NEWS
Ulo ng Balita:
World:
* Posibleng debris ng nawawalang Malaysian plane, naispatan sa satellite images ng China
National:
* Don Mariano transit huhusgahan ng LTFRB

Sports: * UAAP Volleyball: Ateneo, FEU, nagwagi * Manny Pacquiao balik training ngayon

Showbiz:

* Vhong nag-report na sa Showtime, Anne nakaalalay sa ‘forever partner’ * Anne Curtis ang bagong Dyesebel * Relasyong KathNiel, bakit nga ba di pa opisyal?

Pangkalusugan: * Paano magiging mas matalino?

Posibleng debris ng nawawalang Malaysian plane, naispatan sa satellite images ng China
Iniulat ng Chinese government website na mayroon itong hawak na mga larawan ng pinaghihinalaang debris ng higit limang araw nang nawawalang Malaysia Airlines flight MH370 na may dalawang daan tatlumpu’t siyam (239) sakay.

Inanunsyo ng website ng State Administration for Science, Technology and Industry for National Defense ng China ang pagkakadiskubre ng isang satellite nito sa isang "[observed a] suspected crash area at sea."

Binubuo umano ito ng "three suspected floating objects and their sizes."

Nakunan ang mga ito Marso 9, isang araw matapos mawala ang eroplano, ngunit ngayon lamang inilabas.

Nasa coordinates na 105.63 silangang longitude, 6.7 hilagang latitude ang mga palutang-lutang na bagay, sa katimugang bahagi ito ng Vietnam at silangan ng Malaysia.

Sinasabing nasa parte ito ng hilagang silangang karagatan kung saan galing ang eroplano.

Batay pa sa report, isa sa mga namataang bagay ay may kalakihan, isa rito ay may sukat na 24x22 metro. ___________________, nag- uulat!

Don Mariano transit huhusgahan ng LTFRB
Maglalabas na ng desisyon ang Land Transportation Franchise and Regulatory Board ngayong Martes sa kaso ng Don Mariano Transit na nasangkot sa malagim na aksidente nitong nakaraang buwan.
Sinabi ni LTFRB chairman Winton Ginez na napaaga ng dalawang araw ang paglalabas nila ng desisyon matapos bigyan ng tatlumpong (30) araw na suspensyon ang bus company.
Maaaring maharap sa kanselasyon ng prangkisa ang Don Mariano kung mapatunayang lumabag ito sa mga patakaran ng LTFRB.
Noong Disyembre 16 ay nahulog ang isang bus ng Don Mariano sa southbound lane ng Skyway na ikinasawi ng 20 katao.
Pabalik na ng Pacita sa San Pedro Laguna ang bus nang mangyari ang aksidente.
Base sa mga salaysay ng saksi at mga nakaligtas na pasahero, matulin ang pagpapatakbo ng tsuper na nasawi rin matapos mag-agaw buhay sa ospital.
Bukod sa mabilis na pagpapatakbo ay sinabayan ng malakas na ulan ang biyahe dahilan upang mabasa ang kalsada at maging madulas. _____________________, nag- uulat!

UAAP Volleyball: Ateneo, FEU, nagwagi
Umangat sa pang-anim na puwesto ang Ateneo de Manila sa pagtatapos ng unang round ng 75th UAAP Volleyball Tournament matapos gapiin ang University of the East, 25-20, 25-22, 25-20 kahapon sa Fil-Oil Flying V Arena sa San Juan City.

