Audienca

Në mënyre që të komunikojmë neve na nevojitet audienca – komunikimi nuk është solo aktivitet. Një nga çelësit e të qenit të suksesshëm në komunikim është të thuhet gjëja e duhur në çastin e duhur me audiencën e duhur. Me siguri keni dëgjuar këtë frazë:

Auuuu, si e tha atë gjë në asi rrethana?
Fjalim jo i keq, por jo për ata njerëz!
Kjo përmbajtje do të ishte OK për e-mail por që kjo ti prezantohet Bordit!

Të gjitha këto kanë mungesë të fjalëve të duhura, është dashur të jetë më mirë e shkruar që ti përshtatet audiencës së cilës dëshirojmë ti flasim. Komunikimi është i suksesshëm vetëm nëse audience mendon që ishte i suksesshëm. Kjo është dëshmia e komunikimit të suksesshëm.

Mendoni tani për implikimet e këtyre deklaratave. Kjo do të thotë se sado që krenohemi me komunikimin që e bëjmë, ajo duhet te kete efekt pozitiv në audiencën, e me pozitiv nënkuptojmë:

* U tërheq vëmendjen * I inkurajon të lexojnë ose dëgjojnë më tepër * I nxit disa pyetje * I bën te mendojnë, të qeshin, të pyeten

Nëse këto nuk ndodhin atëherë nuk mund të themi se komunikimi ka qenë i suksesshëm. Ndoshta kjo tingëllon ashpër por nëse mendoni pakëz do e shihni se është e vërtet.

Imagjinojeni, një prezantuese në skenë, flet dhe mendon që po i shkon mirë por nëse e pyet audiencën pas prezantimit për përshtypjet ata për çudi thonë: “mërzitshëm” ose “na mbyti”. Kjo nuk do të thotë se audienca duhet gjithmonë ta pëlqej prezantimin por ajo duhet gjithsesi tu le përshtypje, duhet së paku tu tërheq vëmendjen dhe ti mbaj zgjuar.

Ndodh shpesh që shumë përpjekje komunikuese janë tё pasuksesshme, për arsye se janë thjesht tё drejtuara kah tё gjithё. Nё jetёn reale, strategjitë komunikuese duhet tё jenё tё drejtuara nga grupi konkret i njerëzve. Ju duhet të përpiqeni qё t’i pёrkufizoni aleatёt qё ju nevojiten, për ta përqendruar mesazhin, resurset dhe strategjinë. Mendoni me vëmendje per publikun tek i cili dëshironi tё ndikoni. Kjo ndikon edhe te mesazhet qё do t’i krijoni dhe e pёrcakton zgjedhjen e shtёpisё mediale më të përshtatshme.

Secila përpjekje e komunikimit të drejtuar kah më shume sesa një person, me siguri do të ballafaqohet me komplikime sepse ata të cilët e dëgjojnë mesazhin mund të reagojnë në mënyra të ndryshme ndaj saj. Një person mund ta pranoj ose edhe mirëpres mesazhin, derisa një tjetër mund ta injoroj ose refuzoj atë. Kjo ndodh për arsye se të gjithë jemi ndryshe. Jemi të gjinive të ndryshme, moshave, arsimimit. Kemi interesa dhe prioritete të ndryshme. Grupet e ndryshme edhe përbrenda një shoqërie flasin ‘version’ tjetër të gjuhës, për shembull mund të krahasojmë fjalët qe i përdorin të rinjtë me ato të prindërve të tyre që aplikohen për të njëjtin objekt ose koncept. Nëse mesazhi adreson drejtpërdrejt interesin e dëgjuesit ose formulohet në mënyrë specifike në ‘gjuhën’ e tij atëherë do të pranohet shumë më me vëmendje dhe me më shumë efikasitet sesa të jetë ndryshe. Për më tepër, siç kemi thënë, njerëzit e kanë një lloj ‘filtri’ në kokat e veta nëpër të cilin duhet të kaloj secila informate e drejtuar kah ta para se të pranohet. Teoria e komunikimit na thotë se informata cila është tanimë (pjesërisht) e njohur për audiencën do të asimilohet dhe pranohet më me lehtësi sesa ajo që është krejtësisht e re.

Nevoja e targetimit (drejtimit) të informatës sa më sakte që është e mundur, aplikohet njëjte në bisedat individuale, në ato në grup njerëzish prej disa persona, në fjalim ose adresim që i bëhet një grupi më të madh apo më të vogël e deri te kampanja e plotë. Sa më i madh grupi që adresohet, aq më vështire bëhet të targetohet mesazhi saktësisht. Pengesa ose problemi me dhënien e mesazhit të drejtuar kah një grup më i madh është se ajo do të jetë disi e turbullt; ajo zakonisht formulohet në gjerësi në mënyre që ti joshë sa më shumë faktorë të përbashkët dhe mu aty ndodh dështimi. Për shembull reklama e detergjentit për larjen e rrobave; pa marr parasysh çfarë emri ka produkti të gjitha reklamat janë të ngjashme deri në atë mase sa janë gati identike. Vetëm një ose, më së shumti dy aspekte përmenden: prodhimi ynë lan më bardhë sesa të gjithë të tjerët dhe është më i lire sesa gjithë të tjerët (edhe pse në fakt ai kushton më shumë, ata justifikojnë thënien se është më i lirë me atë se nuk kanë nevojë të përdorin aq shumë sasi.) Kampanjat e partive politike shpesh janë të gabuara sepse përpjekën të adresojnë tërë elektoratin. Kjo rallë, apo Kurrë, është efektive. Partia duhet të dalloj grupet e synuara individuale dhe të formuloj mesazh të ndarë për secilin (edhe pse kjo natyrisht do të jetë pjesë e mesazhit të përgjithshëm).

Një mënyre mjaft e drejtpërdrejt e identifikimit të grupeve të synuara është që të vizatohet një rreth që përfaqëson një grup të madh brenda shoqërisë (ose shoqërinë në tërësi). Kjo mandej mund të ndahet në segmente, ku secili segment përfaqëson një grup të synuar. Ndarja më e thjeshte do të ishte, p.sh., meshkuj dhe femra ose, të rinj dhe të vjetër.

Për secilin grup, duhet të zhvillohet mesazhi (si pjesë e mesazhit të përgjithshëm) që do ti tërheqë specifikisht atë grup. Këtu janë disa çështje që duhet të mbahen në mend:

* Nuk ka arsye të mundohemi të bindim njerëzit të votojnë për partinë tuaj nëse ata tanimë kanë vendosur të mbështesin opozitën. Duhet ti drejtoni përpjekjet kah përkrahësit ekzistues dhe përkrahësit potenciale. Ka pak gjasa që ata të cilët janë anëtar të ndonjë partie tjetër ose të cilët kanë vendosur të votojnë për një parti tjetër të binden nga argumente e tua, pa marr parasysh sa jeni elokuent. Ata e din çka duan. E tërë energjia e drejtuar kah këta njerëz do të humbet, sepse shanset për sukses janë minimale. Sidoqoftë, është jashtëzakonisht e rëndësishme që ti bindni njerëzit ‘tuaj’ të dalin të votojnë (pasi ata do votojnë për ju) dhe që secili që mund të votoj për partine tuaj duhet të bindet ta bëj këtë. Në demokracinë moderne, partitë mbështeten në përkrahjen e njerëzve të vet dhe në përfitimin e sa më shumë votuesve të njerëzve të ‘pavendosur’. Përkrahësit ekzistues dhe përkrahësit potencial përbejnë grupin që ju duhet ta adresoni, ata janë grupi juaj i synuar 'target group'.

* Kur definohet grupi i synuar, është jashtëzakonisht e rëndësishme të keni diçka të ju ofroni. Duhet të ketë pika në programin tuaj të cilat në mënyrë të besueshme mund të pohohet që përfaqësojnë interesat e grupit të synuar. Gjithashtu duhet të jeni në gjendje të jepni argumente për atë se pse duhet të votojnë, dhe pse duhet të votojnë mu për partine tuaj. Kjo do të thotë se duhet të identifikohen grupet tek të cilat dëshirohet të arrihet kur të përpilohet programi.

