თაფლი „ამბროზია“

ჯგუფი 3 ნათია შინდელიშვილი; მზექალა გორგოშაძე; ჯონი ოჩხიკიძე; თეო ქართველიშვილი; ნოდარი ჩხატარაშვილი; თეა აგურაშვილი; გიზო ვაზტანგაშვილი; მიხეილ თუმანიშვილი; თამთა გურჯიძე-ჯგუფი 4; ლადო მანჯავიძე-ჯგუფი 1

ჩვენ გადავწყვიტეთ შეგვემნა ახალი თაფლის მწარმოებელი კომპანია, რისი პირველი მიზეზი სწრაფად მზარდი ბაზარია, მაგრამ, ამავე დროს უნდა აღინიშნოს, რომ თაფლის ბაზარზე ქართული კომპანიების აქტიურობა ნაკლებად შეინიშნება- ბაზარზე ძირითადად დომინირებენ მოყვარული მეფუტკრეები. მოყვარულ მეფუტკრეებად ითვლებიან ისინი, ვისაც 10 დან 20 ოჯახამდე ფუტკარი ჰყავთ. გვხვდება მხოლოდ რამდენიმე პროფესიონალი მეფუტკრეობის კომპანია- შპს „მეთაფლია“ და „გეო ნატურალი“. მთელი წლის განმავლობაში კი სუპერმარკეტების დახლებზე მხოლოდ იმპორტირებული თაფლია, დანარჩენი გამყიდველები ახალი წლისა და ზამთრის სეზონზე აქტიურდებიან. რაც შეეხება კომპანიის სახელს, ჩვენ შევარჩიეთ „ამბროზია“.“ამბროზია“- ძველ ბერძნულ მითოლოგიაში - ღმერთების არომატული საკვებია, რომელიც მათ უკვდავებას ანიჭებდა. ჩვენი სახელი ხაზს უსვამს ჩვენი პროდუქტის განსაკუთრებულობასა და უნიკალურობას. კომპანიის ქარხანა იფუნქციონირებს გურიაში, კერძოდ, ჩოხატაურის რაიონის მიმდებარე ტერიტორიაზე, მოშორებული დასახლებულ პუნქტებს. ამ ადგილის არჩევის მთავარი მიზეზია ბუნებრივი გარემო. აქ წარმოდგენილია ხეების ისეთი ჯიშები, რომლებიც აუცილებელია მაღალი ხარისხის თაფლის საწარმოებლად. სათავო ოფისი კი თბილისში იქნება, რადგან, გურიაში ქარხნის მდებარეობიდან გამომდინარე, სხვადასხვა ხელშეკრელების გაფორმება და ბიზნეს საქმიანობა ძალზედ არაკომფორტული და მოუხერხებელია. ჩვენი კომპანიის მისიაა ეკოლოგიურად სუფთა და ჯანსაღი პროდუქტის შეთავაზება მომხმარებლისათვის. ამ მისიიდან გამომდინარე ჩვენ გვაქვს განსაზღვრული შესაბამისი მიზნები, მათ შორის არის როგორც ბიზნესთან დაკავშირებული, ასევე მარკეტინგულიც. „ამბროზიის“ მთავარი მიზანია მყიდველთან მომგებიანი ურთიერთობის ჩამოყალიბება, ეკოლოგიურად სუფთა პროდუქტის შექმნისა და ბაზარზე დაბალ ფასად გატანის ხარჯზე. ჩვენს მიზნებში შედის უმოკლეს დროში ბაზარზე დიდი სავაჭრო წილის მოპოვება, ხოლო გრძელვადიან პერიოდში დასახული გვაქვს პროდუქციის საზღვარგარეთის ბაზარზე გატანა. ჩვენი ბიზნესის წარმატებულად ფუნქციონირებისათვის აუცილებლად გვჭირდება სწორი სტრატეგიული დაგეგვმა. დასაწყისში აუცილებლად უნდა შევადგინოთ პროდუქტ/ბაზრის ექსპანსიის მატრიცა, რათა ამოვიცნოთ ჩვენი კომპანიის ზრდის შესაძლებლობები. ამის განხორციელება შესაძლებელია ბაზარზე შეღწევის, ბაზრის განვითარების, პროდუქტის განვითარებისა და დივერსიფიკაციის სტატეგიების საშუალებით. ბაზარზე შესვლისას კომპანიას ესაჭიროება სლოგანი და პროდუქციაზე და ბაზარზე ორიენტირებული მისიის განაცხადი, რომლიდანაც მომხმარებელს შეეძლება ჩვენ შესახებ ძირითადი ინფორმაციის მიღება. „ამბროზიის“ სლოგანია: „ქართული ბუნების ნობათი თქვენს ოჯახში“ - ეს ხაზს უსვამს, რომ პროდუქტი ნატურალურია და დამზადებულია თანამედროვე ტექნოლოგიების გამოყენებითა და ქართულ ტრადიციებზე დაყრდნობით. პროდუქტზე ორიენტირებული მისიის განაცხადი იქნება: „ჩვენ ვყიდით თაფლს, რომელიც გაჯანსაღებთ“; „ბაზარზე ორიენტირებული მისიის განაცხადია: „ჩვენთან შეძლებთ თანამედროვე ტექნოლოგიებით წარმოებული ნატურალური თაფლის ყიდვას“. ეს ყოველივე მომხმარებელში გამოიწვევს ჩვენი პროდუქტისადმი დაინტერესებას და მისი შეძენის სურვილს. ძირითადად, ჩვენი პროდუქცია გათვლილი არ იქნება კონკრეტულად რომელიმე სახის მომხმარებელზე და მათ არ გამოვყობთ ასაკის, სქესის, მატერიალური მდგომარეობის, ცხოვრების სტილისა თუ სხვა კომპონენტების მიხედვით. რადგან პროდუქტი, რომელსაც ჩვენ შევსთავაზებთ მომხმარებელს არ არის ძვირადღირებული საიმისოდ, რომ რომელიმე ფენის სეგმენტზე იყოს გათვლილი. ასევე არ აქვს მნიშვნელობა ცხოვრების სტილს, რადგან თაფლი ნატურალური პროდუქტია- გაჯერებული ვიტამინებით (B1 B2 B3 B5 B6 და C), მინერალებით (კალიუმი, მაგნიუმი, გოგორდი, ქლორი, ნატრიუმი, ფოსფატი, რკინა), ნატურალური ჰორმონებით და ა.შ. ასე რომ, იგი სასარგებლოა ნებისმიერი ადამიანისთვის. მომხმარებელს რომ ჩვენი პროდუქტის ყიდვის სურვილი გაუჩნდეს, აუცილებელი პირობაა ვიყოთ განსხვავებული კონკურენტებისაგან. ხარისხთან ერთად ჩვენთვის მნიშვნელოვანია შეფუთვაც. ის უნდა იყოს ყველასაგან გამორჩეული, ინოვაციური და როდესაც მაღაზიის თაროზე სხვა კომპანიების მიერ წარმოებულ თაფლთან ერთად იქნება განთავსებული, უნდა მიიქციოს განაკუთრებული ყურადღება თავისი ფორმით და მოახდინოს ვიზუალური ეფექტი. პროდუქტზე მაღალი ფასის დადება, რომელიც ძირითადად მაღალ ხარისხზე მეტყველებს და უფრო იზიდავს მომხმარებელს, თაფლის შემთხვევაში არ გამოგვადგება, რადგან პრესტიჟული ან დაბალი ხარისის თაფლი არ არსებობს. მართალია, არის თაფლი რომელიც შაქრით მზადდება და გაცილებით ნაკლები ღირს, მაგრამ მას ჩვენ კონკურენტულ პირობად ვერ აღვიქვამთ, რადგან მომხმარებელმა, ვინც იცის ნამდვილი თაფლის გემო და სარგებლიანობა, მიუხედავად დაბალი ფასისა უგულებელყოფს შაქრიან თაფლს. დღესდღეობით, საქართველოში არის რამდენიმე კომპანია, რომელიც ნატურალურ თაფლს აწარმოებს და რომლებიც იქნებიან ჩვენი ძირითადი