل مرحلة تتم في شهرين لثلاث شهور.

11. ما هى المؤشرات ان الطفل شبع من الرضاعة؟ • النوم الهادئ للطفل بعد الرضعة. • زيادة وزن الطفل بشكل مناسب. • لو أدينا للطفل بعد الرضعة مباشرة ينسون أو كراوية فالكمية اللي حيأخدها نعرف منها هو شبعان ولا لأ.

12. ما هو معدل الاخراج الطبيعى للطفل؟
تبدأ من مرة بعد كل رضعة إلي مرة كل يوم ونصف إلي يومين.

13. لماذا لا نستخدم السكر و العسل فى السنة الاولى؟ • أولا:- لأن الطفل يعرف إن لبن الأم طعمه مش حلو زي الأكل الخارجي اللي مضاف عليه سكر أو عسل وبالتالي يمتنع عن الرضاعة الطبيعية. • ثانيا:- لأن الإنزيمات الضرورية لهضم السكرات في الطفل غير جاهزة في هذه الفترة.

14. ما أسباب الترجيع؟
أولا لابد من التفريق بين الترجيع والقشط (ارتجاع بعض اللبن اللي رضعة الطفل بيكون عاده زيادة عن حاجته ونتيجته إن العضلات القابضة لفم المعدة غير ناضجة كفاية في أول مراحل الحياة)علي النحو الآتي:- • القشط يكون مرتبط بالرضعة يعني بعد الرضعة أمام القشط مش لازم يكون مرتبط بالرضعة. • القشط لايكون معاه نقص بالوزن أما الترجيع يكون معاه نقص بالوزن. • القشط يكون غالبا خلال أول 3 شهور من عمر الطفل بعدها المفروض تكون الأم فهمت الكمية المناسبة للرضعة اللي الطفل بعدها يكتفي.
ثانيا لو ترجيع فعلا فله عدة أسباب:- • لو مرتبط بإسهال أو ارتفاع في درجة الحرارة يكون غالبا نزلة معوية. • لو الاسهال مرتبط باعراض اخري لابد مراجعة الطبيب المسؤل عن الطفل.

15. ما نوعية المياه المسموح بها للاطفال؟
المياه المعقمة يعني مياه مغليه ثم تبرد أو مياه معدنية معادنها مناسبة أو مياه جاهزة من الصيدلية ودي تستخدم أحيانا لعلاج المغص عند الأطفال زي ماء غريب.

16. كيف يمكن ادرار اللبن؟
يمكن زيادة كمية اللبن بالآتي:- • التغذية السليمة ( بتحتوى على كل العناصر الغذائية الضرورية ). • شرب السوائل بصفة عامة والمياه بصفة خاصة. • الرضاعة السليمة (فراغ الثدى من اللبن أكبر محفز لإنتاج لبن جديد). • إجراء بعض التمرينات الرياضية البسيطة في منطقة الصدر ودى بتنشيط الدورة الدموية وهذا بيحفز الصدر لإنتاج اللبن بصورة أكبر (التمرينات دى تمرينات الثني والمد..). • بعض الأكلات التي رشحتها الموروثات الشعبية وبالفعل وجُد أنها بتزيد بس اللبن مع مراعاة أن معظمها بيزود الوزن أيضاً. "المغات – الحلبة – الحلاوة الطحينية – الأسماك المشوية – الفجل – الجرجير".
الرضاعة السليمة يمكنها من ادرار اللبن.

17. هل هناك أطعمة يفضل امتناع الام المرضع عنها و ما هى؟
نعم، يفضل أن تمتنع الأم عن الأطعمة زاد الأملاح الزائدة، الشيكولاته والدهون ، أي مشروبات تحتوي عن المنبهات

18. ما هو المعدل الطبيعى للرضاعة؟ كم عدد المرات... المدة...
مفيش نظام ثابت لرضاعة المولود يعنى ممكن يرضع فى أي وقت هو عايره أو مواعيد ثابتة وفى أي حالة مش هيأثر على نمو الطفل.

لكن فائدة الرضاعة فى مواعيد ثابتة هو أنه بساعد الأم على تنظيم وقتها عشان باقى التزاماتها . . وكمان بيعود الجهاز الهضمى للطفل أنه يشتغل بانتظام.
برضه مفيش مدة ثابتة أو محدودة لرضاعة الطفل فممكن الطفل يرضع بسرعة وممكن طفل تانى (يدلع) فى الرضاعة فيرضع شوية وينام شوية لكن المهم الأم تعرف أن فترة الرضاعة بتزيد مع زيادة نمو الطفل فى أيامه الأولى لحد ما تقريبا ما بيستقر عند 1/3 ساعة مع بداية الأسبوع الثاني.

19. و كيف يمكن التعرف ما إذا كان الطفل أخذ كفايته؟ • النوم الهادئ للطفل بعد الرضعة. • زيادة وزن الطفل بشكل مناسب. • لو أدينا للطفل بعد الرضعة مباشرة ينسون أو كراوية فالكمية اللي حيأخدها نعرف منها هو شبعان ولا لأ.

20. متى يمكن اعطاء الطفل لبن خارجى (طبيعى)؟
بعد مرور عام من عمر الطفل.

21. ما هى أفضل طريقة لتحضير طعام الطفل و هل يفضل ضربه فى الخلاط؟
أفضل طريقة لتحضير طعام الطفل في أبسط صوره يعني مسلوق.
نعم يفضل ضربة في الخلاط ليسهل مضغة وبلعه وهضمه|.

22. هل هنالك فرق بين الترجيع و الكشط؟ ما هو؟
نعم، الفرق هو:- • القشط يكون مرتبط بالرضعة يعني بعد الرضعة أمام القشط مش لازم يكون مرتبط بالرضعة. • القشط لايكون معاه نقص بالوزن أما الترجيع يكون معاه نقص بالوزن. • القشط يكون غالبا خلال أول 3 شهور من عمر الطفل بعدها المفروض تكون الأم فهمت الكمية المناسبة للرضعة اللي الطفل بعدها يكتفي.

23. هل ممكن للأم المرضع اتباع نظام غذائى (Diet)؟ و هل يؤثر على الرضاعة؟
نعم ولا يؤثر علي الرضاعة ولكن بشروط:- • أنه يكون تحت إشراف الطبيب اللى بيحط الرضاعة على رأس أولوياته. • أن الرجيم ما يرتبطش بتقليل كمية السوائل اللى بتشربها الأم.

