PAGSUSURI NG MAIKLING KWENTO
PAMUMULAKLAK
Consolacion L. Mantaring
MGA TAUHAN: Pangunahing Tauhan:
Roberto Miraflores- lalaking dati’y isang utusan na pumatay ng tao na nakapagbagong buhay.
Rosario de la Paz- maganda at batang-batang ina na balo, na mapapangasawa ni Robing. Pangalawang Tauhan:
Martin de la Paz- kapatid ni Rosario na isang mapagsamantala.
Eduardo Mirasol- mayamang ginoo; inutusan si Robng upang pumatay ng tao.
Delfin Mirasol- kapatid ni Eduardo na asawa ni Tesa.
Tesa- balo na may dinadalang sanggol sa sinapupunan at gusting ipapatay ni Eduardo.
Totoy- sanggol na nagpanagong buhay kay Robing. A. TAGPUAN:
Sampalok
B. Buod:
Isang maganda at batang-batang ina ang katabi ni Robert Miraflores sa upuang pantatluhan ng tren. Hawak nito ang isang sanggol. Nagkaugnay ang mga paningin nila ng sanggol, ngumiti ito nang buong kawalang-malay, nagpapalag at nang biglang nakahulagpos ang isang kamay ay umaragwad sa kanyang dako sabay hawak at sabunot sa kanyang buhok. Sa nangyaring iyon may dalawang magkaibang larawan ang napatambad sa paningin ni Robing. Ang sa sanggol ay kapayapaan at kawalang-malay; ang sa inaay pag-aandukha, unawa at pag-ibig. Habang nasa biyahe, nakilala nito ang kapatid ni Rosario na si Martin at sa pag-uusap nila nabanggit ni Robin gang kanyang pakay at agad naman nitong inalok na doon nalang sa Sampalok magtuloy at doon nalang magtrabaho. Pumayag naman si Robing at nakituloy sa kania. Mag-iisang taon na ring nakikipanuluyan si Robing sa bahay ng magkapatid na si Rosario at Martin. Tumutulong si Robing sa mga gawaing bahay tulad ng, pag-igib ng tubig, pagsibak ng kahoy at iba pa. Lumalapit din ang loob niya sa sanggol ganoon din ang sanggol sa kanya habang siya ay lumalaki. Hinahanap-hanap ng sanggol ang kanyang presensiya. Sa mga nangyari sa buhay ni Robing, hindi niya ito maipaliwanang dahil sa laki ng pagbabago sa buhay niya. Isa siya dating kilalang maton sa lugar nila sa Tundo. Simula noong nakasabay siya kay Rosario sa tren doon na nagsimula ang pagbabago ng buhay niya. Hindi totoong pupunta si Robing sa Tayabas upang magtrabaho kundi upang sundan, subaybayan, at iligpit ang isang balo na may dinadala sa sinapupunan na sanggol. Binayaran si ni Eduardo Mirasol upang pataying ang babae dahil sa pamana. Nais niyang hindi makuha ng sanggol ang pamana, ang sanggol ang anak ni Delfin na siyang magmamana subalit namatay siya kaya ang anak niya ang magmamana nito, pero pilit pinipigilan ni Eduardo dahil gusto niyang sakanya mapunta ang mana. Hindi makapaniwala si Rosario sa nakita niya, mga kawayang nagkalat dahil sa ginawa ni Robing. Sinira niya ang higaan niya dahil hinahanap niya ang limang libo na binigay ni Eduardo sa kanya kabayaran ng utos niyang pagpatay. Sa sandaling iyon, inamin na ni Robing ang talagang pakay niya ayon ay ang pumatay. Sinabi niya na hindi siya yung Robing nakilala niyang mabait. Nagulat naman doon si Rosario lalo na sa mawawalang pera dahil nahalata niya si Martin na sagana sa pera ngayon at naisip niya na baka kinuha niya iyon. Sinabi ni Robing na wala na siya sa luagr pa upang tumuloy bas a bahay nila Rosario at Martin. Kaya napagdesisyunan niyang umalis na rito. Pero pinigilan ito ni Rosario dahil sa nabuong pagmamahalan. Matuling