Skep ‘n stimulerende babakamer

U kosbare bondel van liefde is oppad.Om ‘n babakamer te ontwerp is ‘n lekker en opwindende tydverdryf van die swangerskap.Om van die ouer se kant af die klein ding optimaal te ontwikkel is hier ‘n paar wenke om te volg.‘n Babakamer moet ‘n sensoriese ervaring wees, vol van teksture, kleure, lig en kreatiwiteit om hulle jong ontwikkelende breine te stimuleer en inspireer.’n Baba se brein is konstant besig om te ontwikkel en hul absorbeer die omringende omgewing soos ‘n spons.

1. Stimuleer die oë
Een aspek om in gedagte te hou wanneer u die baba se wonderlike nuwe spasie inrig is dat pasgeborebabas gebore word met beperkte sig.Hierdie sintuig is die minste ontwikkel teen die tyd van geboorte.Hul kan slegs ‘n visuele perspektief kry van objekte 20 to 30 cm weg ,die tipiese afstand vanaf die gesig van die persoon wat die pasgeborene vashou. Het u al opgemerk dat meeste speelgoed uit rooi bestaan? Dit is omrede rooi die eerste kleur is wat deur die menslike oog gesien kan word.

Verf van muur: Kontrasterende kleure trek visuele aandag van ‘n baba en stimuleer die ontwikkelende sig.’n Baba kan wel ook oorgestimuleer word deur die gebruik van baie primêre kleure ,met die gevolg dat die baba seurderig en vol giere is.Die beste kleurskemas is dan eerder ligte, sagte, kalmerende kleure oortuigend met helder, kontrasterende objekte in brandweerwa-rooi,suurelmoen-geel en see-blou. Dit beteken ook dat dekorasies naby aan die baba moet varieer tussen verkieslik 2 kleure, een baie donker en die ander lig, jukstaposeerd.Verftegnieke is ook belangrik met verkieslik helder, vet gedrukte, basiese vorms wat kontrasteer, byvoorbeeld ‘n sirkel, driehoek en vierkant, groot en klein.

Ligintensiteit: ‘n Lamp of ‘n lig met ‘n verdowings funksie is baie handig vir nagtelike voeding en kalmering, dit voorkom dat jy en jou baba nie heeltemal wakker word nie.Helder lig veroorsaak ‘n ontwakende respons wat u verkieslik nie wil hê in die middel van die nag nie, veral terwyl u nog die baba se slaappatrone moet vaslê . ‘n Lig moet nooit direk in ‘n baba se oë skyn nie.

Vloer: Voeg ‘n helderkleurige speelmat,met patrone, op die vloer sodat die baba tydens speeltyd self ondersoek kan instel

‘n Spieël en lig: Dit gee die geleentheid aan die baba om te eksperimenteer met skaduwees en refleksies.

Plaffon: Babas spandeer baievan hul tyd om na die plaffon te kyk terwyl hy of sy in die kot lê, so gee hul iets om na te kyk.Gebruik kontrasterende kleure wat die baba uiteindelik sal help met die onderskeiding van kleure .Kies eeder duidelike pattrone en konsepte,soos helder strepe , groot kollepatroon en idees volgens ‘n tema(byvoorbeeld ‘n woud,safari,plaas of see tema).Klein speelgoed wat van die plaffon afhang skep ook ‘n fokuspunt vir die baba om na te kyk.

Meubels: Moderne meubels met boogvormige lyne eeder as die tradisionele stukke wat reguit hoeke het skep ‘n vloeiende,rustige, kalmerende atmosfeer.Meubels kom ook in helder kleure voor soos magenta, geel of siaan.

Prente: Helderkleurige en kontrasterende kleur prente kan op die mure gehang word waar die baba dit kan sien.Plakkate met baba-gunstelinge soos gesigte wat glimlag,skaakborde, spirale , sigsag en ander patrone sal sekerlik die baba se aandag trek.

2. Stimuleer die ore
Musiek: Voeg ‘n CD-speler tot die babakamer.Babas is mal oor musiek.Speel rustige musiek(wiegelliedjies) voor slaaptyd en vrolike musiek tydens speeltyd wat insluit kindersang(byvoorbeeld “Old MacDonald”) en geestelike kinderssang(Byvoorbeeld Stapsoldaaitjie).Stel u baba bloot aan ‘n wye verskeidenheid musiekstyle en veral klassieke musiek.Kleuterversies, met eenvoudige taalgebruik en wat herhaal word bevorder ook taal.Bewegings help met herroeping van woorde .