კონხურენტები, ამიტომ უნდა შევეცადოთ ბაზარზე შევიდეთ ნატურალუღი პროდუქტით, მაგრამ შედრებით დაბალი ფასით, რათა დავიმკვიდროთ ადგილი. იმისთვის, რომ კომპანიამ წარმატებით იმუშავოს აუცილებლად უნდა გამოვიყენოთ მარკეტინგული კომპლექტი, რომლიც 4P_ის სახელითაა ცნობილი: პროდუქტი, ადგილი, ფასი და სტიმულირება. პროდუქტი - ეს ნაწილი მოიცავს ნაირსახეობას, ხარისხს, დიზაინს, ნიშან-თვისებებს, ბრენდის სახელს, შეფუთვასა და მომსახურებას. ჩვენ მომხმარებელს ვსთავაზობთ რამდენიმე სახეობის თაფლს, ცვილსა და ფიჭას, რომელიც კონკურენტებისაგან გამოირჩევა შეფუთვით, დიზაინითა და სხვა მახასიათებლებით. ადგილი - მოიცავს დაფარვას, არხებს, ადგილმდებარეობას, ლოჯისტიკას, ტრანსპორტირებას... ჩვენი პროდუქტის დაფარვის ზონა იქნება მთელი საქართველოს მასშტაბით არსებული სუპერმარკეტები და მაღაზიები. რაც შეეხება ტრანსპორტირებას, პროდუქციის განაწილებაში დაგვეხმარებიან სადისტრიბუციო კომპანიები. ფასი - ფასების ჩამონათვალს, ფასდაკლებას, ფასდათმობას, გადახდის პირობებს და კრედიტის პირობებს. „ამბროზიის“ პროუქციაზე ფასები იქნება კონკურენტუნარიანი და მომხმარებლისთვის მისაღები. სტიმულირება - მოიცავს რეკლამირებას, პერსონალურ გაყიდვებს, გაყიდვის სტიმურლირებასა და საზოგადოებრივ ურთიერთობებს. პროდუქციის რეკლამირებისთვის გამოვიყენებთ სატელევიზიო რეკლამებს, რადგან აქედან უფრო მეტ ინფორმაციას მიიღებს მომხმარებელი და ასევე ფლაერებს. სხვადასხვა აქციით ხშირად გვექნება გაყიდვების სტიმულირება. თაფლის მწარმოებელი კომპანია „ამბროზია“ დამოკიდებულია კომპანიაზე მოქმედ შიდა და გარე ძალებზე, რომლებიც ქმნიან მიკრო და მაკრო გარემოს. მასზე მოქმედი შიდა ძალები, მიკროგარემოს ძირითადი მონაწილეებია: კომპანია - უშუალოდ კომპანიის შიდა გარემო, თანამშრომელბისა და დეპარტამენტების ურთიერთობა. მომწოდებლები - მომწოდებლები მნიშვნელოვან როლს თამაშობენ მომხმარებლებისათვის ფასეულობის მიწოდებში. ისინი კომპანიას საქონლისა და მომსახურების წარმოებისთვის საჭირო რესურსებით უზრუნველყოფენ. ჩვენს შემთხვევაში მომწოდებლებს წარმოადგენენ ის პირები და კომპანიები, რომელთაგანაც ვიძენთ სკებს, შესაფუთ მასალასა და სხვა დამხმარე მასალებს, რადგან საბოლოო პროდუქტს, თაფლს, თავად ვაწარმოებთ. მარკეტინგული შუამავლები - ეს ის ფირმებია, რომლებიც კომპანიებს საბოლოო მყიდვეთან წარმოჩენაში, გაყიდვასა და დისტრიბუაციაში ეხმარებიან. ჩვენს შემთხვევაში ამ კატეგორიას მიეკუთვნება ფიზიკური დისტრიბუციის ფირმები. მყიდველები - ეს ნაწილი მოიცავს ბაზრის ხუთ ტიპს: სამომხმარებლო ბაზარს, ბიზნესბაზრებს, სამთავრობო ბაზრებს, გადამყიდველთა ბაზარსა და საერთაშორისო ბაზრებს. ჩვენი კომპანიის უპირველესი მიზანია, ამ ხუთი ბაზრიდან შეარჩიოს სასურველი ბაზარი და სწრაფად დამკვიდრდეს ამ ბაზარზე. მოცემულ სიტუაციში ჩვენთვის პრიორიტეტულია სამომხმარებლო ბაზარი, შემდეგ ეტაპებზე კი საერთაშორისო ბაზარზე შეღწევაც შედის ჩვენს ინტერესებში. კონკურენტები - წარმატების მისაღწევად კომპანიამ უნდა შექმნას უფრო დიდი ფასეულობა და კმაყოფილება, ვიდრე ამას კონკურენტები გააკეთებენ. ამ საკითხის სწორად გადაჭრა დაეხმარება კომპანის წარმატების მიღწევაში. საზოგადოება - ნებისმიერი ჯგუფი, რომელსაც აქვს ფაქტობრივი ან პოტენციური ინტერესი თუ გავლენა ორგანიზაციის შესაძლებლობებზე, მიაღწიოს საკუთარ მიზნებს. ამ საკითხთან მიმართებაში, კონკრეტულად, ჩვენ გავაინტერესებს საზოგადოების შვიდი ტიპი: 1. ფინანსური საზოგადოება, რომელიც ზეგავლენას მოახდენს ჩვენი კომპანიის შესაძლენლობებზე, მოვიპოვოთ ფინანსური რესურსები. 2. მედია საზოგადაოება, რომელიც მოიცავს გაზეთებს, ჟურნალებს, რადიოსა და ტელევიზიას. 3. სამთავრობო საზოგადოება - ჩვენი კომპანიის უმაღლესმა მენეჯმენტმა უნდა გაითვალისწინოს მთავრობის გადაწყვეტილებები და მისი განვითარება. 4. აქტიურ მოქალაქეთა საზოგადოება - მოქალაქეთა ჯგუფებთან ურთიერთობის დამყარებაში ჩვენ დაგვეხმარება საზოგადოებასთან ურთიერთობის განყოფილება. 5. ადგილობრივი საზოგადოება - ამ ნაწილში ჩვენი ინტერესის სფეროა „მეზობლად მცხოვრები მომხმარებლებისა და მეზობლად მოფუნქციონირე ორგანიზაციები“. ანუ, ჩვენი მომხმარებლები და კონკურენტები. 6. საზოგადოების ფართო ფენები - ჩვენთვის მნიშვნელოვანია საზოგადოებაში დადებითი იმიჯის შექმნა, რაც დადებით გავლენას მოახდენს პროდუქტის გაყიდვებზე. 7. კომპანიის შიდა საზოგადოება - აქ ჩვენთვის მნიშვნელოვანია სხვადასხვა კატეგორიის თანამშრომლები, მენეჯერები, მოხალისეები და ა.