Kabanata 1
SULIRANIN AT SALIGAN NITO
Karamihan sa mga kabataan ngayon ay nagsisimulang mahumaling sa panunuod ng iba’t ibang programa sa telebisyon at dito rin nila napapanood ang iba’t ibang uri ng mga patalastas o “advertisement.” Simula pa noon ay naging bahagi na sa buhay ng mga tao ang panood ng iba’t ibang klase ng patalastas o “advertisement” sa kanilang mga telebisyon.
Habang lumilipas ang panahon, ang midya ay nakakadagdag ng iba’t ibang impormasyon na makapagbibigay sa kanila ng mahahalagang datos ng mga kaalaman upang sa ganoon makapili ng magaganda at mga epektibong produkto ng sa telebisyo’y ipinatatalastas. Habang tumatagal, nang dahil sa panonood ng mga patalastas sa telebisyon ay mas lumalawak ang kaisipan ng mga kabataan. Nagkakaroon din sila ng mga iba’t ibang uri ng ideya kung paano mamili ng mga produktong nakikita nila sa mga patalastas. Darating din ang panahon na ang lahat ng kanilang mga nalalaman o nalaman ay kanilang magagamit sa ibat-ibang bagay o sitwasyon.
Ngunit ang panonood ng patalastas o “advertisements” sa telebisyon ay may masama ring naidudulot sa mga kabataan. Katulad nalamang ng isa sa mga patalastas ng “McDonalds”, kung saa’y isang “special child” ang kanilang ginamit sa pag-eendorso sa kanilang produkto at nagsasabi ng “smile ka din, konti lang” sa kapatid niyang nakita ang kanyang hinahangaang babae. Maraming natuwa ngunit marami ring ginagamit ito sa kanilang pang-aasar o panunukso sa kanilang mga kaibagan at kung madalas, nagiging sanhi ito ng hindi pagkakaunawaan.
Nakakasama din ito sa ilang kabataan dahil may mga patalastas o produkto na kanilang binibili ngunit hindi naman ito nirerekomenda ng kanilang doctor, kagaya nalamang ng “robust”, ito’y isang uri ng gamot para sa mga kalalakihan at may iba’t iba itong naging epekto sa kanilang katawan. Mayroon ding ilan na kaya lamang nila tinatangkilik o binibili ang isang produkto ay dahil ito’y iniindorso ng kanilang mga paboritong idolo, o kaya naman ito’y kanilang binibili sapagkat ito ang “in demand” sa panahong iyon at gustong makiayon sa mga produktong nauuso.

PALALAHAD NG SULIRANIN
Ang dahilan ng pag-aaral na ito ay upang maipakita kung paano nakakaimpluwensya ang mga “advertisement” o patalastas sa mga kabataan.

1. Paano naiimpluwensyahan ng mga patalastas ang mga kabataan?
2. Nakakatulong ba sa kanila ang panunuod ng patalastas?
3. Anu - ano ang mga magagandang naidudulot sa kabataan ng mga patalastas sa telebisyon?
4. Anu - ano ang mga masasamang naidudulot sa kabataan ng mga patalastas sa telebisyon?
5. Nakakatulong ba sa mga kabataan ang panunuod ng mga patalastas sa telebisyon sa pagpili o pagbili ng produktong naayon sa kanilang panlasa?

MGA PALAGAY
May masasama at mabubuting impluwensya sa kabataan ang panunuod ng iba’t ibang programa sa telebisyon at kahit na hindi nila gustong mapanuod ang mga patalastas sa telebisyon ay mapapanuod pa rin nila ito. Ang kasamaan nito, nagagaya ng mga kabataan ang mga masasamang pag-uugali o mga akto na napapanuod nila sa mga patalastas kung minsan naman ay pinagtatawanan ito sa mga mabababaw na dahilan. Tulad nalamang ng isa sa mga patalastas ng “EQ Diaper,” kung saan ipinararating nila sa mga manunuod na ang dahilan ng pag-aaway nina Lapu- Lapu at Magellan ay nang dahil lamang sa brand ng diaper. Marami ang kabataang naimpluwensyahan sa patalastas na ito, maraming nag-iba ang pananaw sa ating literatura at dahil ito sa isang patalastas na kanilang inera sa iba’t ibang istasyon ng telebisyon. Isa rin sa mga masasamang impluwensya nito ay ang pagbili nila ng produktong hindi naman nila kinakailangan, bumibili lamang sila sapagkat ito ang produktong iniindorso ng kanilang iniidolo.
Ang mabuting impluwensya naman nito ay natututo ang mga kabataan sapagkat kung minsan, ang patalastas ay nakakapulutan ng aral na ginagaya ng mga kabataan. Tulad nalamang ng mga patalastas ng “Jollibee” kung saan ay natututo ang mga kabataan na tumulong sa kanilang kapwa sa pamamagitan ng pagbibigay ng mga gamit na hindi na nila pakikinabangan. Mabuti rin ito sapagkat, natututo ang mga kabataan na pumili ng mas magandang produkto o mas mapadali ang kanilang paghahanap sa produkto na aangkop sa kanilang pangagailangan.

