Kabanata 1
Kaligiran ng Pag-aral Ang eroplano ay isang uri ng transportasyon na nakakapagbigay ng malaking tulong sa mga mamamayan upang mapadali ang kanilang biyahe patungo sa malalayong lugar. Ngunit, sa buhay natin ay marami tayong nararamdamang takot. Isa na rito ay ang takot sa pglipad o pagsakay ng eroplano. Ang ganitong uri ng takot ay may iba’t – ibang kadahilanan.
Ang takot sa paglipad ay maaaring pigilan ang isang tao mula sa pagpunta sa isang lugar, bakasyon, o pagbisita sa pamilya at mga kaibigan, at maaari itong sumira sa karera ng isang negosyante sa pamamagitan ng pagpigil sa kanila mula sa paglalakbay patungo sa isang lugar na may kaugnayan sa negosyo o trabaho.
Ang pobyang ito ay nangangailangan ng higit pang pansin kaysa sa karamihan ng iba pang pobya. Dahil ang paglalakbay o pagbiyahe sa pamamagitan ng panghimpapawid na transportasyon kagaya ng eroplano ay kadalasan mahirap para sa isang tao na ito’y iwasan lalo na sa mga propesyonal na konteksto, at dahil ang takot ay kalat na kalat, ito ay nakaaapekto sa isang makabuluhang minorya ng populasyon.
Ikaw ay mapalad kung naranasan mo nang sumakay ng eroplano sapagkat hindi lahat ng tao dito sa mundo ay may kakayahan upang tustusan ang pagsakay sa ganitong uri ng transportasyon.
Para sa mga kagaya rin ng mga mananaliksik na hindi pa naranasan makasakay sa anumang uri ng panghimpapawid na trnasportasyon, marahil ngayon ay sabik na sabik ka na makasakay ng eroplano, sabik ka na makakita ng mga magagandang flight attendant at ang mga kay gandang lalaki na mga piloto na siyang magpapalipad ng iyong sinasakyan, sabik kang malaman kung ano ba ang pakiramdam ng lumilipad sa himpapawid, makita ang mga ulap sa ere na animo’y bulak na lumulutang. Kay sarap isipin, hindi ba? Nakasisiguro ako, ilan pa lamang yan sa mga imahinasyon mo kung wala ka pang karanasan sa pagsakay ng eroplano. Ngunit, ano kaya ang iyong mararamdaman kung ay ikaw ay naroroon na mismo sitwasyon na lumilipad ang eroplano patungo sa lugar na iyong pupuntahan. Masabi mo kayang ito ay magandang karanasan o matatakot kang sumakay pang muli.
Sa mga ayaw naman talagang makaranas sumakay sa ganitong uri ng transportasyon, sa mga nakaranas na ngunit ayaw ng sumakay pang muli, at sa mga hindi pa nakaranas, bilang paghahanda kung sakaling makaramdam kayo ng sintomas ng takot sa paglipad, ang mga mananaliksik ay naghanap ng katugunan na maaaring makatulong sa isang indibidwal upang maiwasan ang takot sa paglipad o pagsakay ng eroplano na makakapagbigay daan upang matamo ang mga bagay na nahadlangan ng kanyang takot.

Pagpapahayag ng Suliranin

Panlahat na Suliranin: Ang pag-aaral na ito ay nakatuon sa paghahanap ng katugunan na maaaring makatulong sa isang indibidwal upang mapagtagumpayan o iwasan ang kanyang takot sa paglipad o pagsakay ng eroplano na nagiging hadlang upang pumunta sa isang lugar sa pamamagitan ng pagsakay ng eroplano.
Mga Tiyak na Suliranin:
Sinikap ng pag-aaral na ito na mabigyang kasagutan ang mga sumusunod na pahayag: 1. Malaman ang mga dahilan ng bawat indibidwal sa kanilang takot sa paglipad o pagsakay ng eroplano. 2.1 Pinagmumulan ng takot ng mga hindi pa nakaranas sumakay ng eroplano o anumang uri ng panghimpapawid na transportasyon. 2.2 Sanhi ng pagkakaroon ng takot ng mga nakaranas ng sumakay ng eroplano 2. Mabigyan ng linaw ang iba’t-ibang kadahilanan ng isang indibidwal sa takot sa paglipad o pagsakay ng eroplano.