24. كيف تتعامل الأم مع العند؟
العند مشكلة تتكرر مع معظم الأطفال وكيفية التعامل معها يتم من خلال تعليم الطفل تصرفه الخطأ وبدون تعنيف أما بالنسبة للأم فلابد أن تتأني في تصرفاتها امام الطفل لانه من الممكن ان يكون التصرف عباره عن تقليد الأم لتصرفها امام الآخرين.

25. هل يكمن للأم اخذ الأدوية العادية مثل الأسبيرين وأو أدوية البرد أو أدوية النزلات المعوية (Flagyl) اثناء الرضاعة؟
نعم

26. ما هى اسباب الامساك؟
لازم نسأل "أيه هو النمط المعتاد لعملية التبرز عند طفلها؟" لأن الإمساك من الظواهر الطبيعية اللًّي مش المفروض الأم تقلق بخصوصها وبالتحديد في أول 3 شهور من عمر الطفل وده لأن عملية الرضاعة ما بتكونش لسه استقرت بشكل كامل وبالتالي ما انتطقتش حركة الجهاز الهضمي والإخراج عند الطفل.
أسباب الإمساك ممكن:- • طبعا اللبن الصناعي (بعض أنواعه) بيكون سبب في الإمساك شوية. • الأكل اللّي بتآكله الأم أثناء الرضاعة أو حتى الأكل اللّي بتديه الأم لطفلها (في الوقت الملائم) مثلاً زي التفاح وعصير الجوافة وغيرهم. • أثناء فترة تدريب الأم لطفلها على التحكم في التبول والتبرز وبالتحديد في الفترة الأولى ممكن يصاب الطفل بالإمساك. • بعض الفيتامينات زي الحديد. • أسباب طبية وتشخيصها لازم عن طريق الفحص الطبي:- زي كسل وارتخاء عضلات الأمعاء والبطن المسئولة عن عملية الإخراج، الانسداد المعوي، ضيق فتحة الشرج أو ضمورها.

27. كيف نربط علاقة الطفل بأخوه الجديد؟ • لازم مع قرب موعد ولادة الأم وبعدها نكون بتوسع دائرة المشاركة الاجتماعية للطفل الأكبر سواء مع أطفال ثانية، الأب، الجدود، الأصدقاء، الأقارب لكن بحرص وبعدم إظهار أي علامات من الأم للابتعاد عن المولود. • إشراك الطفل الأكبر في المسئولية تجاه المولود (زي تغيير الحفاظات – مناولة بعض الأشياء البسيطة – المساعدة في تجهيز حمام البيبي.. وهكذا. • لازم يكون في صراحة بين الأم وطفلها يعني مثلاً لو الطفل عايزها تشيله وهي حامل لو مش تقدري قولي إن ظهرك بيوجعك أو إن البيبي عايز يرتاح شوية واستدلي الوضع بإنك تاخدى الطفل في حضنك مثلا أو إنك تلعبي معاه.. • عرفي الطفل على الجنين اللّي في بطنك؟! شجعي الطفل داعيا على الحديث معاكم أنت والجنين ووضحي إنه الأخ أو الأخت. • لو عندك صور للطفل الكبير من بعد ولادته وريها له وممكن كما تفرجيه على صور الأشعة التليفزيونية بتاعة البيبي. • خلي الطفل الأكبر يشاركك في اختيار ملابس البيبي الجديد يختار الألوان مثلا.. • لو عندك أصحاب أو قرايب عندهم بيبي جديد خدى الطفل معاكي عندهم وعرفيه داعيا إن ده حاجة بتحصل عند ناس كثير جداً. • عرفيه إن المولود الجديد ما بيعملش حاجة غير الأكل والنوم والعياط. • لازم تفهمي الطفل إن المولود حيرضع منك (عشان يكبر زيك) بسرعة. • بلاش الأم والأب يبالغوا في أنهم يقعدوا يقولوا للطفل أنهم حيفضلوايحبوه وحنفضل جنبك والحاجات دى.. لأن ده بيعني إن احتمال عدم الحب وارد.. • ناقشي مع الطفل الأسماء المقترحة للمولود. • قرب موعد الولادة خلي الأمور طبيعية، بلاش زيادة في الهدايا والفسح لأنها ممكن تشعر الطفل إن في شيء رهيب حيحصل بالإضافة لأنه حيخلي الطفل يشعر في أنه بموضع القوة.. وممكن يبتدي "يقايض" السلوك بالهدايا – يعني حاجة قصاد حاجة.. ما تنسيش تجهزى هديتين للطفل عشان يديهم للمولود واحدة في البيت وواحدة في المستشفي.

28. ما أسباب الصفراء؟ • إذا ظهرت في اليوم الثاني أو الثالث أو الرابع بعد الولادة.. بتكون الصفراء الطبيعية أو "physiological jaundice" وسبب حدوثها إن المولود بتكون خلايا الدم الحمراء عنده أكثر من المعدل الطبيعي بتكون حوالي 8 مليون/م3 وده لأنه كان بيحصل على الأكسجين للأم له من دم الأم. • وجود اختلاف في فصائل الدم بين الأم والأب مع وجود RH سالب عند الأم، في الوضع ده بيكون الخطر على المولود كبيرة وبالتحديد لو كان الطفل الثاني أو الثالث أو الرابع. • ممكن يكون من الأسباب عيوب خلقية في تكوين الكبد أو الدم.

29. هل نعطى للطفل فواتح شهية؟ لماذا
لأ، نجعل الطفل علي راحته وكمان علشان نعرف لو الطفل غير متقبل الأكل أو سبب المشكله ايه.

30. متى يبدأ المشى و متى يبدأ التسنين؟
يبدأ المشي من 12 الي 15 شهر.
يبدأ التسنين بعد 6-8 شهور وممكن تتأخر شهرين لو الطفل ولد قبل ميعاده ووضع في الحضانة.

31. كيف نتأكد ان الطفل لم يتأخر فى الكلام؟
أولا:- في بداية إصدار الطفل لأصوات ومناغاة تشبه صوت الحمام وده اعتبارا من الشهر الثالث أو الرابع ولحد ما يكون الطفل قادر على نطق عدد من الكلمات مع نهاية السنة الأولى وبداية السنة الثانية.
ثانيا:- النقطة المهمة اللّي لازم كل الأمهات تتأكد منها هي أن الطفل قادر فعلا على نطق عدد من الكلمات ومش مهم العدد ده يكون كثير أو قليل والرأي الطبي بيقول أنه مع تأكدنا من سلامة حاسة السمع عند الطفل، وعدم وجود عيوب خلقية في منطقة آلة النطق عند الطفل (الفك – الوجه – اللسان...)، ووجود حصيلة من الكلمات ينطقها الطفل بغض النظر عن عددها فالأطباء ما بيحسوش بالقلق تجاه مستوى الكلام عند الطفل قبل مرور سنتين ونصف.

