Justine Ann D. Gumapac
BSEd 4 – F
Banghay Aralin sa Filipino Grade 3 at 4

I. Kompetensis

a. Pagbasa: Makasusuri sa mga mahahalagang mensaheng nakapaloob sa kwento. b. Pakikinig: Mauunawaang ganap ang kwentong nabasa at ang aral nito sa mga mambabasa. c. Pagsasalita: Maipapaliwanag ang mga pangyayaring naganap sa kwentong binasa.

II. Layunin:

Pagkatapos ng aralin, ang mga mag-aaral ay inaasahang:

Kognitibo: Baitang 3: Nakasasagot nang may katalinuhan sa mga tanong hinggil sa kwentong binasa. Nasasabi kung ano ang pangungusap at mga uri nito. Baitang 4: Nasasagot nang may katalinuhan sa mga tanong hinggil sa kwentong binasa. Nasasabi kung ano ang pagkakaiba ng karaniwan at di-karaniwang ayos ng pangungusap. Apektibo: Baitang 3 at 4: Napapahalagahan ang mga aral na nakapaloob sa binasang kwento at maiuugnay sa sariling buhay. Napapansin ang simuno at panaguri sa pangungusap.

Saykomotor: Baitang 3: nakabubuo ng saring pananaw ayon sa mga aral sa binasang kwento. Baitang 4: Nakakabuo ng buod sa kwentong binasa sa pamamagitan ng Story Map. Baitang 3: Nakakabuo ng mga pangungusap na may simuno at panaguri. Baitang 4: Nakabubuo ng mga pangungusap na nasa ayos karaniwan at di-karaniwan.

III. Nilalaman

Paksang-Aralin: “Ang Tatlong Magkaibigang Baka” Wika: Pangungusap at ang mga Ayos nito Kagamitan: Manila Paper, Powerpoint Presentation, Sipi ng Kwento, Marker Pagpapahala: Pagpapahalaga sa Kaibigan

IV. Proseso ng Pagkatuto Unang Araw

I. Introduksyon Panimulang Gawain
Pagganyak:

Mga Gabay na Tanong: 1. Ano ang napapansin ninyo sa larawan? 2. Sinu-sino ang inyong kaibigan? Magkaiba rin ba kayo sa pisikal na kaanyuan? 3. Pinapahalagahan mo ba ang iyong kaibigan sa kabila ng inyong pagkakaiba sa isa’t-isa? Paano?

* Iuugnay ng guro sa klase ang mga konseptong nakuha mula sa larawan, tungo sa pag-uusapang paksa.

II. Interaksyon

A. Paghawan ng mga balakid Panuto: Piliin sa loob ng kahon ang kasingkahulugan ng mga salitang nakasulat nang madiin sa loob ng pangungusap.

1. Nakita na lamang ni Remy ang mga buto ng letsong manok matapos itong lapain ng kanyang kaibigan.
2. Ang tanging solusyon na naisip ni Remy ay bumili ng sardinas bilang pamalit sa naubos na letsong manok.
3. Tuso ang kaibigan ni Remy dahil inutusan niya ito na sagutin ang telepono at ito ang pinili niyang pagkakataon upang ubusin ang letsong manok.
4. Nagsisisi ang kaibigan sa pagkain sa letsong manok dahil sa panunumbat ni Remy sa kanya.
5. “Matodos ka na sana!” pabirong sinabi nang natatawang si Remy sa kanyang kaibigan.

lasapin mapanlait mamatay mapanlinlang kainin pagwiwika kalutasan

* Ipapagamit ng guro sa mga mag-aaral sa sarili nilang pangungusap ang mga natuklasang bagong salita.

B. Pagbabasa * Ipapabasa ang kwentong “Ang Tatlong Magkaibigang Baka” gamit ang siping ibinigay ng guro at tatawag ang guro ng isang mag-aaral para basahin ang kwento sa harap ng klase.

