William Shakespeare, gebore op 26 April 1564 en oorlede op 23 April 1616, was ‘n Engelse skrywer en digter, wat vandag gesien word as een van die grootse kunstenaars in die Engelse literatuur. Meeste van sy werke leef vandag nog voort. Onder andere: 38 toneelstukke, 154 sonnette, 2 langverhalende gedigte en vele meer. Op die ouderdom van 18 het hy getrou met Anne Hathaway, by wie hy ook drie kinders gehad het. Tussen 1585 en 1592, het hy 'n suksesvolle loopbaan begin in Londen as 'n akteur en skrywer. ‘n Paar bewyse van William Shakespeare is gevind, maar dan is daar wel spekulasies oor sake soos sy fisiese voorkoms, geloof, seksualiteit en meeste van alles, of die werk wat onder sy naam voortbestaan, regtig uit sy pen (of moet ek eerder sê veer en ink) gevloei het.
Sommige dinge in die lewe, word net van selfsprekend aanvaar. Een van hierdie dinge is die digkuns van die beroemde William Shakespeare. Party mense sien dit as soetsappig en oordramaties. Ander sien dit as diep en passievol. Wanneer die vraag of Shakespeare regtig bestaan, egter gevra word, spoel daar ‘n warboel van gedagtes bo-oor jou. Vandag nog is die vrae op almal se lippe: “Het Shakespeare regtig bestaan?” Het iemand sy gedigte vir hom geskryf? Waar kom alles vandaan?”
Met twee uiteenlopende flieks, maak dit nie die vraag makliker nie. Shakespeare in love en Anonymous, is geskryf uit twee heeltemal verskillende oogpunte en elke kyker het die keuse om self te besluit of hy ‘n kant gaan kies en of hy ‘n draadsitter gaan wees. Nie een van die flieks is noodwendig reg nie. Daar is so baie verskillende stories en teorieë wat hul rondtes doen in die sameleweing, maar op die ou end van die dag het elk van ons die vryheid om ons eie opinies en standpunte te vorm.
Shakespeare in love wys die mooi en romantiese deel van die Shakespeariaanse geskiedenis. William Shakespeare is ‘n beroemde en sukkelende digter, skrywer en akteur, wat sy teks aan beide Philip Henslow en Richard Burbidge verkoop. Die probleem is egter dat hy moet begin skryf, maar geen inspirasie of idee’s het nie. Hy probeer om vir hom ‘n muse te vind. William ontmoet ‘n pragtige vrou, met die naam Viola Lesseps. Sy het ‘n groot liefde vir teater en haar groot droom was om op die verhoog voor die skare op te tree, maar slegs mans is toegelaat om op te tree(beskrywning van die norme van teater gedurende die Shakespeareaanse tydperk). Sy was ook ‘n groot aanhanger en bewonderaar van Shakespeare se werk. Sy beraam ‘n plan en vermom haar soos ‘n man om ‘n oudisie by te woon. Sy was gesien as die perfekte kandidaat vir die rol en het dit ook toe gekry. William het nie lank nadat hulle begin oefen het, reg deur haar vermomming gesien nie. Hulle het ‘n skelm verhouding begin, maar hulle kon dit nie voortsit nie; Shakespeare was klaar getroud en Viola het reeds haar belofte aan ‘n ander man gemaak. Hierdie romanse het William se muse geword.
Anonymous is egter ‘n fliek waar jy mooi moet kophou en dit verg baie konsentrasie om die storielyn te volg en te verstaan. Die storielyn kom op die volgende neer : Dis ‘n Historiese drama wat dui daarop dat William Shakespeare (net ‘n naam onder verteenwoordig, maar die beroemdheid toegeken kan word aan `n klomp skrywers) ‘n “bedrogspul” was. Edward de Vere is ‘n aristokraat wat daarna hunker om gedigte en toneelstukke te skryf, maar as gevolg van politieke – en sosiale beperkinge, word hy gedwing om ‘n front te hou en onder ‘n skuilnaam te skryf. Skryfwerk in die Elizebethaanse era was gesien as minderwaardig en ook omdat hy ‘n politiese werker was, moes hy dit geheim hou, aangesien dit vir Koningin Ekizabeth aangespoor tot veranderinge tot die opvolging. Wanneer ‘n dronk, ongeletterde akteur, Shakespeare, wat honger is vir aandag en roem,die toneelstukke vat en maak of dit sy eie is, besef de Vere dat hy sy “front” gevind het. Met verloop van tyd word Shakespeare afgepers omdat die vraatsige kykers meer en meer wil hê.
Vir my is dit moeilik om ‘n opinie te vorm oor die groot bestaan van William Shakespeare. Ek sien myself as ‘n groot draadsitter in hierdie geval. Ek glo dat die mens soms stories opmaak en oordryf, omdat dit is wat hy/sy wil glo. Ek sal graag wil glo in ‘n storielyn min of meer soos in “Shakespeare in love”, omdat alles lig en eenvoudig is en ook die “maanskyn en rose” deel van die lewe uitbeeld. Dalk het William Shakespeare regtig bestaan, regtig alles geskryf en was hy regtig net ‘n man met ‘n fantastiese gawe vir die letterkundige bestaan.
Dan begin jy egter weer te wonder, nadat jy uitvind geen van sy werke is in sy eie handskrif voltooi nie…
Die digkuns en tonele kan moontlik net ‘n klomp historiese werke wat gevorm is in die Elizabethaanse era, geskryf deur verskillende talentvolle skrywers, onder een naam, wees. Volgens www.online-literature.com kon van die skrywers moontlik Christopher Marlowe, Ben Jonson, Francis Bacon, John Donne, and Edward de Vere (wat heel ironies die bynaam "spear-shaker” gehad het) wees.
Dit moet erken word dat daar literêre werke met versteekte kodes en boodskappe bestaan het en steeds voortbestaan. 'n Anonieme Latynse werk geskryf in 1616 se eerste letters van elk van sy 53 paragrawe, spel die volgende: "Franciscus Godwinvvs Landavensis Episcopus hos conscripsit" in basiese engels :"Francis Godwin, Bishop of Llandalf, wrote these lines" Die spelling en taal van die werk is foutloos. Dieselfde kan nie gesê word vir enige van die beweerde Shakespeare werke nie.