32. ما هى الطرق الطبيعية لزيادة الكالسيوم؟
إدخال الأطعمة الغنية بالكالسيوم مثل السمك المسلوق، الجبن القريش، الجبن المطبوخة، الجبن البيضاء قليله الملح والزبادي بأنواعه واللبن.

33. ما هو الحل لطفل يضع اصبعه فى فمه؟
مشكلة تتكرر مع كثير من الأطفال وحلها انن نمنعه من وضع اصبعه في فمه ونمتنع عن العادات السيئة مثل وضع صبار أو شطه علي اصبعه.

34. ماذا نفعل لطفل يتبول اثناء النوم ليلا؟
عملية التحكم في التبول والتبرز عملية مرهقة للطفل وتحتاج لعام كامل لتدريبه علي مهارة تكمل معه عمره كله فلابد للطفل إن يأخذ الوقت اللازم للتدريب وعلي الأم الا تعنف الطفل اذا تبول أثناء الليل بالعكس لابد أن تشجعه ان المرة المقبلة يحول الا تبول علي نفسه ومن الممكن أن تجعلها كاتمة أسراره فتقول له انها لن تقول لوالده ذالك حتي لا يغضب منه ويجب التدريب علي التحكم في التبول والتبرز.

35. هل كثرة الدهون و السكريات تدر اللبن ما انواع الاطعمة الافضل للام المرضع؟
لأ، أنواع الأطعمة الأفضل للأم:- • التغذية السليمة (مش الكثيرة) وكلمة السليمة معناها اللَّي بتحتوى على كل العناصر الغذائية الضرورية (بروتينيات، كربوهيدرات، دهون، أملاح، معادن، فيتامينيات...). • شرب السوائل بصفة عامة والمياه بصفة خاصة. • الرضاعة السليمة (فراغ الثدى من اللبن أكبر محفز لإنتاج لبن جديد). • إجراء بعض التمرينات الرياضية البسيطة في منطقة الصدر ودى بتنشيط الدورة الدموية وهذا بيحفز الصدر لإنتاج اللبن بصورة أكبر (التمرينات دى تمرينات الثني والمد..). • بعض الأكلات التي رشحتها الموروثات الشعبية وبالفعل وجُد أنها بتزيد بس اللبن مع مراعاة أن معظمها بيزود الوزن أيضاً. "المغات – الحلبة – الحلاوة الطحينية – الأسماك المشوية – الفجل – الجرجير".

36. كيف ننمى ذكاء الطفل؟
في الشهور الأولى:- من عمر الطفل ممكن استخدام الألعاب اللََّي بيصدر عنها الأصوات أو الأضواء وده لتنمية حواس الطفل.
السنة الأولى:- بنبتدى نخلي الطفل يتمرن على استخدام أيديه ونعلمه الكلمات ودى المرحلة اللّي بتنمو فيها قدرات الطفل الحركية وبتستمر لحد سن 3 سنوات
بعد 3 سنوات:- نعلم الطفل مهارات استخدام المواهب أي تعليم الموسيقي، الرياضة، الفنون وكمان هنا الأطفال بيحبوا الألعاب اللّي بتتفك وتتركب زي المكعبات والبازل والميكانو، مفيش حد أقصي لتعلم الطفل أي مهارة والدليل على كده إمكانية تعلم الطفل لحاجات كثير قوى في سن صغير.

37. ما هو الروتين الذى يجب اتباعه للطفل لتعليمه قبل موعد النوم؟
الروتين اللازم اتباعه قبل النوام:-
تهيئة الجو المناسب للنوم من اضاءة وضوضاء وجو محيط (البرد أو الحر) مع مراعاة الطفل الا يكون جائع وغير مبتل ويفضل ان يستحم الطفل قبل النوم ليساعده علي الاسترخاء وحكاية قبل النوام للطفل لابد ان تتم في أماكن واسعة وأحداثها متتاليه وغير متوقعة حتي لا ينتبه الطفل.

38. هل يفضل استخدام لبوس الجلسرين للامساك؟
لأ يتم استخدامه لا تحت إشراف الطبيب المعالج.

39. ما هى فوائد استخدام الحفاضات ؟ ما الذى يميز بامبرز؟
جعل جلد الطفل غير مبلول طوال الوقت وده يمنع حدوث التهابات المقعدة.
الذي يميز بامبرز انه يكون مصّنع بأقصى درجات توفير الراحة والأمان والجفاف للطفل

40. متى تبدأ الام فى القلق لعدم ظهور اسنان
بعد مرور عام كامل من عمر الطفل.

41. ما هو معدل زيادة وزن الطفل فى السنة الاولى
|العمر |الوزن بالكيلو جرام |الطول بالسنتيمتر |
| |البنات |الأولاد |البنات |الأولاد |
|وقت الميلاد |3.4 |3.5 |53 |54 |
|3 أشهر |5.6 |5.9 |- |- |
|6 أشهر |6.9 |7.9 |- |- |
|9 أشهر |8.7 |9.2 |- |- |
|سنة |9.7 |10.2 |74.2 |76.3 |

42. ما هو أكثر عنصر بيتحكم في ظهور الأسنان
عنصر الكالسيوم

43. ما هى عدد ساعات النوم اللَّي بيحتاجها الطفل
الطفل حديث الولادة:- حوالي 16-17 ساعة.
عند عمر 6 شهور:- 14 ساعة. ورغم أن الطفل بينام ويصحي في أي وقت هو عايزه في اليوم الا أنه في الست شهور التاليين من السنة الأولى حنلاقيه بيبذل مجهود عشان يفضل صاحي خصوصاً لو كانت في حاجات بتسليه أو بتنبهّه

44. لماذا يكذب الطفل....؟ • الخوف من العقاب وده طبعا ناتج عن قسوة الأب أو الأم. • الغيرة من أخ أو أخت أحيط بالرعاية والحب فيبدأ الطفل في الأتيان ببعض التصرفات الغير سليمة لمضايقة المولود ثم ينكرها الطفل. • تظهر بعض ملامح الكذب عند الطفل في مرحلة الدراسة الأولى والسلوك ده قد يلجأ إليه الطفل لتعويض الفرق في بعض الظواهر الاجتماعية المحيطة به، هنا بتكون رغبة الطفل فقط هي إشعار المحيطين به في المدرسة أنه ليس أقل شأناً.. • بعض الأطفال بيكون عندهم خيال واسع، ممكن نلاقي الطفل يألف قصة من خياله (وده على فكرة دليل على ذكاء الطفل) وفي الحالة دي مفيش أي دوافع شريرة أد ما هي رغبة الطفل في إشباع ملكة التأليف وطبعا الظاهرة دي بتقل كل ما الطفل كبر وأدرك الواقع...