Speelgoed: Sommige hangende speelgoed, kot speelgoed ,jumpers en binnehuise swaaie het ‘n musiek funksie wat u kan gebruik om u baba te vermaak terwyl hy of sy aan nuwe dinge blootgestel word

Musiekinstrument: Instrumente soos ‘n xilofoon en ‘n miniatuur klavier kan hul blootstel aan musiek , verkille in toonhoogte en hul eie vermoëns om musiek te maak en selfs van hul motoriese eienskappe te ontwikkel.

3. Stimuleer taalontwikkeling
U baba luister graag wanneer u lees. Plaas ‘n gemaklike stoel in die babakamer, waar u kan sit en knuffel met u baba.’n Houer of boekrak met kleurevolle boeke,’n klein biblioteek, is ‘n ideale hulpmiddel om u baba se taalontwikkeling,kognitiewe vaardighede te bevorder en selfs sy intelligensie.Hierdie aktiwiteit werk in op die linker hemisfeer van die cerebrum wat is verantwoordelik vir taalontwikkeling en logiese denke,spesifiek die temporalelob wat verantwoordelik is vir gehoor en taal.Vir jonger babas is boeke met baie prente, eenvoudige taalgebruik met herhaalende woorde,in die huistaal van die baba, en helderkleure ideaal.Boeke met vorms en enkele objekte eeder as storieboeke sal verkies word vir jonger babas,omrede die taal beter ontwikkel in die teenwoordigheid van eenvoud,herhaling en herkenning.Soos die baba ontwikkel moet die boeke ook meer gevorderd word en vrae kan gevra word. Gereelde een-tot-een interaksie met u baba stimuleer die taal- en leersentrum in die brein,die amygdala. Om eenvoudig na u baba te kyk terwyl u lees en met hom te praat is een van die mees belangrikste dinge wat u as ouer kan doen vir sy ontwikkeling.Dit kan selfs later lei dat u kind self begin lees. Begin ‘n liefde vir boeke van ‘n jong ouderdom af vir u kind aanleer.

4. Stimuleer motoriese ontwikkeling
Die cerebellum van die brein ia hoofsaaklik verantwoordelik vir balans en spier beheer;dit koördineer sensoriese en motoriese aktiwiteite

Plastiekmat: Plaas die baba daagliks vir kort rukkies op sy maag op ‘n plastiekmat neer, vir ‘n totaal van ten minste 20 minute. Dit laat die baba kritieke tyd op sy maag spandeer wat nodig is om spierontwikkeling te bevorder. Kry ‘n sagte mat met verskillende kleure, objekte wat geluide maak en spieëls om die baba geintereseerd te hou, verkenning aan te moedig en ontwikkeling van koördinasie te ondersteun.

Speelgoed: Kinders het nie baie speelgoed nodig nie, maar eeder ‘n paar kwaliteit speelgoed wat ‘n groter voordeel aan motoriese ontwikkeling en koördinasie verleen. ‘n Paar klassieke speelgoed sluit in gekleurde boublokkies vir vinger en hand manipulasie en balletjies vir hand-oog koördinasie wat in die frontalelob van die brein inwerk.

Skryfbehoeftes: Ouers kan vir kleuters vanaf ‘n eenjarige ouderdom ‘n klein plastiektafeltjie en –stoeltjie inrig waar kryte, penne, potlode, verf en aanplakkers(“stickers”) beskikbaar is om papier meer te versier en te begin inkleur.Dit word verkies dat ouers self ook saam met die kleuter sit en kwaliteit tyd saam spandeer om kognitiewe, linguistiese en psigososiale ontwikkeling aan te moedig.Kinders soek emotionele informasie hoe om hulself te gedra.Teken en kaart lees is aktiwiteite wat beheer word deur die regter hemisfeer van die brein.Hierdie aktiwiteite dra grootliks ook by tot die klein motoriese ontwikkeling van peuters en kleuters.Speelklei ontwikkel ook spierontwikkeling en versterk die handspiere.