Daar is beduidende elemente, wat bevraagteken of Shakespeare die skrywer van hierdie beroemde werke was. Hierdie elemente sal as volg bespreek word:
Behalwe vir ‘n paar handtekeninge, is daar geen bewyse van enige briewe, gedigte of kreatiewe werke, wat in Shakespeare se eie handskrif voltooi is nie. Dit is moontlik dat daar nie bewyse van Shakespeare se geskrewe werke is nie, omdat papier gedurende die Elizabethaanse era moontlik herwin is, deur dit in water te laat week en te verwerk na ‘n pulp toe, wat dan weer gebruik is vir herdrukking. Dit beteken nie dat die dokumente nie bestaan het, bloot omdat dit nie gevind is nie. Dit sou dieselfde wees as om `n persoon aan iets skuldig te bevind, sonder enige bewyse. Dokumente van daardie tydperk kon ook wegraak, in mure toegepleister wees, herwin word en ook vernietig word. Dit is nie bestaande bewyse nie, bloot bespiegelinge.
Shakespeare se wettige testament bevat geen verwysing na sy literere werke, insluitende toneelstukke, gedigte of musiekinstrumente nie, Dit noem wel dat hy sy tweede beste bed aan sy vrou, Anne Hathaway, nagelaat het. Weereens veroorsaak ‘n tekort aan bewyse, dat daar nie regtig bewyse is nie. ‘n Moontlike rede waarom Shakespeare se werke nie in sy testament genoem is nie, is dalk omdat hy reeds ander reëlings en planne daarmee gehad het. Artistiese werke was gedurende daardie era nie van soveel waarde nie, en kopiereg was nog in sy kinderskoene.
Die eerste verwysing na Shakespeare as skrywer, het eers sewe jaar na sy dood, in die First Folio Testimony verskyn. Wat beteken dit? Miskien presies wat dit sê. Hierdie is die werke van William Shakespeare. Dit kon maklik jare gevat het om al die materiaal bymekaar te kry. Miskien was daar wettige probleme aangaande eienaarskap wat opgelos moes word. Sommige van sy werke kon alreeds aan ander mense behoort het – dus word dit nie in die testament genoem nie – en dit moes gekoop word.
Ek glo dat die tekort aan bewyse, nie gebruik kan word in ‘n gevolgtrekking oor Shakespeare se bestaan of werke nie, en dat daar op elke vraag, ‘n potensiele antwoord bestaan. Die historiese bewyse aangaande Shakespeare is onvolledig. Vir geskiedkundige doeleindes, sal daar hopelik meer dokumente ontdek word, wat die waarheid sal ontbloot. Intussen is dit belangrik om die versoeking van spekulasie oor William Shakespeare se bestaan en werke, te vermy.
Ek het egter besluit dat ek glo, Shakespeare nie die gedigte geskryf het nie. Ek vorm hierdie opinie omdat ek hou van ‘n opwindende kinkel in die kabel. Vir my is dit ‘n realistiese bewering dat dit iemand polities kon wees. As ek ‘n politiese figuur was, en nie myself kon uitdruk deur woorde nie, sou ek ook van die idee van ‘n skuilnaam gehou het.
Een ding is verseker – die toneelstukke en digkuns van Shakespeare , wat so gewild is, is die werk van ‘n genie. Wat regtig verbasend is, is nie die tekort aan bewyse dat Shakespeare hulle wel geskryf het nie, maar die tekort aan bewyse dat enigiemand anders probeer het om krediet daarvoor te neem.
Die feit bly staan, of dit nou ‘n honderd ander skrywers was, Shakespeare self of een of ander belangrike mens wat nie as minderwaardig gesien kon word nie, die berugte “Shakespeare” se werke vorm vandag nog ‘n groot deel van die literêre en dramatiese bestaan en ek glo dat dit nog vir lank sal voortbestaan. Wat is die lewe sonder ‘n bietjie misterie en mistiek. Uit Measure for Measure Act V,Scene I , volg die volgende woorde van Shakespeare: “Truth is truth, To the end of reckoning.”

Dramatiese Kunste
Opstel

Nicola Dreyer
Gr.11.4