45. كيف نطمئن على معدل النمو الطبيعي للطفل؟
من خلال وزن الطفل:- • مرة كل أسبوع في أول شهرين من عمره. • من الشهر الثالث نوزن الطفل مرة كل شهر لحد نهاية السنة الأولى. • واعتباراً من السنة الثانية، المفروض الطفل يتوزن مرة كل 6 (ستة) شهور. معدلات زيادة الوزن الطبيعية للطفل تكون كالتالي: • يزيد وزن الطفل بمعدل 196 جرام في الأسبوع الواحد خلال أول 3 شهور. • بعد كده معدل الزيادة بيبقي 148 جرام أسبوعياً في الشهور الثلاثة التالية. • وبعد كده بمعدل 113 جرام في الأسبوع في الشهور الثلاثة اللي بعد كده. • وأخيراً بمعدل 71 جرام أسبوعياً في الشهور الثلاثة الأخيرة من العام الأول. • خلال السنة الثانية، يبقي معدل الزيادة 42 جرام في الأسبوع.

46. ما هو طول البنات و الولاد عند الولادة بالسنتيمتر
|العمر |الطول بالسنتيمتر |
| |البنات |الأولاد |
|وقت الميلاد |53 |54 |
|3 أشهر |- |- |
|6 أشهر |- |- |
|9 أشهر |- |- |
|سنة |74.2 |76.3 |
|سنتان |85.6 |86.9 |
|3 سنوات |93 |94.2 |
|4 سنوات |100.4 |101.6 |
|5 سنوات |107.5 |108.3 |

47. ما هى التمرينات الرياضية اللَّي بتزود لبن الرضاعة
بعض التمرينات الرياضية البسيطة في منطقة الصدر ودى بتنشيط الدورة الدموية وهذا بيحفز الصدر لإنتاج اللبن بصورة أكبر (التمرينات دى تمرينات الثني والمد..).

48. ما هى النصائح الخاصة بالحفاظات • نختار النوع المناسب الموجود في الأسواق العالمية لأنه بيكون مصّنع بأقصى درجات توفير الراحة والأمان والجفاف للطفل. • نختار المقاس المناسب (لا الضيق ولا الواسع). • ج. نغيَّر الحفاطة في المواعيد "الظروف" اللَّى تستدعي تغييرها علشان نتجنب التهابات المقعدة عند الأطفال.

49. ما التفسير لتعليق الام ان طفلي نشاطه زائد عن الحد
لو الطفل فضل في حالة هدوء فترة تساوى (عمره بالسنين + دقيقة واحدة) ده معناه انه مش بيعاني من النشاط الزائد.

50. في تربية الأطفال ... هل العقوبة ضرورية؟
لأ غير ضرورية ولكنها تعتمد علي طريقة نشأة الوالدين.
العقاب مش هَّـو أبداً العنصر الأساسي في عملية التأديب لكنه مجرد تذكير إضافي للطفل باللَّى عايزه الأب والأم منه.

51. ما هى أسباب تخلي الطفل يتصرف بعنف • وجود أب عنيف أو أم عنيفة أو طبعا الأثنين مع بعض، • افتقاد الأطفال للتوجيه السليم، • مستوى الضغوط داخل الأسرة. • تغريز العنف عند الأطفال وده بيحصل لو لاحظ الطفل سعادة الأب أو الأم مع تصرف الطفل العنيف. • غضب الأطفال المكبوت، على فكرة لازم نقبل أن الطفل بيحتاج أحيانا أنه يعبر عن المشاعر السلبية اللَّي ممكن يتعرضلها زي الغيظ أو الإحباط، • إحباط الطفل وده بيحصل لو أننا فضلنا نوعد الطفل بحاجات كثيرة وما نلتزمش بكلامنا، • كمان البرامج التليفزيونية أو الأفلام أو الألعاب اللَّي يتعتمد في تكوينها على ممارسة العنف. • طبعا السماح بوجود مشاعر للغيرة بين الأخوات بيوجد مبرر قوي لعنف الطفل، وأخيراً أصحاب الطفل اللَّي ممكن فعلاً يتعلم منهم العنف حتى مع وجود الطفل في أسرة هادية تقليد الأطفال لبعض بيكون هنا هو السبب.

52. ما هى الاسباب اللى تخلى عينين الطفل بتدمع على طول • ممكن يحصل في فترات تغيير الفصول. • أو في حالة وجود التهابات ميكروبية في العين. • أن الدموع الكثيرة دى بتكون نتيجة الاتجاه الغير طبيعي للرموش وده لأنها بتحتك بسطح العين، أو إذا كان الجفن مقلوب لجوه أو بره، في بعض الحالات اللَّي زي دي ممكن اتجاه الرموش أو الجفن يتعدل تلقائياً (يعني لوحده)، لكن إذا استمرت الحالة لفترة طويلة فالأمر يحتاج التدخل الجراحي وده لتجنب إصابة العين بالالتهابات المتكررة. • ممكن عينين الطفل بتدمع نتيجة انسداد في القناة .

53. ما هى طرق مساعدة الطفل على تنمية مهاراته الكلامية • أول الطرق أنك تتفاعلي مع طفلك، أيوه الطفل بيتعلم اللغة من خلال اختلاطه مع الناس القريبيين منه، لازم تتعودى تتكلمي مع طفلك من أول يوم اتولد فيه، وكل ما يكبر، مهم قوي أنك تستجيبي للأصوات اللَّي بتصدر منه سواء كانت مفهومة أو غير مفهومة. • الطريقة الثانية:- هي "تسمية الأشياء" والطريقة دي بتساعد الطفل على تعلم الكلام، لما طفلك يبص على حاجة أو يشاهد عليها قولي اسمها بصوت ونطق واضح. • الطريقة الثالثة:- هي "القراءة"، أيوه القراءة بتحضر السمع والرؤية وبالتالي بتتطور المهارات الكلامية عند الطفل، أقرئي للطفل من الشهور الأولى. • الطريقة الرابعة:- فهي الألعاب البسيطة أي لعبة "الكلام واللمس" اسألي عن حاجة (وري الطفل مثلاً أي شيء وهكذا) وبعدين تقولي الإجابة وانتي حاطه ايدك على الحاجة دي.