lumipas ang limang taon. Magkaisang-puso na si Robing at si Rosie. May tatlong anak. At sila ay parehong nagtatrabaho. Ipinasya ni Robing na lumuwas dahil hahanapin niya ang mayamang si Eduardo upang isuli ang naipong limang libong piso, ng siya ay magkaroon ng trabaho nag-ipon siya para doon. Naisip ni Robing na baka hindi na siya makilala ni Eduardo dahil nagbago ang itsura ni Robing dahil sa dalawampu’t anim na taong nakaraan. At nakarating nga at nahanap ni Robing ang bahay ni Eduardo. Kumatok siya at ang utusan ang nakaharap niya, sinabi niya na ang pakay niya ay si Eduardo. Gayun nga hindi nakilala ni Eduardo si Robing ng nagkita sila, at nagpakilala naman si Robing. Laking gulat nalang na si Tesa ang dapat ay papatayin niya ay naninirahan sa bahay ni Eduardo. Nagulat rin siya noong nagpasalamat si Eduardo kay Robing dahil sa hindi pagsunod na patayin si Tesa. Kabiyak na ni Eduardo si Tesa ngayon. Bumalik na muli si Robing sa Sampalok matapos makausap si Eduardo. Habang siya ay nasa biyahe, nakakita siya ng magagandang pangitain at napangiti na lamang ito. Gumapang ang kapayapaan sa buong katauhan ni Robing, at nag-uumapaw ng luwalhati ang puso at kaluluwa. Dala ni Robing sa kanyang pag-uwi ang kapayapaang bunga ng pagpapakabuti na hitik sa bulaklak ng kasaganaan.
SULIRANIN NG KWENTO:
Ang suliranin ng kwento ay ang kung paano mapapalitan ni Robing ang limang libong piso na nawawala. Hindi niya inaasahan na ganito pala ang mangyayari sakanya.
KASUKDULAN NG KWENTO:
Ang kasukdulan ng kwento ay isa na ang kanyang pagbabagong buhay at ang pagkahinga ng maluwag ni Robing dahil sa ganda ng nangyari noong lumawas siya sa Sampalok upang hanapin si Eduardo. Hindi na niya kailangan pang mangamba at napasakanya pa ang limang libong inipon niya para sa pambayad. Naging mapayapa siyang bumalik at nakamtam ang kasiyahan sa buhay.
TUNGGALIAN:
Sa kwento ang tunggalian ay Tao vs. Tao, dahil kalaban niya dito ang kanyang sarili kung paano niya haharapin ang problema kinakaharap niya para makamtan ang nais niya sa buhay.
WAKAS:
Naging mapayapa nga ang buhay ni Robing. At nakaaninag pa siya ng magandang pangitain sa buhay. Gumapang ang kapayapaan sa buo niyang katauhan, at nag-uumapaw sa luwalhati ang kanyang puso at kaluluwa.
MGA ARAL:
*Mapaglaro ang buhay kaya kailangan nating maging matibay.
*Mas aapaw pa rin ang kabutihan kaysa sa kasamaan.
*Kung may kailangan man tayong baguhin sa buhay, baguhin na dahil ito ang solusyon natin sa ikakaganda ng buhay.
*Ang nararamdaman natin ang magdadala sa atin sa kabutihan.
*Hindi natin kailangan pang gumawa ng kasamaan, mabuhay na lang tayo sa marangal na paraan.
PALIWANAG SA PAMAGAT: Pamumulaklak ang pamagat dahil pinapahiwatig nito ang pagbabago ni Robing sa buhay, na sa kahit konting bagay lang na nangyari ay malaking tulong na ito sa kanyang pagbabago sa buhay. At bunga naman ng kanyang pagbabago ay ang pagkakaroon ng magandang pamumuhay at mapayapa. Dahil sa pagmumulaklak o ang pagbabago ng isang tao magkakaroon ito ng magandang bunga sa kanyang sarili pati na rin sa mga taong nakapaligid sa kanya.

TAUHANG BILOG:
Roberto Miraflores

TAUHANG LAPAD:
Rosario de la Paz

PAGDULONG GINAMIT SA KWENTO:
Ang pagdulong ginamit sa kwento ay Pagdulog Pormalistiko.