KAHALAGAHAN NG PAG-AARAL
Ang pag-aaral na ito ay may layunin upang malaman kung ano ang impluwensya ng telebisyon sa kabataan.
Ang pag-aaral na ito ay isinasagawa upang malaman kung ano ang nagiging impluwensya at upang malaman kung gaano kalaki ang nagiging impak ng mga “TV Advertisement” sa kabataan.
Makakatulong din ito upang matukoy ang mga nagiging reaksyon ng mga kabataan sa pinapanood nilang mga patalastas. Maipapaliwanag ang mga magaganda at masasamang dulot ng mga mga napapanood nilang patalastas o “advertisement” sa telebisyon.
Magiging pamilyar din ang mga mag-aaral kung paano naaapektuhan at nakakaimpluwensya ang iba’t ibang uri ng patalastas sa kanilang buhay at kung paano ito makikitaan ng kahalagahan sa ating buhay. Mahalaga ang pag-aaral na ito upang malaman ng mga magulang at kabataan kung ano ang dapat hindi dapat panoorin na mga patalastas upang maiwasan ang pagtulad ng mga kabataan sa kanilang mga napanuod sa telebisyon na hindi kaaya-aya, at upang magamit nila ang kanilang mga nalaman sa iba’t ibang aspeto ng kanilang buhay, at upang maging pamilyar din ang mga magulang at guro kung paano nauunawaan ng mga kabataan ang kanilang napapanood sa telebisyon upang magabayan sila sa paggamit nito.
SAKLAW AT LIMITASYON
Ang pag-aaral na ito ay nakapokus lamang sa mga “Impluwensya ng Pantelebisyong “Advertisement” sa kabataan”
Ang pag-aaral na ito ay magsasaklaw sa limampung respondante na nagmula sa ibat-ibang pangkat at taon sa Unibersidad ng New Era. Isang Deskriptib-sarbey ang ibabahagi dito.
KATUTURAN NG MGA TERMINOLOHIYA
Advertising o Pag-aanunsyo : ay isang uri o anyo ng komunikasyon o pakikipatalastasan para sa pagmemerkado ito rin ang ginamit para sumikat ang kanilang pinapakitang produkto.
Patalastas : ay programang makikita sa mga telebisyon, sa mga tarpaulin na nanghihikayat sa mga tao na tangkilikin ang anunsyo o kumuha ng atensyon sa mga nakakakita nito.
Telebisyon o Tanlap : ay isang sistemang telekomunikasyon para sa pagpapahayag at pagtanggap ng mga gumagalaw na mga larawan at tunog sa kalayuan.
Imitate o Pangkokopya : Pag gagaya ng mga kilos ng ibang tao.
Kaalaman : ito ay nangangahulugan ng kabatiran sa mga bagay-bagay na natamo sa pamamagitan ng personal na karanasan, pagmamasid o pag-aaral.
Manonood o Audience: isang pagtitipon ng mga tagapanood o tagapakinig sa isang palabas.

Kabanata 2
REBYU NG MGA KAUGNAY NA LITERATURA AT PAG-AARAL Sa kabanatang ito, ang mga tagapanaliksik ay pinagsama-sama ang ilang mga piraso ng Kaugnay na Literatura at Pag-aaral sa paksa at magbibigay ng mga sanggunian upang lumawak at madagdagan ang mga paliwanag sa mga ideya ng mga mananaliksik, na ito ay maiaambag sa pag-unawa ng pag-aaral. Ang mga tagapanaliksik ay nagtipon ng ilang mga piraso ng mga impormasyon tungkol dito.