54. علامات تطور الحواس والتطور العقلي للطفل خلال السنة الأولى
تطور الحواس

|خلال الشهر الأول |إذا ما ستناش الرأس حتتأرجح لورا ولقدام. |
| |لما نشيل الطفل ووشه لتحت وأيديه تحت مستوى بطنه حنلاقيه يرفع راسه في مستوى جسمه للحظات... |
| |كتير ممكن نلاحظ إن الطفل بيتنفض للحظات. |
| |بصفة عامة، الأيدين أغلب الوقت بتكون مقفولة. |

|خلال الشهر الثاني |لو اتحط على بطنه حيرفع دقنه لفوق... |
| |لو اتحط على ظهره حيتابع بعينيه الأجسام اللَّي بتتحرك قدامه.. |
| |حنلاحظ اهتمامه بالأصوات.. |

|خلال الشهر الثالث |يمسك اللعبة (شخشيخة مثلاً) في أيده لكن ما يعرفش يلقطها لو حطيناها قدامه.. |
| |ممكن نلاقيه بيحرك الدراع اليمين مع الرجل اليمين، أو العكس (الدراع الشمال مع الرجل الشمال)، ممكن|
| |يحرك برضه الدراعين مع بعض أو الرجلين مع بعض.. |
| |الأيدين حتكون مفتوحة أغلب الوقت .... |
| |حتبعد راسه لما الأم تحاول تنظف أنفه.. |
| |حيتجه براسه ناحية مصدر الصوت لو كان الصوت ده على بعد نص متر وفي نفس مستوى الإذن... |

|خلال الشهر الرابع |حيتجه براسه ناحية الصوت حتى لو كان مصدر الصوت أبعد من نص متر.. |
| |لو نام على ضهره حيرفع أيديه ويلعب بيهم وممكن يحاول يغطي وشه بهدومه.. |
| |لو نام على بطنه يرفع دقنه وراسه من على المخدة.. |
| |حيحاول يوصل للأجسام البعيدة عنه بس برضه حيغلط ومش يعرف يمسكها.. |

|خلال الشهر الخامس |دلوقتي يقدر يمسك اللعب لو بعيدة عنه شويه.. |
| |كل حاجة حيمسكها حياخدها على بقه!!! |
| |لو نام على ضهره حيحاول يقرب رجليه ناحية بقه، ويلعب بايديه في رجليه.. |
| |لو قدمنا له حاجة حيروحلها بايديه الاثنين... |

|خلال الشهر السادس |لو نام على ضهره، وجت الأم قربت منه وحاولت تشيله، حيرفع ايديه ناحيتها... |
| |حيرفع راسه لفوق بشكل تلقائي (يعني من غير ما تشيله)... |

|خلال الشهر السابع |ممكن يمسك المعلقة أو الكوباية... |
| |ممكن يأكل نفسه (البسكويت مثلاً)... |
| |حيحاول أنه يوقف لوحده... |
| |حيروح ناحية الحاجة اللَّي قدامه بإيد واحدة... |
| |في حاجة مهمة في حركة الصوابع وهي أنه حيلمس طرف الإبهام بالسبابة (ودى علامة مهمة جداً) |

|خلال الشهر الثامن |حيزق مامته إذا حاولت تنضف أنفه!! |
| |حيبدأ يقول مقاطع كلمات زي (با – دا – كا)... |
| |ممكن يبتدي يزحف على بطنه ويحاول يتحرك لقدام الأول، وبعدين يبتدى الزحف لورا.. |
| |وهو قاعد على الأرض ممكن يتحرك لقدام... |

|خلال الشهر التاسع |يظهر عليه الخوف لو حطيناه على مكان مرتفع عن الأرض (كرسي، ترابيزة...) |
| |حيقول (دادا – مام) |
| |لو حواليه ناس بيتكلموا حنلاقيه بيسمعهم... |
| |حيغني بلغته الخاصة... |
| |حيبقي عارف بالضبط مواعيد الرضاعة... |

|خلال الشهر العاشر |حيروح ناحية الأشياء قدامه باصبع السبابة... |
| |يمسك الكرة الصغيرة بين طرفي السبابة والإبهام... |
| |ينظر بسعادة إلى اللعب... |
| |يبدأ في تفضيل استخدام يد عن الأخرى.. |
| |حيكون أكثر حساسية تجاه الأطفال الآخرين (يعني يتابعهم، يركز معاهم لو عيطوا، يضايق لو مامته شالت |
| |حد منهم، وهكذا......) |

|خلال الشهر الحادي عشر |يبص للكتاب (خاصة لو فيه صور، وحيستمتع لو الأم قريتله فيه). |
| |ممكن يمسك القلم ويشخبط.. |
| |حيحاول توجيه الملعقة ناحية بقه... |
| |ممكن يقلع الشراب من رجله... |
| |ممكن يفك رباط الجزمة... |

|خلال الشهر الثاني عشر |حيحاول يكتشف كل حاجة أيده تقع عليها... |
| |حيتوقف (تقريباً) عن أنه ياخد الحاجات ناحية بقه... |
| |يرمي اللعب ورا حاجة، ويدور عليها.... |
| |في الوقت ده بيكون حساس جداً لبعد الأم عنه .. |
| |حيصَّر على إطعام نفسه.... |
| |حيكون عنده القدرة على أنه يظهر انفعالات ومشاعر كثيرة للَّي حواليه (زي الحب، الكره، الغضب، |
| |وهكذا..). |

التطور العقلي

|خلال الشهر الأول |في آخر الشهر أو بعد أسبوع من نهايته، حيضحك لمامته بشكل واضح وصريح، طبعا بيسبق ده متابعته ليها |
| |على طول وهي بتعلمه أو وهي قريبة منه.. |
| |حيقفل عينيه قدام الضوء الشديد... |
| |يعيط لو عايز مساعدة من أي نوع.. |
| |يسكت عن العياط لو اتشال... |
| |حيتعرف خلال الشهر ده على صوت الأم والأب... |

|خلال الشهر الثاني |حيبدأ يناغي وتزيد مرات ابتسامه... |
| |حيحاول التركيز على شيء محدد... |
| |يظهر عليه تعبيرات الشعور بالضيق، البهجة، التأثر... |
| |يدرك تماماً الارتباط بين الأم والغذاء.. |
| |يتبسط من الاستحمام.... |