* Pasi të identifikoni grupet e synuara duhet të siguroheni që i keni mjetet dhe burimet që të arrini deri të ta. Duhet gjithashtu të vendosni cili medium do të jetë më efektivi për të arritur tek ato grupe.

Identifikimi i grupit të synuar (target grup)

Procesi i komunikimit në marketing fillon në fakt me identifikimin e audiencës e cila do të jetë pikë fokusi i cilitdo komunikim që do të bëj kompania, organizata apo partia politike. Audienca e synuar mund të jetë e përberë nga individ, grupe, grupime, segmente të tregut, ose publikut në përgjithësi ose audiencës masive. Kur flasim për komunikimin, qasja ndaj secilit prej këtyre grupeve dallon.
Tregu i synuar mund të përbehet nga individët të cilët kanë nevoja specifike dhe për te cilët komunikimi duhet të behet në mënyrë të veçante. Për këtë zakonisht ka nevojë të bëhet komunikimi sy në sy dhe zakonisht arrihet përmes shkathtësive personale të komunikimit. Format tjera të komunikimit, si për shembull marketingu, mund të përdoren për tërheqjen e vëmendjes së audiencës kah organizata, por mesazhi i detajuar do të jepet nga pikë kontakti i organizatës për komunikim i cili mund tu përgjigjet nevojave specifike të konsumatorëve individual. Sigurimi jetësor, shërbimet financiare, dhe patundshmëria janë shembuj të prodhimeve dhe shërbimeve që promovohen në këtë mënyrë.
Niveli i dytë i audiencës është grupi. Njerëzit e komunikimit duhet shpesh të adresojnë grupe njerëzish të cilët i bëjnë vendimet ose ndikojnë në vendimet e blerjes.
Njerëzit e komunikimit zakonisht kërkojnë konsumator me nevoja dhe dëshira të ngjashme dhe kështu përfaqësojnë njëfarë lloji të tregut, një lloj të segmentit të tregut i cili mund të arrihet përmes një strategjie bazike të komunikimit. Grupet e konsumatorëve të cilat janë të vogla dhe të definuara mirë zakonisht quhen grupime. Ato zakonisht adresohen përmes komunikimit personal ose përmes postes së drejtpërdrejt. Niveli tjetër i audiencës janë segmentet e tregut, klasë më e gjerë e blerësve të cilët i kanë nevojat e ngjashme dhe mund të arrihen përmes mesazheve të ngjashme.
Derisa zgjerohen segmentet e tregut, njerëzit e komunikimit zakonisht u drejtohen mediave si gazetave, revistave dhe TV’së për të arritur deri tek ta. Njerëzit e komunikimit që punojnë për shitjen e prodhimeve zakonisht mundohen ta tërheqin vëmendjen e konsumatorëve të tanishëm apo të ardhshëm përmes komunikimit masiv si për shembull reklama ose publiciteti. Komunikimi masiv është rrjedhje e informacionit në një drejtim prej njerëzve të marketingut deri te konsumatori. Ndërsa rezultati i ndikimit që ka pasur kjo në konsumatorë dhe reagimit të tyre është zakonisht jo i drejtpërdrejt dhe i vështirë të matet. Reklamat në TV për shembull i lejon njerëzve të komunikimit të dërgojnë mesazhin e tyre tek qindra mijëra njerëz, konsumatorë në të njëjtën kohë. Por kjo nuk do të thotë se në këtë rast ka ndodh komunikimi efektiv. Kjo mund të jetë vetëm një nga qindra mesazhe të cilat i dërgohen konsumatorit brenda një dite. Nuk ka garanci që informatës do ti jepet vëmendje, të procedohet, kuptohet ose të rruhet në memorien e konsumatorit për rigjykim të mëvonshëm. Edhe nëse procedohet mesazhi i reklamës, ajo mund të mos u interesoj konsumatorëve ose mund të keq-interpretohet nga ta. Studimet e bëra tregojnë që 20 për qind e reklamave në mediat e shkruara dhe edhe më shumë në mediat elektronike keqkuptohen nga lexuesit. Ndryshe prej komunikimit sy në sy, komunikimi masiv nuk u ofron njerëzve që e bëjnë komunikimin mundësinë të shpjegojnë ose të sqarojnë mesazhin në mënyrë që ta bëjnë atë më efektive. Njerëzit e komunikimit duhet të hyjnë në situatën e komunikimit me njohuri për audiencën të cilën e synojnë dhe si janë gjasat për reagimin e tyre ndaj mesazhit. Kjo do të thotë që procesi i përgjigjes së pranuesit duhet të kuptohet, bashkë me implikacionet dhe duhet të merret parasysh për planifikim promocional dhe strategji.