Literatura Ang mga lokal at banyagang literaturang ito ay hinahangad ng mga tagapanaliksik na maipagpatuloy ang pag-aaral na ito.
Lokal
Ayon kay Gregorio Miranda, “Advertisers like other businessmen have a social responsibility to the public they seek to serve. They should not to exploit and ride on the weakness of gullible consumers in their desire to increase sales of products and, accordingly, the firm’s profits. Any untruthful advertising is unethical, immoral and, unfair to society. Thus, there is a pressing need for the observance of ethics and ethical principles on the part of the advertisers.” Ayon naman kay Irwin Teng, “Ang mga mamamayan ay laging “binobomba” ang katakut-takot na advertisements ng mga produkto ng pagkain na nagsasabing bukod sa masarap ay nakakalusog pa gayong mga ito ay kargado ng preservatives.” Dahil sa mga patalastas na ito, madami sa atin ang napapasama ang kalusugan. Dapat magkaroon ng katotohanan sa mga impormasyong ibinibigay ng mga patalastas upang hindi masira ang imahe ng isang produkto ng ibinebenta dahil lamang sa maling pag-aanunsiyo. (Pag-aanunsiyo; Set. 09,2004) Ang pag-aanunsiyo ay isang paglilingkod sa mga mamimili pati na rin sa industriya, pangangalakal at sa pampublikong ekonomiya. (Pag-aanunsiyo; Set. 09,2004)

Banyaga Ang “Ama ng Modern Advertising” ay si Thomas J. Baratt. Ayon kay Aldux Huxley, “The Advertisement is one of the most interesting and difficult of Modern Literary Forms.” Sabi pa niya na ito ay may pagkakatulad sa mga tula at visual arts. Ipinaparating niya sa kanyang sinabi na dapat mas alamin at intindihin muna ang ipinaparating ng patalastas bago ito tangkilikin o bilhin. Kasama sa linya ni George Moschis, na nagmula sa Georgia State University, Television Advertising and Interpersonal Influences on Teenagers’ Participation in Family Consumer Decisions, na nagsasabing:
“The adolescents frequency of interaction with his or her peers about consumptions matters was a fairly good prediction of involvement in the early stages of consumer decisions. Such influence, however, declines with movement toward actual purchase, suggesting that parents may mediate the effects of peer influence.” Mayroong positibo at negatibong epekto ang telebisyon. May mga pag-aaral na nanakita ang impak ng telebisyon sa lipunan, partikular na sa kabataan. (Children, Adolescents, and Television; Dietz WH, Strasburger Sc; 1991) Ang impluwensya ng mga patalastas sa kabataan ay nakikita sa pamamagitan ng konsumerismo. Bumibili ang mga kabataan hindi lamang dahil sa gusto nila ang produkto kundi pati na rin sa kanilang mga sign boards katulad sa KFC, “Finger lickin’ good”. (Mass Media (Television, The Internet, Advertising) Influence Youth Too Needs Nowadays; StudyMode; Peb. 2012)

Pag-aaral Ang mga sumusunod ay mga pag-aaral na may kaugnay hanggang sa kasalukuyang pag-aaral nito.

Lokal Itinalakay ni Hanz Michael Romaguero sa kanyang pag-aaral (Marso 2004) na ang mga kabataan ay dumidipende na lamang sa telebisyon para sa mga impormasyong kanilang kinakailangan, katulad nga ng mga advertisements na kanilang napapanood. Nakaka-apekto din ito sa pagbabago ng kanilang pang-unawa, paniniwala at pag-uugali. Nakatutulong naman ito sa pagtatag ng mga layunin ng mga ahensya ng gobyerno sa pagtulong, panghihikayat at pagpapaunlad ng ating ekonomiya. Sa taong 2000 hanggang sa kasalukuyan, ay madami ang gumawa ng pag-aaral tungkol sa “Impluwensya ng Pantelebisyong Patalastas sa Kabataan”, katulad ng: * The Perceived Effect of the “Surf” TV Ad on the Buying Behavior of Housewives in Bagong Silang, Kalookan City (Josephine, Meddie. Ailyn; 2000) * In-School Teenagers Perception of Television Advertisement (Medilo, Centeno. Del Aguna, Falacio; 2004) * Transit Advertising as a Communication Channel as Perceived by College Students of Far Eastern University (Ancheta, Levinia, Glaiza; 2006) * Manny Pacquiao as an Endorser as Perceived by the Selected Respondents of Asamba Compound City (Dela Cruz, Rumbua; 2012) Sa pagdami ng pananaliksik tungkol dito ay nalalaman natin ang mga magaganda at masasamang naidudulot sa atin ng advertisements.

Banyaga Pagkatapos ng masikap na paghahanap sa mga aklatan, natagpuan ng mga tagapanaliksik ang ilang mga pag-aaral na banyaga na may kaugnayan sa kanilang pag-aaral. Ayon kay Kanner, may mga kabataan na hindi pa nila mlaman kung ano ba talaga ang kanilang gusting bilhin at kung ano ang sinasabi ng mga advertisers kung ano ba talaga ang dapat nilang magustuhan o tangkilikin na mga produkto. Dahil din sa patalastas na napapanood ng kabataan ay hindi lubos na maisip na kung anu-ano ba ang dapat na kailangan nilang bilhin na produkto na makakatulong sa kanila na nakikita nila sa mga patalastas sa telebisyon. Maitatawag ito sa ibang grupo na child exploitation. Ayon naman kina Moschis at Mitchelle na sa panonood ng patalastas sa telebisyon ay hindi maiuugnay sa impluwensya ng pagpapasya ng mamimili ang pagsukat ng paglahok ng kabataan.