|خلال الشهر الثالث |حتحسي أنه مبسوط لو اديناله لعبة.. |
| |ممكن يناغي بشكل متصل ويدخل في حوار معاكي.. |
| |لو اتبسط من حاجة قوي ممكن يصرخ صرخة عالية.. |
| |يراقب أيديه ورجليه ويحس أنهم امتداد طبيعي له.. |
| |حتلاقيه بيبص كثير ناحية الحاجات اللَّي بتبسطه... |
| |ممكن يسيب الرضاعة عشان يسمع الي حواليه... |

|خلال الشهر الرابع |يضحك بصوت عالي أكثر من مرة.. |
| |ممكن يقعد بمساعدة وتكون رأسه منتصبه (ثابتة) وضهره مفرود (بس بلاش حكاية القعاد دي كتير لأن |
| |المعاد الطبيعي للقعاد عند 6 شهور). |
| |حنلاقيه بيطلع أصوات تعبر عن الانسجام والسعادة.. |

|خلال الشهر الخامس |يصدر أصوات اعتراضية... |
| |يعيط لو أخدنا منه لعبته.. |
| |يميز بين الأشخاص المألوفة والغريبة عليه.. |
| |لما مامته تقرّب منه حيتوقع أنه يتشال فحيميل بجسمه، ويرفع أيده (يتأهب لوضع الشيل)... |

|خلال الشهر السادس |يضحك لصورته في المراية (الحكاية دي ممكن تحصل قبل كده).. |
| |يرمي الكرة في أيده لو قدمناله واحدة تانية.. |
| |يظهر حبه أو اعتراضه على نوع معين من الأكل اللَّي ابتدى يتقدمله جنب الرضاعة.. |
| |غالباً حيعيط لوحد غريب عنه شاله.. |
| |حيبدأ في التركيز في تقليد حركات الأم والأب زي مثلاً تطليع اللسان.. |
| |يبدأ في المضغ، بشكل مختلف عن طريقته في الرضاعة.. |

|خلال الشهر السابع |مش بس حيبتسم، ده كمان حيهلل قدام صورته في المراية.. |
| |ممكن يقعد على الأرض لحظات من غير ما يتقلب.. |
| |يخبط الحاجات بايديه.. |
| |تيقن أكثر مهارة التقليد.. |
| |يمَّيز تماماً بين الكلام بطريقة رقيقة وهادية وبين الكلام بشكل عنيف.. |

|خلال الشهر الثامن |إذا كان شايل في أيده كرة، وعرضنا عليه واحدة تانية، حياخدها بس حيفضل محتفظ بالأولى.. |
| |حيقفل بقه بشدة لو الأكل مش عاجبه وانتي بتأكليه.. |
| |حيطور أكثر مهارة التقليد في حركات اكثر وفي الأصوات البسيطة.. |
| |حيضرب صورته في المراية بلطف.. يستجيب لكلمة لأ... |

|خلال الشهر التاسع |يقعد على الأرض دقائق من غير ما يتقلب.. |
| |ينحني لقدام عشان يوصل للحاجة اللَّي هو عايزاها.. |
| |حيقدر في الوقت ده أنه يقف (واحنا ماسكين أيده وممكن يبقي ساند على أثاث البيت "يقف من غير مساعدة |
| |مننا").. |
| |لو اتحط على بطنه حيتحرك لورا.. |
| |في المرحلة دى حيهتم قوى أنه يدفع نفسه داعياً لوضع الوقوف... |

|خلال الشهر العاشر |حيحط دراعه قدام وشه عشان يمنع مامته من تنضيف أنفه.. |
| |حيقدر في الوقت ده أنه يصفق، يحرك أيديه، يعمل باي باي... |
| |لو حطينا في أيديه (في كل أيد حاجة)، حيبصلهم زى ما يكون بيقارن... |
| |ممكن يبدأ مهارة المشي وهو بيتسند على أثاث البيت ..(مهم في الفترة دى انه يشوفك جنبه)... |
| |يظهر استجابة لبعض الأسئلة البسيطة وزى باب فين؟ أو السؤال عن حاجة خاصة بيه).. |
| |من أكثر الألعاب اللَّي حيحبها ويستمتع بيها في الوقت ده أنه يحط حاجات جوه باسكت أو شنطة ويخرجهم |
| |تاني... |
| |يساعد مامته لما تلبسه هدومه (يعني مثلاً يرفع دراعه لو بتلبيسيه جاكت، يمّد رجله لو بتلبيسيه جزمة، |
| |وهكذا...) |

|خلال الشهر الحادي عشر |ممكن يوطي لقدام وهو قاعد من غير ما يقع... |
| |يقدر يمشي لما نمسك أيديه الاثنين... |
| |يدحرج الكرة قدامه لو طلبنا منه كده.. |
| |يقول كلمة لها معني.. |

|خلال الشهر الثاني عشر |ممكن يمشي على أيديه وبطن رجليه على الأرض.. |
| |لو سألناه عن حاجة يعرف مكانها حيشاور ناحيتها.. |
| |ممكن يكون قادر على نطق 3 كلمات لهم معني... |
| |حيكون فاهم معاني كلمات كثيرة قوي... |

55. ما التفسير لتعليق الام ابني متعلق بيا قوي
لازم الأم تعرف أن سبب المشكلة عندها هي مش عند الطفل.
مع ملاحظة تطور الطفل خلال مراحل نموه فرق درجة الاقتراب بين الطفل والأم في الرضاعة مثلا ودرجة الاقتراب بعد كده لما الطفل يتعلم المشي مثلا تعرف أن الطفل بيكون عنده رغبة فطرية في الاستقلال ومحاولة الاعتماد على النفس.

56. ما هو التصرف في أي مشكلة خاصة بالحواس
....) لازم نستشير طبيب متخصص في المجال ده وطبعا ده لازم يحصل بالتنسيق مع طبيب الأطفال المتابع لطفلك.

57. ما هو ترتيب ظهور الأسنان
:في البداية القواطع الأمامية، أو السنتين اللّي في الوسط في الفك السفلي، آخر الأسنان في ترتيب الظهور هي الأنياب السفلية والعلوية.

58. ما هو أنسب وقت لإجراء الطهارة عند الأطفال الذكور
الميعاد الأول:- هو بعد الولادة مباشرة يعني خلال أو 48 ساعة من عمر الطفل.
الميعاد التالي:- المناسب هو بعد مرور حوالي شهر ونصف من عمر الطفل.

59. ما هى التطعيمات الضرورية
التطعيم الضرورية هي اللّي موجودة في البطاقة الصحية الخاصة بكل طفل – الالتزام بجدول تطعيمات وزارة الصحة وحملات التطعيم التي تُعلن عنها.