Kahalagahan ng Pag-aaral
Ang kahalagahan ng pag-aaral na ito ay makatutulong sa isang inbidwal na may takot sa pagsakay ng eroplano.
Sa isinagawang pananaliksik na ito, ang mga mananaliksik ay nangalap ng mga datos at sapat na impormasyon na may kaugnayan sa salik na ito na maaaring makatulong sa isang indibidwal upang maging kanilang basehan para maiwasan ang takot sa paglipad at malaman ang epekto nito.
Sa pamamagitan ng iba’t-ibang estilo ng pananaliksik, ang mga mananaliksik ay nangalap ng datos mula mga respondente at iba’t-ibang website sa internet. Ito ang magsisilbing basehan ng mga mananaliksik kung bakit may mga taong takot sumakay ng eroplano.
Maaari rin itong magbigay daan upang mas lalo pang maunawaan ang pag-aaral na ito.

Saklaw at Limitasyon Sumasaklaw ang pag-aaral na ito sa dahilan ng isang indibidwal sa takot sa paglipad o pasakay ng eroplano at pag-iwas nito ng ganitong uri ng pobya. Sinasaklaw din nito ang mga taong takot talagang sumakay ng eroplano ngunit napipilitan dahil sa mga pansariling kadahilanan. Nakatuon ang pananaliksik na ito sa mga taong nakaranas ng sumakay ng eroplano ngunit ayaw nang makaranas pang muli at sa mga taong ayaw talagang makaranas na sumakay sa ganitong uri ng transportasyon. Ang mga respondente sa pananaliksik na ito ay mula sa iba’t-ibang paaralan at unibersidad. Namili ang mga mananaliksik ng mga estudyante sa mula Our Lady of Fatima University, Pampanga High School, at New Era University.

Kahulugan ng mga Katawagan Ang bawat termino na mababanggit ay mapapaloob sulating pananaliksik an ito. Ang mga terminong ito ay makakatulong sa mga mambabasa upang maunawaan ng husto ang pag-aaral na ito, mas lumawak ang kanilang talasalitaan at upang maging pamilyar pa sila dito. Nanggaling ang kahulugan ng mga salita sa diksyunaryo, internet, at iba pa.
Aerophobia – takot sa paglipad o iba pang uri ng panghimpapawid na sasakyan katulad ng helicopter.
Airlines - isang samahan na nagbibigay ng isang regular na pampublikong serbisyo ng panghimpapawid na transportasyon sa isa o higit pang mga ruta.
Aviatophobia o Aviophobia – (tignan ang kahulugan ng aerophobia)
Dayagnostiko - sintomas sa pamamagitan ng kung alin ang sakit ay kilala o nakikilala mula sa iba.
Eroplano – isang uri ng transportasyon na naglalakbay sa hangin
Pobya – isang matinding takot sa mhindi maipaliwanag na kadahilanan