* Talakayan 1. Sinu-sino ang tauhan sa binasang pabula? Anu-ano ang katangian ng bawat isa? 2. Ilarawan ang tagpuan o pinangyarihan ng pabulang binasa. 3. Bakit hindi magawang sugurin ng leon ang tatlong baka gayong mas malakas naman siya sa mga ito? 4. Paano napaghiwalay ng leon ang tatlong magkakaibigang baka? 5. Bakit siya nagtagumpay sa kanyang plano? Ipaliwanag. 6. Kung ikaw ay nasa katayuan ng sinuman sa tatlong baka, paniniwalaan mo ba ang leon? Pangatwiranan. 7. Sa iyong palagay, ano kaya ang maaaring nangyari sa tatlong baka kung hindi sila naniwala sa sinabi ng leon? 8. May mga tao bas a tunay na buhay na maaaring maihalintulad sa leon at tatlong baka? Pangatwiranan. 9. Maaari rin kaya itong mangyari sayo ang nangyaring panlilinlang sa tatlong baka? Ipaliwanag.

III. Integrasyon Pagbuo ng sintesis gamit ang cue cards.

“Mahalaga ang pagtitiwala sa matatag na pagsasama”

* Pagbabahagian sa klase ang mga nabuong kasagutan ng mga bata at pagbibigay feedback ng mga mag-aaral tungkol sa kwentong binasa. * Magbibigay ang guro ng karagdagang input.

V. Kasunduan Basahin muli ang kwento at maghanda para sa isang aktibiti bukas.

Ikalawang Araw

I. Introduksyon Panimulang Gawain

Pagganyak: Pagbabalik-aral sa araling tinalakay kahapon sa pamamagitan ng pagsagot sa mga sumusunod na tanong.

Panuto: Sabihin kung Tama ang ipinapahayag ng pangungusap. Kung Mali, sabihin ang salitang nagpamali at itama ito.

1. Ang tatlong magkakaibigang baka ay masaganang naninirahan sa isang malawak na damuhan. 2. Gustong-gustong maging kaibigan ng leon ang tatlong magkaibigang baka. 3. Nag-aaway-away ang mga baka dahil sa mga katotohanang sinabi ni Leon sa kanilang tatlo. 4. Nagtagumpay ang leon sa kanyang hangaring mapaghiwalay ang tatlong magkaibigang baka. 5. Huli na nang mapagtanto ng puting baka ang kahalagahan ng pagtitiwala sa kaibigan upang maging matibay ang samahan.

II. Interaksyon Pangkatang Gawain

* Bumuo ng (4) apat na pangkat.

Pangkat 1 Isulat sa loob ng mga bundok ang sagot sa mga tanong na ito: Paano nagamit ng leon ang hindi pagkakaunawaan ng tatlong magkaibigan? Bakit nararapat na magkaisa at magtulungan sa halip na mag-away-away ang magkaibigan?

Pangkat 2 Isalaysay muli ang kwento sa pamamagitan ng Story Map.

Tagpuan Tauhan Panahon Pook
Tagpuan Tauhan Panahon Pook

Panimula
Panimula

Suliranin
Suliranin

Layunin/ Mithiin
Layunin/ Mithiin

Mga Ginawa
Mga Ginawa

Kinalabasab/Wakas
Kinalabasab/Wakas

Pangkat 3 Suriin ang aral sa pabulang “Ang Magkaibigang Baka” sa pamamagitan ng pagbibigay halimbawa kung paano ito nagagamit sa iyong buhay.
Sa anumang samahan, mas malakas at mahusay
Kung sama-sama at magtutulungan.
Sa anumang samahan, mas malakas at mahusay
Kung sama-sama at magtutulungan.

Pangkat 4 Suriin ang aral sa pabulang “Ang Magkaibigang Baka” sa pamamagitan ng pagbibigay halimbawa kung paano ito nagagamit sa iyong buhay.

Hindi dapat magtiwala kaagad sa sabi-sabi
Hangga’t hindi ito nasusuring mabuti.
Hindi dapat magtiwala kaagad sa sabi-sabi
Hangga’t hindi ito nasusuring mabuti.