5. Stimuleer die reuksintuig
Potplant: Babas se reuksintuig ontwikkel as in die uterus.Die feit dat babas sensitief is vir reuke kan u tot u voordeel gebruik. As die baba vars geplukte laventel of jasmyn ruik elke keer voor slaaptyd, sal die baba klasiek gekondisioneerd word om daardie reuk mettertyd te assosieer met slaap.U kan ‘n sekere aroma gebruik vir elke aktiwiteit wat julle saam doen, veral as u tot ‘n kruie tuin toegang het.Geen kunsmatige sprooi moet gebruik word nie omdat dit vel-, lugweg- en oogirritasies kan veroorsaak.Die beste babakamer uitlegte sal in die vensterbanke potplante hê sodat blare maklik en vinnig bekombaar is.

6. Ander benodigdhede
Hangende speelgoed: Hangende speelgoed gee vir die baba iets om na te kyk terwyl hy in die kot lê.Dit stimuleer die verbeelding en hou die baba besig terwyl u probeer om dinge gedoen te kry, soos aantrek of doek ruil.Die baba reik uit na speelding en stimuleer die baba aktief kognitief en fisies.Gevoel is die eerste sintuig wat ontwikkel en dié speelgoed ontwikkel dit meer, daarom is verskillende teksture ook so belangrik. Dit help ook om die baba te kalmeer sodat hy kan slaap.Moderne hangende speelgoed het musiek, ‘n kalmerende lig, sit self af en word beheer met ‘n afstandsbeheerder

Rystoel of wiegelstoel: So ‘n stoel moedig u as ouer aan om tyd in die babakamer te spandeer, om u baba aan die slaap te wieg, te borsvoed of net vas te hou en te liefkoos sodat liggaamskontak gevoel kan word.Die natuurlike beweging van die stoel kalmeer u baba en help hom om rustig te word en te ontspan.Dit is nodige tyd waar bande versterk word tussen jy en jou baba, wat die baba geestelik en emotioneel stimuleer.

Kot: Kies ‘n kot wat pas by u kleurskema , pattrone of tema. U kan ‘n kot laat selfontwerp ook . Dit moet ‘n area van gemak en sekuriteit wees vir die baba.

Binnehuise swaaie: Hierdie swaaie is veilig(besit oor veiligheidsharnasse) en maklik om aan mekaar te sit, die hoogte kan verstel word en kan maklik gewas word.Ander speelgoed word ook hieraan aangeheg. Die binnehuise swaai is meer van ‘n vermaak en ‘n kalmeerder.’n Baba kan in hierdie swaai aan die slaap gemaak word en is die teikengroep jonger papbabas tot en met eenjarige ouderdom.Hierdie swaaie word vinnig uitgegroei

Loopringe: Help die baba om regop te staan en die eerste tree te neem.Ander byvoordele is die opvoedkundige speelgoed wat aangeheg is.Sommiges sluit wiele en brieke in.Kan ook opvou.’n Loopring is meer voordelig vir ‘n ouer baba van 9 maande en op ,wanneer die vermoë en die wil om te loop ontwikkel. Dit skep stabiliteit en die baba kan self ontdek hoe om te loop. Beide die binnehuise swaai of loopring is geensens nodig nie, dit is bloot vermaak vir die baba en dra by tot ‘n mate van ontwikkeling .Hul word ook maklik uitgegroei en word dan ‘n witolifant.’n Loopring word wel verkies bo ‘n swaai omdat dit motorieseontwikkeling aanmoedig.

Beddegoed: U baba spandeer ‘n groot deel van sy of haar dag in die kot, daarom moet dit ‘n gemaklike ,sejure hoekie wees met ‘n rustige atmosfeer. Ligte kleure is ideaal.Dit bring troos en oorstimuleer nie die baba nie.Kundiges in gesondheid meen kussings en geskikte komberse het geen plek in ‘n kot nie. ‘n Derde van gevalle waar die baba dood is aan Skielike Infantiele Doodsindroom (SIDS) ,of die sogenaamde “Wiegiedood”, is as gevolg van sagte beddegoed.Verwyder dus los komberse en sagte beddegoed en speelgoed uit die slaaparea.Gebruik ‘n ferm matras. Die nuutste uitvindsels sluit in ‘n baba slaapsak drabare kombers.