KABANATA 2
PAGSUSURI NG MGA KAUGNAY NA LITERATURA AT PAG-AARAL Ang kabanatang ito ay tumatalakay ukol sa mga pag-aaral at mga babasahin na may kaugnayan sa paksa ng pananaliksik na ito. Ayon sa Wikipedia, ang pobya ay walang kadahilanan, matindi at palagiang takot sa isang sitwasyon, bagay, aktibidad, o tao. Ang labis at walang kadahilanang pag-iwas sa kinatatakutan ang pangunahing sintomas ng sakit na ito. Kapag hindi na mapigil ng isang indibidwal ang kanyang takot, o kung nakasasagabal na sa pang-araw-araw na buhay, maaaring magkaroon ng dayagnostiko sa ilalim ng isa sa mga sakit ng pagkabalisa. Ang Pteromerhanophobia naman o kilala bilang isang takot sa paglipad, ay isang takot ng pagsakay ng eroplano, o iba pang panghimpapawid na sasakyan tulad ng helicopter. Ito ay minsan din tinutukoy bilang Aerophobia, Aviatophobia, o Aviophobia.
Ang sintomas ng takot sa paglipad o pagsakay ng eroplano ay isang antas ng pag-aagam-agam kaya mahusay ito na pumipigil sa isang tao mula sa naglalakbay sa pamamagitan ng hangin, o nagiging sanhi ng mahusay na pagkabalisa sa isang tao kapag siya ay naatasan upang maglakbay sa pamamagitan ng hangin.
Ang takot sa paglipad ang maaaring malikha sa pamamagitan ng iba't-ibang mga iba pang mga pobya at takot.
Batay sa about.com ang takot sa paglipad ay maaaring nauugnay sa iba pang mga pobya. Tinatayang may bilang na 25% ng mga tao ang maaaring maapektohan ng ganitong uri ng takot, bagaman ang isang sukdulan takot ay karaniwang mas mababa. Ang pagkaantala sa paglalakbay ay maaaring magpalala sa takot sa paglipad o pagsakay ng eroplano.
Mula sa Phobia Source, ang pPPPPPjhhteromerhanophobia ay isang katanggap-tanggap, hindi makatwiran at matinding takot sa paglipad at malapit na nauugnay sa aviophobia o ang matinding takot na lumipad sa isang eroplano. Ang ganitong uri ng takot ay maaaring dulot ng isang traumatikong insidenteng tunay na naganap at agad na naglikha ng kanilang takot. Ang traumatikong insidente na sanhi ng matinding takot at ang taong iniuugnay ditto ay maaring makatulong sa kanya upang maiwasan ang ganoong sitwasyon. Ang paunang takot ay maaaring walang kinalaman sa paglipad at ang problema ay maaaring magsimula sa isang pagkakataon kapag sila ay nasa ilalim ng matinding stress para sa isang bagay ng talaga hindi kaugnay, ngunit kahit papaano ang isip ay nag-uugnay sa mga negatibong damdamin sa paglipad.
Ang ilang mga indibidwal ay maaaring hindi direktang nakaranas ng takot ngunit maaaring iugnay sa isang tao na nakararanas, maaari itong nangyari sa isang tunay na sitwasyon o napanood lamang sa isang pelikula o pag-iisip tungkol sa isang kahindik-hindik na pagbagsak ng eroplano.Ang takot sa paglipad ang maaaring maging sanhi ng matinding pagkabalisa ng isang tao kapag siya ay pinilit na maglakbay sa pamamagitan ng hangin. Maari silang maatake ng sindak o iba pang mga sintomas ng pagkabalisa tulad ng mabilis na pagtibok ng puso, pagduduwal, at panginginig. Sa matinding kaso, ang pagkasindak ay maaaring sa pamamagitan ng mga galos lamang na pagtingin sa isang sasakyang panghimpapawid o kaisipan o pagbanggit ng mga paglalakbay sa himpapawidTop of Form
Bottom of Form
.Bottom of Form
Ang paggagamot sa mga taong takot sa paglipad o pagsakay ng eroplano ay maaaring sa pamamagitan ng pagbibigay ng kaalaman hinggil sa mga panukalang pangkaligtasan ng mga paliparan ng mga eroplano o airlines at sa pamamagitan ng pag-alam kung paano lilipad isang sasakyang panghimpapawid. Ayon naman sa rehabs.com ang pteromerhanophobia ay malubha at mailalarawan sa pamamagitan ng sintomas pagkasindak, pisikal o sikolohikal kung saan ito ay bihira lamang. Kung hindi magagamot ang ganitong uri ng takot maaari itong bumuo at magdulot nang patuloy na nararanasan ang lahat ng masamang epekto ng nakakaantala sa pang-araw-araw na buhay.

Batayang Konseptwal/Teoretikal at Paradaym (Paradigm)
Takot/Pobya
(Respondente)

Pagsakay (Eroplano)

Dahilan/Sanhi
(Takot/Pobya)

Ang modelong nakalarawan ay tumutukoy sa takot sa pagsakay ng eroplano ng bawat respondente. Inilalarawan dito kung ang dahilan o pinagmumulan ng pobya o takot.

KABANATA 3
PAMAMARAAN NG PANANALIKSIK

Pagkuha ng mga Kasangkot sa Pag-aaral
Ang mga respondente sa pananaliksik na ito ay mula sa iba’t-ibang paaralan at unibersidad. Minabuti ng mga mananaliksik na walang pinipiling respondente batay sa edad, kasarian, o estado. Sapagkat ang pag-aaral na ito ay para sa lahat upang maging handa kung makaranas man ng sintomas ng takot sa paglipad o pagsakay ng eroplano at maiwasan ito.