შ. ჩვენი კომპანიის ფუნქციონირებაზე და წარმატებაზე დიდი გავლენის მოხდენა შეუძლია გარე ძალებს, რომლებიც მაკრო გარემოს ქმნის. ესენია: დემოგრაფიული გარემო - დემოგრაფია არის მოსახლეობის შესწავლა რაოდენობის, სიმჭიდროვის, ადგილმდებარეობის, ასაკის, სქესის, რასის, საქმიანობისა და სხვა სტატისკური მახასიათებლების მიხედვით. დემოგრაფიული საკითხის შესწავლა ჩვენთვის ერთ-ერთი პრიორიტეტულია, რადგან ზოგიერთ ასაკში და ადამიანში, თაფლი და მისი პროდუქტები იწვევს ალერგიასა და სხვადასხვა გაღიზიანებებს და ჩვენ კონკრეტულად უნდა ვიცოდეთ, მოსახლეობის რა ნაწილისთვის არის ეს პრობლემა აქტუალური და ყველა სახეობის თაფლს ეხება თუ არა აღნიშნული საკითხი. ეკონომიკური გარემო - ეს გარემო შედგება ფაქტორებისაგან, რომლებიც მომხმარებლის მსყიდველობით უნარსა და ხარჯვით ტენდენციებზე ახდებს გავლენას. ბუნებრივი გარემო - წარმოადგენს ბუნებრივ რესურსებს, რომელთაც კომპანია თავისი პროდუქციის გამოშვებისათვის იყენებს ან თავისი ბიზნესსაქმიანობით მასზე ზეგავლენას ახდენს. ეს საკითხიც ერთ-ერთი პრიორიტეტულია კომპანია „ამბროზიისათვის“, რადგან ჩვენი პროდუქტის წარმოება თავიდან ბოლომდე ბუნებრივ გარემოზეა დამოკიდებული- ფუტკარი თაფლისთვის ნექტარს მცენარეებიდან იღებს. ტექნეოლოგიური გარემო - ეს არის ძალები, რომლებიც ქმნიან ახალ ტექნოლოგიებს, პროდუქტებსა და საბაზრო შესაძლებლობებს. ეს ნაწილი ჩვენთვის მნიშვნელოვანია პროდუქტის შეფუთვისთვის, რადგან სარეალიზაციოდ გამზადებულ თაფლში არ მოხვდნენ ბაქტერიები. პოლიტიკური გარემო - ამ შემთხვევაში უნდა გავითვალისწინოთ კანონები, მზარდი საკანონმდებლო ბაზა, ქვეყანაში მიმდინარე პოლიტიკური მოვლენები და სხვა პოლიტიკური ფაქტორები, რომლებმაც შესაძლოა ზემოქმედება მოახდინონ საგადასახადო კანონმდებლობაზე, პროდუქციის წარმოებასა და რეალიზაციაზე. კულტურული გარემო - ეს გარემო შედგება ინსტიტუტებისა და ძალებისაგან, რომლებიც გავლენას ახდენს საზოგადოების ძირითად ფასეულობებზე, შეხედულებებსა და ქცევაზე. კულტურული გარემოს შედგება პირველადი და მეორადი კულტურული ფასეულობებისგან. ეს გარემო მიცავს ადამიანის შეხედულებებს საკუთარ თავზე, ხალხის შეხედულებებს სხვებზე, ორგანიზაციებზე, საზოგადოებაზე, ბუნებასა და სამყაროზე. ამ საკითხებიდან ჩვენთვის განსაკუთრებული მნიშვნელობა აქვს ხალხის შეხედულებებს ორგანიზაციაზე, რადგან ჩვენთვის აუცილებელია ხალხში დადებითი იმიჯის შექმნა და პოზიციონირება, როგორც ხარისხიანი და ბუნებრივი პროდუქტის მწარმოებელი კომპანია. ეს ის ძალებია, რომლებიც ზოგადად ყველა კომპანიის ფუნქციონირებასა და წარმატებაზე ახდენს გავლენას და ამ მხრივ გამონაკლისი არც ჩვენი კომპანიაა. აღნიშნული კომპანიის სამმართველო დონის უმთავრეს მიზანს წარმოადგენს ამ საკითხებისადმი სამოქმედო გეგმის ჩამოყალიბება და სათადარიგო სტრატეგიების შექმნა, იმ შემთხვევისთვის, თუ რომელიმე მათგანში მოხდება მნიშვნელოვანი ცვლილებები. კომპანია „ამბროზიის“ მარკეტინგული განყოფილების განუყოფელი ნაწილია სოციალური პასუხისმგებლობა და ქველმოქმედებასთან დაკავშირებული მარკეტინგი. ამ მიმართულების განვითარებით კომპანია საზოგადოებაში უფრო პოზიტიურად წარმოჩინდება და აიმაღლებს იმიჯს. მაგრამ ეს ყველაფერი, რა თქმა უნდა, ზომიერების ფარგლებში. კომპანია არ ისარგებლებს ქველმოქმედების სახელით ბოროტად და არ გამოიყენებს მომხმარებელთა ფსიქოლოგიას. კომპანია ხშირად მიიღებს მონაწილეობას სხვადასხვა საქველმოქმედი კამპანიაში და თავადაც ექნება საკუთარი სახელობის საქველმოქმედო ფონდი, რომელიც დაეხმარება თავშესაფარში მცხოვრებ მოხუცებს და მზრუნველობამოკლებულ ბავშვებს. კომპანიის სოციალური პასუხისმგებლობის ფარგლებში განხორციელებული მუდმივი კამპანიის ფარგლებში საქართველოს საპატრიარქოს გადაეცემა მშრალი ფიჭა, რომელიც გამოიყენება სანთლის დასამზადებლად. საქართველოს თაფლის ბაზარი საკმაოდ მზარდია და ძირითადად სამოყვარულო მეფუტკრეობაა განვითარებული. მეფუტკრეს, რომელსაც 10-დან 20 ოჯახამდე ფუტკარი ჰყავს, მოყვარულად ითვლება. თაფლის აქტიური რეალიზაცია ახალი წლის სეზონზე და ზამთრის პერიოდში ხდება, თუმცა იმპორტირებული პროდუაქცია მარკეტების დახლებზე მთელი წლის განმავლობაშია განთავსებული. გამომდინარე იქიდან, რომ კომპანია „ამბროზია“ ერთ-ერთი პროფესიონალური მეფუტკრეობის კომპანიაა, ჩვენი ნაწარმი მთელი წლის მანძილზე იქნება დახლებზე. ადამიანებისთვის, რომლებიც მთელი წლის მანძილზე მოიხმარენ თაფლს და ფიჭას და რომლებისთვისაც მნიშვნელოვანია ნატურალური, ხარისხლიანი და ეროვნული პროდუქცია, ხელმისაწვდომი იქნება ახალი ქართული თაფლი მუდმივად. აღნიშნულ ბაზარზე მოყვარულ მეფუტკრეებთან და იმპორტირებულ თაფლთან ერთად არის რამდენიმე ქართული თაფლის მწარმოებელი კომპანია: შპს „მეთაფლია“ და „გეონატურალი“, რომლებიც რამდენიმე წელია, რაც ბაზარზე ფუნქციონირებენ. ისინი აწარმოებენ მაისის, წაბლის, აკაციის, მდელოს თაფლს სხვადასხვა ადგილას. ეს კომპანიები იქნებიან ჩვენი ძირითადი პირდაპირი კონკურენტები ეროვნული წარმოებიდან. კომპანია „ამბროზია“ მომხმარებელს შესთავაზებს მაისის, აკაციის, ცაცხვის, მდელოს თაფლს, ფიჭას და თაფლისა და ფიჭის ნაზავს. ანუ ჩვენ გავალთ მომხმარებელთა უფრო ფართო სეგმენტზე და მათ მოზიდავასა და შენარჩუნებაში , პირველ რიგში, დაგვეხმარება პროდუქტის მაღალი ხარისხი და ბუნებრივობა, რაც ადვილი შესამჩნევია თაფლსა და მსგავს პროდუქტებზე. ასევე მნიშვნელოვან როლს ითანაშებს სატელევიზიო რეკლამირება, რომელშიც ხაზგასმული იქნება ზემოთ აღნიშნული მახასითებლები და საწარმოში არსებული მაღალი ტექნოლოგიები, თანამშრომლების მაღალი კვალიფიციურობა და საწარმოს სანიტარია. (რეკლამირების შესახებ უფრო დაწვრილებითი ინფორმაცია შემდეგ იქნება წარმოდგენილი.) მეფუტკრეობის კომპანია „ამბროზიაში“ მნიშვნელოვანი ადგილი უკავია მარკეტინგულ კვლევას. ბაზარზე შემოსვლამდე ჩვენ გამოვიყენეთ მარკეტინგული დაზვერვა, იმისათვის, რომ გაგვერკვია ბაზარზე არსებული შესაძლო კონკურენტებისა და მიღწევების შესახებ საჯაროდ გავრცელებული, სისტემატურ შეგროვებისათვის და ანალიზისათვის საჭირო ინფორმაცია. მარკეტინგილი კვლევა განვახორციელეთ შემდეგი თანმიმდევრობით: პრობლემისა და კვლევის მიზნების განსაზღვრა - ამ ეტაპზე გამოვიყენეთ აღწერითი კვლევა, რათა გამოგვეკვლია სიტუაცია და ბაზარი, ასევე ის, დაინტერესდებოდნენ თუ არა ჩვენი პროდუქციით. კვლევის გეგმის ჩამოყალიბება - მიზნების განსაზღვრის შემდეგ წერილობით ჩამოვაყალიბეთ გეგმა და დავიწყეთ ინფორმაციის შეგროვება. გამომდინარე იქიდან, რომ „ამბროზია“ ახალი კომპანიაა და წარსულში არცერთი კვლევა არ ჩაგვიტარებია, ჩვენ ვიყენებთ მხოლოდ პირველად მონაცემებს, ანუ ინფორმაციას, რომელსაც მოცემული მიზნისთვის ვაგროვებდით. როგორც უკვე აღვნიშნეთ, ჩვენ ჩავატარეთ გამოკითხვა, რომლის მიზანი იყო გამოგვევლინა კონკრეტულ ამონაკრებში რამდენი პროცენტი იყო თაფლისა და მისი პროდუქტების მომხმარებელი და რომელი სახეობის თაფლს ანიჭებენ უპირატესობას. ეს გამოკითხვა ორი ეტაპისგან შედგებოდა, პირდაპირი გამოკითხვა და ონლაინ გამოკითხვა. კვლევის გეგმის განხორციელება, მონაცემების შეგროვება და ანალიზი - ამ ეტაპზე დაგეგმილი კვლევა, რეალურად, თავიდან ბოლომდე განვახორციელეთ და გავაკეთეთ მიღებული მონაცემების ანალიზი, რამაც განაპირობა პროდუქციის ბაზარზე გატანა. შედეგების განმარტება და ანალიზის წარდგენა - აქ ჩვენ განვიხილეთ ის შესაძლო მიზეზები, რამაც მონაცემების საბოლოო შედეგი განაპირობა და ანგარიში წარედგინა მმართველ გუნდს. მარკეტინგული კვლევის მნიშვნელობა ჩვენი კომპნიისათვის ძალიან დიდია, რადგან შეგვიძლია ვთქვათ, რომ ეს განსაზღვრავს ბიზნესის სიცოცხლისუნარიანობას- კვლევის შემდეგ ვიღებთ გარკვეულ სურათს კონკრეტული ბაზრის მდგომარეობისათვის. კომპანია გეგმავს გაფართოებას- სუპერმარკეტების დახლებთან ერთად პროდუქციის გაყიდვას ბრენდულ, „ამბროზიის“ სახელით გახსნილ მაღაზიებში. ამისათვის, კვლევის დახმარებით შევიტყვეთ ის, თუ რამდენად მისაღები იქნებოდა ასეთი შეთავაზება მომხმარებლისთვის. ყოველდღიურად მომხმარებელი ყიდვასთან დაკავშირებით ბევრ გადაწყვეტილებას იღებს. ყიდვის ქცევა არასოდეს არ არის მარტივი, ამიტომ მისი გაგება მარკეტინგის ძირითადი ამოცანაა. თავდაპირველად, ჩვენ დავადგინეთ სამომხმარებლო ბაზრის დინამიკურობა და საბოოლო მომხმარებლის ქცევა ყიდვისას, შემდეგ კი შევისწავლეთ ბიზნეს ბაზრები და მყიდველი ორგანიზაციის შესყიდვის პროცესი. მომხმარებლები ერთმანეთისგან განსხვავდებიან ასაკით, შემოსავლებით, განათლების დონით და გემოვნებით. ანუ ყველა მომხმარებელი პროდუქტისა და კომპანიის არჩევისას სხვადასხვაგვარად რეაგირებს. ეს ყველაფერი კი განვიხილოთ ჩვენი კომპანიის მაგლითზეც. პირველ რიგში , დეტალურად შევისწავლეთ მომხმარებლის გადაწყვეტილებები, გამოვიკვლიეთ რას, სად, როდის და რატომ ყიდულობს იგი. აღმოჩნდა, რომ მომხმარებლების უმრავლესობა უპირატესობას ანიჭებს მოყვარული მეფუტკრეების მიერ შეთავაზებული თაფლის ყიდვას, რომელთა უმრავლესობა თავის პროდუქტს არა სუპერმარკეტებში, არამედ კარდაკარ ყიდის ყოველგვარი შუამავლის გარეშე. დარჩენილი ნაწილი კი უპირატესობას ანიჭებს სუპერმარკეტებში შეძენილ თაფლს. ჩვენ მიერ სუპერმარკეტებში განთავსებული თაფლი არანაკლებ მოთხოვნადი იქნება, რადგან ბაზარზე შესვლამდე აქტიურად გამოვიყენებთ გაყიდვების წამახალისებელ აქციებს, მაგალითად, დეგუსტაციას, რომელითაც მომხმარებელს პროდუქტის შეძენისკენ ვუბიძგებთ. მომხმარებლის ქცევაზე დიდ გავლენას ახდენს კულტურა, ამიტომ ქართველ მომხმარებელზე დიდად იმოქმედებს ეროვნული კულტურის ფაქტორები; ასევე, ის მახასიათებლები, რომლებიც თაფლთან არის დაკავშირებული და სიჯანსაღესთან ასოცირდება. ეს პროდუქტი გათვლილია ნებისმიერი ასაკისთვის მაგ: მშობელი დაუფიქრებლად შეიძენს შვილისთვის, რადგან დარწმუნებული იქნება, რომ ეს პროდუქტი მისი შვილის ჯანმრთელობისთვის სასარგებლოა. ასევე, გვეყოლება ისეთი მომხმარებელი, რომლის ცხოვრების სტილი სპორტია. პროდუქტი არის ყველაფერი, რაც შეიძლება ბაზარს მიეწოდოს ყურადღების მისაქცევად, შესაძენად, გამოსაყენებლად ან მოხმარებისთვის, რომელიც სურვილს ან საჭიროებას აკმაყოფილებს. პროდუქტი და მომსახურება მათი მომხმარებელთა ტიპების მაგალითზე ორ ძირითად კლასად იყოფა: სამომხმარებლო პროდუქცია და საწარმოო დანიშნულების პროდუქცია. “ამბროზიას“ თაფლი სამომხმარებლო კლასის წარმომადგენელია, რადგან საბოლოო მომხმარებელი მას პერსონალური გამოყენებისთვის იძენს. თავის მხრივ, სამომხმარებლო სახის პროდუქცია მოიცავს რამდენიმე სახეს: ყოველდღიური მოხმარების პროდუქტი, ძირითადი მოხმარების პროდუქტი, განსაკუთრებული პროდუქტი და ასე შემდეგ. ჩვენი ნაწარმის მშემთხვევაში წარმოადგენს ძირითად იმ მოხმარების პროდუქტს, რადგან მომხმარებელი ასეთ პროდუქტს ირჩევს და ყიდულობს, მისი ხარისხის, ფასის, სტილისა და სხვა სურველი ნიშან-თვისების მიხედვით. გადაწყვეტილებები ინდივიდუალური პროდუქტისა და მომსახურების შესახებ გვიჩვენებს ამ პროდუქტის განვითარებასა და მარკეტინგათან დაკავშირებულ მნიშვნელოვან გადაწყვეტილებებს. ჩვენ, ამ შემთხვევაში, ყურადღებას გავამახვილებთ “ამბროზიას“ პროდუქტის მახასიათებლებზე, შეფუთვაზე, ეტიკეტზე და პროდუქტის მხარდამჭერ მომსახურებებზე. პირველ რიგში კი, წარმოგიდგენთ პროდუქტის ხარისხს. პროდუქტის ხარისხი არის