60. ما هو تطور حركة اليد عند الطفل • يفضل الطفل يدوَّر على أيده حتى الشهر الثالث. • من الشهر الثالث ولحد الشهر السادس بيحط الطفل أيده في بقه وإذا قدر يمسك أي حاجة بإيده بياخدها ناحية بقه. • من الشهر السادس ولحد الشهر التاسع بيبتدى يستخدم الصوابع وهنا طبعا بيكون في خطورة عشان دلوقتي كمان ده الوقت اللّي ممكن فيه يزحف.

61. ما التفسير لتعليق الام حاسّة... أن ابني ضعيف
أولا:- في أطفال بيكونوا ضعفاء فعلاً وبيكون في احتياج لدعمهم من الناحية الطبية.
ثانيا:-لا ممكن يكون مجرد كلام من الأم أو الأب وغير معتمد طبيا لذلك لابد من متابعة الطفل بالوزن.

62. كام بيكون محيط الرأس عند الولادة
محيط الرأس عند الولادة = 35 سم

63. ما هو الموعد المثالى لبداية الرضاعة الطبيعية
بعد مرور 8-12 ساعات بعد تمام عملية الولادة.

64. ما هى فوائد • أنه غنى جدا بالأجسام المضادة للميكروبات • غنى بالبروتينات سهلة الهضم • فيه فيتامينات زى (أ)، (ج)، (د)، (و)، (ب12) • نسبة الدهون فيه بتكون قليلة.

65. ما هى فوائد الرضاعة الطبيعية للطفل و الام
بالنسبة للطفل:- • بيفرز لبن الأم فى درجة حرارة مناسبة للطفل يعنى لا يحتاج غلى أو تبريد.. • بيكون معقم و مفيش احتمال لتلوثه.. • بيحتوى على أجسام مضادة للميكروبات و بكده بيوفر للطفل مناعة و حماية من أمراض كثيرة. • محتوياته من الدهون و البروتينات بتدخل فى تكوين خلايا المخ مباشرة من غير ما يعدى فى مرحلة التمثيل الغذائى.

بالنسبة للأم:- • بيساعد على تقليص الزيادة فى عضلات الرحم و رجوع الرحم بعد الولادة لحجمه الطبيعى زى قبل الحمل. • أثبتت الدراسات أن الأم المرضعة بتكون بعيدة عن خطر الأصابة بالأمراض اللى بتصيب الثدى لا قدر الله.

66. ما هى كيفية إرضاع المولود • لازم يكون الثدى نظيف و ممكن مسحه بقطعة قطن مبلولة ميه. • وضع الطفل بيكون مائل بين الرقود والجلوس. • لازم الطفل يبقى بقه لازق فى الدائرة البنى اللى حوالين الحلمة. • خلى بالك من فتحة الأنف بتاعة المولود فخليكى دايما باعدة الثديين بأصبعك. • حطى حلمة الثدى فى بق الطفل، وممكن تضغطى على الصدر شوية لحد ما يبدأ الرضاعة. • لازم الرضاعة بالتبادل بين ثدى والثانى. • البيبى (يتكرع) مرتين مرة فى نص الرضاعة والثانية فى آخرها. • اوعى تجذبى الحلمة بشكل مفاجى من بق الطفل علشان الحلمة ما تتعورش ولأن ده ممكن يؤثر نفسيا بالسلب على الطفل. • لازم شرب الميه والعصائر كتير عشان ضمان تكوين لبن. • الفترة الكافية للرضاعة حوالى ثلث (1/3) ساعة بينام الطفل بعدها ساعتين. • مسح خد الطفل أثناء الرضاعة بيشجع زيادة الرضاعة كرد فعل انعكاس. • حافظى على قعدة مريحة ليكى أثناء الرضاعة و بلاش الأم ترضع أبنها وهى نايمة الأ فى حالة الولادة القيصرية لأن العقاد بيكون صعب على الأم.

67. ما هى موانع الرضاعة الطبيعية
بالنسبة للأم:- • لا قدر الله الأصابة بمرض خطير يمنع الرضاعة. • أو وجود سبب موضعى فى الصدر زى خراج الثدى و لازم يكون فى الناحيتين لأنه لو فى ناحية واحدة ممكن الرضاعة فى الناحية السليمة.
بالنسبة للطفل:- • وجود أى عيب خلقى فى سقف الحلق/أو اللسان أو الفم وساعتها الطبيب هو اللى بيحدد للأم تعمل أيه.

68. ما هى مشاكل الحبل السري • ممكن أثناء بكاء الطفل يتفتح جرح السرة و ده فى حالة عدم أستخدام رباط مناسب للسرة • ممكن يكون فى نزيف من الحبل السرى و تركه بدون التعامل معاه بجدية ممكن يسبب أنيميا عند الأطفال لأنه بيكون زى الجرح اللى بينزف من غير محاولة لأيقاف النزيف ده • ترك السرة بدون غيار ممكن يسبب التهابات فيها. • أحيانا بعد سقوط السرة، بتفضل حتة حمراء صغيرة بتفرز مخاط، والأم بتفتكره صديد، لكن الواقع أن بيكون جزء من الحبل السرى لسه ما نشفش وبيفرز مخاط فقط. • الولادة فى الأماكن الغير مجهزة يؤدى بالطبع لتلوث الحبل السرى و ده لا قدر الله بيبقى له مضاعفات خطيرة.

69. اذكر بعض الاخطاء شائعة
بعض الأخطاء الشائعة بالنسبة لموضوع الحبل السري:- • كثير من الأمهات بيخافوا يقربوا من منطقة السرة مع أن ده غلط.. ولازم ملاحظة أي تغير فيها.. • عدم الغيار على السرة والاكتفاء بمسحها بالميه.. ده غلط لأن بالشكل ده ما بنعملش الغيار الصحيح للسرة. • بعض الأمهات بيحاولوا علاج الفتق السرى عن طريق وضع قطعة نقود معدنية زي العشرة قروش أو الربع جنيه الفضة على السرة ويربطوها على السرة.. طبعا ده غلط وعلاج مش سليم وكمان ممكن يسبب تلوث لجرح السرة. • بعض الأمهات بيفتكروا إن لهم دخل في الفتق السري اللّي ممكن ييجي لأطفالهم وطبعا ده مش مضبوط.