Pinangunahan ni Ricci Gonzales ang nasabing panalo ng Blue Eagles matapos niyang magtala ng 13 puntos na kinabibilangan ng 11 spikes. Nag-ambag din ang kakamping si John Joseph Sandoval ng siyam na puntos Sa kabilang dako, nanguna naman para sa Red Warriors na siyang nalugmok sa ilalim ng team standings sa barahang 1-6, panalo-talo, sina Homer Lauresta at Angelone Soria na nagtala ng 12 at 11 puntos ayon sa pagkakasunod.
Sa kabila ng ginawang pagpapaulan ng Blue Eagles ng spikes sa Red Warriors, 45-28, nakalamang pa ang huli sa blocks, 8-5.
Ngunit doon lamang nakuhang makaungos ng Red Warriors umangat ang Blue Eagles sa ibang aspeto ng laro maliban lamang sa set plays ng kanilang mga setters kung saan nakaungos si Argie Dacles kay Bartolome Rivera, 25-22.
Samantala, tumatag naman sa ikalawang puwesto ang defending champion Far Eastern University matapos muling magapi ang University of Santo Tomas, 25-20, 25-15, 26-24.
Dahil sa panalo, umangat ang Tamaraws sa barahang 6-1, panalotalo, habang bumaba naman ang Tigers sa barahang 4-3, upang makasalo ng La Salle Green Archers sa ikatlong puwesto.

____________________________, Nag uulat!!!

Manny Pacquiao balik training ngayon

Pinakokondisyon na ang katawan ni 8-Division World Champion Manny Pacquaio bago ang kanyang muling pagsalang sa ensayo sa Wild Card gym.
Ayon kay Coach Freddie Roach, mamaya na nila sisimulan ang huling bahagi ng pagsasanay muli ni Manny bilang paghahanda sa kanyang rematch kay WBO Welterweight Champion Timothy Bradley Jr., kung saan 2 dating mga kampeon kanyang magiging sparring partner sa katauhan nina former IBF Lightweight Champ Steve Forbes at dating WBO Junior Welterweight Champion Kendall Holt.
Naniniwala si Roach na naging mabunga ang dalawang linggong pagsasanay ni Manny sa General Santos City, na kung saan naging spar mate ni Pacquiao ang unbeaten American boxer na si Lydell Rhodes na 3 beses napadugo ang ilong nito.
Ang Bradley-Pacquiao rematch ay gaganapin sa Abril 13 sa MGM Grand sa Las Vegas, Nevada.

_____________________, Nag uulat!!

Vhong nag-report na sa Showtime, Anne nakaalalay sa ‘forever partner’

Nagbalik na si Vhong Navarro noong nakaraang lingo sa noontime show ng ABS-CBN na It’s Showtime. Welcome na welcome siya ng mga co-host at ng madlang pipol sa studio.
Sa simula pa lang ng show ay bongga na ang pagsalubong kay Vhong pero hindi pa rin naiwasan ang maiyak ang lahat nang magsalita na ang comedian-TV host-dancer.
Aminado si Vhong na may takot pa rin siya dahil sa kanyang pinagdaraanang sitwasyon ngayon. Pero kahit may trauma pa rin ay nagpapasalamat siya sa prayers at support hindi lang sa mga kasama niya sa Showtime, kundi maging sa fans na nagpapaabot sa kanya ng mga magagandang mensahe na siyang pinaghuhugutan niya ng lakas ng loob kaya siya lumalaban. Lalo na ngayon na nakasampa na ang kaso niya laban kina Deniece Cornejo at Cedric Lee kahit dinagdagan pa ni Roxanne Cabañero.
Touching ang part nina Vhong at Anne Curtis na siyang “forever partner” niya sa Showtime. Anytime raw ay nakaalalay si Anne sa kanya.
“Laging nandito lang ako parati,” sabi nito sa komedyante.