Pangkat 5 Gumawa ng slogan base sa aral na iyong nakuha sa kwentong binasa.

III. Integrasyon Pagbibigay katanungan at feedback mula sa mga mag-aaral. Pagpapahalaga at feedback ng guro.

Kasunduan: Magsaliksik at alamin ang kahulugan ng pangungusap at ang mga ayos nito.

Ikatlong Araw

I. Introduksyon Panimulang Gawain

A. Pagganyak

II. Interaksyon

A. Pagpapabasa ng isang talata at tatawag ang guro ng isang mag-aaral para basahin ito sa harap ng klase.

Ang Baka Ayon sa mga Indian

Sa bansang India kung saan marami sa mga mamamayan ay Hinduismo ang relihiyon, itinuturing na banal ang isang baka. Ito ang kanilang sinasamba kagaya ng isang diyos kaya’t sa kabila ng kapakinabangang makukuha mula rito’y hindi nila ito magawang patayin. Para sa kanila, higit pa sa karne at mga produktong dairy ang maaaring maging pakinabang mula sab aka lalo na kung ang mga ito’y igagalang at aalagaang tila isang diyos. Sa pamamagitan nga ng pananaliksik at pag-aaral na isinagawa sa laboratoryo ng Western Indian City sa Ahmedabab ay napag-alaman nilang marami raw kapakinabangan sa mismong dumi at ihi ng baka. Ayon sa kanilang pag-aaral, ang dumi raw nito ay maaaring maging gamot sa mga sakit gaya ng mabahong hininga, sakit sa atay, at maging ng kanser. Ito rin ay maaaring maging mabisang sangkap sa mga produktong gaya ng sabon, shampoo at toothpaste. Sinasabi rin sa kanilang pag-aaral na ang ihi raw nito kapag natining ay maaaring inuming higit na mainam kaysa sa mga carbonated na inumin tulad ng softdrinks sapagkat mabuti raw itong panunaw at pampagana sa pagkain.

Mga Gabay na Tanong: 1. Tungkol saan ang talatang binasa? 2. Bakit hindi magawag patayin ng mga Indian ang mga baka? 3. Anu-ano ang mga kapakinabangang makukuha sa dumi at ihi ng baka?

B. Pagtatalakay sa mga pangungusap at mga ayos nito.

* Talakayan 1. Anu-ano ang bumubuo sa mga talatang iyong nabasa? 2. Tukuyin ang mga pangungusap na may paksa at panaguri. 3. Saang banda sa pangungusap ang simuno? Ang panaguri? 4. Nasa anong ayos ang pangungusap kapag nauuna ang panaguri kaysa simuno? 5. Nasa anong ayos ang pangungusap kapag nauuna ang simuno kaysa panag-uri?

Pangungusap Ito ay isang sambitlang may patapos na himig sa dulo. Ang patapos na himig na ito ay nagsasaad na naipahayag nan g nagsasalita ang isang diwa o kaisipang nais niyang ipaabot sa kausap. May pangungusap nabinubuo lamang ng iisang salita tulad na lamang ng “Umuulan.” o “Takbo!” Subalit mayroon ding binubuo ng dalawang panlahat na sangkap: ang paksa at panaguri. 1. Paksa – Tinatawag ding simuno ang bahaging pinagtutuunan ng pansin sa looob ng pangungusap. Nasa paksa ang pokus na sinasabi sa loob ng pangungusap. Ang simuno ay payak kung ito ay basal samantalang buo kung isinasama ang lahat ng mga salitang tumutulong sa simuno. 2. Panaguri – ang bahagi ng pangungusap na nagbibigay ng kaalaman o impormasyon tungkol sa paksa. Sinasabing ang panaguri ay nagsasabi tungkol sa paksa o simuno. Maaari rin itong payak o buong panaguri. Halimbawa: Ang malulusog na baka ay maraming pakinabang. Buong simuno: Ang malusog nab aka Payak na simuno: baka Buong panaguri: ay maraming pakinabang Payak na panaguri: pakinabang