Pangongolekta ng Datos Iba’t-ibang paraan ang ginamit sa pangongolekta ng datos o impormasyon na makatutulong sa mga mambabasa hinggil sa takot sa pagsakay sa eroplano. Ang pamamaran na isinagawa sa pangangalap ng datos para sa pag-aaral na ito ay nagsimula sa paggawa ng talatanungan at sinundan ng pag-e-edit sa instrumento para maiwasto ang kaayusan ng mga tanong at upang matiyak ang kaangkupan ng mga tanong sa pag-aaral na isinasagawa ng mga mananaliksik. Ang paghingi ng pahintulot sa bawat kalahok ang sumunod. Personal na pinamamahalaan ng mga mananaliksik ang pagbibigay ng mga talatanungan sa bawat kalahok at ibinibigay ang tamang panuto sa pagsagot upang makuha ang nararapat na tugon. Kinalap ang mga instrumento at inihambing ang mga sagot ng bawat kalahok at binigyan ng kabuuan.

Estadistikong Pagtalakay ng mga Datos
Ang ististikal na tritment na ginamit sa pag-aaral na ito ay pagkuha ng porsyento o bahagdan upang makuha ang resulta ng pag-aaral na ito.

Bilang ng Sumagot × 100 Bilang ng Respondent

KABANATA 4
PAGLALAHAD, PAGSUSURI AT PAGPAPAKAHULUGAN NG MGA DATOS
GRAPH 1
Batay sa isinagawang sarbey mula sa limangpung(50) respondente, labingsiyam(19) o tatlumpung walong porsyento((38%) ang nakaranas nang sumakay ng eroplano o iba pang uri ng panghimpapawid na sasakyan. Samantala, Tatlumpu’t isa(31) o animnapu’t dalawang porsyento(62%) ang hindi pa nakaranas sumakay sa nasabing uri ng transportasyon. Samakatuwid, kakaunti pa lamang ang nakaranas ng sumakay ng eroplano.
GRAPH 2

Mula sa labingsiyam(19) o tatlumpu’t walong porsyentong(38%) respondente na nakaranas nang sumakay ng eroplano, Labingdalawa(12) o animnapu’t tatlong porsyento(63%) sa kanila ang nakakaramdam ng takot o nababagabag habang lumilipad o nakasakay ng eroplano. Pito(7) o tatlumpu’t pitong porsyento(37%) naman ang hindi takot o panatag ang loob habang nakasakay ng eroplano.

Graph 3

Batay sa labingdalawa(12) o animnapu’t tatlong porsyento(63%) sa mga respondente na nakakaramdam ng takot habang naksakay ng eroplano, inilalarawan sa graph ang iba’t-ibang dahilan kung bakit may takot sila na nararamdaman habang nakasakay ng eroplano.
Apat(4) o tatlumpu’t tatlong porsyento(33%) ang nagsabing baka kasi bumagsak o magcrash ang kanilang sinasakyan, kung saan karamihan sa mga rerspondente, ito ang dahilan ng kanilang takot base sa naging resulta.
Tatlo(3) o dalawampu’t limang porsyento(25%) mula sa labindalawang(12) respondent ang nagsabing dahil sa mga iniuulat na mga aksidente ng medya, naglilikha ito ng maling impresyon sa mga nakakapanood na ang paglipad o pagsakay ng eroplano ay mapanganib.
Dalawa(2) o labingpitong porsyento(17%) ay nagsabing pagkahilo o pagkalula habang nasa biyahe ang nagiging sanhi ng kanilang takot.
Gayundin ang bilang ng resulta sa mga nakaka-traumang karanasan sa paglalakbay sa himpapawid o anumang naranasang kaganapan na hindi maganda o hindi kanais-nais na konektado sa paglipad ay isa rin sa mga nagiging sanhi ng takot sa paglipad o pagsakay ng eroplano. At ang natitirang isang(1) respondente o walong porsyento (8%) mula sa labindalawang respondente, ay nagsabing baka biglang umuga o magkaroon ng turbulence habang naglalakbay sa himpapawid kaya siya natatakot lumipad o sumaky ng eroplano.
Ang mga respondente na tinutukoy sa graph na ito ay mula sa labingsiyam(19) na nakaranas ng sumakay ng eroplano kung saan labindalawa(12) lamang sa kanila ang may takot sa paglipad o pagsakay ng eroplano.