პროდუქტის შესაძლებლობა , შეასრულოს თავისი ფუნქციები. ის მოიცავს: პროდუქტის გამძლეობას, საიმედოობას, სიზუსტეს, ფუნქციონირებას, შეკეთების სიმარტივეს და ასე შემდეგ. “ამბროზიას“ თაფლი წარმოადგენს უმაღლესი ხარისხის ნაწარმს, რამეთუ მისი დამზადება ხდება მთის რეგიონში. კვლევებით დადასტურებულია, რომ უმაღლესი ხარისხის თაფლი მოიპოვება ფუტკრების მიერ მხოლოდ იმ შემთხვევაში თუ სკებიდან ერთი კილომეტრის დიამეტრზე ფართობში არ არის დასახლება. ჩვენს სკებს სწორედ ასეთი ადგილმდებარეობა გააჩნია. ჩვენი თაფლი არის განსაკუთრებული არა მარტო ადგილმდებარეობისა და ხარისხის, არამედ მისი ნიშან-თვისებების გამოც. მისი ნატურალურობიდან გამომდინარე, ის არა მარტო გემრიელი, არამედ სასარგებლო და მარგებელიცაა. ასევე რამდენიმე ხაზის წარმოების გამო, სხვადასხვა სახის თაფლს, სხვადასხვა ნიშან-თვისება აქვს: ფერი, გემო, ფიჭით, მის გარეშე, დაშაქრული... ეს ნიშან-თვისებები აირჩა მას შემდეგ, რაც ჩატარდა კვლევა, გამოიკითხა ადამიანები, რომლებმაც დააფიქსირეს მათი აზრი პროდუქციის შესახებ. მომხმარებლისათვის პროდუქტის ფასეულობის გაზრდის კიდევ ერთი საშუალება განსხვავებული პროდუქტის სტილისა და დიზაინის შექმნაა. ჩვენი თაფლისთვის მოვიფიქრეთ მინის პატარა, საშუალო და დიდ ქილებში მოთავსება, რაც, ერთი მხრივ, მაქსიმალურად შეუნარჩუნებს მას გემოს და ხარისხს (სხვა სახის სათავსო, მაგალითად, პოლიეთილენის ბოთლები, უკარგავს მას გემოს და ფერს). მეორე მხრივ კი, ეს ესტეთიურად ძალიან ლამაზია. შეფუთვის განსაკუთრებულობა იმაში მდგომარეობს, რომ ქილების დიზაინი მიმსგავსებული იქნება სახლში დამზადებული თაფლის შეფუთვასთან. უფრო კონკრეტულად კი, იქნება სკის ფორმის ექვსკუთხედი ქილები და ჩვეულებრივი მინის ქილები. ეს, რა თქმა უნდა , ხაზს გაუსვამს მის ნატურალობასა და ბუნებრივობას. ასევე გვექნება ბავშვების ხაზი, სადაც ჩვენი ნაწარმი შეფუთული იქნება დათვის ან ფუტკრის ფორმის ქილებში. პროდუქტის გავრცელებისა და პოპულარიზაციისთვის მნიშვნელოვანია მისი ბრენდი. ბრენდი არის სახელი, სიტყვა, სიმბოლო ან დიზაინი ან მათიკომბინაცია, რომელიც პროდუქტს ახასიათებს და მას კონკურენტებისგან განასხვავებს. განვიხილოთ მახასითებლები, რომლებიც ჩვენი წარმოებული თაფლის ბრენდს ქმნის: “ამბროზია“- ძველბერძნულ მითოლოგიაში - ღმერთების არომატული საკვებია, რომელიც მათ უკვდავებას ანიჭებდა. ჩვენი სახელი ხაზს უსვამს ჩვენს განსაკუთრებულობას და მომხმარებლებს მიანიშნებს, რომ პროდუქცია არის ღირებული. ასევე, ჩვენი შეფუთვა და დიზაინი მეტყველებს, რომ კომპანია ორიენტირებულია ნატურალური პროდუქტის წარმოებაზე. ლოგო კი მიუთითებს, რომ პროდუქტი ეროვნული წარმოებისაა და ჯანსაღია. მყიდველის მომსახურება პროდუქტის შემადგენელი ელემენტია. ბაზარზე კომპანიის შეთავაზება მოიცავს თანმხლებ მომსახურებებს. ჩვენ შევისწავლით ბაზარზე არსებულ მომხმარებლების პრეტენზიებს და იმას, თუ რა არ მოსწონთ მათ ჩვენს პროდუქტში, რათა დავნერგოთ ამ პრობლემების აღმოფხვრის სისტემა. ქილას დავუმატებთ პატარა კოვზს, რომლითაც შესაძლებელი იქნება თაფლის ამოღება. მაქსიმალურად შევეცდებით ჩვენი მომხმარებლისთვის ჩვენივე პროდუქტი იყოს კომფორტული. ჩვენი პროდუქციის სერია, რა თქმა უნდა, მოიცავს რამდენიმე სახეობის თაფლს, მათ შორის: მაისის, აკაციის, მდელოს, ცაცხვის, ფიჭით. ჩვენს სერიაში ასევე შედის ცალკე ფიჭის, ფიჭისა და ცვილის რეალიზაცია. როგორც ვიცით, ეს პროდუქტები გამოიყენება როგორც მედიცინაში, ასევე სანთლების დასამზადებლად. ასევე მნიშვნელოვანი ფაქტორია პროდუქტისთვის ფასის მინიჭება. ფასი არის ფულის რაოდენობა, რომლითაც შეფასებულია პროდუქტი ან მომსახურება. ვრცლად თუ განვმარტავთ, იგი ფასეულობების ჯამია, რომელსაც მომხმარებელი განსაზღვრულ სარგებელზე ცვლის. როგორც ვიცით, კომპანიის ფასწარმოქმნა დამოკიდებულია იმაზე, მუშაობს თუ არა იგი ეროვნული ფასადკლების მიწოდების ჯაჭვით, იყენებს თუ არა მაღალი ხარისხის სპეციალიზებულ მაღაზიებს, ახორციელებს თუ არა პირდაპირ გაყიდვებს ვებ-გვერდების საშუალებით. რადგან ჩვენი პროდუქცია არის ჯანსაღი, ნატურალური, ეკოლოგიურად სუფთა და სასარგებლო, შესაბამისად ჩვენი ფასი იქნება კონკურენტუნარიანი. ჩვენი თაფლი , 1 ლიტრი, ეღირება 16 ლარი, ხოლო 1 კილოგრამი თაფლი 23 ლარი. თუმცა, ჩვენ თაფლს მხოლოდ კილოგრამობით არ გავყიდით და გვექნება პატარა შეფუთვები გრამობით. მინის ქილაში მოთავსებული 300 გრამი თაფლი ეღირება 6 ლარი, ხოლო 500 გარმიანი შეფუთვა 8 ლარი. საწყის ეტაპზე, სანამ თაფლი ბაზარზე მყარ ადგილს არ დაიკავებს, ერთგული მომხმარებლის მოსაზიდად და შესანარჩუნებლად, გამოვიყენებთ დინამიკურ ფასწარმოქმნას, რაც გულისხმობს მომხმარებლებსა და ასოციაციებზე დაყრდნობით სხვადასხვა ფასის დაწესებას. მაგალითად, ერთგულ მომხმარებელს ყოველი მომდევნო ლიტრ თაფლს 16 ლარის ნაცვლად მივყიდით 15 ლარად. ფასწარმოქმნის გადაწყვეტილებაზე გავლენა მოახდინა ჩვენი საწარმოს შიდა და გარე ფაქტორებმა. ესენია ბაზარი, მოთხოვნა, კონკურენცია, ეკონომიკა, მარკეტინგული მიზნები, მარკეტინგული კომპლექსის სტრუქტურა, ხარჯების სტრუქტურა, ორგანიზაციული შეხედულებები. ანუ ჩვენ მიერ 1 ლიტრ, 1 კილოგრამ და 300-500 გრამიან თაფლზე დაწესებული ფასები ჩამოთვლილი ფაქტორების გათვალისწინება-შეჯერებითაა მიღებული.