__________________________-, nag uulat!!!

Anne Curtis ang bagong Dyesebel

Kumpirmadong si Anne Curtis ang bagong Dyesebel!
Inanunsyo ng ABS-CBN ngayong Huwebes na ang “It’s Showtime” host ang gaganap na Dyesebel sa remake nito sa Kapamilya network.
“It’s an honor para makaharap ko kayo bilang Dyesebel,” banggit ni Anne. “It’s another dream come true po, napakalaking project nito. Tinanong n’yo ako noon kung ano ang dream role ko. Ito na, Dyesebel.”
Bilang paghahanda sa gaganapang role ay mag-aaral ang TV host/actress na lumangoy.
“Gagawin ko naman ang lahat—mag-aral ng swimming, magpa-sexy, lahat gagawin ko para magampanan ko (ang role).”
Makakasama ni Anne sa Dyesebel ang kanyang leading men na sina Sam Milby at Gerald Anderson.
Ang Kapuso primetime queen na si Marian Rivera ang pinakaahuling gumanap bilang Dyesebel sa TV series noong 2008.
Nitong 2013 ay nakuha ng ABS-CBN ang exclusive rights sa 13 characters na likha ni Mars Ravelo na isang batikang kartunista.

__________________, nag uulat!!!

Relasyong KathNiel, bakit nga ba di pa opisyal?
Inamin ng Kathryn Bernardo na special pero hindi official ang relasyon nila ni Daniel Padilla. Ibinunyag din niya ang posibleng hadlang para mag-level up ang kanilang relasyon. Nagpa-Patrol si Marie Lozano. TV Patrol, Marso 18, 2014, Martes

Paano magiging mas matalino?

AYON sa isang pagsusuri, kapag nagkakaedad ang isang tao, humihina nang bahagya ang pag-iisip. Ngunit, may ibang tao naman na lalo pang tumatalino kapag nagkakaedad. Ano ba ang sikreto nila para tumalino?
1. Maglakad ng 45 minutos. Kapag tayo’y nag-eehersisyo, mas gumaganda ang sirkulasyon ng dugo sa ating katawan, kabilang na ang daloy ng dugo sa ating utak. Sa mga estudyante, kapag hindi mo alam ang sagot sa test, igalaw-galaw ang iyong mga paa at baka maalala mo na ang tamang sagot.
2. Paganahin ang utak. Gamitin lagi ang ating pag-iisip.Magsagot ng crossword at puzzles. Mag-enroll sa eskwelahan. Makipaglaban ng chess. Huwag magretiro at ituloy lang ang iyong mga proyekto.
3. Kumain ng pagkaing pampatalino. Ang mga subok na brain foods ay mani, matatabang isda (tulad ng tuna, tilapia, salmon, sardinas at tamban), abocado, olive oil, cocoa spaghetti sauce at tomato sauce.
4. Puwedeng uminom ng Omega 3 Fish Oil supplements. Napatunayan na makatutulong ito sa pagganda ng daloy ng dugo sa ating puso at utak.
5. Itanong sa doktor kung puwede kang mag-Aspirin. Kung ika’y may diabetes, sakit sa puso, o istrok, baka makatulong sa iyo ang aspirin 80 mg tableta bawat araw. Kumunsulta sa doktor.
6. Magkaroon ng kaibigang mas bata at mas matanda sa iyo. Huwag puro kaedad mo lang ang kausap mo. Marami kang matututunan sa mga nakatatanda sa iyo. At sa pag-uusap sa mga bata, mahahawa ka sa sigla nila.
7. Labanan ang stress. Masama ang stress sa katawan at utak. Nakatatanda ang stress kapag hindi agad ma-bigyan ng solusyon ang iyong problema. Ayusin ang mga problema sa buhay. Tawanan at dalhin ng magaan ang iyong mga ginagawa.
8. Mangarap nang ma-ngarap. Maniwala kang magkakatotoo ang iyong mga pangarap. Daanin mo sa sipag at dasal at baka makamtan mo na ang iyong inaasam.
9. Alagaan ang iyong ulo. Iwasang mahulog o matumba. Magsuot ng helmet at maglagay ng seatbelt para iwas sa aksidente. Huwag ha yaang masuntok o mauntog ang iyong ulo. Baka mamatay at mabawasan ang mga selula natin sa utak.
10. Kumunsulta sa doktor at magpa-check up bawat taon. Kapag malusog ang iyong katawan, siguradong masigla rin ang lagay ng iyong utak.