Graph 4

Ayon sa pitong(7) na respondente na nakaranas nang sumakay ng eroplano ngunit walang nararamdamang takot habang naglalakbay, apat(4) o limampu’t pitong porsyento (57% ) ang sanay na sa paglalakbay sa himpapawid kaya naman hindi sila natatakot sa pagsakay ng eroplano.
Dalawa(2) o dalawampu’t siyam na porsyento(29%) naman ang nagsabing unang beses palang nila nang maranasang sumakay ng eroplano kaya naman mas nangingibabaw ang kanilang pagkasabik.
Halos kapantay din naman nito ang nagsasabing pakiramdam nila ay mas ligtas na sumakay ng eroplano kaysa ibang uri ng transportasyon kung saan isa(1) o dalawampu’t walong porsyento(28%) ang nagsabi nito.

Tunghayan ang mga susunod na graph kung saan ang mga katanungan ay para sa mga hindi pa nakaranas sumakay ng eroplano.

Graph 5

Mula sa tatlumpu’t isa(31) o animnapu’t dalawang porsyento(62%) ng mga respondenteng hindi pa nakaranas sumakay ng eroplano, dalawampu’t siyam(29) o siyamnapu’t apat na porsyento (94%) sa kanila ang nais makaranas sumakay ng eroplano. Dalawa(2) o anim na porsyento(6%) naman ang ayaw talagang makaranas na sumakay ng eroplano.

Graph 6

Mula sa tatlumpu’t isa(31) o animnapu’t dalawang porsyento(62%) ng mga respondente na hindi pa nakaranas sumakay ng eroplano, labinganim(16) o limampu’t dalawang porsyento(52%) sa kanila ang may takot sa pagsakay ng eroplano, gayumpaman, ang ilan sa kanila ay nagsasabing nais makaranas sa pagsakay ng eroplano batay sa graph 4. Labinglima(15) o apatnapu’t walong porsyento(48%) ang nagsabing wala silang takot sa pagsakay ng eroplano.
Bilang resulta, mas mataas ang bilang ng mga may takot sa pagsakay ng eroplano.
Graph 7

Mula sa tatlumpu’t isang(31) respondente na hindi pa nakaranas sumakay ng eroplano, labinganim(16) sa kanila ay may takot sa paglipad o pagsakay ng eroplano.
Ang graph na ito ay patungkol sa mga kadahilanan ng mga respondente kung bakit sila takot o may takot sa pagsakay ng eroplano bagaman hindi pa nila naranasan sumakay dito. Ang may pinakamataas na porsyento, kung saan anim(6) o tatlumpu’t pitong porsyento(37%) sa mga respondente ang nagsasabing baka bumagsak o mag-crash ang eroplanong sasakyan nila kaya sila natatakot sumakay ng eroplano. Lima(5) o tatlumpu’t isang porsyento(31%) naman ang nagsabing dahil sa mga napapanood nila sa medya na mga inuulat na aksidente sa mga eroplano. Sa kabilang dako, tatlo o labingsiyam na porsyento(19%) ang nagsabing baka kasi bumagsak ang eroplano sa tubig. Ang natitirang dalawa(2) o labingtatlong porsyento(13%) ay ang nagsabing baka sila mahilo o malula habang naglalakbay sa himpapawid.

Graph 8

Sa huling graph na ito, inilalarawan kung alin transportasyon ang hindi ligtas sakyan batay sa mga isinagot ng mga respondente ginawang talatanungan ng mga mananaliksik. Humigit kalahati sa mga respondente kung saan dalawampu’t anim o limampu’t dalawang porsyento(52%) ang nagsabing ang pantubig na transportasyon ang pinakadelikadong sakyan katulad ng mga barko, cruiseship at iba pa. Labinganim(16) o tatlumpu’t dalawang porsyento(32%) naman ang nagsabing mas delikado ang panlupa na uri ng transportasyon. Sa kabuuan, ang panghimpapawid na uri ng transportasyon ang ligtas sakyan sapagkat mula sa labinlimang(50) respondente na kalahok sa pag-aaral na ito, walo(8) o labinganim na porsyento(16%) lamang ang sumagot na hindi ligtas upang sakyan ang panghimpapawid na transportasyon.