1 კილოგრამი თაფლის ფასის ქვედა ზღვარი იქნება 20 ლარი, ხოლო ზედა ზღვარი 25 ლარი. ხოლო ფასის ელასტიურობის, ანუ ფასზე მოთხოვნის მგრძნობიარობის საზომის მიხედვუთ, ჩვენ ფასს შევცვლით ზედა და ქვედა ზღვრებს შორის. მიუხედავად იმისა, რომ ჩვენი პროდუქტის ფასეულობა მისი მარგებლიანობისა და ქიმიური შემადგენლობის თვალსაზრისით, მაღალია, საწყის ეტაპზე ხარჯზე და არა ფასეულობაზე დაფუძნებულ ფასწარმოქმნას გამოვიყენებთ. მისი მოდელი ასეთია: პროდუქტი ხარჯი ფასი ფასეულობა მომხმარებელი ჩვენი ფასწარმოქმნა თავიდან იქნება ნულოვანმომგებიანი, ანუ პროდუქტის წარმოების ხარჯებისა და და პროდუქციისგან მიღებული შემოსავლის თანხვედრის წერტილზე ორიენტირებული. მიუხედავად იმისა, რომ საქართველოში თაფლის ბიზნესი საკმაოდ განვითარებულია, ჩვენი პირდაპირი კონკურენტების, ანუ უშუალოდ თაფლის მწარმოებელი კომპანიების რაოდენობა მცირეა, ამიტომ ჩვენ არ მივმართავთ კონკურენციაზე დაფუძნებულ ფასწარმოქმნას. ფასწარმოქმნის განხილვისას ასევე მნიშვნელოვანი კომპონენტია ფასდაკლებები და ფასადათმობები. მომხმარებელთა წახალისების მიზნით მოვაწყობთ სხვადასხვა მასტიმულირებელ კამპანიებს, რომლის ფარგლებში, პროდუქტის შეძენისას მყიდველს გადაეცემა სახვადასხვა სამახსოვრო საჩუქრები; მაგალითად, კალამი, პატარა კალენდრები და სუვენირები კომპანიის ლოეგოებით. ასევე ხშირად მოეწყობა ფასდაკლებები სხვადასხვა ზომის შეფუთვებზე.
„ამბროზიის“ პროდუქციის განვითარების ერთ-ერთი მთავარი საშუალებაა მარკეტინგული არხი ( სადისტრიბუციო არხი). მარკეტინგულ არხი კომპანიის მიმწოდებლების, დისტრიბუტორებისა და უშუალოდ მომხმარებელთა მიერ შექმნილი სისტემაა, რომელიც ორიენტირებულია მთლიანი პროდუქციის გაუმჯობესებაზე. დისტრიბუციაზე პროდუქტის განვითარების დიდი ნაწილია დამოკიდებული, დიდი მნიშვნელობა აქვს თუ როგორ ეკიდება დისტრიბუტორი პროდუქტს, უბრალოდ მოვალეობას ასრულებს, თუ ცდილობს იზრუნოს პროდუქტის განვითარებასა და ხალხში ცნობადობის გაზრდაზე. კომპანიის გადაწყვეტილება სადისტრიბუციო არხთან დაკავშირებით, ნებისმიერ სხვა მარკეტინგულ გადაწყვეტილებაზე პირდაპირ გავლენას ახდენს. თავდაპირველად ჩვენი მიზანია პროდუქციის ინტენსიური დისტრიბუცია, ანუ რაც შეიძლება მეტ სავაჭრო წერტილში განთავსება. ამით გავზრდით როგორც ცნობადობას, ასევე გავიგებთ მომხმარებლის დამოკიდებულებას ჩვენს პროდუქტზე. საწყის ეტაპზე პროდუქტის დახლებზე განსათავსებლად ჩვენ გამოვიყენებთ არაპირდაპირ მარკეტინგულ არხს, რომელიც შედგება ერთი ან მეტი შუამავალი დონისგან. ჩვენ ხელშეკრულებას გავაფორმებთ ყველაზე დიდ ქართულ სადისტრიბუციო კომპანია „ომეგასთან“, რომელიც დაკისრებულ სამუშაოს კვალიფიციური თანამშრომლების დახმარებით ხარისხიანად შეასრულებს. მოგვიანებით, როცა უკვე „ამბროზია“ მტკიცედ დაიკავებს ადგილს ბაზარზე, კომპანია თავად გააგრძელებს პროდუქციის დისტრიბუციას, რადგან გვექნება შესაბამისი ფინანსები, რათა ვიყიდოთ შესაფერისი გადამზიდი მანქანები და დავიქირავოთ თანამშრომლები ფიზიკური დისტრიბუციისათვის და, საჭიროების შემთხვევაში, გადავამზადოთ ისინი. იმის გათვალისწინებით, რომ მომავალში იგეგმება „ამბროზიის“ სახელით ბრენდული მაღაზიების გახსნა, კომპანიის გადაწყვერილება, რომ სამომავლოდ, თავად გააგრძელოს დისტრიბუცია, გამართლებულია. ეს კომპანიის წარმატების ერთ-ერთი მაჩვენებელი იქნება. ასევე კომპანიის ლოგოთი მოძრავი ავტომობილები შეიძლება წარმოვიდგინოდ უფასო რეკლამად, რადგან, ცხადია, მომხმარებლებისთვის შეუმჩნეველი არ დარჩება მთელი დღის განმავლობაში ქალაქში მოძრავი ეს ტრანსპორტი. ახლა კი უფრო კონკრეტულად განვიხილოთ „ამბროზიის“ ინტეგრირებული მარკეტინგული კომუნიკაცია: რეკლამირება, გაყიდვების სტიმულირება, საზოგადოებასთან ურთიერთობა, პერსონალური გაყიდვები და პირდაპირი მარკეტინგი. კომპანია პროდუქციის გაყიდვის მხარდასაჭერად დიდ მნიშვნელობას ანიჭებს რეკლამირებას. ჩვენთვის ყველაზე მისაღებია სატელევიზიო რეკლამები, რომლის უპირატესობა ისაა, რომ შევძლებთ მასობრივი ბაზრის დაფარვას; დაბალი ხარჯი ერთ მაყურებელზე მოიცავს გამოსახულებას, ხმას და მოძრაობს და აღძრავს ემოციებს. ასე უფრო სრულყოფილად გადავცემთ მომხმარებელს სათქმელს და მეტად ეფექტური იქნება, რადგან კარგი, საინტერესო და ხარისხიანი რეკლამა მაყურებელს ყოველთვის ამახსოვრდება. მაგრამ, რა თქმა უნდა, ამ დადებით მახასიათებლებთან ერთად სატელევიზიო რეკლამას აქვს უარყოფითი მხარეებიც, კერძოდ: მაღალი მთლიანი ხარჯი, ქაოსურობა, აუდიტორიის შეზღუდული შერჩევითობა და ზერელე ზეგავლენა; მათ იწვევს უამრავი მიზეზი. მაგალითად, ბევრი ადამიანი თავს არიდებს რეკლამებს. რაიმე გადაცემის ყურებისას რეკლამის დროს ხშირად ადამიანი სხვა არხზე გადართავს, რადგან არ სურს მოისმინოს უამრავი რეკლამა, ან რეკლამის პერიოდში იმ საქმეს უბრუნდება, რომლითაც მანამდე იყო დაკავებული. თუმცა, ექსპერტების უმრავლესობა სატელევიზიო რეკლამას ყველაზე ეფექტურად მიიჩნევს და ამ ფაქტორის გათვალისწინებითაც უპირატესეობას რეკლამირების ამ სახეობას ვანიჭებთ. თავდაპირველად, ჩვენი სატელევიზიო რეკლამა იქნება ინფორმაციული, მომხმარებელი გაიგებს, რომ ბაზარზე ახალი პროდუქტია და ასევე გაეცნობა მის მახასიათებლებს. რეკლამა ხაზს გაუსვამს პროდუქტის ნატურალურობას, საწაროში არსებულ მდგომარეობას და სხვა მახასიათებლებს. ე.