Me siguri që aspekti më i rëndësishme i programeve të komunikimit efektiv përfshinë kuptimin e procesit të përgjigjes nëpër të cilat pranuesi ndoshta duhet të kaloj drejt një sjellje të caktuar (si për shembull blerja e produktit) dhe si ndikon puna promovuese e njerëzve të komunikimit në sjelljen e konsumatorëve. Mund të ndodh shpesh që i vetmi objektiv i njerëzve të komunikimit është krijimi i vetëdijesimit për kompaninë dhe emrin e saj, gjë e cila mandej do të shpie deri te interesimi për produktet e saja. Në situata tjera, njerëzit e komunikimit mund të dëshirojnë të përcjellin informata të detajuara në mënyrë që të ndërrojnë njohurit e konsumatorëve për organizatën dhe qëndrimin e tyre ndaj emrit të saj dhe si rrjedhojë të ndërroj sjelljen e tyre.

Informatat që ju nevojiten para komunikimit

Në mënyrë që komunikimi të jetë i suksesshëm ne duhet ta dimë kush është audienca jonë. Kjo tingëllon e lehtë por në fakt mund të jetë shumë e vështirë të arrihet në praktikë. Ndonjëherë kur na thërrasin të mbajmë një fjalim e kemi pak të vështirë të marrim vesh me precizitet se kush është në audiencë, se çfarë qëndrime kanë ata, çfarë fushe të interesimit e kanë, në çfarë shaka ka më shumë gjasa që ata të reagojnë pozitivisht etj. Kjo thjesht nuk është e mundur. Ajo çka mund të bëjmë është ta qesim veten në pozitë të audiencës, të mundohemi të imagjinojmë se si do të mund të reagojnë ata kur të dëgjojnë prezantimin që ne planifikojmë ta bëjmë.

Është e rrezikshme të supozohet që audienca do të jetë pozitive ndaj asaj çka ju prezantoni, mund të shpresoni por nuk mund të ketë garancion!

Post-komunikimi
Derisa është vitale që të kuptoni sa më shumë për audiencën tuaj para prezantimit, gjithashtu është e dobishme të hapet një kanal pas-komunikimit që do të na ndihmonte për përmirësimin e mënyrës së komunikimit. Si të arrijmë të marrim informata kthyese nga audienca? Ja disa ide:

* Përgatiteni një formular që ata mund ta plotësojnë me përshtypjet e tyre nga prezantimi * Keni kujdes për format e ndryshme të komunikimit jo-verbal që e keni vërejtur gjatë prezantimit etj.

Të gjitha këto do të ju ndihmojnë të fitoni vetëbesim si dhe të jeni më të suksesshëm në komunikimin e radhës. Së paku ia vlen të provohet!

Komunikimi është diçka reciproke, është dhënie dhe marrje. James Joice, poeti i madh Irlandez ka thënë: ‘’Diku në mes të leximit tim me zë të poezisë dhe dëgjimit tuaj, lind Poezia”, e ne themi: “Diku në mes të komunikimit tuaj dhe dëgjimit të audiencës është Komunikimi”.