Tafel met laaie. Hier word klere en babaprodukte in gestoor en doeke geruil
Platiek letters en getalle: Ideaal vir kinders van ouderdom 3 en ouer maar jonger babas kan al met die vorms speel en leer ken.
Babagimnasiums: Hierdie moderne speelterrein het ongeveer 17 ontwikkelings aktiwiteite op ‘n sagte mat, met musiek en lig interaktiewe aktiwiteite, spieëls en diere geluide.

Rangskikking van die kamer
Babas hoef nie motoriese vaardighede aageleer te word nie, hul moet net genoeg spasie hê om te beweeg en die vryheid.As die omgewing geleentheid bied vir ontdekking en die sentrale senuweestelsel,spiere en bene gereed is sal die baba motries vinnig ontwikkel.Rangskik die kamer in 3 areas om die ruimte effektiewelik te gebruik.Dit help die baba ook om kompartemente te skep van waar watter aktiwiteit plasvind. * Die werkarea sal aanvanklik ‘n tafel insluit waar doeke geruil word, ‘n houer waar vuil doeke ingegooi word, kaste vir klere, stoorplek vir die babasorg produkte en ‘n rystoel.Soos u baba groter word sal dit ook die area word waar motoriese vaardighede beoefen word soos teken, verf, konstruksie en speel met klei.Die rystoel(“rocking chair”) is ook ‘n plek waar stories vertel kan word, wat die kreatiwiteit en die verbeelding ontwikkel. Hierdie area moet wasbaar wees en maklik om te hanteer siende dat die meeste ongelukke hier plaasvind, soos verf wat mors.

* Die slaaparea sluit ‘n kot of bed in, ‘n bedlampie en miskien ook ‘n tafel vir die lamp.Hierdie moet ‘n area wees ontwerp vir slaap,ontspanning,drome en waar nuwe energie verkry word.Dit moet ‘n area van rustigheid en sekuriteit vir die baba wees.

* Die speelarea is eintelik net ‘n area waar troetelbare speelgoed,teddies, hangende speelgoed en boekerakke is.Soos u baba groter word, word hierdie die mees gebruikte area.U kind sal hier speel met blokkies, ‘n pophuis miskien, seerower en cowboys na-aap.Speelgoed sal gedurig rond gestamp word. Kleuters sal die muur ook gebruik as fiesiese ondersteuning tydens spel. Hou dit als ingedagte.Die beste speelareas nooi die baba in, stimuleer hul en lok hul verbeelding en opgewondenheid uit.Hierdie is ‘n area waar primêre kleure baie effektief is.’n Televisiestel is ‘n bederf en geensins nodig nie. In die afwesigheid van ‘n televisie ontwikkel die baba vinniger en beter hul motoriese vaardighede, verbeelding en ander sintuie.

Idees vir die vloer: Mat klink die na die beste opsie vir ‘n babakamer omdat dit sag en warm is ,maar mat vang ook baie bakterië en allergeens op, veral as iets op die mat gemors word (wat baie geneig is om in ‘n babakamer te gebeur) .Die beste opsie is ‘n soliede oppervlak wat maklik skoongemaak kan word.Los genoeg bewegingsruimte sodat die baba kan explore – dit moedig kruip en selfs loop aan.Dit leer ook die baba om te begin afstand skat en ‘n gevoel van ruimte aan ,wat eers teen ‘n ouderdom van 4 of 5 maande ontwikkel. As die bewegingspasie min is wil u as moeder ook nie baie tyd spandeer in die babakamer nie.Babas wat kan kryp op die vloer raak sensitief vir hoe ver objekte is,hoe groot hulle is, of hulle geskuif kan word en hoe die objekte lyk.

Idees vir die venster: Hou veiligheid in u agterkop wanneer u na gordyne kyk. Vermy blinders met lang koorde, want soos u kind groei kan dit verstikking veroorsaak. Bly ook weg van lang gordyne, alhoewel dit hoog mode is kan ‘n nuuskierige baba vasgevang word of selfs die gordynkap afruk.As die babakamer baie sonlig kry of naby ‘n straatlig is kan u dit oorweeg om die vensters donkerder te laat tint vir ‘n meer geruste nagrus.Hou vensters liggies oop want goeie sirkulasie van varslug is nodig.Nuwe tegnologie sluit in ‘n koue stoom bevogterer wat verligting van ongemak en droë lug bring, dit vermider ook die lugbesoedeling.

Dit is nooit te vroeg om jou baba te begin leer nie.’n Goeie begin in die lewe kan ‘n groot verskil maak.