ი. მომხმარებელი მაქსიმალურ ინფორმაციას მიიღებს პროდუქციის შესახებ და გაუქრება ყველა შესაძლო მცდარი შთაბეჭდილება. ამ ეტაპზე, ასევე, შესაძლებელია, დამარწმუნებელი რეკლამის გამოყენება ბრენდზე მოთხოვნის შესაქმნელეად, რათა წავახალისოთ მყიდველი აღნიშნული პროდუქციის შესაძენად და შევუცვალოთ მათ აღქმა პროდუქტის მახასიათებლებზე. შემდეგ ეტაპზე, როცა უკვე „ამბროზია“ მტკიცე ადგილს დაიკავებს ბაზარზე, ჩვენს რეკლამებს დაემატება შემახსენებელი რეკლამები, რომლის მეშვეობითაც მყიდველს შევახსენებთ ჩვენი პროდუქტის შესახებ და იმას, თუ სად შეუძლია იყიდოს ის. ასევე შევეცდებით მომხმარებლის ცნობიერების შენარჩუნებას. ახლა კი, განვიხილოთ რეკლამების შინაარსი. დასაწყისისთვის გვექნება მომხმარებელში ინტრიგის შემომტანი რეკლამები, რათა ბაზარზე გამოჩენამდე მყიდველი დავაინტერესოთ პროდუქტით და წავახალისოთ შეძენისთვის. ამ რეკლამებში პარალელურად გაცხადებული იქნება, რომ „ამბროზია“ ნატურალური, ეროვნული და სასარგებლოა. უშუალოდ ბაზარზე გამოჩენისას შეიცველბა რეკლამის ხასიათი, ნაჩვენები იქნება კონკრეტულად პროდუქტი და მომხმარებელი, რომელიც კმაყოფილია შენაძენით და აღფრთოვანებული მისი არომატით, გემოთი, შეფუთვით, დიზაინით და სხვა მახასიათებლებით. ასევე ვაჩვენებთ, რომ მიყდველისთვის ჩვენი პროდუქცია ასოცირდება ბუნებრივთან და საუკეთესო ხარისხთან. სატელევიზიო რეკლამებისთვის, ჩვენ არჩევანი შევაჩერეთ საოჯახო ტელევიზიებზე, რომლებსაც დღის განმავლობაში ყველა ასაკისა და ცხოვრების სტილის მაყურებელი ჰყავს. მაგალითად, პირველი არხი, რუსთავი 2, იმედი და სხვა. ამიტომ, „ამბროზიის“ შესახებ გაცილებით მეტი ადამიანი შეიტყობს, ვიდრე რომელიმე თემატურ ტელევიაზიაში განთავსებისას მოხდებოდა. ჩვენ ავირჩიეთ ტელეკომპანია რუსთავი 2, რადგან დღესისათვის იგი საქართველოში ყველაზე რეიტინგული არხია. ამ არხზე რეკლამის ფასები შემდეგია: პოზიცია: ზომა: ფასი(1თვე)
A1-A2 208x110 1000
A3-A5 208x110 800
A6-A7 312x140 1000
A8-A9 312x140 800
B1-B2 123x82 500
B3-B4 123x82 250
B9-B11 186x110 350
B5-B8 123x82 200
B12-B15 186x110 200
3 თვით განთავსების შემთხვევაში -5%,
6 თვით განთავსების შემთხვევაში-10%
12 თვით განთავსების შემთხვევაში-15% ფასები მოცემულია ლარებში დღგ-ს ჩათვლით ჩვენ შევარჩიეთ 1000 ლარის ღირებულების პაკეტი, რათა რეკლამა ხშირად გამოჩნდეს სატელევიზიო სივრცეში და მომხმარებელმა ხშირად მოისმინოს ინფორმაციას ახალ პროდუქტზე. სატელევიზიო რეკლამებთან ერთად, აქტიურად განვახორციელებთ გარე რეკლამირებას, რადგან იგი მოქნილია, აქვს დაბალი ხარჯი და განმეორებით გამოყენებისა და ადგილის შერჩევის შესაძლებლობა. ეს საშუალებაც დაგვეხმარება ინფორმაციის მასობრივად გავრცელებაში. რაც შეეხება გაყიდვების სტიმულირებას, ამ მიმართულებით ჩვენი მიზანია როგორც მოკლევადიანი, ასევე გრძელვადიანი გაყიდვების წახალისება საბაზრო წილის ფორმირების ხელშეწყობის მიზნით. ამისათვის, ჩვენ გამოვიყენებთ მომხმარებელთა სტიმულირების საშუალებებს, როგორებიცაა, ნიმუშები, კუპონები, ერთიანი ფასი, პრემიები, სარეკლამო ატრიბუტიკა, სპეციალური ჯილდოები, შესყიდვის ადგილზე სტიმულირება და ასევე დემონსტრირება, შეჯიბრებები, კონკურსები და თამაშები. თითოეული მათგანი უკვე დიდი ხანია აქტიურად გამოიყენება ქართულ ბაზარზე, თუმცა აღნიშნულ აქციებს არ იყენებს არცერთი ქართული თაფლის კომპანია, ეს კი დადებითად იმოქმედებს ჩვენს გაყიდვებზე. სტიმულირებისთვის ასევე გამოვიყენებთ ინფორმაციულ შეხვედრებს სკოლის მოსწავლეებთან, რომლებსაც გავაცნობთ თაფლის სასარგებლო თვისებებს მინი პრეზენტაციის სახით, მოვაწყობთ დეგუსტაციას და , რაც ყველაზე მთავარია , ორგანიზატორები (პრეზენტატორები) გამოწყობილნი იქნებიან ფუტკრის ფორმებში, რათა მოსწავლეთათვის უფრო საინტერესო გახდეს მიმდინარე პროცესი. კიდევ ერთი მნიშვნელოვანი საკითხია საზოგადოებასთან ურთიერთობების სწორად მართვა, რაც დაგვეხმარება სასურველი საჯაროობის მოპოვებაში, კარგი კორპორაციული იმიჯის შექმნაში, არასასურველი მითქმა-მოთქმისა და ისტორიების თავიდან აცილებაში. საზოგადოებრივი