KAANGKUPAN NG REBYU NG MGA KAUGNAY NA LITERATURA AT PAG-AARAL SA KASALUKUYANG PAG-AARAL Pagkatapos basahin at pag-aralan ang mga kaugnay na pag-aaral at literatura, nalaman ng mga tagapanaliksik na madami na ang gumawa ng pag-aaral ng “Impluwensya ng Pantelebisyong Patalastas sa Kabataan”. Ang mga nakitang literatura at pag-aaral ay nakatulong sa mga tagapanaliksik, para malaman kung ano ang gagawin sa pananaliksik.

PAG-AARAL Ang telebisyon ay isang parte ng midya na pinaka-impluwensyal sa pagpapaunlad ng mga datos. Ang mga kabataan ay kinokopya at paulit-ulit na ginagawa kung ano ang nakikita nila sa patalastas. Dahil ang kabataan ay naiimpluwensyahan na ng mga nakikita nilang ginagawa sa patalastas. Sa pamamagitan ng mga patalastas o advertisements ay nagiging pamilyar tayo sa mga bagong produkto na mayroon ngayon.

KONSEPTWAL/ TEORYETIKAL NA BALANGKAS
PARADIGMO/ PARADAYM NG PANANALIKSIK Ang modelong nakalarawang ito ay tumutukoy sa pananaw ng bawat kabataan sa panonood ng mga patalastas sa telebisyon. Inilalarawan dito kung ano ang nagiging silbi o kapakinabangan nito sa kanila ng panunuod ng patalastas sa telebisyon at kung ano ang nagiging impluwensya nito.
PANANAW
(Kabataan)
MABUTI
NAIDUDULOT/EPEKTO/IMPLUWENSYA NITO
PANONOOD
(Pantelebisyong Patalastas)
MASAMA

Kabanata 3
PAMAMARAAN NG PANANALIKSIK

Sa kabanatang ito itinatalakay ang disenyo ng pananaliksik, ang mga respondenteng nakibahagi at nakipagkaisa sa aming isinagawang pag-aaral, at ang mga instrumento at mga teknik na ginamit ng mga mananaliksik sa paglikom ng mga impormasyon o datos.

DISENYO NG PANANALIKSIK

Ang disenyo ng pag-aaral o pananaliksik na ito ay diskriptib-sarbey, dahil naaangkop ito sa mga kabataan na naimpluwensyahan ng mga napapanood nilang mga patalastas sa telebisyon. Marami itong naging epekto sa kanilang pag-aaral, sa kanilang kalusugan at sa pakikipag-ugnayan sa ibang tao. Tinangkang pag-aralan ang mga nagiging impluwensya ng mga napapanood na patalastas sa telebisyon. Nais din ng pananaliksik na ito na masuportahan ang mga naunang pahayag ng mga kabataan tungkol sa epekto ng nasabing usapin.

PAMAMARAAN NG PAGPILI NG RESPONDENTE/ NG INSTRUMENTONG PAMAMARAAN

Ang mga kalahok sa pananaliksik na ito at sumagot sa mga katanungan ukol sa paksang “Impluwensya ng Pantelebisyong Patalastas sa Kabataan” ay ang mga mag-aaral ng New Era University na nagmula sa ibat-ibang pangkat at taon na maaaring naimpluwensyahan ng mga patalastas sa telebisyon.
Ang mga instrumentong aming ginamit upang masagawa ang pananaliksik na ito ay ang pagkuha ng mga mahahalagang impormasyon mula sa ibat-ibang libro, thesis, at mga artikulo, mga journal at iba pa sa gamit ang internet.

VALEDISYON, ADMINISTRASYON AT RETRIKAL

Ang mga mananaliksik ay humingi ng permiso sa Pangulong Guro ng paaralan upang maipamahagi ang mga instrument sa mga respondante. Ang mga mananaliksik ang namahagi ng mga sarbey form na sinagutan ng mga mag-aaral at naisisigurado nga mga mananaliksik na ang lahat ng mga sarbey form ay 100% na naibalik sa amin.

STATISTIKAL NA PAGTRATO NG MGA DATOS

Ang mga mananaliksik ay gumamit ng mga sumusunod na pormula para sa pag-aaral:

Pormulang Ginamit:

N Where: n = sample size n=------------- N = universal population
1+N(e)2 e = margin of error