70. كيفية العناية بالحبل السري • بعد اولادة، الطفل بيتربطله الحبل السري عن طريق الطبيب أو يتمسك بمسبك بلاستيك. • المفروض السرة تقع في خلال 10 أيام أو أقل "في الوقت ده بتكون دبلت، ونشفت، وبقي لونها أقرب للون الأسود وبعدين تقع لوحدها". • حافظي إن السرة تكون بعيدة عن أي مصدر من مصادر التلوث زي البول أو البراز.. • فيطهر الجرح بالراحة باستخدام قطنة عليها كحول نقي، وكأننا بنعمل تدليك بسيط للسرة.. • وبعدين ينجيب شاش معقم ونغطي به السرة.. وبرضه بيكون عليه كحول نقي. • بنكرر الغيار ده من 3-4 مرات يوميا. • أحنا مش عايزين الأم تخاف أو تحس إن التعامل مع السرة صعب.. وحتى لو الأم خافت .. يبقي الخوف والحرص الإيجابي اللّي بيترجم لسلوك صحي سليم يعود على طفلنا بالخير إن شاء الله.

71. كيفية التعامل مع الصفراء • الصفراء الطبيعية ممكن تظهر من اليوم الثاني وتختفي عند اليوم الرابع عشر... • بالنسبة للأنواع الأخرى لازم علاج السبب المصاحب للصفراء.. • في أي الأحوال لازم علاج الصفراء عشان دى مادة سامة وممكن تعدي حاجز الحماية اللّي ربنا سبحانه وتعالى خالقه على المخ.. وهنا الوضع ممكن يكون شديد الخطورة. • الخطوة الرئيسية في العلاج هو العلاج الضوئي، ولازم يتم في المستشفي مش في البيت علشان:
4) البيبي بيحتاج تركيز ضوئي مكثف أو متوسط حسب الحالة، وغالبا ما بيكون الضوء دائري.
5) لازم في المستشفي، عشان قياس نسبة الصفرا بشكل دائم ومنتظم.
6) علشان لا قدر الله في حالة فشل العلاج الضوئي، بتنتقل للمرحلة العلاجية الثانية وهي نقل الدم.. • لازم الأم تنظم مواعيد رضاعة مولودها حسب نظامه الغذائي وحسب نظام المستشفي. • ممكن يحصل بعض المضاعفات البسيطة في العلاج الضوئي بتنحصر في الإسهال أو الطفح الجلدى أو فقدان الميه وفي المستشفيات يتم التعامل مع ده بشكل فوري وحاسم.

72. كيف تتعامل الأم مع الغيرة؟ • مش لازم نستبعد الطفل الأكبر من حسابات الولادة بمعني أننا نقوله إن في بيبي تاني جاي لو سنه يسمح بذلك يعني فوق سنتين ونصف..

• لو الطفل في تخطيطنا إننا نوديه حضانه لازم يروح الحضانة قبل بداية ظهور أعراض الحمل على الأم. • لو في تغييرات في أودته نعملها قبل الولادة بفترة طويلة. • لو في تدريب على استعمال التواليت/أو تفكير في فطامه برضه كل ده إما قبل بداية ظهور أعراض الحمل أو يؤجل لما بعد الحمل والولادة. • الأب لو راجع وجايب حاجات للبيت وللمولود حتى لو لبن صناعى أو حفاظات لازم يجيب للطفل الأكبر أي حاجة هو بيحبها.. • بالنسبة للزوار ياريت يجيبوا هدايا للطفلين الكبير والمولود لو ما كانش نكون أحنا مجهزين مجموعة من الهدايا الصغيرة ونديها للضيوف عشان يقدموها للطفل الكبير وكأنهم جايبينه هم هذه الهدايا.. برضه ياريت الضيوف يحاولوا يتكلموا في موضوعات كتير يعني بلاش تركيز فقط في الحوار حول الولادة والمولود وياريت الأم والأب يمتدحوا تصرفات الطفل الأكبر بس بشكل فعلي لما يعمل حاجة كويسة عشان ما يحسش إن أحنا بننافقه أو نسترضيه فيثبت عنده مبدأ إن في خطأ حصل. • الحقيقة من أهم الحاجات: إشراك الطفل الأكبر في المسئولية تجاه المولود (زي تغيير الحفاظات – مناولة بعض الأشياء البسيطة – المساعدة في تجهيز حمام البيبي.. وهكذا) على فكرة تشجيع الطفل على أداء الدور بيحل جزء كبير جداً من مشاكل الغيرة المتوقعة. • لازم برضه مع قرب موعد ولادة الأم وبعدها نكون بتوسع دائرة المشاركة الاجتاعية للطفل الأكبر سواء مع أطفال ثانية، الأب، الجدود، الأصدقاء، الأقارب لكن بحرص وبعدم إظهار أي علامات من الأم للابتعاد عن المولود. • لازم يكون في صراحة بين الأم وطفلها يعني مثلاً لو الطفل عايزها تشيله وهي حامل لو مش حتقدري قولي إن ظهرك بيوجعك أو إن البيبي عايز يرتاح شوية واستدلي الوضع بإنك تاخدى الطفل في حضنك مثلا أو إنك تلعبي معاه.. • عرفي الطفل على الجنين اللّي في بطنك؟! شجعي الطفل داعيا على الحديث معاكم أنت والجنين ووضحي إنه الأخ أو الأخت. • لو عندك صور للطفل الكبير من بعد ولادته وريها له وممكن كما تفرجيه على صور الأشعة التليفزيونية بتاعة البيبي. • خلي الطفل الأكبر يشاركك في اختيار ملابس البيبي الجديد يختار الألوان مثلا.. • لو عندك أصحاب أو قرايب عندهم بيبي جديد خدى الطفل معاكي عندهم وعرفيه داعيا إن ده حاجة بتحصل عند ناس كثير جداً. • عرفيه إن المولود الجديد ما بيعملش حاجة غير الأكل والنوم والعياط. • لازم تفهمي الطفل إن المولود حيرضع منك (عشان يكبر زيك) بسرعة. • بلاش الأم والأب يبالغوا في أنهم يقعدوا يقولوا للطفل أنهم حيفضلوايحبوه وحنفضل جنبك والحاجات دى.. لأن ده بيعني إن احتمال عدم الحب وارد.. • ناقشي مع الطفل الأسماء المقترحة للمولود. • قرب موعد الولادة خلي الأمور طبيعية، بلاش زيادة في الهدايا والفسح لأنها ممكن تشعر الطفل إن في شيء رهيب حيحصل بالإضافة لأنه حيخلي الطفل يشعر في أنه بموضع القوة.. وممكن يبتدي "يقايض" السلوك بالهدايا – يعني حاجة قصاد حاجة.. ما تنسيش تجهزى هديتين للطفل عشان يديهم للمولود واحدة في البيت وواحدة في المستشفي.