ურთიერთობის მართვის განყოფილება დაეხმარება კომპანიას პრესასთან ურთიერთობაში, პროდუქტის გასაჯაროებაში, ლობირებაში, ინვესტორებთან ურთიერთობასა და განვითარებაში, და რაც ყველაზე მთავარია , იგი მომხმარებელს აქტიურად მიაწვდის უახლეს ინფორმაციას კომპანიასა და პროდუქტთან დაკავშირებით, რათა მომხმარებლები არ აღმოჩნდნენ რაიმე სახის გაურკვევლობაში. ამ განყოფილების ერთ-ერთი მნიშვნელოვანი საშუალება იქნება PR-ი, რომელიც დაგვხმარება მიზნობრივ მომხმარებელთან უშუალო კავშირის დამყარებაში. უფრო კონკრეტულად კი, PR-ის ქვედანაყოფის თანამშრომლები აქტიურად მოაწყობენ გარე აქციებს, სადაც გათამშდება სხვადასხვა პრიზი. პერსონალური გაყიდვების მიმართულებიდან ჩვენთვის განსაკუთრებული მნიშნელობისა არიან გაყიდვების კონსულტანტები, გაყიდვების აგენტები და პერსონალური მენეჯერები. ისინი უშუალო მონაწილეობას მიიღებენ გაყიდვებში. გაყიდვების აგენტებზე და კონსულტანტებზე იქნება დამოკიდებული, რომ სუპერმარკეტებში შესულ მომხმარებლებს უყურადღებოდ არ დარჩეთ ჩვენი პროდუქცია. ამ მიმართულებით ჩვენ ასევე გვექნება პერსონალური გაყიდვების ტერიტორიული სტრუქტურა, ანუ ვიზრუნებთ იმაზე, რომ თითოეულ გეოგრაფიულ ტერიტორიაზე მიმაგრებული გვყავდეს რეალიზატორი, რომელიც გაზრდის გაყიდვების კონსულტანტის მუშაობის ეფერქტურობას და შესაბამისად ეს დადებითად იმოქმედებს რეალიზებული საქონლის რაოდენობაზე. ამ მიმართულებით ჩვენ გვეყოლება კვალიფიციური თანამშრომლები, რომლებსაც შევარჩევთ კონკურსების საშუალებით და საჭროების შემთხვევაში, მათ ჩავუტარებთ ტრენინგებს, რათა მათ მიერ შესრულებული სამუშაო უფრო ეფექტური გახდეს. და ბოლოს, ჩვენთვის კიდევ ერთი მნიშვნელოვანი მიმართულება ინტეგრირებული მარკეტინგიდან არის პირდაპირი მარკეტინგი, რომლის დახმარებითაც ჩვენ დავამყარებთ პირდაპირ კავშირს მიზნობრივი ბაზრის ინდივიდუალურ პირებთან მყისიერი საპასუხო რეაქციისთვის და ასევე გრძლევადიანი ურთიერთობისთვის. ამისათვის ჩვენ გამოვიყენებთ მყიდველთა მონაცემთა ბაზებს. პირდაპირი მარკეტინგის გამოყენებით სარგებელს მივიღებთ როგორც ჩვენ, ასევე მომხმარებლები. მათ უფასო ცხელი ხაზის ან ვებ-გვერდის მეშვეობით შეეძლებათ ჩვენთან დაკავშირება და ნებისმიერი ინფორმაციის მიღება „ამბროზიასთან“ დაკავშირებით. ჩვენ კი შევძლებთ მომხმარებელთა მოთხოვნილებებზე შეთავაზების მორგებასა და ამ შეთავაზების სტიმულირებას პერსონალური კომუნიკაციის საშუალებით და ასევე შევძლებთ იმ მყიდველებთან დაკავშირებას, რომლებთანაც ურთიერთობა სხვა არხების გამოყენებით შეუძლებელია. სანამ დასკვნას გავაკეთებდეთ, მანამდე უფრო დაწვრილებით გავეცნოთ გამოკითხვის შედეგებს. გამოვიკითხეთ 150 ადამიანი. სქესი | რაოდენობა | პროცენტი | მდედრობითი | 120 | 80% | მამრობითი | 30 | 20% | ასკი | რაოდენობა | პროცენტი | 15 – 20 | 6 | 4% | 21 – 25 | 54 | 36% | 26 და ზევით | 90 | 60% |

ხართ თუ არა თაფლის მომხმარებელი? | რაოდენობა | პროცენტი | კი | 81 | 54% | არა | 9 | 6% | იშვიათად | 60 | 40% | მხოლოდ ახალი წლის პერიოდში | 0 | 0 |

რომელი სახეობის თაფლს ანიჭებთ უპირატესობას? სახეობა | რაოდენობა | პროცენტი | მაისის | 30 | 20% | ცაცხვის | 30 | 20% | აკაციის | 15 | 10% | მდელოს | 0 | 0 | წაბლის | 15 | 10% | თაფლისა და ფიჭის კომბინაცია | 60 | 40% |

ძირითადად სად ყიდულობთ თაფლს? ადგილი | რაოდენობა | პროცენტი | სუპერმარკეტებში | 45 | 30% | მცირე მაღაზიებში | 24 | 16% | მოყვარული მეფუტკრეებისგან, რომლებიც კარდაკარ ყიდიან თაფლს | 81 | 54% |

თაფლის მწარმოებელ რომელ ქართულ კომპანიას იცნობთ? კომპანიის დასახელება | რაოდენობა | პროცენტი | „შპს მეთაფლია“ | 9 | 6% | „გეო-ნატურალი“ | 9 | 6% | „მაჭახელას დათუნია“ | 18 | 12% | „ფეფე“ | 9 | 6% | არცერთს | 105 | 70% |

თაფლის მწარმოებელ რომელ უცხოურ კომპანია იცნობთ? კომპანიის დასახელება | რაოდენობა | პროცენტი | „ტენტორიუმი“ | 90 | 60% | „ბი-მუვი“ | 3 | 2% | „ტრევორსი“ | 0 | 0 | არცერთს | 57 | 38% |

ისურვებდით თუ არა ქართული კომპანიის მიერ წარმოებული ახალი თაფლის ყიდვას? | რაოდენობა | პროცენტი | კი | 72 | 48% | არა | 45 | 30% | არ ვიცი | 33 | 22% |

რა ფასი იქნება თქვენთვის ხელსაყრელი 1 კილოგრამი თაფლის შეძენისას? ფასი | რაოდენობა | პროცენტი | 15 – 20 ლარი | 132 | 88% | 21-25 ლარი | 18 | 12% |

დასკვნის სახით შეგვიძლია აღვნიშნოთ, რომ ბაზრის შესწავლამ და მოსახლეობის გამოკითხვამ ცხადყო, რომ ბაზარზე ახალი, ქართული, ნატურალური თაფლის შემოსვლა დადებითად იმოქმედებს ყველა მათგანზე და ფასებიც მისაღები იქნება. ამიტომ კარგი მარკეტინგული კამპანიის და რეკლამირების დახმარებით „ამბროზია“ აუცილებლად მოთხოვნადი და გაყიდვადი პროდუქტი გახდება.