Ang pangungusap ay makikilala sa dalawang ayos nito. Ito ay ang sumusunod: * Karaniwan – Sa pangunusap na karaniwan ang panaguri ay nauuna kaysa sa paksa. Panaguri Paksa

Halimbawa: * Kapaki-pakinabang na hayop / ang baka. Panaguri Paksa

* Di-karaniwan – Sa pangungusap na di-karaniwan, nauuna naman ang paksa kaysa sa panaguri. Paksa Panaguri

Halimbawa: * Ang baka / ay kapaki-pakinabang na hayop. Paksa Panaguri

III. Integrasyon Sa loob ng sampung minuto, sasagutan ng mga mag-aaral ang limang pangungusap. Sasalunggulitan ang buong paksa at bibilugan naman nila ang buong panaguri sa pangungusap at isulat sa patlang kung anong uri ng ayos ito. K kung karaniwan at DK kung di-karaniwan.

______1. Ang pagtutulungan ay mahalaga. ______2. Ang matibay na samahan ay hindi basta-basta mabubuwag. ______3. Pananagutan natin ang ating mga kaibigan. ______4. Sila ay bigyan ng pagkakataong makapagpaliwanag. ______5. Ang mga sabi-sabi ay hindi dapat kaagad pinaniniwalaan.

IV. Kasunduan Pag-aralan ang bagong aralin at maghanda para sa isang aktibiti bukas.

Ikaapat na Araw

I. Introduksyon Pagbabalik-aral sa tinalakay kahapon. Mga Tanong: 1. Ano ang pangungusap? 2. Anu-ano ang sangkap na bumubuo sa pangungusap? Ipaliwanag. 3. Ano ang dalawang ayos ng pangungusap? Ipaliwanag ang bawat isa.

II. Interaksyon Pangkatang Gawain

Pangkat 1 Bumuo ng limang pangungusap na may simuno at panaguri at nasa karaniwang ayos.

Pangkat 2 Bumuo ng limang pangungusap na may simuno at panaguri at nasa di-karaniwang ayos.

Pangkat 3 Bumuo ng makabuluhang pangungusap gamit ang nakatalang payak na paksa at panaguri. Sundin ang hinihinging ayos ng pangungusap sa bawat bilang. Maaaring magdagdag ng iba pang salita ayon sa pangangailangan. Paksa Panaguri 1. Kaibigan -------- nagsalita 2. Samahan -------- magkagulo 3. Pag-ibig -------- ipadama 4. Inggit -------- huwag pairalin 5. Kaaway -------- patawarin

1. Karaniwan - ____________________________________________________________________ ______________________________________________________________________________ 2. Di-Karaniwan - __________________________________________________________________ ______________________________________________________________________________ 3. Karaniwan - ____________________________________________________________________ ______________________________________________________________________________ 4. Di-Karaniwan - __________________________________________________________________ ______________________________________________________________________________ 5. Karaniwan - __________________________________________________________________
_____________________________________________________________________________

Pangkat 4 Isulat sa kahon ang ayos ng mga sumusunod na pangungusap. Isulat muli ang pangungusap sa patlang sa kabaligtarang ayos nito. Pagkatapos ay bilugan ang payak na simuno at ikahon ang payak na panaguri.

1. Mainam na pag-sapan muna ang mga isyung naglalabasan. 2. Ang pagtitiwala ay kailangang ibigay sa kaibigan. 3. Huwag hayaang masira ang isang magandang samahan. 4. Mahirap maibalik ang nasirang tiwala. 5. Ang matatag na relasyon ay tunay ngang kapuri-puri.

1.

2.

3.

4.

5.

III. Integrasyon Pag-uusapan sa klase ang ginawang aktibiti.

IV. Kasunduan Sumulat ng isang maikling talata tungkol sa iyong iniidolo sa buhay na ginagamitan ng mga pangungusap na may simuno at panaguri. Dapat ay kakikitaan ito ng karaniwan at di-karaniwang ayos.