Pagsusuri sa Binasa Life of Pi

Christian Bartonico Plaza BS in Biology 1-B

Gng. Luden L. Baterina Guro

Ika-7 ng Pebrero, 2014

Buod

Life of Pi Ni: Yann Martel

Ito ay isang kwento ni Piscine Patel, na may palayaw na Pi (paay) at ang kanyang paglalakbay. Siya ay isang batang Indiano na anak ng isang nag mamay-ari ng zoo. Siya rin ay nag-aaral ng Hinduismo, Kristiyanismo at Islam. Ang unang parte ng libro ay nakatuon sa kanyang paglaki kasama ang mga hayop, pamilya at kanyang pananampalataya.

Ang ikalawang bahagi ng libro ay nakatuon sa pag padpad niya sa karagatan. Nagdesisyon kasi ang kanyang mga magulang na lumipat sa Canada dala-dala ang mga alagang hayop para ibenta doon. Sumakay sila ng isang barko pero lumubog ito at bangkang sinasakyan ni Pi ay nakalutang lamang sa Karagatang Pasipiko ng higit na dalawandaang araw kasama ang hyena, zebra, orangutan, at isang Bengal tiger. Pagkatapos, ang unang tatlong hayop ay isa-isang namatay ngunit ang tigre at si Pi ay buhay pa rin hanggang sa mapadpad sila sa isang baybay sa Mexico.

Ang huling parte ng libro ay ang pakikipagpanayam sa pagitan ni Pi at ang mga Japanese maritime officials. Isinalaysay ni Pi ang kanyang karanasan kasama ang mga hayop pero inisip ng mga opisyales na hindi ito kapani-paniwala kaya nagsalaysay uli si Pi pero hindi na kasama ang mga hayop. Nagtanong si Pi kung anong istorya ang mas gusto nila at mas gusto ng mga opisyales ang istorya na may hayop. Dito nagtapos ang kanilang pag-uusap na nag-iiwan ng mensahe tungkol sa Diyos.

Mga Tauhan

Piscine Molitor Patel (Pi)- ang protagonista ng kwento. Siya ang tagapagsalaysay ng halos lahat ng kwento sa libro tulad ng kanyang karanasan sa Karagatan ng higit sa pitong buwan.

Richard Parker- ang Bengal tiger na siyang kasama ni Pi sa bangka. Ang nakadakip sa kanya ay isang nakakatandang tao na nagngangalang Richard Parker. Pinangalan niya ang tigre ng Thirsty ngunit pinalitan ito ng isang kasamahan sa barko ng Richarad Parker na siyang dumakip sa tigre. Siya rin ang nakapatay sa hyena at iba pa pero hindi niya tinangkaang patayin si Pi.

Ravi - nakatatandang kapatid na lalaki ni Pi. Siya ay mahilig sa sports at medyo popular.

Santosh Patel- ama ni Pi. Nagmamay-ari noon ng isang Hotel ngunit sa pagiging mahilig niya sa mga hayop, nag desisyo siya na magpatakbo ng isang Pondicherry Zoo.

Gita Patel- pinakamamahal na ina ni Pi.

Tomohoro Okamoto- opisyales ng isang Maritime Department of the Japanese Ministry of Transport.

Pagsusuri

Ang kwentong ito ay tungkol sa isang paglalakbay ng isang bata na nagngangalang Piscine Molitor o Pi sa karagatan. Ang gusot sa kwentong ito ay makikita sa linyang, “ I was alone and orphaned, in the middle of the Pacific… an adult tiger in front of me, sharks beneath me and a storm raging about me”. Pinapahiwatig nito na siya ay naghihirap kung paano makakaalis sa karagatang Pasipiko habang kasa-kasama ang tigre sa isang bangka. At kung paano makakatakas sa mga pating at iba pang nilalang sa karagatan. Sa kwentong ito, masasabi ko na walang parehong naganap sa akin ang naganap sa tauhan dahil sa buong buhay ko ay hindi ako napadpad sa isang karagatan. Nagustuhan ko ang libro dahil masagana ito sa impormasyon tungkol sa Marine Biology at kung paano mabuhay. Nagustuhan ko rin ang sumulat nito na si Yann Martel dahil gumawa siya nakakahangang istorya at nagsaliksik talaga siya para sa kwentong ito. Ang paborito kong bahagi sa kwento ay noong nakakita siya ng isang isla na gawa sa algae na isang napakagandang tanawin. Ibabahagi ko ang librong ito sa iba dahil puno ito ng kaalaman tungkol sa siyensa, sa Diyos at sa kung paano mabuhay.