KABANATA 5
LAGOM, KONKLUSYON, AT REKOMENDASYON
Lagom
Ang pangunahing layunin ng pag-aaral na ito ay matulungan ang isang indibidwal na maiwasan o mapagtagumpayan ang kanyang takot sa pagsakay ng eroplano. Ang pag-aaral na ito ay ginamitan ng metodolohiyang palarawan (descriptive) at pangkalagayang pag-aaral. Sa pamamagitan ng metodolohiyang palarawan ay nailahad ang mga karanasan ng mga respondente batay sa dahilan at epekto ng takot sa pagsakay ng eroplano. Isinagawa nag pag-aaral na ito sa pamamsgitan ng paggawa ng talatanungan at pag-e-edit sa instrumento para maiwasto ang kaayusan ng mga tanong. Matutunghayan sa pananaliksik na ito ang kabuuang ebalwasyon ng mga respondente sa pagkuha ng mga datos hinggil sa takot sa pagsakay ng eroplano. Sa mga impormasyon at datos na nalikom para sa lahat ng may takot sa pagsakay ng eroplano, natuklasan na ang takot na maraming paraan upang maiwasan ang takot sa paglipad bagaman hindi mo ito kayang alisin nang ganoon kadali.

Konklusyon Ang resulta mula sa mga datos na aming nalikom at nailahad, naririto ang ang aming mga batayan na makakatulong sa mg may takot sa paglipad o pagsakay ng eroplano: 1. Ang panghimpapawid na transportasyon ng pinakaligtas na uri ng transportasyon.
Ang mga balitang iniuulat sa medya na naglilikha ng takot ay dahil sa mga aksidente lamang ang kanilang iniuulat at walang sanggunian sa bilang ng mga paglipad na hindi nagtapos sa aksidente. 2. Mas marami ang sumasakay ng eroplano kaysa sa barko papunta sa malalayong lugar. 3. Ang mga piloto na nagpapalipad ng eroplano ay may sapat na kaalaman sa pagpapalipad ng eroplano sapagkat mahabang panahon ang kanilang ginugugol sa pag-aaral bago sila maging isang ganap na piloto. 4. Gayundin ang mga flight attendant na maaaring tumulong kapag nagkaroon ng sintomas ng takot sa pagsakay ng eroplano ang isang pasahero.

Rekomendasyon Kaugnay sa isinagawang pag-aaral, buong pagpapakumbabang iminumungkahi ng mga mananaliksik sa mga kinauukulang indibidwal na may takot sa pagsakay ng eroplano ang mga sumusunod na rekomendasyon: 1. Huwag mabahalang sumakay ng eroplano sapagkat ito ang pinakaligtas na uri ng transpotasyon. 2. Maaaring sumailalim sa dayasnostiko na makakatulong sa pag-iwas sa takot sa pagsakay ng eroplano, basahin sa ibaba: a. Mental health treatment b. Psychotherapy c. Exposure therapy. 3. Tulungan ang iyong sarili na magapi ang iyong takot. Narito ang ilang mga tip: d. Babaan ang iyong pangkalahatang antas ng pagkapagod e. Aliwin ang sarili habang naglalakbay sa himpapawid (Hal. Paglalaro sa gadgets, pakikinig ng musika) f. Kung ikaw ay maglalakbay, magpasama sa isang kaibigan o miyembro ng pamilya bilang taga-suporta.

BIBLIYOGRAPIYA
Mga Sanggunian: * http://tl.wikipedia.org/wiki/pobya * http://en.wikipedia.org/wiki/pteromerhanophobia * http://luxury.rehabs.com/phobias/pteromerhanophobia/ * http://www.phobiasource.com/pteromerhanophobia-fear-of-flying/ * http://phobias.about.com/od/phobialist/aerophobiaprof.htm